اوچ تئللی درنا

اوخویان: تیمور مصطفی اف - تقی صالح اوغلو
*
 اوچ تئللی درنا

ائولرینین دالی قایا
قایادان باخیرلار آیا
منیم یاریم، آی، آغچا مایا
اوچ تئللی دؤرد تئللی، بئش تئللی درنا
سن هارالی سان، هارالی درنا
اووچو الیندن، یارالی درنا
یارالی، یارالی، یارالی درنا
*
ائولرینیین دالی تپه
یاغیش گلیر سپه – سپه
اویالدیرام، آی، اؤپه – اؤپه
اوچ تئللی دؤرد تئللی، بئش تئللی درنا
سن هارالی سان، هارالی درنا
اووچو الیندن، یارالی درنا
یارالی، یارالی، یارالی درنا

بالاجا مرضیم

شعر: رافیق اقدمی
اوخویان: تقی صالح اوغلو

آتانین بیردنه سی
آنانین گؤزگیله سی
سن ننه مین نوه سی
منیم بالاجا مرضیم
منیم بالاجا مرضیم
*
وئردیم سنه آدیمی
جانیمی حیاتیمی
سنله تاپدیم دادیمی
منیم بالاجا مرضیم
منیم بالاجا مرضیم
*
گئجه مین سن آیی سان
قلبیمین سسرایی سان
تانریمین گول پایی سان
منیم بالاجا مرضیم
منیم بالاجا مرضیم
*
داغیم، دوزوم، چمنیم
سمنیم، یاسمنیم
یئملیم سن، یئملیم
منیم بالاجا مرضیم
منیم بالاجا مرضیم
*
سنه حئیران اولارام
بؤیو قربان اولارام
تویونا دک قالارام
منیم بالاجا مرضیم
منیم بالاجا مرضیم
*
گوللو باهاریم منیم
باغیمدا باریم منیم
دولتیم واریم منیم
منیم بالاجا مرضیم
منیم بالاجا مرضیم
*
آرزومون سن آرزوسو
حیاتیمین روزوسو
سن ننه مین قوزوسو
منیم بالاجا مرضیم
منیم بالاجا مرضیم
*

آغلاما گولوم آغلاما

 شاعر: قنبر شمشیر
اوخویان: تقی صالح اوغلو

گؤزیاشینین آخیب گئدن گیله سی
اوره ییمدن قوپوب گئدیر ۀآغلاما
دیوانه اولارام غمین الیندن
قلبیمی آغی لار دیدیر آغلاما
*
آغلاما یاشین سئل اولدو
اوره ییم یاندی کول اولدو
حسرتین یاشی ایل اولدو
آغلاما گولوم، آغلاما
*
قاشلارینی هر چاتیلمیش گؤرنده
حیات عشقی یوخا چاتیر سینم ده
کیپلیکلرین نملی – نملی یئننده
حالیمی پریشان ائدیر آغلاما
*
آغلاما بیتر بو حسرت
وصال اولار بیزه قسمت
اونودولماز ایلک محبت
آغلاما گولوم آغلاما
*
بعضا اولور کوسلوک اولدو آرادا
زامان کئچر ساغالار بو یارادا
غملی کؤنلوم بیر گون دوشر تورادا
عشقیمیزی هجران گودور آغلاما
*
آغلاما یاخین گَل باری
عؤمروم گونوم اولوب یاری
اونوتما عهدی ایلقاری
آغلاما گولوم آغلاما
*

سن هارالی سان؟

هارالی سان ؟

قاش قارا کیپریک قارا

باخدیم او گؤزل یارا

باخدیم او گؤزل یارا

من باخدیم او باخمادی

قلبیمه ووردی یارا

قلبیمه ووردی یارا

گؤزل سن هارالی سان

باکونون مارالی سان

بلکه منه دئمیرسن

دربندین مارالی سان

قاشلاری کامان آی قیز

گئتمه بیر دایان آی قیز

گئتمه بیر دایان آی قیز

کؤنول سنه وورولدو

سؤزومه اینان آی قیز

سؤزومه اینان آی قیز

گؤزل سن هارالی سان

گنجه نین مارالی سان

قازاق ، شکی گنجه نین

شاماخی مارالی سان

کاروان گئدیر تبریزه

یولو چیخیبدیر دوزه

یولو چیخیبدیر دوزه

گؤزل بئله بئزه نمه

گلرسن یامان گؤزه

گلر سن یامان گؤزه

گؤزل سن هارالی سان

اردبیل مارالی سان

شوشا ، باکی ، شاماخی

خوجالی مارالی سال

الله منی خوش ائیله

شراب سیز سرخوش ائیله

شراب سیز سرخوش ائیله

یاریم گایب کئچنده

اونو منه خوش ائیله

اوونو منه خوش ائیله

گؤزل سن هارالی سان

قاراباغ مارالی سان

بلکه منه دئمیرسن

آستارا مارالی سان

سن منه لای لای دء

  شاعر: مهمان آغ سو
اوخویان: تقی صالح اوغلو

دیزلرین اوستونه قویوم باشیمی
سن منه لای لای دء من یاتیم آنا
چاغیر گلسین باجی هم قارداشیمی
سن منه لای لای دء من یاتیم آنا
*
دونیا سنی قوجالتی باج بیرجه آندا
سن آتلی اولموسان من سه پیادا
باغچامیزدا سنی بیر آغاج آتدا
سن منه لای لای دء من یاتیم آنا
*
سن تک ایسته دین منیم خطریمی
من سنین چون یازدیم شعریمی
باغرینا باس منی دویوم عطرینی
سن منه لای لای دء من یاتیم آنا
مهمانام شعریم سؤزومده قالدی
اوشاقلیق داغلاریم دوزومده قالدی
بیر داملا یاشیم گؤزومده قالدی
سن منه لای لای دء من یاتیم آنا

حیف او سئوگیه

شاعر: نصرت کسمنلی
اوخویان: تقی صالح اوغلو

او یالانچی ایللر گونه دیمزمیش
گول وئردیم، وئردییم گوله دیمزمیش
گؤزومده چاغلایان سئله دیمزمیش
حیف او سئوگیه، او محبته
بیردفعه اورکدن گوله بیلمه دیم
کؤنلومو کیمسه یه وئره بیلمه دیم
سندن باشقاسینی سئوه بیلمه دیم
حیف او سئوگیه، او محبته
سن سیز گئجه لریم یوخو بیلمه دی
ایچیمده آلیشان آهی بیلمه دی
من بیلدیم سن بیلدین چوخو بیلمه دی
حیف او سئوگیه، او محبته
اؤزومون اؤزومنن آجیغیم گلیر
دوسلاریم کدرلی ، دوشمنیم گولور
اؤلن سئوگیمیزه یازیغیم گلیر
حیف او سئوگیه، او محبته
سلطانلیق تاختیمیز دئوریلدی نئجه
کولک سیز، طوفان سیز، سوورولدو هئچه
او سئوگی نفریته چئوریلدی نئجه
حیف او سئوگیه، او محبته

یانیق کرمی

 یانیق کرمی
اوخویور: تقی صالح اوغلو

ائله چالما سه گاهینی آی قارداش
آماندی بارماغین تئلی یاندیریر
بارماقلارین توخوناندا دیل لره
اود دوشور داغلارا سئلی یاندیریر
ناله چکیب کرم یانار الینده
سوندور قویما زیل دن بمه یئنه نده
هوش آپاریب اورک جوشا گلنده
دوداق کوله دؤنور دیلی یاندیریر
عزیزینم سؤیله کرم دردینی
یاخسین اوره ینین هر بیر بندینی
دئمه شاعر آشیب – داشیب حدّینی
آچیلسا دویمه لر الی یاندیرار
یانا – یانا چالدین یانیق کرمی
دردین آلیم اونو بیرده چال عاشیق
ائیله بیلدیم تزه چؤکوب قلبیمه
سالدین اوره ییمه یامان خال عاشیق
بو ناله نین آهی ندیر کؤزونه
نه لر گلدی گؤزلریمین اؤنونه
اؤزوم دوشدوم خان کرمین گؤلونه
سسین سالدی اوره ییمه یول عاشیق
آخشام زامان سئح دوشلی بوینونا
بوز بولاغی گول – مئشه لی قوینونا
او داغلارین ینؤوشه لی قوینونا
همن گئدیرسن سلامات قال عاشیق
بو ناله نین آهی ندیر کؤزو نه
نه لر گلدی گؤزلریمین اؤنونه
اؤزوم دوشدوم خان کرمین گونونه
اسدی سالدی اوره ییمه یول عاشیق
*

آلما دره نده گللم

آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم
بیر قیز گلیر قارشیدان
عاغلیمی آلدی باشدان
منی اؤلدورسه لرده
ایریلمام قلم قاشدان
آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم

آلمانی آلدا یاریم
آل یئره سالما یاریم
ائللرده چوخ سؤز اولار
اوره یینه آلما یاریم
بیر قیز گلیر قارشیدان
عاغلیمی آلدی باشدان
منی اؤلدورسه لرده
ایریلمام قلم قاشدان
آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم
بو قیز آلمایا بنزه ر
گونشه آیا بنزه ر
گؤزلری جان آلاندی
قاشلاری یایا بنزه ر
بیر قیز گلیر قارشیدان
عاغلیمی آلدی باشدان
منی اؤلدورسه لرده
ایریلمام قلم قاشدان
آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم
*
اوخویان : تقی صالح اوغلو
*

خدیجه

خدیجه
آیاغینا باشماق یاراشیر 

آغزینا یاشماق یاراشیر
سنین کیمی بیر گؤزله
نه گئیسن اینان یاراشیر
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
گؤزلره سرمه یاراشیر
قاشلارا وسمه یاراشیر
سنین کیمی بیر گؤزله
منیم کیمی یار یاراشیر
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
اسن بو گؤزللر آی یار
شیرین شیرین دیللر آی یار
گؤر نئجه ده یاراشیرسان
باغچاداکی گوللره یار
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
آلماکیمی یاناغین وار
غنچه کیمی دوداغین وار
عاغلیمی باشیمدان آلان
گؤر نئجه ده بوخاغین وار
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
اوخویان : تقی صالح اوغلو
*

مئشه به یی

کئف اوستونده کئفیمیری
گلیب سوردو مئشه به یی
بویور دئدیک آتدان دوشدو
باغداش قوردو مئشه به یی
مئشه به یی مئشه به یی
مئشه به یی مئشه به یی
*

چانتاسینی آتدی ساغا

قامچی سینی آتدی سولا

یاواش یاواش بالا بالا

بیزنن ووردو مئشه به یی

مئشه به یی مئشه به یی
*
ایستی کباب یاغلی فه تیر
دویما ق اولمور گئنه گه تیر
بوغلارینی آرادا بیر
ائشیب بوردو مئشه به یی
مئشه به یی مئشه به یی
مئشه به یی مئشه به یی
*
آتمیش ایلی وئریب یئله
دوشمویوبدور روحدان هله
کارشیلیقدا بیر گؤزله
گؤزده ووردو مئشه به یی
مئشه به یی مئشه به یی
مئشه به یی مئشه به یی
*

آخشام اوستو قوپدو کولک

سینه سینده جوشدو اورک

دوسلاریلا آخیرادک

اؤزو قادی مئشه به یی

مئشه به یی مئشه به یی

دردین آلیم مئشه به یی
*
اوخویان : تیمور مصطفی اوف

تاغی صالح اوغلو

شعر: حسین عارف

*

 

عمی قیزی

 

عمی قیزی

محله میزده بیر قویو وار عمی قیزی

ایچمه یه سرین سویو وار عمی قیزی

ایچمیشه م آییق اولموشام عمی قیزی

من سنه لاییق اولموشام عمی قیزی

عمیم قیزی منیم سن

من سنی به ینمیشه م

سن سیز قراریم توتماز

صبریمین قراری سان

عمیم قیزی بیزه گل

قیرمیزی گئی ته زه گل

بیر الینده شیش کباب

بیر الینده مزه گل

ائل بیلیر عالم بیلیر

اوره ک بیلیر دامار بیلیر قان بیلیر

محله میزده گول آچیبدی عمی قیزی

هر یانا عطیر ساچیبدی عمی قیزی

عطیرلی گول لر اوزه رم عمی قیزی

ساچلارینا من هؤره ره م عمی قیزی

عمین اوغلو اولارام

سنه اوزوک آلارام

بوگون ساباح توی ائدیب

منده بیر به ی اولارام

عمیم قیزی دینمیرسن

نده ن هئچ سئوینمیرسن

قاش قاباغین تؤکوبسن

یوخسا منی سئومیرسن

ائل بیلیر عالم بیلیر

اوره ک بیلیر دامار بیلیر قان بیلیر

ائلچی لرین یان یانا دیرعمی قیزی

باغریمین باشی قانادی عمی قیزی

گؤنول وئردین سن یادامی عمی قیزی

منی سالدین سن اودامی عمی قیزی

عمی اوغلو یاد اولدو

سنه قالان یاد اولدو

سن کی منی سئومه دین

سنی آلان یاد اولدو

قولوم بوینوم قیریلدی

آغلاسین عمین اوغلو

آپاردی یادلار سنی

آغلاسین عمین اوغلو

*