درد اهلی

آغلارام گؤزلریمین یاشین گؤرن یوخ

سسله رم سنی من ، سه سیمی ائشیدن یوخ

درد اهلی بیلیر دردیمی بیگانه سی بیلمز

قان آغلارام عشقیم ، گؤزومون یاشینی سیلمز

دنیادا منیم مهربانیم تکجه سن ایدین

سن دن سورا بو قلبیم اچیلماز داهی گولمز

من درددن اوخورام منه دیوانه دئییرلر

ظاهیرده منی دانیشدیریب صحبت ائلیرلر

گل گؤر نئجه سن سیز یاشیرام دور بلاده

بو شهری دولاننام گئجه لر پای پیاده

یاندیقجا محبت اودونا شوریشیم آرتیر

یانسام من اگر بو اودا گؤیده ملک آغلار

من درددن اوخورام منه دیوانه دئیللر

طعنه یله منی دانیشدیریب صحبت ائلیللر
*
یونس
*

یاریم گلیر

اوخویان: یونس انگوتی

داغلاری آشا – آشا

آی ننه یاریم گلیر

باشیندا آغ اؤرته یی

منیم جانانیم گلیر

قاش قارا گؤزو قارا

چکیبدی منی دارا

اونو گؤرجک آی ننه

اود دوشور شیرین جانا

یاناغیندا خالی وار

باخیشی خومار – خومار

اونون مارال یئریشی

منیم جانیمی آلار 

قاش قارا گؤزو قارا

چکیبدی منی دارا

اونو گؤرجک آی ننه

اود دوشور شیرین جانا

آذربایجان مارالی

قویما منی یارالی

آی ننه یالواریرام

آل منه او جیرانی

قاش قارا گؤزو قارا

چکیبدی منی دارا

اونو گؤرجک آی ننه

اود دوشور شیرین جانا

*