2019-05-16

سلام یئتیر

سلام یئتیر
اوخویان : علی پُرمهر
*

گؤزل مغانا قارداشیم گئده نده
گولر اوزلوبو شهری ترک ائده نده
آستارانین آغاشلی دار یولوندا
گؤزون قالاندا نازلی یار یولوندا
سلام یئتیر جان چاغیران جانلار
گردنه حئیرانداکی جئیرانلارا
سلام یئتیر اردبیله گرمی یه
بلکه تانیشلیق وطنیم وئرمیه
دئنن اوردا اوشاقلیقیم خوش گئچیب
سنن آیری هر نه کئچیب بوش کئچیب
دئنن بو غربت نفسیمی آلیب
آغیربیر حسرت اوره ییم ده قالیب
دئنن آمان بو آیریلیقدان آمان
اونوتماییب سنی بالان هئش زامان
دئنن بیر قوش غریب یئرده توردادی
هر یئرده اولسام اوره ییم اوردادی
سلام یئتیر جان چاغیران جانلار
گردنه حئیرانداکی جئیرانلارا
سلام یئتیر اردبیله گرمی یه
بلکه تانیشلیق وطنیم وئرمیه

بیر نفر

بیر نفر
اوخویان: علی پورمهر

بیر نفر وار کی هر آخشام اونا خاطیر گؤزوم آغلار
کاغیذ اوسته گئجه لر ماهنی یازاندا، سؤزوم آغلار – سؤزوم آغلار
بیر نفر وار قارا ساچلارین خیالیمدا داراخلار
هر کیمین گؤزونه باخسام، گؤزلریم اونو سوراخلار- اونو سوراخلار
*
بو بیر نفری دونیالارا وئرمرم
اودا منی سئوسه باشقاسین سئومرم
او منیم اولسا من داها اؤلمرم
بو بی نفرین گؤزلرینه حیئیرانام
اوریه یاتان سؤزلرینه حئیرانام
سئومسه ده منی، من اونا قوربانام
سئومسه ده منی، من اونا قوربانام
*
بیر نفر کی خیالی یانیمدادی
غم کیمی آغری کیمی جانیمدادی
بیر نفر کی غمی گلمیر دوزومه
یاش چکیر خاطیره لری گوزومه
*
بیر نفر وار
بیر نفر وار کی هر آخشام اونا خاطیر گؤزوم آغلار
کاغیذ اوسته گئجه لر ماهنی یازاندا، سؤزوم آغلار – سؤزوم آغلار
بیر نفر وار قارا ساچلارین خیالیمدا داراخلار
هر کیمین گؤزونه باخسام، گؤزلریم اونو سوراخلار- اونو سوراخلار

<$BlogPageTitle$> - <$BlogDescription$>" /> < <$BlogMetaData$>