2010-03-29

قوجا قارتال

قوجا قارتال نه گزیرسن
داغلار قوینوندا- قوینوندا
بالا گؤزون الاسینی
آغلار قوینوندا- قوینوندا
نییه قلبین دارالیبدی
گول اوستونو خار آلیبدی
شامامالار سارالیبدی
تاغلار قوینوندا قوینوندا

آزافلی ، یاز ، دیله گلمز
اوچدو بلبل گوله گلمز
کئچن کئچدی اله گلمز
چاغلار قوینوندا قوینوندا
*
شاعر : میکائیل آزافلی
اوخویان : صداقت توارن قیزی 
عاشق اولدوز سؤنمز
*

2010-03-28

نییه دؤندو

باشینا من دولانیم هاردا قالمیسان
انتظار گؤومو یولدا قویموسان
ائله معلوم اولور کی مندن دویموسان
گئتدی یار گلمدی آغلاتدی منی
یاریمین غصه سی ساراتدی منی

من سنه نئینه میشم ظالیم بالاسی
وورموسان سینه مه هجران یاراسی
سنی من چوخ سئویرم ندیر چاراسی
گئتدی یار گلمدی آغلاتدی منی
یاریمین غصه سی ساراتدی منی
*
گل ای مهری محبتیم
اوزو مندن نییه دؤندو
آغزی شکر لبی قندیم
اوزو مندن نییه دؤندو
نییه دؤندو نییه دؤندو
اؤزو مندن نییه دؤندو
آغزی شکر لبی قندیم
اوزو مندن نییه دؤندو

آیریلیقدان اؤلومئیدی
یار حسرتی قدیم ایدی
نه دئدیم خطرینه ده یدی
اوزو مندن نییه دؤندو
نییه دؤندو نییه دؤندو
اوزو مندن نییه دؤندو
آغزی شکر لبی قندیم
اوزو مندن نییه دؤندو

اوخویان : صداقت توران قیزی
*

2010-03-27

قاراگؤز

کونلومون قوشو قوندو سنه یار
بیرده قونمویاجاق بیر اؤزگه سینه
اویدور گؤزلریمی آت گینان چؤله
باخسا سندن غیری بیر اؤزگه سینه

قاش گؤزون آی بالام آغلاداندی
گئدک درد بیلن یانینا
آ بالام گؤرک کیم اغلاداندی
عشقیمین گوللری داغلاری بئزه ر
سن سیز بو دونیایا قیلمارام نظر
نازلی یار گمی سی دریادا اوزه ر
یئل ووروب دؤنده ره ر بیر اؤزگه سینه

تک لیگیمین آی بالام داشدی جانی
دؤزوره م هر ظولومه
دئییرلر داشدی جانی
ازلدن بیر غمه یار اولان سن سن
گؤزل لر ایچینده تای اولان سن سن
عزرائیل دونوندا جان آلان سن سن
من نئجه جان دئییم بیر اؤزگه سینه

بئله می ائیلر
اوزوبدور آی بالام بئله می ائیلر
سئون ده سئوه نی آی ظالیم
بئله می ائیلر
آی انصاف سیز گل بیر سوروش حالیمی
گؤرمک نصیب اولسون ماه جمالینی
سن سیز من نئینیرم دونیا مالینی
گل بالا قاراگؤز بالا قاراگؤز بالا
دردیمین درمانی آی قاراگؤز بالا

هر گون شهر قارالیب یاناندا شاملار
شربت سوزوب پایلایاندا جام لار
یامان داریخیرام سن سیز آخشاملار
گل بالا قاراگؤز بالا قاراگؤز بالا
دردیمین درمانی آی قاراگؤز بالا
عاشیق اودور یانار شام کیمی آغلار
یادینا دوشنده او اؤتن چاغلار
سن سیز گول آچارمی باغچالار باغلار
تئز گل آی قاراگؤز آ قاراگؤز بالا
عشقیمین فرمانی آ قاراگؤز بالا

اوخویان : صداقت توران قیزی

عاشیق اولدوز سؤنمز

*

2010-03-21

ائولنمیرم

دونن ییغیلدیلار آنام قارداشیم
ابللاه منی همن ائولندیرمه یه
صحبت لریندن شیشدی آی باشیم
گلین آ دوسلار گلین گؤرمه یه
بیری دئدی گلدی ائولی لیک چاغی
قالمادی باخ بیرجه بئکار یولداشین
ائولنمک ایستییر کیچیک قارداشین
ائولن ائولن ائولن
دئدیم ائولنمیرم ائولنمیرم ال چکین مندن
آنا سوبای لیغی سلطانلیغی آلما الیمدن
یولداشلاریم بیزه تئز - تئز گلردی
ظارافات ائده رک دئییب گولردی
ائولنن لر چوخ گؤرونمورلر گؤزه
گؤره سن نه ایمیش بونلارین دردی
ائولن ائولن ائولن
دئدیم ائولنمریم ائولنمیرم ال چکین مندن

آنا سلطانلیغی بئکارلیغی آلما الیمدن
آنام داهی ائولن دئییر توی گؤروم
تورون تورون اولسون باخ بیر قوجالدیم
یالاندان اشینا منه تاپمایین
ائولنمیرم بوشا عناد ائتمه یین
چوخ موتلویام حوضورلویام من بئله
پیشمیش آشا سویوخ سویو قاتمایین
دئدیلر تنهالیق قلبینی ده لر
یالقیزلیق ایچینده اورک کوفله نر
ائولنمکدن بئله صحبت ائده نده
اوره گیمدن گیزلی جه بیر سس گلدی
یاخشی ائولنیرم ائولنیرم ال چکین مندن
آخیر سلطانلیغی بئکارلیغی آلدیز الیمدن

اوخویان : یودوم
*

2010-03-12

من بیر عاشق

من بیر عاشق سن ده منیم یاریمسان
الهی دن قیسمتیم سن پاییم سان
گوندوز گونش گئجه لری آییمسان
قووشماق ان بؤیوک خیالیم اولدو
یاندیردیلار عشق اودونا کول اولدوق
داغلادیلار گؤزوموزو کور اولدوق
آییردیلار ائل ایچینده خوار اولدوق
شاهد اولسون بو سئوگیمه یارادان
او گؤتورسون بو حسرتی آرادان
اودور بیزی قووشدوروب یاشادان
الیمیز همیشه گؤیلرده اولدو
آیری دوشدو یاریم نییه یولوموز
باشلامادان گلدی بیزیم سونوموز
هله یانیر گؤیده بخت اولدوزوموز
بودا بیزه اومود تسلی اولدو
اوخویان : وصال علی اف
*

2010-03-04

بنؤوشه

بی وفا ، بیلسئیدیم وفان بویوموش
چکردیم سینه مه داغی داغ اوسته
اریدیب اوره ییمین یاغین
وئرمه زدیمسنه من یاغی یاغ اوسته
تؤکردیم اوستومه قاری بورانی
گزدیرمزدیم سنی داغی آرانی
اینینه بیچردیم اؤزوم قارانی
واللاهی بیچمزدیم آغی آغ اوسته
بابایام باغیشلا سهو ائله دیم من
سردیم یوللارینا چیچکلی چم
بئزنمیش عطیرلی سالخیم میوه دن
قیمازدیم من سنه باغی باغ اوسته
یانمیشام کول اولوب سوورولوب سولموشام من
یانمیشین الوودان دئی نه قویخوسو
چیخیبدی جیزلاغیم قوورولموشام من
یانمیشین اودوندان دئ نه قورخوسو
مجنون یاندی کول اولدو لیلی سیله
کرم یاندی کول اولدو اصلی سیله
منصورو اسدیلار بیر کلمه سیله
یانمیشین آلوودان دئی نه قورخوسو
شمع یانبر اریر یوخ اولور آللاه
یاندیقجا غم یوکو چوخالیر آللاه
بابادان بیرجه کول قالیر آللاه
یانمیشین آلوودان دئی نه قورخوسو
آیین بیلر
سیر اوغلو ایین بیلر
سنی ده کئچن گونلر ای گؤزل
اولئیدی ایین بیلر

آی اوزون منی
ساچینا دوزون منی
وفالی یار یاد اولماز
گؤرمه سه یوز ایل منی
گل سنه من قربان آی گؤزل
هر گولون اؤز رنگی وار
نه گؤزل سن بنؤوشه
اینسان گول دن رنگ آلار
نه گؤزل سن بنؤوشه
بیلمیرم هاردان کوسدون
یقین باهاردان کوسدون
بلکی ده یاردان کوسدون
نه گؤزل سن بنؤوشه
آماندی بوکمه بویونو
قالدیر گؤروم بوینونو
ائیلیه جم تویونو
نه گؤزل سن بنؤوشه

اوخویان : بابامیرزه اوف
*
<$BlogPageTitle$> - <$BlogDescription$>" /> < <$BlogMetaData$>