2013-11-26

ساماوار



سن سن منیم بو دونیادا
دولتیم واریم سماوار
سحر تئزدن قایناماسان
یاواندی حالیم سماوار
یانیندا حاضیر اولایدی
کره ائیله بالیم ساماوار
نعلبکی ده قالدی کره
گئدیب گلن یوخ شهره
دوروم گئدیم توکانلارا
شیرینیات آلیم سماوار
تانریدان دولت ایسته مم
بیر جاوان اورتاغیم اولا
ایچینده مرمر حووضوم
گوزل باغچابانیم اولا
گوندن اون -  اون بش آتینان
شاد گلن قوناغیم اولا
کبابلار چکیله شیشه
قوناقلار دوشه تشویشه
بلکه اوندا عشقه دوشه
قاینییا ظالیم سماوار
سنین چایین ایچمییه نده
آشیقلارین سسی باتار
ایچینده دامباتی اولان
سازینی کنارا آتیر
شاعیرلرده رسم بودور
سؤزونو قیمتلی سانیر
منیم آدیم آقاجان دیر
سؤزلریم دور و مرجاندیر
بو سینه م دریا عوماندیر
گئجه گوندوز درسین وئریب
بیر بؤیوک  عالیم سماوار
*
اوخویان : آغاجان
*

No comments:

<$BlogPageTitle$> - <$BlogDescription$>" /> < <$BlogMetaData$>