2009-11-14

آنا - 2

کیم دیر آنا؟
جوشغون دنیز
او دنیز کی ، بالیغین ساحیله آتماز
گه می سین قانه بویاتماز
کیم ددیر آنا؟
بشردیر
طره ارض دیر
صبحه دک چوخ گئجه یاتماز
سالامات گررسه گوگوغون
هئچ قانه باتماز
کیمدیر آنا؟
بیر قوجالماز دایاقدیر آنا
دایانار ، دریادا دورار
زیروه سی گؤیدن اوجا
آرزوسو ، صبح اویانا
کؤرپه سین اؤپوپ قوجاغینا آلا
زیروه سی ان اوجادیر
آغ گونده گررسه بالاسین
اؤز گونو آغ دیر
آغ – آپ آغ
کیم دیر آنا؟
آنا بیر چیچکلی یاز دیر
اطاعت ائت ، گئنه آزدیر
آنا بیر گوللو باهار
گوله یار بولبولو وار
کیم دیر آنا؟
ان قیمتلی قیزیل دیر
حرمتین ساخلامییان
سارسیلدی اوتوزدو
اوخویان : بال اوغلان

آنا - 1

شعر : وقار احمد
آنا ، اؤز قانینلا یوغوردون منی
سن منه جان وئردین تربیه وئردین
هئچ کیم عوض ائتمز دنیادا سنی
یارپاق تک باشیمین اوسته اسردین
آنا جان بولورم بوتون حیات دا
آنانین باغلی دیر ائولادا جانی
هامی نین بورجودور ساخلاسین یاددا
بالادیر آنانین امیدگاهی
مرامین نیتین بولاغدان دورو
وقارین سارسیلماز داغلاردان دورو
قولومون قدرتی گؤزومون نورو
شرفیم شهرتیم شانیم سان آنا
سن منی یاشادان جانیم سان آنا
باشیمین تاجی سان دئییم دئمه ییم
دئییرسن سینه می اییم
شاد گونومده شادلیغیم داردا کؤمه ییم
گوندوزلر گونش دن پاییم سان آنا
گئجه لر اولدوزوم آییم سان انا
کؤرپه نی آغلاییب اوودور اونو
کؤرپه یه باغلاییب عمرونو
بعضا بیر گئجه نین یوخوسوزلوغو
عوض اولا بیلمز دونیا مالینا
تمنا بیلمه ین سن سن آی آنا
قربان اولوم سنه آی آنا
کیم دئییر سئومه ییر هر ناخلف ائولادی آنا
او نئجه سئومه ییر کی چکیر مین عذابی دردی آنا
دوققوز آی ظلم قارانلیقدا یئدیرده ر بالانی
گئچیره ر غصه کده ر غم گئجه گوندوز زامانی
بعضا عزرائیل اودور یا آنانی یا بالانی
بو عذابلا حیاتا بخش ائده ر ائولادی آنا
کیم دئییر سئومه ییر هر ناخلف ائولادی آنا
یاتماییب تازه ائدیر صبحه قدر سای گئجه لر
اویادار کؤرپه اونو گؤر نه قدیر سای گئجه لر
او ائده ر کؤرپه سینه هر گئجه لای لای گئجه لر
گزدیره ر چینی اوسته اؤز ائولادینی آنا
کیم دئییر سئومه ییر هر ناخلف ائولادی آنا
آنام نه صافدی مقدس دی
دونیادا ان یاخین کس دی
قوروجا نفسی بس دی
دریاداکی قاز سان آنام
جنت مکان باغ سان آنام
نه قدیر کی سازسان آنام
من قولونام آنام منیم
آنام آنام آنام منیم
چوخ سئویملی آنام منیم
خوش گونومه یول آچاندیر
طالعیمه نور ساچاندیر
دئییر قوجالیق هاچاندیر
لای لای دئیه دیل آچاندا
آرخامیزا سو آتاندا
آرزولارا بیز چاتاندا
چوخ سئوینیر آنام منیم
حفظ ائیلین دعاسی دیر
سسی قرآن صداسی دیر
ائلیمیزین آۀناسی دیر
آنام منیم آنام منیم
اوخویان : بال اوغلان

2009-11-07

گل اولاق همدم


هئچ بیلمیرم کیم کوسدوروب
سنی مندن ، منی سندن
دولانیریق خیلی واخدیر
سن ده گئندن ، من ده گئندن
گل اولاق بیر بیریمیزه
سن ده همدم من ده همدم
قلبیمیزی اوزه – اوزه
بس کی هیجران گولدو بیزه
پئنجره دن باخیرام من
اوره گیمی باخیرام من
اوخویوروق عشق الیندن
سن ده غمدن ، من ده غم دن
گل اولاق بیر بیریمیزه
سن ده همدم من ده همدم
*
اوخویان : رضا رضوی

2009-11-04

دفتره منی ده یاز


الده قلم یازان اوغلان
الده قلم یازان اوغلان
او دفتره منی ده یاز
یاز بالا بالا منی ده یاز
آی سرگردان گزه ن اوغلان
آی سرگردان گزه ن اوغلان
اودفتره منی ده یاز
یاز بالا بالا منی ده یاز
یاز منی یاز منی یاز منی
چمنده گوللر دره لر
چمنده گوللر دره لر
دریب وریانا سره لر
من یئتیمی یادا وئره لر
یاز بالا بالا منی ده یاز
قوشام گؤیلرده اوچارام
سنه اوره گیمی آچارام
ایسته سن قوشولوب قاچارام
او دفتره منی ده یاز
یاز بالا بالا منی ده یاز
اوخویان : رضا رضوی
*
<$BlogPageTitle$> - <$BlogDescription$>" /> < <$BlogMetaData$>