گله جکسن

بیلیردیم گله جکسن ، گؤزله ییردیم نه واخدیر

آرزولاریم قوجالدی ، اومیدلریم جاواندیر

بیلیردیم گله جکسن چایلار سولار یاتاندا

بیلیردیم گله جکسن آی دوغو گون باتاندا

بو سئوگینین بو عشقین ، امتاحانی یامانمیش

یاشادیغیم او گونلر ، گون دئییلمیش یالانمیش

یوللارینا باخاردیم ، یول گؤزومده گؤیردی

گله جکسن اوره ییم ، تکجه بونو دئیردی 

*

اوخویان : قدیر محمد اف

*

قاییت

نه واخدیر اؤزومله یالقیز قالمیشام

بو حسرتین خاطرینا قاییت

شیرین آرزولاردان چتیر قورموشام 

غربت ده نه یین وار چترینه قاییت

قاییت ، قاییت ، شعریمین سطرینه قاییت

قاییت ، قاییت ، عؤمروم گولوم یانیما قاییت

قاییت ، قاییت ، ایکیمیزین خاطرینا قاییت

قاییت ، قاییت سئوگیمیزین خاطرینا قاییت

سنه اعتیبارلی صداقتیم وار

بیر کلمه سئوگیم وار محبتیم وار

بو غملی غصه لی نغمه لریمی

قاریشدیر شعریمین سطرینه قاییت 

قاییت ، قاییت ، شعریمین سطرینه قاییت

قاییت ، قاییت ، عؤمروم گولوم یانیما قاییت

قاییت ، قاییت ، ایکیمیزین خاطرینا قاییت

قاییت ، قاییت سئوگیمیزین خاطرینا قاییت
*
اوخویان : قدیر محمد اف

هارداسان

یوخلوغونو من ایندی دویموشام

واللاه بو حسرتیندن یامان دویموشام

ائله بیلمه سن منیم بیر دانه م

سنه اولان بو سئوگیمدن سویوموشام

یوللارینا گیزلی – گیزلی باخیب آغلارام

شکلینی اوره ییمده بوکوب آغلارام

گئجه گوندوز دنیز کیمی جوشوب چاغلارام

جانیم سؤیله هارداسان

بیلسم گلرسن دوروب یول اوسته

سن گلن او یوللارا چیچک سپه ردیم

بو آیریلیغا الوداع دئییب

قاچیب آیاق ایزلرینی من اؤپه ردیم  

*

اوخویان : قدیر محمد اف( قیزیل سس )

بیر سئودا آغلییر

بیر سئودا آغلاییر ایچیمده منیم

آخی نییه سئودیم سنی عزیزیم

اولمادین بیرجه گون منیم همدمیم

آخی نییه سئودیم سنی عزیزیم

سؤز وئردین سؤزونو دانان سن اولدون

نئیله ییم عهدینی دانان سن اولدون

آغلایا – آغلایا قالان من اولدوم

آخی نییه سئودیم سنی عزیزیم

آغلایا – آغلایا من سنی سسله ییرم گل

سیزلایا – سیزلایا من سنی گؤزله ییرم گل

نه سندن کوسورم نه ده اؤزومدن

طالع دن بختیمه بو ایمیش دوشن

بو عشقین اودونا تک منم دوشن

آخی نییه سئودیم سنی عزیزیم 
*
اوخویان : قدیر محمد اف ( قیزیل سس )
*

گلمه دین

یوللاریندا ایتیلی قالدیم

دؤنگه سینده تیکیلی قالدیم

تنها قالدیم یئتیم قالدیم

من گؤزله دیم سن گلمه دین

گئجه کوسدو آی دا باتدی

یوخوسونا حرام قاتدی

اوره ییمی درد اویاتدی

من گؤزله دیم سن گلمه دین

ائله بیلدین یوخموشام من

اولدوز اولوب آخمیشام من

بو یوللارا یاغمیشام من

گلمه دین

گؤز یاشلاریم دؤنوب سئله

اوره ییمه یاغدی بئله

گؤرن اولدو نییه بئله 

گلمه دین ؟

اومیدلریم منیم اولدو

سئوگین منه غنیم اولدو

منه قالان غمین اولدو

گلمه دین

آخشاملارین گؤزو نم لی

قولاقلارین سؤزو نم لی

حسرتینین اوزو نم لی

من گؤزله دیم سن گلمه دین

گئجه کوسدو آی دا باتدی

یوخوسونا حرام قاتدی

اوره ییمی درد اویاتدی

من گؤزله دیم سن گلمه دین 

* 

اوخویان : قدیر محمد اف ( قیزیل سس )

*