آراز ماهنی سی
آراز آراز قان آراز
سلطان آراز خان آراز
سنی گؤزوم یاناسان
بیر دردیمی قان آراز
*
عزیزیم دان بانی دی
خوروزون دان بانی دی
ایچمه آراز سویوندان
صمدین آل قانی دی
*
آراز اوسته بوز اوسته
کاباب یانار کؤز اوسته
قوی منی اؤلدورسونلر
دانشیدیغیم سؤز اوسته
*
آرازی آییردیلار
قومونان دویوردولار
من سنیزدن ایریلمازدیم
زورونان آییردیلار
*
سبلاندا بوز باغلار
دوره سی یارپوز باغلار
گون او گون اولا قارداش
شاعر سنه سؤز باغلار
*
دو گل گئداق داش بولاغا
سولاری سرخوش بولاغا
بیرینی سن دئی بیرین من
توکاق قان گؤز یاش بولاغا
*
آرازام کوره بندم
بولبولم گوله بندم
دیندیرمه یین غملی یم
بیر شیرین دیله بندم
*
نارینجا باخ نارینجا
ساخلارام سارالینجا
اوقدیر اؤلمویئیدم
آرزوم یئرین آلینجا
*
آرازین آرام یئری
سیزیلدار یارام یئری
هر محنته دؤزه رم
کسیلیب یارام یئری
*
آراز سندن کیم کئچدی
کیم غرق اولدو کیم کئچدی
فلک گل ثابت ائله
هانسی گونوم خوش کئچدی
*
sizdan bo mahni sozlarin goydogoz echin chokh tashakkor eliram. sizin weblogiz gine her zaman ki kimi chokh maraglidi. size oz minnatdar ligimi bildiram.
ReplyDeletetabrizdan : kamyar
کامیار عزیز ، تبریز دن زحمت چکمیسیز
ReplyDeleteمحبتیزدن تشکر ائلیرم
سیزده ساغ اولون
سلام
ReplyDeleteآهنك تركي اين رو ميخوام دانلود كنم. پيدا نميكنم
سلام علی عزیز
ReplyDeleteاگر پیدا کنم بهتون خبر می دم