نرگیز

اوخویان: عاشیق شاکیر  

بوردو گلدی باهار فصلی
آچیلیبدیر لالا نرگیز
آغیز سوددور، دوداق قایماق
دیلین باتیب بالا نرگیز
آی نرگیز، آی نرگیز
ای قیز، آی قیز، بالا نرگیز
*
الیمی وئرمیشم اله
جانیم قربان فتنه – فئله
شددا کیمی اینجه بئله
توت قولومدان دولا نرگیز
آی نرگیز، آی نرگیز
ای قیز، آی قیز، بالا نرگیز
*
کیپریکین گؤزه دالدادیر
قاشلارین آدام آلدادیر
زهره نین گؤزو یولدادیر
نئجه گلیم بئله نرگیز
آی نرگیز، آی نرگیز
ای قیز، آی قیز، بالا نرگیز
*
سن شاکیری کوسدورموسن
قول – قانادین سیندیرمیسان
گلیب یولون پوسدورموسان
قوی گئدیم یولا نرگیز
آی نرگیز، آی نرگیز
ای قیز، آی قیز، بالا نرگیز
*

بیردی

بیردی

خوب یاراشار نازلی یارا
آق اوستوندن گئیسه خارا
اصلی گؤیچه ک اولانلارا
آل دا بیردی شال دا بیردییار تئلینی یانا سالسا
کوستوروب کؤنلونو آلسا
بال سفره سی آچیق اولسا
شان دا بیردی بال دا بیردی
بولبول کیمی اؤتمه ک اوچون
گول وصلینه یئتمه ک اوچون
یار یانینا گئتمه ک اوچون
یول دا بیردی کول دا بیردیشاکیر باغدان بیر گول درسه
گؤزللرده وفا گؤرسه
یارین سنه بوسه وئرسه
ساغ دا بیردی سول دا بیردی

اوخویان : آشیق شاکیر