لای لای اورموگؤلو

سازین آلیب سینه سینه
دمیر آشیق سؤیلر گئنه
اورموگؤلو لای لای سنه
قادان گلسین بیر – بیر منه
باشی داراق چکیر تئله
هارای سالیر چنلی بئله
سیلمه گؤزون قاراگیله
گؤز یاشلارین دؤندر سئله
گلسین گؤزوندن یاناغا
گؤز یاشین آخسین یاناغا
اورموگؤلوم سوسوز قالیب

سو یئتسین سوسوز دوداغا

اوخویان : مسعود باریش

یئل توخوندو

یئل توخوندو یارپاقلارا
نغمه قوندو دوداقلارا
دؤنول باخدیم بوداقلارا
سنی گؤردوم گؤزل سئوگیلیم
تام آرزی لار گؤروشنده
گول آرزی لار گؤروشنده
ائویمیزه گون دوشنده
سنی گؤردوم گؤزل سئوگیلیم
بیر مهربان اوز گؤرنده
بیر جوت آلاگؤز گؤرنده
قارا خاللی اوز گؤرنده
سنی گؤردوم آی سئوگیلیم
باهار قالی توخویاندا
قوشلار نغمه اوخویاندا
ایلدیریملار شیغییاندا
سنی گؤردوم آی سئوگیلیم
بیر مهربان اوز گؤرنده
بیر جوت آلاگؤز گؤرنده
قارا خاللی اوز گؤرنده
سنی گؤردوم آی سئوگیلیم
یای اوزونده کوسنده من
یا فیکیرلی گزنده من
گؤزللرین گؤزونده من
سنی گؤزدوم آی سئوگیلیم
بیر مهربان اوز گؤرنده
بیر جوت آلاگؤز گؤرنده
قارا خاللی اوز گؤرنده
سنی گؤردوم آی سئوگیلیم
سؤز ائیله دین هارا باخدیم
کول ائیله دین قاراباختیم
هارا گئتدیم هارا باخدیم

سنی گؤردوم آی سئوگیلیم

اوخویان : مسعود باریش