آی ساچی بورما

آی ساچی بورما، اوزاقدا دورما

گل ای سئوگیلیم، بوینونو بورما

داغدا دومان یئری وار، یئری وار

قاشدا کمان یئری وار یئری وار

یاریم مندن اینجیمیش، دئییب دانیشمیر

گومان یئری وار

گوللو یازیمسان، خوش آوازیمسان

گل آی سئوگیلیم، تئللی سازیمسان

گل آی گولوم ، باریشاق باریشاق

دئیه ک گولک ، دانیشاق دانیشاق

داغدا دومان یئری وار یئری وار

قاشدا کمان یئری وار یئری وار

یاریم مندن اینجیمیش، دئییب دانیشمیر

گومان یئری وار

*
اوخویور: فلورا کریم اوا

قایتار عشقیمی

دنیادا منین گؤزل تاپاردیم
سن منیم عؤمرومو قوپاردین
قایتار وئر عؤمرومو گونومو
سن اونو اؤزونله آپاردین
*
گل منی اوجوز توتما سن
گئتمیسن هئچ قاییتما سن
قایتار اؤتن گونلری سن
قایتار قایتار عؤمروموسن
*
وئر منیم عشقیمی
او سنه گرک دئییل
گل قایتار عشقیمی
او سولغون بیر چیچک دئییل
*
اوخویور: فلورا کریم اوا
شاعر: فکرت قوجا

تاپار منی

مین نفره بیر درد اولسا
حکما گلیب تاپار منی
یئر اوزونده بیر ایت وارسا
گلیب تاپیب قاپار منی
*
آرزوم ایچیمده غریب دیر
سینه مده غم گؤیریبدیر
یوخوما ایلان گیریبدی
یقین چالار او مار منی
*
بیلینمیر هئچ اوزاق یاخین
چوخوم یوخدو آزا باخین
داماریمدا ناله آخیر
اؤلدوره ر بو دامار منی
*
سؤزدن سیردن اوسانمیشام
فیتنه گیردن اوسانمیشام
تانریم یئردن اوسانمیشام
اؤز یانینا آپار منی
*
خیاللاریم الک - فلک
یوخومدا مین فیتنه فلک
منیم منیم تک قالیب تک
اؤز – اؤزوندن اومار منی
*
بیلینمیر هئچ اوزاق یاخین
چوخوم یوخدو آزا باخین
داماریمدا ناله آخیر
اؤلدوره ر بو دامار منی
*
اوخویان: فلورا کریم اوا
شاعر: ایکرم علی اوف
*

عزیزیم

داغ باشیندا قار اوستونه قار گلر

جیلوه لنمک زیروه لره عار گلر

هر نه گئیسم وجودوما دار گلر

بو دارلیغا دؤزمک اولمور عزیزیم
*

ازل گوندن دونیا یالان دونیادیر

باها ساتان اوجوز آلان دونیادیر

آرزولاریم ناکام قالان دونیادیر

داغیلانی دوزمک اولمور عزیزیم
*

کاش کی دونیا ظالیم لیغین آتایدی

قلبیم بیر آن ایسته یینه چاتایدی  

یاشاماغیم گؤز یاشیدی هارایدی

گؤز یاشینا دؤزمک اولمور عزیزیم

*

اوخویان : فلورا کریم اوا

*

من سنی سئویرم سنن خبرسیز

داغلارین باشینا دوشن قاردیر
دوماندان خبرسیز چن دن خبرسیز
سینه می گؤیندن اینتیظار دومانی
 قلبیمدن خبرسیز ، مندن خبرسیز
*
قیردیم اؤز عهدیمی من بیله بیله
حقین وار یانیمدان کئچ گوله گوله
اریییم اودونا قوی گیله گیله
من سنی سئویرم سندن خبرسیز
*
گؤر منیم قسمتیم منه نه وئرمیش
اوزاق ساحیلی ده یاخین گلرمیش
سن دئمه قارلارا قار اله نمیش
دوماندان خبرسیز چن دن خبرسیز

*
قیردیم اؤز عهدیمی من بیله بیله
حقین وار یانیمدان کئچ گوله گوله
اریییم اودونا قوی گیله گیله
من سنی سئویرم سندن خبرسیز
*

اوخویان : فلورا کریم اوا