آنام یادیما دوشدو

شاعر: مروارید دیلبازی
اوخویان: بابا میرزه اف

ایلیق کولک لر اسدی
یاز گلمه یه تلسدی
منیم اوره ییم اسدی
آنام یادیما دوشدو
*
بنووشه دسته – دسته
قیزیل گول یارپاق اوسته
سولار آخیر آهشته
آنام یادیما دوشدو
*
چشمه گؤردوم دایاندیم
آلیشدیم اودا یاندیم
خیاللاردان اویاندیم
آنام یادیما دوشدو
*

عمی قیزی

اوخویان: بابا میرزه اف

آی قارا چوخا ممدحسن
یار باغیندان تر گل دره سن
بیرجه جوت ابپک نمنه دیر
عمی قیزینا گؤندره سن
*
عمی قیزی جان عمی قیزی
گؤزلری مرجان عمی قیزی
بیرجه جوت جوراب نمنه دیر
عمی اوغلونا گؤنده ره سن
*
آی بو کؤنلومون پاسبانی
نیه باخیسان یانی – یانی
دئمیشدین نیشان گؤنده ره سن
بس او وئردیگین وعده هانی
*
آغ ده وه لر یوکلندی عمی قیزی
آغزی یوخوشا دیکلندی عمی قیزی
بیر دنه بوسه نمنه دیر
سویله وئرمدین بو ندن دیر؟

سئون جانیم سنه قربان

اوخویان: بابامیرزه اف

من بیلمه میشدیم ایسته دییم غیره یارایمیش
اوّل وفالی آخیری بی اعتباریمش
جانا یولوندا ناله ایله کئچدی گونلریم
عشق اهلین نصیبی بوتون آه و زاریمیش
زولفوندو کؤنلومو گؤزلیم تار - مار ائدیب
یاکی کؤنول ازل دن ائله تار -  مار ایمیش
آهو باخیشلی گؤزلرین مبتلاسیم
کؤنلوم کمند زلفله چوخدان شکارایمیش
اولدوم اسیری بیرگؤزلین ایندی بیلمیشم
مجنون نه وجه دن وطنیندن کنارایمیش
فرهادا طعنه ائیله ینی سنگنسار ائدین
باخ بیستونا عشقه اودا یادگارایمیش
واحد اولور کی سئوگی فلاکت ده تؤره دیر
ضنیم جه عشقه مایل اولان بختیاریمیش
*
آی سئوگیلیم هارداسان
هرآن سنی گزه رم
بو هجرانا سؤیله بس
سن سیز نئجه دؤزه رم
گل ائیلمه باغریمی قان
سئون جانیم سنه قربان
*
گل بیر چیخاخ یاشیل دوزه
قارا گؤزو سوزه – سوزه
جان ائویمی نوره بزه
گل گل سنه قربان گل
گل گل گ من سنه قربان
گل ائیلمه باغریمی قان
سئون جانیم سنه قربان
*
خیالیمدان گئتمه ییر
هر آن سنین خیالین
گل انصاف ائت آی گؤزل
اوزدون منی بلالیم
گل ائیلمه باغریمی قان
سئون جانیم سنه قربان
*
گل بیر چیخاخ یاشیل دوزه
قارا گؤزو سوزه – سوزه
جان ائویمی نوره بزه
گل گل سنه قربان گل
گل گل گ من سنه قربان
گل ائیلمه باغریمی قان
سئون جانیم سنه قربان
*

یاخان دویمه له

اوخویان: بابا میرزه اف

ساللانیبان گلن دلبر
یاخان دویمه له دویمه له
منی درده سالان دلبر
یاخان دویمه له دویمه له
*
کؤنول سنی هئی آرزولار
حسرتیندن آلوولانار
نازک بدن وفالی یار
یاخان دویمه له دویمه له
دردین آلیم دردین آلیم
منی درده سالان دلبر
یاخان دویمه له
*
یارب ایتیرمیشم نئچه گوندور نگاریمی
دئییرم سن یئتیر منیم او نازلی یاریمی
یوخدور گولوم نه اوزنه گئدیم سئیر گلشنه
بختیم بو ایل خزان ائلییبدیر باهاریمی
او لاله اوزدن منه هر کیم خبر وئره|
بالله سئویندیررمنیم بو دل زاریمی
نامرد رقیبین حیله سینه اویدو دلبریم
یاندیردی نار حسرتیله منیم قلب زاریمی
آی باشیم بلالی دیراؤلورم کیمسه بیلمیر
بیر قاره گؤزلو الدن آلیب اختیاریمی
واحد بو شعری یاز جانانه عؤمردن گئدیب
بیر واخت اولور کی خلق اوخویار بادگاریمی
*
کرم سنه نلر دئمیش
او بیردوداغینی یئمیش
کفن کؤینک بندی گوموش
یاخان دویمه له دویمه له
دردین آلیم دردین آلیم دردینی
منی درده سالان دلبر
یاخان دویمه له دویمه له
*

جئیران بالام

اوخویان: بابا میرزه اف

بیر یایلیغیم واردی گولو اؤزوندن
دولانیم باشینا اوپوم اوزوندن
من نه دئدیم کوسدون منیم سوزومدن
سئویرم آ جئیران آ جئیران بالام
بالام ای بالام ای، بالام
*
آستا یئری کمر دوشر بئلیندن
نه ائشیتدین من یازیغین دیلیندن
آیری دوشدوم سئوگیلیمدن گولوم دن  
سئویرم آ جئیران آ جئیران، بالام
بالام ای بالام ای بالام
*
دردیمی سوروش بیرقیز یولداشیندان
یاریمین خیالی گئتمز باشیمدان
وورولدوم، یانیرام اون دؤرد یاشیمدان
سئویرم آ جئیران آ جئیران بالام
بالام ای بالام ای، بالام
*

یئری دام اوسته یئری

اوخویان: بابا میرزه اف

سن گئتدین ائله بیل دنیا بوشالدی
یازدا کؤچوب گئتدی یئری بوش قالدی
باهار اوره ییمی سن سیز قیش آلدی
من یازا قربان، قیشی نئینه رم
عشقیمی آپاریب سن گئتدین
دئمک عشقی سن سیز نئینه رم
سویوخ داشا دؤندو او گوندن اورک
سینم دن آتدین داشی نئینه رم
همیشه آیرییق گئجه گوندوزوک
بیریمیز پتیه ییک بیریمز دوزوک
اگر قیش یوخسا داشی نئینه رم
*
یئری دام اوسته یئری بالام
آی قیزیل جام اوسته یئری
آیاقلارین اینجیسه بالام
گل چیخ سینم اوسته یئری
*
گئتدیم گؤردوم یار اتاقدا
قوشا – قوشا خال یاناقدا
بوسه یئری وار بوخاغدا
آی بوخاغدا، گل یاناقدا
*
دام اوسته دیر دامیمیز بالام
آی قوشادیر ائیوانیمیز
سن اوردان چیخ من بوردان بالام
ای کور اولسون دوشمانیمیز
*
گئتدیم گؤردوم یار اتاقدا
قوشا – قوشا خال یاناقدا
بوسه یئری وار بوخاغدا
آی بوخاغدا، گل یاناقدا
*
زر خارادان آرخالیق بالام
آی اشرفی دن یاخالیق
بیر بوسه وئر او خالدان بالام
آی دادینا یئتسین خالیق
*
گئتدیم گؤردوم یار اتاقدا
قوشا – قوشا خال یاناقدا
بوسه یئری وار بوخاغدا
آی بوخاغدا، گل یاناقدا
*
آیاقیندا چکمه سی بالام
آی قیزیل دان دیر دویمه سی
نازلی جئیرانا بنزر بالام
یارین اؤزونو اؤیمه سی
*
گئتدیم گؤردوم یار اتاقدا
قوشا – قوشا خال یاناقدا
بوسه یئری وار بوخاغدا
آی بوخاغدا، گل یاناقدا
*

سنه بئله نولدو یار

اوخویان: بابا میرزه اف

منی آتدین آی قیز، آی قیز آتشه
بسله مکدیر عشقینی دائم پئشه
آتاجاکدین منی سئوگیلیم، سؤیله واز گئچیم
دولدور عشقی شربت کیمی وئر ایچیم
سؤیله سؤیله سنه بئله نولدو یار
*
چاغیریرام گل، هارالاردا قالمیسان
منی ترک ائتمه
یالواریرام، یار منی آتما ترک ائتمه
آتاجاکدین منی سئوگیلیم، سؤیله واز گئچیم
دولدور عشقی شربت کیمی وئر ایچیم
سؤیله سؤیله سنه بئله نولدو یار
*
گؤزوم یولدا قالدی قالدی، آی گؤزل
پاییز اولدو یاپراقلار اولدو خزل
یوللارینا باخا – باخا قالدی گؤزلریم
سنه چاتسین اوره ییمده کی سؤزلریم
سؤیله سؤیله سنه بئله نولدو یار
*

داد ای داد ای

 داد ای، داد ای - اوخویان: بابا میزه اف

کشمیری شالی اولان، داد آلدی منی
اوزونده خالی اولان، یاد آلدی منی
اوغلانا یالواریرام، داد آلدی منی
من سنین یارین اوللام، یاد آلدی منی
داد ای، داد ای، داد ای، داد آلدی منی
آلمادی قوهوم قونشو یاد آلدی منی
*
گئجه لرآی اولئیدی، داد آلدی منی
یار یارا تای اولئیدی، یاد آلدی منی
یارین قولوبوینوندا، داد آلدی منی
بوسه لرآی اولئیدی ، یاد آلدی منی
داد ای، داد ای، داد ای ، داد ای، داد آلدی منی
آلمادی قوهوم قونشو یاد آلدی منی
*
آی گوزل او گون ائیلر، داد آلدی منی
آی گول ائیلر، او گول ائیلر، یاد آلدی منی
یار یارا قووشاندا، دادا آلدی منی
بایرامی او گون ائیلر، یاد آلدی منی
داد ای، داد ای، داد ای ، داد ای، داد آلدی منی
آلمادی قوهوم قونشو یاد آلدی منی
*

دونیانین تاجی ( آنا )

آنا اوره ییمیزدیر

آنا دیره ییمیزدیر

اونسوز حیات آجی دیر

او دنیانین تاجی دیر

آی آنا آی آنا

قربان اوللام من سنه

آی آنا جان آنا

قربان اوللام من سنه

اونسوز حیات آجی دیر

او دونیانین تاجی دیر

آنا جان دی حیات دی

آنا بو کائنات دیر

اونسوز هئچ دیر بو عالم

گئدر قلبیم غصه دن

آی آنا آی آنا

قربان اوللام من سنه

اونسوز حیات آجی دیر 

او دونیانین تاجی دیر 

*

اوخویان : بابامیرزه اف

*

دور گل نازیله

الینده  سازی قربانی

ائیله مه نازی قربانی

اوللام او گؤزون قربانی

اؤلدورمه منی ، یاندیرما منی

دور گل نازیله – نازیله

صحبت سازیله – سازیله

نه باخیرسان یانی – یانی

اوللام او گؤزون قربانی

اول کی محبت هانی

اؤلدورمه منی ، یاندیرما منی 

دور گل نازیله – نازیله  

صحبت سازیله – سازیله

*

اوخویان : بابامیرزه اف 

*

اوش تئللی دورنا

ائولرینین دالی قایا   

قایادان باخیرلار آیا

منیم یاریم آغجا قایا

اوش تئللی ، دؤرد تئللی ، بئش تئللی دورنا

سن هارالی سان هارالی دورنا 

اووچو الیندن  یارالی دورنا

اوجا داغلارین مارالی دورنا

یارالی یارالی یارالی دورنا

ائولرینین دالی تپه

یاغیش یاغیر سپه – سپه

اویادارم سئوه – سئوه

اوش تئللی ، دؤرد تئللی ، بئش تئللی دورنا

سن هارالی سان ؟ هارالی دورنا

اووچو الیندن یارالی دورنا

اوجا داغلارین مارالی دورنا

یارالی یارالی یارالی دورنا 

*

اوخویان : بابا میرزه اف ( محمد اوغلو ) 

*

آی گولوم

باغچامیزداقیزیل گول سن ای گولوم
سن آغزیمدا شیرین دیل سن آی گولوم
آی گول آی گول آی گول آی گول آی گول
آی گول آی گول آی گول آی گول آی گول
چمن لرین چیچه یی سن آی گولوم
سن عمرومون به زه یی سن آی گولوم
آی گول آی گول آی گول آی گول آی گول
آی گول آی گول آی گول آی گول آی گول
داغلارین قوزئیی قاری سان آی گولوم
آی گول آی گول آی گول آی گول آی گول
آی گول آی گول آی گول آی گول آی گول

اوخویان : بابامیرزه اف

*