احوالات وداع علی اکبر ( اودا بیر گونلریدی )

نوحه خوان: مرحوم محمّد باقر منصوری

سنه من خدمت ائدردیم، اودا بیر گونلریدی
نازیوی گونده چکردیم، اودا بیر گونلریدی
بو گونه باخما، سن هر وقت گئده نده سفره
من دالینا سو سپه ردیم، اودا بیر گونلریدی
گئتدیغین یولدان اگر، گئژ قئیدنده وطنه
من اؤلردیم دیریلردیم، اودا بیر گونلریدی
اوخویان وقت ده قرآن، دانیشان وقت ده سؤز
گول دوداغیندان اؤپردیم، اودا بیر گونلریدی
من دیردیم سنه دردِ دلیمی، سن ده منه
گول دئییب گول ائشیدردیم، اودا بیر گونلریدی
قویمازیدیم توز اوشاقلیقدا قونا قونداغیوا
گه آچیب گاهی بله ردیم، اودا بیر گونلریدی
گئجه – گوندوز ننه ن اؤلسون، بئشیگین سینه میدی
لای لای آهسته دئیردیم، اودا بیر گونلریدی
آغلاسایدین باش آچار بویووا اوخشاردیم اؤزوم
گؤز یاشین فوری سیلردیم، اودا بیر گونلریدی
هئی دئیردیم گؤزلیم سن له چیخام بیر سفره
سفری سنله سئوردیم، اودا بیر گونلریدی
باجیلار خیمه کناریندا گؤزتلیر یولوو
خیمه خلوت دی اوغول بوینوما تئز سال قولوو
قیزیل گولون باشینا، بلبل حزین دولانار
باجی دا قارداشینین سایه سینه دالدالانار
یارب بو گئدن قارداشی خواهر دن آییرما
بال و پری بو خسته کبوتردن آیرما
*

زبان حال حضرت عبّاس

شاعر: عبدالرحیم شباهنگ تخلص هندی
( تولد سال 1250 در تبریز – درگذشت سال 1346 در تهران ) شاعر و مرثیه سرای ترکی و نماینده مجلس شورای ملی بود.

آخرین دیداری چوخ گؤزلر بو قولسوز باش حسین
گل جمالون گؤرمه سم جان وئرمرم قارداش حسین
رشده یتدیم آستانونده چوخ اولدی زحمتیم
سایه ی لطفونده مشهور اولدی نام و شهرتیم
قابل بذل توجّه اولسا بو گون خدمتیم
تاج عزّت قویدوقون بیر باشه گل چک باش حسین
*
پرورش وئردون ، منه تعلیم اخلاق ائیله دون
نقص خدمت گؤردون امّا عفو و ایرفاق ائیله دون
کربلا حقّینده مندن اخذ میثاق ائیله دون
شکر للَّه باشیم اولدی باشیوه شاباش حسین
*
حقّ تعلیمون بیوکدور من ثنادن عاجزم
شاکرم دیلدن، ولی ذکر ادادن عاجزم
باش سینوب قولّار دوشوبدور دست و پادن عاجزم
سن اوزون لطفیله گل بالینیمه قارداش حسین
*
مدّت عؤمرونده بی مهر اولمادون بیر آن منه
هر نفسده ائیله دون مین نوعیله احسان منه
ای کلام ا... ناطق گل اوخی قرآن منه
خجلت دیرینیمه نطقون اولا پاداش حسین
*
حسن طالعدن قازاندیم چون شهادت قرعه سین
شوقیله جنگ ائیله دیم آلدیم فراتین شرعه سین
لبلرون یادیله امّا ایچمه دیم بیر جرعه سین
سیریده همرنگ اولور چون یاریله یولداش حسین
*
وارد اولجاق نهره طرد ائتدیم گروه ناکسی
دولماسون مشکه کنار ائتدیم سودان خار و خسی
بیر اوزون طومار غم آچدی سویون دلکش سسی
وای اگر بیر گون او احساساتیم اولسا فاش حسین
*
مشکی حفظ ائتمک اومیدی وئردی قوّت هوشیمه
دولدوروب محکم ائدوب آهسته سالدیم دوشیمه
گه اؤپردیم گه چکردیم جان کیمی آغوشیمه
قهر اولا اوخ نقشینی ترسیم ایدن نقّاش حسین
*
هر ایکی قولّاریمی بو مشکه ائتمیشدیم سپر
اوه گؤزیمدن قولّاریمدان ائیله دیم صرف نظر
مشکی دلدی، سو تؤکولدی، سعییم اولدی بی ثمر
سو یئرینه مشکیمه قان دولدی باشا باش حسین
*
گرچی یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان - قان دین پرّآن بیر اوخدان آغلارام
سانجیلئیدی قلبیمه بو اوخ منیم ایکاش حسین
*
سن اؤزون یاخشی بولورسن ای شه گردون حشم
اولماسا قول پرچم آچماز اهتزاز ائتمز علم
سرنگون اولدی علم چون قولّاریم اولدی قلم
بیرقیم گؤز - گؤز اولوب گؤزدن ؤوکر قان یاش حسین
*
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چؤلده مشهر مینا کیمی
گون قاباقیندا یانان داشلاردا اولدی یاش حسین
*
گل گلنده دقّتیله باخ سران لشکره
باشیم اطرافینده واردور گؤر نه خوش بیر منظره
یوز قویوب اون یئتدی خنجر بیر یارالی حنجره
من کی باشدان گئچمیشم لازیم دگل پرخاش حسین
*
گل یول آختارسان یول اوستونده دوشن قول گؤسترور
مشعل آهیم عزیز مهمانینا یول گؤسترور
عاقبت حسّ اخوّت یول امین اول گؤسترور
همره اهل کرمدور دست گوهرپاش حسین
*
ناتوانم صون نفسده ظلّ رافت ایسترم
ذرّه ی بی قدرم امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
*
من کی قوملار اوسته یالقوز دوشموشم چوخ بی کسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
*
من شباهنگم اگر ظاهرده گل تک سولموشام
باطناً حبّ حسین ایله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
*