بیر بایاتی ائله بئله سی

آغلارام اؤز گونومه
یانارام اؤز گونومه
فلک دوشسه الیمه
سالارام اؤز گونومه
*

بیزیم ائلین بایاتیلاری

 بایاتی لار

یاندیریب یاخدی منی  

داغ – داشا چاخدی منی  

مرد بیلیب آرخالاندیم  

نامرددیر ییخدی منی  

*

داغلار داغلادی منی  

زولفون باغلادی منی  

نامردین بلاسیندان  

ائللر آغلادی منی   

*

داغلار باتیبدی قارا  

اووچو دوشوبدو دارا  

اوزووه گولن دوستون  

قاییت بیر قلبین آرا  

*

داغ باشین چن آلارمی؟  

آلسا کؤلگه سالارمی ؟  

بیر مظلومون قیصاصی  

بیر نامردده قالارمی ؟  

*

عزیزینم دوست آشی  

دوست چؤره یی دوست آشی  

دشمنین گول له سیندن  

یامان اولار دوست داشی  

*

عزیزیم آتار منی  

هر درده قاتار منی  

نامرد گلیب مرد اولماز

دوسلوقدا ساتار منی  

*

عزیزیم داغا گلیر  

بولبوللر باغا گلیر  

نامردین قایداسی دیر

جان وئرن چاغا گلیر  

* 

عزیزیم دالداسینا  

غونچه گول دالداسینا  

نامرد ائله نامرددیر  

اؤزو نه ، دالداسی نه  

*

عزیزینم آی باتدی  

اولدوز باتدی آی باتدی  

یاریم بی وفا چیخدی  

منی اغیارا ساتدی  

*

یا ربیم درده منی  

سالما بو درده منی  

نامرده محتاج ائتمه  

کس قربان مرده منی  

*

باغیندا وار آلچالار  

یاشیل چالار ، آل چالار

آغلاما دلی کؤنلوم  

دشمن گؤروب ال چالار  

*

سن منی کول ائیله دین  

دردیمی بول ائیله دین  

داغیتدین ائل – طایفامی   

دشمنه قول ائیله دین  

*

عزیزیم آیران سیزا  

آیران وئر آیران سیزا  

ظلم ائوی اباد اولماز  

قالماز بو دووران سیزه  

*

بایاتیلار

گول اوسته بولبول قونار  
بولبول سوز گوللر سولار  
قارداش آدی گلنده  
اوره گیم قانا دولار  

*
سنگریم قالام قارداش  
قویما تک قالام قارداش  
قییما بو غربت ائلده  
بئله آغلار قالام قارداش  

قیشی دایان یاز آغلا
منیم بو دردلریمی
بیر خزله یاز آغلا
*
یاییلدی گون باغلارا
شئح دوشدو یارپاغلارا
حئییف سنین بو جانین
قاریشدی تورپاقلارا
*
خوروز بان وئرن یئرده
یارام قان وئرن یئرده
آنا گلسین یئتیشسین
اوغول جان وئرن یئرده
*
قارداشیم تیکه – تیکه
دوغراننام تیکه – تیکه
آنام ساچینی یولدو
کفنین تیکه - تیکه
*
منه فلک ائیله دی
اوخون له لک ائیله دی
گیردی گوللو باغیما
الک – الک ائیله دی
*
عزیزیم فنر کئچدی
اود سؤندو، فنر کئچدی
عزرائیل سینه ن اوسته
قلبیمدن نه لر کئچدی
*
عزیزیم قاراسینا
گؤزلرین قاراسینا
آنان قربان اولایدی
اوره یین یاراسینا
*
عزیزیم قازان آغلار
اوت یانار قازان آغلار
بوردا بیر غریب اؤلوب
قبرینی قازان آغلار
*
من آنامی گؤرمدیم
آغ ساچینی هؤرمدیم
بیر خلوت یئر تاپمادیم
دانیشمادیم گولمدیم
*
گئتدیم آتام ائوینه
غملی کؤنلوم سئوینه
سنی اوردا گؤرمدیم
بنزه دی یاد ائوینه
*

تبریز

تبریز اوستو مراغا
تئلیم گلمیر دراغا
یاریمی آختاریرام
دوشوب سراغ سراغا
*
تبریز اوستو مراغا
تئلیم گلمیر داراغا
یار منی قوناق ائیلر
بیر ایستکان عراغا
*
کاروان گئدر تبریزه
یولو دوشوبدور دوزه
گؤزل بئیله بئزه نمه
گلرسن یامان گؤزه
*
تبریز اوستو میانا
گول بلبله دایانا
اوخو بلبلوم اوخو
بلکه بختیم اویانا
* 

قیزیل گول

قیزیل گولم دسته یم
بلبولم قفس ده یم
خبر وئرین یاریما
حسرتیندن خسته یم
*
قیزیل گول اویوم - اویوم
اویوم بشقابا قویوم
سن مندن دویوب گئتسن
من سندن نئجه دویوم
*

 

بایاتیلار

بایاتیلار- منبع : سلینا بالانین اینستاگرامیندان
*

گؤیده اولدوز سولماسین
چؤرک دوزسوز اولماسن
اوغلانلار اؤز یئرینده
آنا قیزسیز اولماسین
*
آغیز آشما نامرده
اوره یینده درد یاشا
سن اینسان ساز، اییلمه
یوخسول یاشا، مرد یاشا
*
داغ دا اکین اولماز
اکین اولسا بیچین اولماز
دنیادا مین گؤزل اولسا
بیری سن تکین اولماز
*
عزیزیم سن چیچه ییم سن
آرزوم سان دیله ییم سن
من دن اوزاق اولسان دا
چیرپینان اوره ییم سن
*
چایلار سوسوز قالانماز
بدن روح سوز قالانماز
اوره ک بیرین ایسته سه
اوندان ایری قالانماز
*
گؤیده اولدوز ناشی  شی
باجیمین گؤز یاشی دی
قارداشا جانیم قربان
باجی اوره ک باشی دیر
*
گؤزل سؤز یازانام
پاییز آنام، یاز آنام
تانری سایاق، مهربان
قلم فقط یاز، آنام
*
آغلایارلار گولرلر
گؤز یاشینی سیلرلر
کئچن گونون قدرینی
گلن گونده بیلرلر
*
داغا باخیب قهرلنمه
داغین دا داغ دردی اولار
هر بیر شئی دن لکه لنر
آقین دا آق دردی اولار
*
داشین دا داش بختی وار
داشین دا خوشبختی وار
داش وار اوزویه قاشدی
داش وار مزارا داش دی
*
داغلارین لالاسینا
گؤزلرین آلاسینا
خالالار قربان اولسون
باجینین بالاسینا
*
عزیزیم ناچار داریخما
گون گلر کئچر داریخما
بیر قاپینی باغلایان کیشی
مین قاپینی آچار داریخما
*
عزیزیم باج آلماز
دوست دوستوندان باج آلماز
ائولاد وفالی اولسا
آتا – آنا قوجالماز
*
بیر قوش گلیر داغ داشدان
خبر وئریر قارداشدان
قارداش باجی دان دویسا
باجی دویماز قارداشدان
*
بو یئرده گولن اولسا
تریوی سیلن اولسا
قارداشلیق گؤزل شئی دیر
قدرینی بیلن اولسا
*
گمیم گلر یان گئدر
ایچینده بیر جان گئدر
قارداش گلن یوللارا
باجیلار قربان گئدر
*
عزیزیم اولمایایدی
قوجالیق اولمایایدی
قوجالاندا انسانلار
کاش محتاج اولمایایدی
*
عزیزیم ساغلیغیمدا
گؤزللیک ساغلیغیمدا
اولدوکدن نیه لازیم
قیمت وئر ساغلیغیمدا
*
عزیزیم یامان آغلار
اوره کدن یانان آغلار
زامان ائله اولوب کی
داش آتدا سامان آغلار
*
اورمو گؤلو یاتما دور
دردی غمه آتما دور
جور جفادان قیزاردین
سن بو ائلی آتما دور
*
یئل گلدی گول آپاردی
سوسن سنبل آپاردی
ائل لر گلین یاردیما
مغانی سئل آپاردی
*
چمن قورور داش قالار
گؤز یومولور یاش قالار
هامی گلیب گئدن دیر
یولداشا یولداش قالار
*
اوخور آغاجدا بلبل
گؤزل دی یایدا سنبل
دنیا اؤلوم – ایتیمدی
وار نقدر عؤمور گول
*
قیز اولماسا دوز اولماز
گؤیلرده اولدوز اولماز
چوخ آنالار قیز دوغار
تورک قیزینا تای اولماز
*
لال سؤزونو آندیرار
ایشینی یوللاندیرار
پیس گونلرده یاخشی دوست
دوستونا جان یاندیرار
*

تبریز

تبریز 
منبع: سلینا - بالا- اینستاگرام
 
گوللرین نرگیزی من
بایاتی دنیزی من
دنیانی وئرسه لرمنه
وئرمه رم تبریزی من

*
اوجادیر باشین تبریز
نئچه دیر یاشین تبریز
سرمه دیر گؤزلریمه
تورپاغین داشین تبریز
*
آیلی اولدوز تبریز
چؤکلی دوزلو تبریز
تارخلاره ایز سالان
اوغوللاو قیزلی تبریز
*

بایاتی لار

بو یارا باشقا یارا
دردیم وار یاردان یارا
غریب غربت ائلده یم
کیمسم یوخ دردیم ارا
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
قار یاغدی ایاز اولدو
اوره ییم دردله دولدو
دردیمین درمانی یوخ
گؤز یاشیم درمان اولدو
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
قار یاغار دولو باغلار
یاغی لار یولو باغلار
یار یادیما دوشنده
اوره ییم دولوب آغلار
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
عزیزیم نئجه یازیم
اوز – اوزه نئجه یازیم
سن سیز کئچن عمرومو
عمرومه نئجه یازیم
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
آغلارام آغلار کیمی
دردیم وار داغلار کیمی
غربت ائله دوشه لی
سارالدیم باغلار کیمی
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
اوخویان : بال اوغلان اشرف اف
*

گؤزله باخ گؤزله

گؤزله باخ گؤزله
گلیب بیزدن سؤز آلا
منیم بیر اسمریم وار
دییشمم یوز گؤزله
*
باغچایا باخ بارا باخ
کؤلگه سالمیش نارا باخ
اوزومه باخماز گئدر
او وفاسیز یارا باخ
*
باغچا باریمدان اولدوم
هئیوا ناریمدان اولدوم
گئجه لر خیالیمدان
گونوز یاریمدان اولدوم
*
باغچادا وارام سانا
هئیوایا نارام سانا
غم یئمه نازلی اسمر
اؤلونجه یارام سانا
*
کرکوک تورکوسو
اوخویان : بال اوغلان اشرف اوف – سیف الدین چاخماخچی