وفاسیز

اوخویان : کؤنول - خاسی اوا

غریب لیک باشیمین بلاسی اولوب
نه قدر آغی لار گتیریب منه
ساده لیک کؤنلومون ناله سی اولوب
اونولا شر خطا گلیب عؤمرومه
کیمه کی جان دئییب یاندیم اوره کدن
جانیم اودا یاندی آلیشدی کؤنلوم
کیمی کیم یاخین دوست ساندیم اوره کدن
سون آندا دشمنه چئوریلن گؤردوم
آلدی قوجاغینا منی درد کدر
آیاق هر آتدیم دا سیناغی یامان
بعضا اوره ییمی دیدیب فلک

قسمتیم طالعیم بودور آی آمان
شیطانلار گؤرموشم ملک دونوندا
هامیسی  خوش گونون ملکی اولوب
دار گونده کیمسه سیز قالدیغیم آندا
تک آللاه دعاسی کمکیم اولوب
اونوتماق من سنه آسان می گلدی
منی اوره ییندن سیله بیلمه سن
آیریلیق عذابی باغریمی دلدی
سن سئوگی قدرینی بیله بیلمه سن
دؤنرسن نرگیزه قیزیل لاله یه
هر آخشام بیترسن یولومون اوسته
گؤز یاشیم دؤنه جکدیر شلاله یه
یئرین گوروشه جک قولومون اوسته
آغلا ائله آغلا بولوتلار سوسسون
شیشمک لر ایچینده آلیشیب سؤنسون
سن ائله بیر آه چک کوله یه دویسون
طبیعت لال اولوب صحرایه دؤنسون
سن سیز خزان ووروب باهار عؤمرومو
آغلا سان منی ده یادا سال آغلا
حسرتین یاندیریب یاخار عؤمورومو
گل سینیخ قلبیمی گل قییا باغلا
بو عؤموریولونوکؤر یولچوسویام
بو گونلر بیر دره من آخار سویام
دئدین اوره یینه داش باغلا یار
سانما بو دنیادا دویدون سن منی
هجرانین قلبیمی هرآن سیخاجاق
بو خسته کؤنلومو اودا یاخاجاق
دردیندن هر یازیم قیشا دؤنه جک
سانما بو دنیادا دویدون سن منی
بوتون عؤمرومومن سنه  وئرمیشدیم
گل لر آراسیندا سنی سئچمیشدیم
سنه من باشیمین تاجی دئمیشدیم
سانما بو دنیادا دویدون سن منی
گئت ای وفاسیز یار دؤنمه گئریه
سن کی پاییزلار تک باخدین سئوگییه
عشقینده کی دؤنمه دین سن گئریه
سانما بو دنیادا دویدون سن منی
*

زندان نیه لازیم دی

اوخویان: مئتیش نخجوانلی

دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
ربیم سنه شکر ائلیریک، درک ائلیریک وارسان
عاشق سنه انسانلار، انسانلارا سن یارسان
بیز بیر قولوق ای ربیم، بیز چون سن حکم دارسان  
ربیم سن اولان یئرده ، انسان نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
گؤزلرینی آچیر انسان، دنیا گؤرونو گؤزونه
انسان ائله مخلوق دور، صادق دورور هر سوزونه
غیرت سیز آداملار وار، غیرتلی دئییر اؤزونه
غیرت سیز اولان کس ده، غیرت نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
دنیایه گلن گوندن، درد - غم چکیر انسانلار
یازیق کاسیبین دوسلار، آخ دردینی کیم آنلار
تک سن سن ای عزرائیل، تک سن سن آلان جانلار
جسمیم دن آییر جانیمی، آخ جان نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
گسدی یزیدین باشینی، تؤکدو یزیدین قانینی 
سن نئیچون آی عزرائیل، آلدین علی نین جانینی
انسان اونودور نئیچون، اؤز دینی نی ایمانینی
انسان کی ناماز قیلمیر، قرآن نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*

نئیچون بس

اوخویان: کؤنول خاسی اوا

ایلک دفعه گؤرموشم، سنی من چای اوسته
اوتدوکجه نغمه نی، آهسته آهسته
نئیچون بس نئیچون بس گؤزلرین هئچ گؤلمز
یوخسا من دویمورام ائلیرسن بلکه ده
دیلبرا من سندن آیری تن ده جانی نئیله رم
مال و مولکو تخت و تاجی خان و مانی نئینه رم
ایسته رم وصل جمالین تا قیلام درده دوا
من سنین بیمارینم اؤزگه دوانی نئینه رم
ای مسلمانلار بیلین کی یاریله خوشدور جهان
من کی یاردان آیری دوشدوم بو جهانی نئینه رم
چوخ دعالار قیلمیشام من خالقین درگاهینه
چون مرادیم حاصیل اولماز من دعانی نئینه رم
دیلبر آیدیر  ای نسیمی صابر اول قیلما فغان
من بوگون صبر ائیله سم داد و فغانی نئینه رم
بیر بلبلم خوش نفسلی، همدمیم دیر باهار فصلی
خوشلامیرام دار قفسی، باغبان منی یارالاما
اؤز یوردومدان آرالاما، چمن لردن آرالاما
بیر چیچه یم آل قماشی، اوسته کی شئح اوزوک قاشی
سئومیرم من بوران قیشی، اووچو منی یارالاما  
بیر بولاغام سویوم سرین، داغ دؤشودور یوردوم یئریم
نغمه لرین سئل لری یم، اووچو منی یارالاما

منی تنها قویما

اوخویان: کؤنول خاسی اوا

منی تنها قویما یامان چاغیمدی
گؤز یاشیم کؤنلومه درد اورتاغیم دی
سارالان یارپاغیم، سینان تاغیم دی
قاییت سون اومودوم آلما الیمدن
*
تیترک دوداغیمدا اوزم ده سن سن
یوللارا دیکیلن گؤزوم ده سن سن
اؤزومو ایتیردیم، اؤزوم ده سن سن
قاییت سون اومودوم آلما الیمدن
*
منه سعادت یوخ غم گتیرمیسن
وصال چلنگینی چن گتیرمیسن
قویوموش گؤزومه نم گتیرمیسن
قاییت سون اومودوم آلما الیمدن
*

یارالاییرسان

اوخویان: کؤنول خاسی اوا

فلک سنله دوز دولانا بیلمرم
منی دؤنوب – دؤنوب یارالاییرسان
یوردومو بؤلدویون بس دئییردیمی؟
ایندی ده عشقیمی پارالاییرسان
*
گؤرمه دین کؤنلومون دردی سرینی
بیرده ورق لدین غم دفترینی
بیر گؤزو یاشلینی میل برینی
بختیمه چوخ گؤروب قارالاییرسان
*
قاش لار قارا، کیپریکلری اوخویدو
گئندن باخیب به به دئین چوخویدو
دنیا داریدیمی؟ یئریم یوخویدو؟
داغلاری سینم ده سیرالاییرسان
*
مستان او دیلبرین انتظاریدی
اودا هر قصدیمین اختیاری دی
گل کی کئچدیت باغلی، یوللار آیری دی
گؤرکیمی سن کیمدن آرالاییبسان
*

سن منن خبرسیز

اوخویان: کؤنول خاسی اوا

آیرلیدیق گؤرمدیک بیر بیریمیزی
توتدو هجران یاشی گؤزلریمیزی
سن من خبرسیز من ده کی سنن
هجران بیر دنیزدیر هره میز آدا
الیمیزیئتمه ییر دوشسک ده یادا
بیر حسرت کؤرپوسو سالدیق آرادا
تاتلی رویالاردا قووشوب هردن
تسلی تاپیریق خاطره لردن
کئچیرسن یوز دفعه کئچدییم یئردن
سن منن خبریز من ده کی سنن
گؤرونور بو گئنیش دنیا دار بیزه
هجران داغلار چکیب اوره ییمیزه
بس نئجه سون قویاق گلیئئمیزه
سن منن خبرسیز من ده کی سندن
یامان کؤوره لمیشم یامان دولموشام
داها اوره ییمین اودو قالمییب
بیل سن آیریلیقدان نئجه دویموشام
سن سیز حیاتیمین دادی قالمییب
قایید کی بو شهر سن سیز بوش قالیب
سکوتا غرق اولوب هر طرف هر یان
یوخسا کی تانری دان اجل دن ساری
اسیلی قالمیشام دویغولاریمدان
آدینی دیلیمده ازبر ائتمیشم
دیننده چاشیرام سؤزومو هردن
قاییت سان گؤره سن چیخیب گئتمیشم
سنه بویلانیرام خاطره لردن
*

آی بلبل لَر

اوخویان: سکینه اسماعیل اوا

بو داغی باغ ائیله رم، آی بلبل لَر
یانین چارداغ ائیله رم، آی بلبل لَر
ائشیتسم سن گلیرسن، آی بلبل لَر
یولو چیراغ ائیله رم، آی بلبل لَر
*
اوبا کؤچر اویماقدان، آی بلبل لَر
گئجه کئچر اویماق دان، آی بلبل لَر
یار یاردان نئجه دویسون، آی بلبل لَر
پنجره ندن باخماقدان، آی بلبل لَر
*
گئجه کئچیب یاری دان آی بلبل لَر
یار آیریلیب یاریدان، آی بلبل لَر
نئجه قرابن دئمیشم، آی بلبل لَر
خبر گلسین یاریمدان، آی بلبل لَر
*

لب و لب

اوخویان: بابا میرزه اف

بو گئجه، بو گئجه 
بو گئجه، آیا باخیب
یار سنی یاد ائیله میشم
لب و لب و لب لب و لب
دورموشام، دورموشام
اوتورموشام
ؤزگه خیال ائیله میشم
لب لب و لب و لب لب و لب
*
لب شیرین لب و لب
لب شکر لب و لب
ای لبی شیرین لب و لب
آی لبی شکر لب و لب
*
سوزمه گل قاش – گؤزونو
سن منه نالز ایئله مه
ای جانان آی جئیران
ای یاریم آی گواوم
*
سن منیم، سن منیم
سن منیم عشقیمی هر یئرده بیان ائیله میسن
بلبل تک، بلبل تک، بلبل تک
عطیرلی گلشن ده فغان ائیله میسن
لب لب و لب لب لب و لب
*
گل منه، گل منه، گل منه
ناز ائیله مه، بیر بو قدر ناطز ائیله مه
لب لب و لب لب لب و لب
*

یاراشیر انسانا گولمک

شاعر: میکائیل مشفق
اوخویان: گل اقا ممداف

قارشیمدا نازلانیب گئنه گولورسن
بیلسن گولوشلرین نیه بنزه ییر
من دئسم آرتیق دیر اؤزون بیلیرسن
لالا یارپاغیندا شئحه بنزه ییر
*
سنسن ولوشلرین بیر روزگار کیمی
اسرکن آرزومون گولو آچیلیر
گولسه دوداقلارین اولدوزلار کیمی
روحوما سرین بیر ایشیق ساچیلیر
*
سنین گولوشلرین یاز سحری تک
فیکریمه، حیسیمه سانکی رنگ آلیر
گول کی شعرلریم گولوشلریندن
قیریلماق بیلمه ییر بیر آهنگ آلیر
*
جهان کی سولمایان بیر باغچا باردیر
بوردا روامی دیر گولمه دن اؤلمک
یازیق او شخصه کی قاراقاباقدیر
نه قدیر یاراشیر انسانا گولمک
*

قلبیم سنین دیر

سؤز: علی پرمهر
اوخویان:علی پرمهر
آهنگ: انوشیروان روحانی

قلبیم سنین دیر اینان عؤمروم سنین دیر
دریا قدر بیل سنه عشقیم درین دیر
بیلسین بو دنیا بیلسین بیر عالم
آی قیز الیندن گیزلتدییم غم
سنی سئویرم، سنین اوچون اؤلورم
بو غملی دنیادا من سنین اوچوت گولورم
*
قلبیم سنین دیر اینان عؤمروم سنین دیر
دریا قدر بیل سنه عشقیم درین دیر
*
سئویرم سنی من، بونو بیلسین بیر عالم
بو دلی سئوگیده من شیرین دیر هر غم
نییه من دویمورام سنن، سنی یوز یول دا گؤرسم
منه جنت حیاتی دیر سنین عشقیندن اؤلسم
سئوه رم من سنی مین دفعه بو دنیایه گلسم
*
بیلسین بو دنیا بیلسین بیر عالم
آی قیز الیندن گیزلتدییم غم
سنی سئویرم، سنین اوچون اؤلورم
بو غملی دنیادا من سنین اوچوت گولورم
*
قلبیم سنین دیر اینان عؤمروم سنین دیر
دریا قدر بیل سنه عشقیم درین دیر
*