تئز ائله

 اوخویان: نامیق قاراچوخورلو

سلام منیم جوانلیغیمین اوغروسو
سحر یانیندان کئچن انسانام من
تانیماماغین منی چوخ اوزدو دوغروسو
سنی مین آدامنان سئچن انسانام من
*
حیف او منی بوغان گئجه لر، و داها نلر – نلر
گؤز یاشی غم غصه کدر، و داها نلر – نلر
سنی اونودوبدور دئدیلر، و داها نلر – نلر
یاشامادیغیم قالدی نلر، و داها نلر – نلر
*
گل سئوگیمیزی تزه له، تئز اله
گل قاییداق تا ازله، تئز اله
گل بو یاراشماز گؤزله، تئز اله
گل کی حیاتیم دوزه له، تئز اله
*
سلام منیم خیاللاریمین اوغروسو
آرزولارا غم بیچن انسانام من
منی یایندیرا بیلمز عشق آغریسی
صداقتینه آند ایچن انسانام من
*

بیلمه جه

اوخویان: نامیق قاراچوخورلو

گؤز یومام کیمی عاغلیما
هر گئجه بیری وار گلیر
گئتمیسن آما بورداسان
من هارا باخسام اورداسان
یئردئنن گلیم هارداسان
کائنات منه دار گلیر
گون چیخیب آما ای پری
هر طرف گئنه قاپ – قارا
بیلمیرم دؤزوم، ال اوزوم
درد وئرن وئرر تاب – دؤزوم
محکم اول دایان آی گؤزوم
آغلاماق هارا من هارا
سن له یم آما سن سیزم
گؤزلریم گئنه یول چکیر
سورمادان حالیم سورمادان
قسمتیم سنه ده قول چکیر
کیمسه یه سنه باخدیغیم
گولدویوم، گولدویوم کیمی گولمه دیم
گؤزله دیم بئله ساده جه
هرگونون سوال بیلمه جه
سن منیم له بیر مخرجه
گلمدین دئیه گلمدین
آز قالیب چاتا سون نفس
بیر اومود بئله یوخدو یار
سؤنموشم تمیز ایتمیشم
گون به گون گئری گئتمیشم
بیتمیشم داها بیتمیشم
آرزولار ائدیب انتحار
فکریمی سؤزومو سورمادان
قسمتیم سنه ده قول چکیر
*

معجزه

اوخویان: نامیق قاراچوخورلو 

بیر اثر قالمییب سئوگی باغیندان
سنین گئدیشینله سارالدی گئتدی
گؤرن سوروشورکی هانی او گؤزللیک
دئییرم گئده نده یار آلدی گئتدی
*
گؤزلریم سنی گزیر هارداسان
بلکه منیم کیمی انتظارداسان
*
باش وئره کاش ائله بیر معجزه
گلک کئنه سنیله اوز – اوزه
باخیشلارین دانیشا دردیمی
یئترکی بیز دایاناق گؤز – گؤزه
*
گؤزلریمدن کئچیر اؤتن زامانلار
نه سن بئله یدین نه من بئله یدیم
نه حیات بئله ایدی نه دوسلار بئله
قدریمی بیلمدین گرگ بیلئیدین
*

بیر آرزو توت

 بیر آرزو توت - نامیق قاراچوخورلو

بو گئجه یوم گؤزلرینی خیالینا گلیم گئدیم
داریخیرام هئچ اولماسا بیر اوزونو گؤروم گئدیم  
نئچه واخدیر گؤروشموروک، آیری دوششوب یوللاریمیز
بلکی بیز باشا دوشموروک، گؤروشور خیاللاریمیز
نه یی کی دئیه بیلمه سک، روحوموز دانیشیر بیزیم
بیر – بیرین گؤره بیلمه سک، یوخوموز قاریشار بیزیم
*
بو گئجه یوم گؤزلرینی خیالینا گلیم گئدیم
داریخیرام هئچ اولماسا بیر اوزونو گؤروم گئدیم 
آلاجاغین بو جاندی سا، اونو سنه وئریم گئدیم
سن راحات اؤز عؤمرونو سور، من ده راحات اؤلوم گئدیم
*
بیر گون اگرمن اولماسام، تئلینه کیم سیغال چکر
قورخورام آیریلانلارا، هامی بیزی مثال چکر
گئری دؤنمه دین قووشاق، بیرآز انصافا گلمه دین
آخی دئمیشدین بیر اولاق، سؤزونو توتابیلمه دین
*
بو گئجه یوم گؤزلرینی خیالینا گلیم گئدیم
داریخیرام هئچ اولماسا بیر اوزونو گؤروم گئدیم 
آلاجاغین بو جاندی سا، اونو سنه وئریم گئدیم
سن راحات اؤز عؤمرونو سور، من ده راحات اؤلوم گئدیم
*

شکریم

اوخویان: نامیق قاراچوخورلو

ناز ائله چکمه یه نازین، اوقدیر وار هوسیم
بیر گولوش بخش ائله سن عؤمرومه، قربان می کسیم
*
آچیرام قوللاریمی، گؤزله ییرم سن گله سن
گلیشین نازلی دی، نازین منه خوشدور بییله سن
گول اوزون گولنده سانکی، گول آچیر هر یاندا
گولرم غملای ده اولسان،% تاکی دائم گوله سن
گل سنی اؤپوم – اؤپوم ، یاناغیندان شکریم
دانیش کی بال سوزولور، دوداغیندان شکریم
*
سئومه اختیارسیزدی، بو قاشلاری بو گؤزلری
وورولور حتی سنه، گؤزللرین گؤزللری
سنین حاققیندا دانیشماق، اؤزو بیر آهنگ دیر
سن اؤزون یازیرسان بو موسیقینی، آهنگی
گل سنی اؤپوم – اؤپوم ، یاناغیندان شکریم
دانیش کی بال سوزولور، دوداغیندان شکریم
*
اوشویورکن نفسین وئردی منه حرارتی
سن منیم طالعیمین، چوخ دیرلی امانتی
سن اوزاخدان گؤرونرکن، منی بیهوش ائلییر
سنین او تئللی – تئللی، تئللرینین طراوتی
گل سنی اؤپوم – اؤپوم ، یاناغیندان شکریم
دانیش کی بال سوزولور، دوداغیندان شکریم
*

سویوقدور

من سانیردیم چیل اولاجاق آرزولار
آلدادیرمیش منی یانلیش دویغولار
او منی قلبیمدن ووردو
دوردو اوره ییم دوردو
ده ییشیر فصیل لر ، یامان قورخورام
اوه اوه اوه ، سویوقدور
بیر اوجاق یاندیردیم ، ایسینار بدنیم
یوخ یوخ یوخ ، سویوقدور
ده ییشیر فصیل لر ، یامان قورخورام
اوه اوه اوه ، سویوقدور
گئتمیسن تنهایام اوشویوربدنیم
چوخ چوخ چوخ ، سویوخدور
ایسته ییرم آیرلیغی محو ائدیم
یئتمیر گوجوم اولانلاری عفوائدیم
او منی قلبیمدن ووردو
دوردو اوره ییم دوردو
Söz musiqi: Namiq Qaracuxurlu

بو محبت - نامیق قاراچوخورلو

بو نه درددیر نه مصیبت دیر نه بلادیر چکیرم
اوزولور اومودلریم تک عجله گؤز تیکیرم
بیزیم عشق باغچامیزین گوللری سولدو ابدی
آچماییب گؤزلریمین یاشینی هر گون تؤکورم
*
باخیرام جوانلارا هامی گولور ، هامی دانیشیر
دوغرودان ماراقلی دیر حیات قاینییر قاریشیر
اما من جوانلیقیمی سئوگیمه قربان وئریرم
قارا ساچلار آغاریر ، بئل بوکولور ، اوز قیریشیر
*

قالیب او اللرینین ایزلری منده
قالیب او بال دیلینین سؤزلری منده
سنین هئچ یادینا دوشمه ییب او محبت ایندی
قالیب او ، اودون آلاوین کؤزلری منده
*
گؤره سن خئیری ندیر من بو قدر آه ائدیرم
بو فانی دونیانی درد اوجاغینا بنزه دیرم

بو اوجاغین دا توسکوسو کؤر ائدیپ دی گؤزلریمی
ایری آدیملاریلا اوچوروما دوغرو گئدیرم
*
ائیله بیر حالدایام کی ، دوشونورم چتین دوزه لیم
یوخ هئچ کیمین گوناهی ، اؤزومو ییخیبدیر اؤز الیم
اصلینده آیریلیغی ایسته میردیک هئچ بیریمیز
آللاهین قیسمتی دیر ، قاچماق اولماییر گؤزلیم
*
قالیب او اللرینین ایزلری منده
قالیب او بال دیلینین سؤزلری منده
سنین هئچ یادینا دوشمه ییب او محبت ایندی
قالیب او ، اودون آلاوین کؤزلری منده
*
هارا گئتسم هارا باخسام هارا سالسام دا نظر
یئنه او گول جمالین گؤزلریمین اؤنون بئزر
دوشوننده بو خیال دیر سن اؤزون اوزاقداسان
آخیر بو گؤزلریمین یاشی اولور بحر خزر
*
نه ایچون منه بو قدر ظلم ائیلییر چرخ فلک
من ملک ساندیغیمدان آخیر گلدی منه کلک
ایستی بیر یای گئجه سیدی او منی ترک ائیله دی
غفلتن یاغدی یاغیش قوپدو طوفان اسدی کولک

*
قالیب او اللرینین ایزلری منده
قالیب او بال دیلینین سؤزلری منده
سنین هئچ یادینا دوشمه ییب او محبت ایندی
قالیب او ، اودون آلاوین کؤزلری منده
*


Söz musiqi: Namiq Qaracuxurlu

بو گئجه

نه سه گئچدی ، نه سه گئچدی  سنین او داش اوره ییندن

عناد ائتدین ، عناد ائتدین ،  اوزو نملی اته ییندن

بو گئدیشله ، بو گئدیشله ، کول اولور عشقین اوجاغی

اسیرم من ، اسیرم من ، سویوق حسرت کوله ییندن

منی تک ائتدین سن ، اوز توتوب گئتدین سن

سن سیز ای گول یاشییم ایندی نئجه

بیلیرم کی سون گئجه م دیر بو گئجه

بو منیم آنلیم یازیمدیر

بو قارانلیق ، بو قارانلیق

خیالیندا آزاجاقسان

منیم آدیمی ، منیم آدیمی

اوره ییندن پوزاجاقسان

گئنه بیر گون ، گئنه بیر گون

آیلیب سن بو خیالدان

پشیمانام ، پشیمانام

دئیه مکتوب یازاجاقسان

بو قارانلیق ، بو قارانلیق

خیالیندا آزاجاقسان

منیم آدیمی ، منیم آدیمی

تلفوندان پوزاجاقسان

آغلارام سیزلارام

یولونو گؤزله رم

سن سیز ای گول یاشییم ایندی نئجه

بیلیرم کی سون گئجه م دیر بو گئجه 
*
اوخویان : نامیق قاراچوخورلو
*

دئدیم بیردن

من سنی گؤر نه قدر چوخ سئویرم آی ظالیم

فرقی یوخ هانسی مکان سندن آصلی دیر حالیم

بیر گون بیر یئردئییدیم یاخشی ایدی احوالیم

دئدیلر سن گلیرسن یئر سوپوردو قاش قاباغیم

دئدیم بیردن سنی گؤره رم توپوق وورار دیل دوداغیم

دئدیم بیردن سنی گؤره رم تیر – تیر اسر الیم آیاغیم

نییه من بو سئوگی ده سعادت تاپابیلمه دیم

قیزیلین ایستی سینه حرارت تاپابیلمه دیم

اوز – اوزه گلمه یه بیر جسارت تاپابیلمه دیم

قدمین دین یئرده خلوت اولدو سیغیناجاغیم

دئدیم بیردن سنی گؤره رم توپوق وورار دیل دوداغیم

دئدیم بیردن سنی گؤره رم تیر – تیر اسر الیم آیاغیم

هرنه یه قادرم کی سن بیله سن ایسته دیغیم

سنه استعدادیمی مهارتله گؤسته ردیم

یازدیغیم شعرلری مکتوب ایله گؤنده ردیم

قالدی کی گؤروشمه یه ذره اولمادی ماراغین

دئدیم بیردن سنی گؤره رم توپوق وورار دیل دوداغیم

دئدیم بیردن سنی گؤره رم تیر – تیر اسر الیم آیاغیم

بیر گئجه دانیشیردیم زنگ ائله میشدیم سنه من

اؤزومده حس ائله میردیم هیجان بیردنه من

سن دئدین گل گؤروشک اؤزومو ایتیردیم گئنه من

سؤیله دیم بسدی منه سه سیوی ائشیتسین قولاغیم

دئدیم بیردن سنی گؤره رم توپوق وورار دیل دوداغیم

دئدیم بیردن سنی گؤره رم تیر – تیر اسر الیم آیاغیم

بودا مکتب دی نئجه یوکسه ک آلیم قیمتیمی

آخی فرصت واریدی سؤیله مه یه نیتیمی

اؤزوم اؤز اللریمله قاچیرتدیم بو فرصتیمی

باشدا بیر سیندی بو سؤزلرله محبت سیناغیم

دئدیم بیردن سنی گؤره رم توپوق وورار دیل دوداغیم

دئدیم بیردن سنی گؤره رم تیر – تیر اسر الیم آیاغیم 
*
اوخویان : نامیق قاراچوخورلو
*