2013-02-28

گلمه دین



یوللاریندا ایتیلی قالدیم
دؤنگه سینده تیکیلی قالدیم
تنها قالدیم یئتیم قالدیم
من گؤزله دیم سن گلمه دین
گئجه کوسدو آی دا باتدی
یوخوسونا حرام قاتدی
اوره ییمی درد اویاتدی
من گؤزله دیم سن گلمه دین
ائله بیلدین یوخموشام من
اولدوز اولوب آخمیشام من
بو یوللارا یاغمیشام من
گلمه دین
گؤز یاشلاریم دؤنوب سئله
اوره ییمه یاغدی بئله
گؤرن اولدو نییه بئله 
گلمه دین ؟
اومیدلریم منیم اولدو
سئوگین منه غنیم اولدو
منه قالان غمین اولدو
گلمه دین
آخشاملارین گؤزو نم لی
قولاقلارین سؤزو نم لی
حسرتینین اوزو نم لی
من گؤزله دیم سن گلمه دین
گئجه کوسدو آی دا باتدی
یوخوسونا حرام قاتدی
اوره ییمی درد اویاتدی
من گؤزله دیم سن گلمه دین 
اوخویان : قدیر محمد اف ( قیزیل سس )
*

2013-02-27

اولمایایدی



گئت گولوم گئت منه سن جان اوْلاسان ایسته میرم
عشوه لی، سئوگیلی جانان اوْلاسان ایسته میرم
بیرده گؤزیاشی تؤکوب کویینه گلمم گؤزلیم
گؤروب احوالیمی خندان اوْلاسان ایسته میرم
بی وفالیقدا بوتون عالمه مشهور اوْلدون
سن اگر حوری غلمان اوْلاسان ایسته میرم
وورموسان سینه مه مین یاره کفایتدی منه
بو سینیق کؤنلومه درمان اوْلاسان ایسته میرم
بی وفاسن، ده گیلم راضی اؤلندن صونرا
قبریم اوستینده نگهبان اوْلاسان ایسته میرم
پیس گؤنومده منی سالدون نظریندن گئتدین
یاخشی گؤنده منه مهمان اوْلاسان ایسته میرم
واحدین قیمتینی بیلمه دین اینجیتدین اوْنی
هله کی اؤلدو ، پشیمان اوْلاسان ایسته میرم   
*   
هر شئی خیالا دؤندو
وصال هیجرانا دؤندو
آرزولار نه تئز سؤندو
کاش بئله اولمایایدی
گؤزوم هئی یوللار چکیر
یوللار دوروبدو قصدیمه
گلمه یه ایمکان یوخدو
دردیمی من دئییم کیمه
یوخولاریم قاریشیر 
خاطیره لر آلیشیر
هامی بیزدن دانیشیر
کاش بئله اولمایایدی 
*
اوخویان : قدیر محمد اف ( قیزیل سس ) 
*

آیریلدیق



جوشان – داشان بیر دنیزم سئوگیلیم
ائله بیلمه گوله – گوله آیریلدیق
چوخ دئدیم کی عاششیقینم سئوگیلیم
دردیمیزی بؤله بؤله آیریلدیق
آیریلدیق ، آیریلدیق ، دردیمیزی بؤله – بؤله آیریلدیق
آیریلدیق ف آیریلدیق ، ارییه رک گیله – گیله آیریلدیق     
آیریلدیق ، آیریلدیق ، گؤزوموزو سیله – سیله ایریلدیق
بیله نمه دیم گوندوزویدو یا گئجه
بولوت کیمی بیز توتولدوق گؤر نئجه
اوره ییمیز هئی دؤیوندو گؤر نئجه
ارییه رک گیله – گیله آیریلدیق
آیریلدیق ، آیریلدیق ، دردیمیزی بؤله – بؤله آیریلدیق
آیریلدیق ف آیریلدیق ، ارییه رک گیله – گیله آیریلدیق     
آیریلدیق ، آیریلدیق ، گؤزوموزو سیله – سیله ایریلدیق
*
اوخویان : قدیر محمداوف ( قیزیل سس )
*

2013-02-17

دیوانه



سن منیم وارلیغیم 
سن جانیم سان ، جانیم
سن سیز هئچ بیر آنیم
دیقه م ثانیه م یوخ منیم
سن منه بیر خیال ، من شیرین رویایام
باشقا بیر دونیایام 
ائله بیر دونیایام کی ، اوردا بیر غم یوخ
سن سیز گئجه لر منه همدم اولدو
سن لی یوخولار ، اوردا آز اولار
گؤزومو آچان زاماندا یوخ اولار
سن له من بیر بیریمیزی سئویریک سه
یوخدو قورخوموز
تک بودور آرزوموز
بئله آیری – آیری قالمایاق بیز
منی عشقین چؤللره سالیب
دلی اولدوم من دیوانه
سن لی گونلر شکیلده قالیب
منه سندن بیر نیشانه
بیر – بیریمیزدن اوزاق
سن سحر من گئجه
قووشایدیق بیز نئجه
بونو بیلمیرم من
بیلمیرم من
یوخومدا گؤرموشم اوزالدیرام ال سنه
و دئییرم گل منه ، نییه گلمیرسن 
نییه گلمیرسن
سن لی یوخولار ، اوردا آز اولار
گؤزومو آچان زاماندا یوخ اولار
سن له من بیر بیریمیزی سئویریک سه
یوخدو قورخوموز
تک بودور آرزوموز
بئله آیری – آیری قالمایاق بیز
اوخویان : گونل
*
<$BlogPageTitle$> - <$BlogDescription$>" /> < <$BlogMetaData$>