شیرین فرهادا داغی
قازدیردی
داغ آراسیندان یولو آزدیردی
عؤمور آیناسین داشا یازدیردی
شیرین جان شیرین سن بالدان
هئچ دویماغ اولمور سن کیمی یاردان
*
فرهاد آدینان چیخدیم داشا من
کولونگو گؤتدوم سالدیم باشا من
کؤنلومو وئردیم قلم قاشا من
شیرین جان شیرین سن بالدان
هئچ دویماغ اولمور سن کیمی یاردان
*
گؤز یاشیم آخیب دؤنوب عمانه
عشقوندن اولدوم دلی دیوانه
فدا من اوللام بئله جانانه
شیرین جان شیرین سن بالدان
هئچ دویماغ اولمور سن کیمی یاردان
*
دونیادا دیل لره قیمت
وئریلیب همت ایله
هر دیلین رتبه سی
تعیین اولونوب دقت ایله
ثبت اولوب دفتره
قانون ایله رسمیت ایله
ان مکمل دیل عرب دیل
عربستان دیلی دی
چون او دیل کامل
اولاکن اودا قرآن دیلی دی
دیل لرین چوخلو جهت
دن باخیلیب ارزیشینه
کؤکونه تاریخینه
ایندی سینه کئچمیشینه
باخیرام بهت ایله بو
چرخ فراخین ایشینه
ایکیمینجی تانینان
دونیادا آلمان دیلی دی
حئیف هیتلر کیمی او
ییرتیجی حئیوان دیلی دی
انگلیس دیل کی جهان
اهلی بونو بیلمه لی دی
خاریجه اؤلکه سینه
هامی گئدیب گلمه لی دی
اون یاشیندان هامی بو
دیل ده یازیب سیلمه لی دی
بو ازل دن بشرین
بوینونا یوکله نمیشیدی
رتبه سی دیل لر
آراسیندا اونون اون ایکی دی
هله بونلار شوونیزملر
بیزه تبلیغ ائلییر
آریا مکتبینی فخر
ایله تفسیر ائلییر
هئچ اوتانمیر یئری
گلسه بیزی تحقیر ائلییر
ییرمی سککیز اولارین
دیل لر ایچینده یئری دیر
ییرمی بئش پله اولار
آذری لردن گئری دیر
زاهیدین سؤزلرینی
ساخلا یادیندا قوچ آقا
سن اولارنان دئییشنده
سینه وی وئر قاباغا
سؤیله من سوم دونیایم
ایا حضرت آغا
اوچومونجو تانینان
هانسی بیر انسان دیلی دیر
اودا منیم دوغما آنام
آذربایجان دیلی دیر
*
شاعر : زاهد
اوخویان عاشیق: عاشیق ممد فرزانه
بو زامان بیر زامان دیر
چالا دئییر گؤل
اولموشام
الومینیوم چای
قاشیغی
قالخیب دئییر بئل
اولموشام
چاققال چیخیب داغدا
اولار
ایت قویروغون یاغا
بولار
آفتافادان جوشان
سولار
قالخیب دئییر سئل
اولموشام
عباس داهی کتابی بوک
سؤزلریوی سؤیله مه
روک
کئچل باش دا اوش دنه
توک
اسیر دئییر تئل
اولموشام
*
شاعر: عباس
اوخویان عاشیق: عاشیق ممد فرزانه
