آغلاما

اوخویان: فاطمه قنادی ( وارتوش ) 
آهنگساز: علی سلیمی 
شاعر: فرهاد ابراهیمی

آغلاما، آغلاما، گؤزل مارالیم
آغلاما، گؤزلرین قاداسین آلیم
سن آغلاسان منیم آرتار ملالیم
آغلاما، آغلاما، گؤزونه قربان
«آی» باخیشلی شیرین سؤزونه قربان
*
گل اوتور گؤزلرین یاشینی سیلیم
دئی گؤروم نه اولوب آی شیرین دیلیم
سؤیله بیر سن منه دردینی بیلیم

آغلاما، آغلاما، گؤزونه قربان
«آی» باخیشلی شیرین سؤزونه قربان
*
اودلو باخیشلارین ائیله مه سرین
گل دولا بوینوما نازیک اللرین
من سنه فرهادام سن منه شیرین
آغلاما، آغلاما، گؤزونه قربان
«آی» باخیشلی شیرین سؤزونه قربان
*

سن سن

اوخویان: پرویز بلبله

اولماسان اینان اوزوم گولمز
سنی اورک کیمین له سه بؤلمز
اولابیلر اؤلوم گئدیم آمما
سنه اولان محبتیم اؤلمز
*
نه اولسادا گرک دؤزوم، سن سن
حیاطیم ان شیرین سؤزوم، سن سن
منه گرک دئییل داها هئچ کس
منیم ائله جانیم – گؤزوم، سن سن
*
دئییرلر هاردا قالدی بس، واخدیر
نئجه دئییم کی سئوگیلیم یوخدور
آجیق وئریر گلن – گئدن چونکو
بیزی گؤزو گؤتورمه ین چوخدور
*
اورک ده بیرجه آرزو وار، تئز گل
اوزور منی بو انتظار، تئز گل
نفس گئدیب، گلن دئییل سن سیز
گؤزوم قالیب یولوندا یار، تئز گل
*

وصف ائله

اوخویان: بالا بی آقایوف

وصف ائله شاعر دایانما وصف ائله
سؤز قوشاق عالملره عالم دی سؤز
گلمیشیک اطرافینا دوور ائیله یک
بیز اونا پروانه لریک شمع دی سؤز
آلدیم الیمده قلمی سحیرده گؤردوم  
روحومو گله جک عصیرده گؤردوم
دوشوندویومو یازا – یازا بیرده گؤردوم
فیکیرلریم له مست اولوب دمدی سؤز
بیر زامانه دوشموشم، روحومو جان اینجیدیر
آرانی قیزمار گؤنش، داغی دومان اینجیدیر
ایتیردییمیز هر شئین، قایتمادیغی آنلاریق
دوشوب اؤتن گونلری، سادجه پشمانلاریق
مختلف زمانه ده، مختلف اینسانلاریق
سنی او زامان اینجیدیب، منی بو زامان اینجیدیر
گون کئچیردی گونش آیه باخیردی
شاعر فیکیرنن سمایه باخیردی
معاصیر زمانه پوزدو ملتی
کئچمیشدن هئچ نه قالماییب قطعی
بؤیوک صحبتیدی سن اول صحبتی
جماعات اوندا حاققی سایه باخیردی
مجنون سؤزون بیتیردی، لیلا اؤزون ایتیردی
گوللر اؤزون یئتیردی فصل بهاره بیر- بیر
سئوگی دنیزدی چاغلار، دالغالار آیریلیق دیر
باجارمیان بالقیلار چیخیر کناره بیر – بیر
دیندیر منی هردن گؤزلیم فرصت اولاندا
دنیا بیزه لذت وئره جک لذت اولاندا
بیر واختی آیریلیق آج حسرت نه بیلیردیک
بیر یئر واریدی او یئره بیر یئرده گئدیردیک
قالمیشسا یادیندا نه شیرین صحبت ائدیردیک
بیر گون ده او یئردن کئچریک قسمت اولاندا
*

رویام داسان

اوخویان: فیروز سخاوت

رویام داسان سن گئجه لر
همدمیم دیر منیم حسرت
قوناغیم دیر دوشونجه لر
بیر دلی عشق بیر محبت
*
سن دن دوغما، سن دن عزیز
بیر کس وارمی بو دنیادا
ایکی یئره بؤلونموشوک
قووشوروک بیز رویادا
*
رویام داسان، رویام داسان
رویام داسان سن گئجه لر
*
جادار – جادار دوداقلاریم
اؤپور نم لی گؤزلرینی
دوغما سسین ، قولاقلارین
دویور شیرین سؤزلریمی
*
اگر گؤزلر گؤرمه سئیدی
سنی اوره ک سئوردیمی
اگر اوره ک سئومه سئیدی
بیر سئویرم دئیردی می
*
رویام داسان، رویام داسان
رویام داسان سن گئجه لر
*
سئودیم سنی نئینه ییم، منی سالدین نظریندن
تار و مار اولان کؤنلومو، گل اویما دریندن
گئتدین منه ظلم ائیله دین،آخی نه ائیله ییم کی
اختیاریم الدن گئدیر، عقلیم ده سریم دن
اویدوم دلی بیر حسرتیله عشقینه یاندیم
تانریم قوروسون یار منی بوندان بتریندن
حاق عاشیقی سن فرض ائله ائللر سنه یاردیر
یار اول ائله ایشله سین آدین علم اسریندن
*
رویام داسان، رویام داسان
رویام داسان سن گئجه لر
*

آذربایجاندان دانیشاق

 شاعر: علی رضا خیابانی
اوخویان: فیروز سخاوت

گل اوتوراق دیز -  دیزه بیز
آذربایجان دان دانیشاق
اوجامان ارک سهندیدن
بیز ساوالاندان دانیشاق
*
هجر ایله قوچ نبی دن
سولوب سارالمیش زمی دن
بورغانا دوشموش گمی دن
ظلولم کارخان دان دانیشاق
*
میصری قیلینج کوراوغلودان
ائل قالایانلار اوغرودان
ایری اوتورساق دوغرودان
داغدا دوماندان دانیشاق
*
گل سارانین میثاقیندان
اؤرپه ییندن یاشماغیندان
باشینداکی دوواغیندان
دردلی چوباندان دانیشاق
*
ستار خان دی قاراداغلی
ایگیت اوغلان ائله باغلی
ظلم الیندن اوره ک داغلی
چیرپینان جان دان دانیشاق
*
سولدوزودا یاد ائده لیم
محنتی برباد ائده لیم 
قوناق گئدیب شاد ائده لیم
اپپاق جاواندان دانیشاق
*
خیاوانلی وفالی دیر
عشقه دوشوب سئودالی دیر
دوز ایلقاری صفالی دیر
تبریزدن دان دان دانیشاق
*

عشق میدانی

اوخویان: رحیم شهریاری

بئله بیر شهرده دیوانه اگر وار او منم
گؤز یاشیلا گئجه نی گوندوزه باغلار او منم
عشق میدانینه گلدیم دلی دیوانه کیمی
او گئچن گونلره ایندی باخیب آغلار او منم
وای وای وای وای
*
یارالی یام یارالی 
آخ جان الیندن یار الیندن یارالی
اوره ییم قانه دؤنوب
آخ اوره ییم قانه دؤنوب
گزمه مندن آرالی
هی هی هی
*
یاندیریر گؤز یاشیمی، سؤندوره هیجران اودونو
گئجه گوندوز اوتوروب گؤزله میشم یار یولونو
نئجه زنجیره سالیبسان منی مجنون کیمی
گاه اؤلوب گاه دیریلن عشقینه بیمار منم
وای وای وای  وای
*

اووچو وورما یارالی یام

اوخویان: پیمان تبریزلی

اووچو وورما یارالی یام
من بو داغین مارالی یام
اوخووی آت داغا – داشا
عاشقم من بورالی یام
*
بو داغلاری من گزه رم
غربت لره من دؤزرم
بیر گون عؤمرومدن قالسادا
گؤز یاشلی یاری گؤزله رم
*
سؤزلریم عاشق سؤزودور
گؤزلریم عاشق گؤزودور
اوقدر باخمیشام یوللارا
انتظار منی اؤلدورور
*
طاقتیم یوخ غمه دؤزم
من بیر دنیا غملی سؤزم
قورخورام غصه دن اؤلم
الیمی دنیادان اوزم
*
عاشقم من ناچار جانیم
دردی غمی چکر جانیم
وور منی راحت ائیله سن
قوی تؤکولسون داغا قانیم
*

یانیرام

اوخویان: پیمان تبریزی
بیر یونان آهنگی اوزوندن

من سنین یاریوام
اولما منه بیگانه
عشقیمزه سن شمع اول،
من ده سنه پروانه
اوره ک دن یارالی یام
گل ائیله منه چاره
بیرده کؤنول وئرمره م
اینان هر گلن یاره
من یانیرام، سن گؤرمورسن
ناکام قلبیمی گولونو درمیسن
*

گئتمه یار

اوخویان: پیمان کیوانی کیوانی
شعر: سعید اقبالی

گئتمه یار، گئتمه یار
سن منی ترک ائتمه یار
گئتمه یار گئتمه یار
اوره ییمی اینجیتمه یار
*
سنه محتاجم اینان
آی منی درده سالان
سندن اوتری اؤلورم
گئتمه بیر لحظه دایان
*
سنی مندن آیریسی
بو قدر چوخ ایسته مز
بئله کی من دئییرم
سنه عاشقم دئمز
*
اوره یی داش گؤزلیم
هامی دان باش گؤزلیم
سنین الیندن اولوب
گؤزلریم یاش گؤزلیم
*
گئتمه یار گئتمه یار
سن منی ترک ائتمه یار
گئتمه یار گئتمه یار
اوره ییمی اینجیتمه یار
*
هامی بیلسین بونو کی
سنی حدسیز سئویرم
سنه عاشقم دئمز
بئله کی من دئییرم
*
گؤزلریندن اوخورام
نه دئییرسن گؤزلیم
قوی بونو بیلسین هامی
سن منیم سن گؤزلیم
*
سنه محتاجم اینان
آی منی درده سالان
سندن اوتری اؤلورم
گئتمه بیر لحظه دایان
*
سنی مندن آیریسی
بو قدر چوخ ایسته مز
بئله کی من دئییرم
سنه عاشقم دئمز
*

به دادم برس

بو یول دا بیزیم  زهرا بالا فارسی اوخویوب و نه گؤزل اوخویوب
*

به دادم برس، که داغونه قلبم
که حالم بده، شبام بی تو سردن
از این خونه خستم، نجاتم بده
دچاره به تو، ببین بی پناهم
کمک کن منو، گره خورده کارم
همش بد میارم، ببین حالمو
من از اینحال بد درآم خودم پیشتم
میمونم باهات، تا نفس می کشم
من از هرکسی جز تو دس می کشم
چی بگم از دلم، خودت میدونی چمه
بیا و بمون تو به جای همه
چقد این روزا بودنت لازمه
من از این غم گله د ارم
از خدا هم گله دارم
بی تو از عالم و آدم گله دارم
زخم این سینه عمیقه
زنده بودنم عجیبه
با دلم آخه کی مثل تو رفیقه
من از اینحال بد درآم خودم پیشتم
میمونم باهات، تا نفس می کشم
من از هرکسی جز تو دس می کشم
چی بگم از دلم، خودت میدونی چمه
بیا و بمون تو به جای همه
چقد این روزا بودنت لازمه
*
خواننده:حمید رخشنده – به دادم برس 
ترانه سرا: محمّد کلار
*

هارداسان

اوخویان: پیمان کیوانی
شاعر: سعید اقبالی
* 

هایاندا قالدی گلمدی
گونوم قارالدی گلمدی
بو آیریلیق دا گؤزلریم
سولوب سارالدی گلمدی
*
هارداسان کی بو شهر
اینجیدیر منی بتر
بوش یئرین گولوم سیخیر منی
یولدا قالدی گؤزلریم
هر گئجه گونوزلریم
یاندیریر منی یاخیر منی
*
بو سئوگی دن نه سویله مک
گؤزوم قالیبدی اوندا تک
ندن دی بس بو ایسته مک
اورک ده قالدی گلمدی
گلمدی گلمدی
*
گؤزوم گودوربو یوللاری
سوزور هله اونا ساری
هله گودور گؤزوم یاری
به هاردا قالدی گلمدی
گلمدی، گلمدی
*
هارداسان کی بو شهر
اینجیدیر منی بتر
بوش یئرین گولوم سیخیر منی
یولدا قالدی گؤزلریم
هر گئجه گونوزلریم
یاندیریر منی یاخیر منی
*

داش ماکیلی حامد ماکوئی یادینا- ماکو داغلاری

ماکو داغلاری
باش چکیب زیروه سی، بولوددان کئچن
باشینا اولدوزلار، اینجی لر توکن
کهکشانین سینه سینده، یوخلویان
بولودلار دؤشوندن، سرین سو ایچن
چیسکینلی دومانلی، ماکو داغلاری
ایگیت قهرمانلی، ماکو داغلاری
*
عؤمورلر کئچیردیب، بوکولوب بئلی
قار قونوب باشینا، آغاریب تئلی
ائیلیب کؤلگه سین، آچیب ائل لره
قورویور قارشیندا، یاشییان ائلی
آنا مهربانلی، ماکو داغلاری
ایگیت قهرمانلی، ماکو داغلاری
*
بیلمک اولماز، عؤموروندن، یاشیندان
دورنا قالخیب، کئچه بیلمز، باشیندان
عظمت لی، حادیثه لر اوخونور
قایاسیندان، دره سیندن، داشیندان
سینه سی داستان لی، ماکو داغلاری
ایگیت قهرمانلی، ماکو داغلاری
*
ایل بویو بورونر، دومانا، چمه
باش ایمز دونیادا، کدره، غمه
بیر رشید قوجامان پهلوان کیمی
شهرتی یاییلان بوتون، عالمه
ایفتیخارلی شانلی، ماکو داغلاری
ایگیت قهرمانلی، ماکو داغلاری
*
گؤیده اولدوزلارلان، باش - باشا چاتان
دؤشونده آصلان لار، باش قویوب یاتان
قارتال لار یوواسی، پلنگ اویناغی
اوجا قایالارا تفاخر ساتان
ببرلی، اصلان لی، ماکو داغلاری
ایگیت قهرمانلی، ماکو داغلاری
*
آغ بورونر قیشدا، یاشیل گئیر یاز
دؤشلرینده گول - چیچک دن، یئر اولماز
جوشغون بولاغلاری، قایناییب جوشار
قار یئره دوشونجه، چیچه گی سولماز
گوللو - گولوستانلی، ماکو داغلاری
ایگیت قهرمانلی، ماکو داغلاری
*
تاریخین سیرّی، آنینا یازیلان
سینه سینده کتیبه لر، قازیلان
بو گؤرکملی، قوجا قهرمان داغا
هم سهند باش ایر، همده سبلان
قدرتلی توانلی، ماکو داغلاری
ایگیت قهرمانلی، ماکو داغلاری
*
ایکی مین بئش یوز ایل مرزده دوران
یاغی دوشمنلریله معرکه قوران
جان کیمی وطنی باسیب باغرینا
ذیروه سینده ظفر بایراغی وئران
قانلی چالدرانلی ماکو داغلاری
ایگیت قهرمانلی ماکو داغلاری
*
قیزارمیش داشلارین قلبیندن چیخان
ایگیت لری بوی بوخونلو قهرمان
وطن قاوقاسیندا جانیندان کئچن
دوشمان قاباغیندا داغ کیمی دوران
قوچاق پهلوانلی ماکو داغلاری
ایگیت قهرمانلی ماکو داغلاری
*

 

جانیمسان

اوخویان: پیمان کیوانی

هر آخشام اورگیم، بهانه لر آختاریر
یار سنی گؤرمه یه، گؤز هر آن یالواریر
سئوگیلیم حسرتین، اورکده قالماسین
آخیر کی نئینه ییم، آرزیوم یانماسین
جان، جان، جانیمسان، گونه شیم سن، اییم سان
سن منیم آیث گؤزل، کامانیمسان تاریمسان
یاندیریب اریدیر، دویگولارین منی
ساخلادیر ایاقدا، آرزولارین منی
بیل کی سن سن منیم، اول آخر عشقیم
یوخدو هئچ تای سنه، اولانماز هئچ کیم
جان، جان، جانیمسان، گونه شیم سن، اییم سان
سن منیم آیث گؤزل، کامانیمسان تاریمسان
*

بئله سینه

شاعر: زلیم خان یعقوب
شعری اوخویان: پونهان اسماعیلی

فره کهلیک کیمی سکیر

اووچو قییما بئله سینه

خائین گؤزه او میل چکیر

رحم ائیله گل بئله سینه

تئلی تؤکوب قاش اوسته

آغیز نازیک دوداق پسته

اود وورسادا سینم اوسته

اوف دئمه رم بئله سینه

قوی زلیم خان ساز گؤتورسون

سؤز اینجیسین تئله دوزسون

یا بیر یوللوق الین چکسین

داستان یازیم بئله سین

*

ایسته سم ده گئدیرم

شاعیر: سمیر اشرف اف
اوخویانلار: موسی موسی اف - ترانه قومرال

یاش اؤتدو اوتوزو، گئتدی جاوانلیق
اولانلار دوشه جک یادا بیر آنلیق
اؤنومده بیر یولوار سونو قارانلیق
ایسته سم ده گئدیرم، ایسته مه سم گئدیرم
*
اؤتن گئنج لییمه، یانیم یانماییم
اوگؤزل گونلری آنیم آنماییم
یولوم چوخ اوزاقدیر قوی دایانماییم
ایسته سم ده گئدیم ایسته مه سم ده
*
گزدییم یاخشی یول، آما گؤز دئییر
چاتمادان دنیانی دولان گز دئییر
قارشی دا قوجالیق منی گؤزله ییر
ایسته سم ده گئدیرم ایسته مه سم ده
*

گول سنین نیینه گرک دیر گولوم

شاعر: زلیم خان یعقوب
شعری اوخویان: تئللی بورجالی
*

گول سنین نه یینه گرک دیر گولوم
اؤپن دوداغی یوخ ، اوخشایان الی
گل گول ده چیچک ده اؤزوموز اولاق
سن بیرآز عاغیللی ، من بیر آز دلی
*
گول سنین نه یینه گرک دیر گولوم
سنین گولون ده من چیچکین ده من
گوللو ناغیللارا گئتمه سین عاغلین
سنین حقیقتین گئرچه یین ده من
*
گول سنین نه یینه گرک دیر گولوم
حسنون گؤزللیگین دونیادا تک دیر
اگر سن وارسان سا بو یئر اوزونده
دونیا باش دان باشا گول دور چیچک دیر
*
گول سنین نه یینه گرک دیر گولوم
قوخلا نفسیمی چیچه یه دؤنده ر
زلیم خان سؤزونه یالاندیر دئمه
بوتون یالانلاری گئرچه یه دؤنده ر

*

دلی اولماغیما بیر آددیم قالیر - زلیم خان یعقوب

شعری اوخویان: پونهان اسماعیلی

بیلمیرم هئچ نه یی ، هله، بیلمیرم
من کیمم، نه چی یم، هله بیلمیرم
گئتمیشم، اؤزومه گله بیلمیرم
دلی اولماغیما بیر آددیم قالیر
*
عؤمرومون بو یاشدا ناغیلینا باخ
ناغیل دی، آی آللاه ناغیل، اونا باخ
عاغیل سیز عشقیمین عاغیلینا باخ
دلی اولماغیما بیر آددیم قالیر
*
ال آچار سئوگیمین الی اوتانماز
خیرمنی ایش گؤره ر، ولی اوتانماز
یییه سی اوتانار، دلی اوتانماز
دلی اولماغیما بیر آددیم قالیر
*
بیلمیرم ، هیچ نئچه یاشیندایام من
عشقین ایشتاهیندا، آشیندایام من
اوچرومون، یارغانین قاشیندایام من
دلی اولماغیما بیر آددیم قالیر
*
اشارا ییخاجاق، هیم آپاراجاق
الیمی ساز یئییب سیم آپاراجاق
منی ائویمیزه کیم آپاراجاق
دلی اولماغیما بیر آددیم قالیر
*
مجنون درس اوخویوب کتابی لیلی
مجنون سرخوش اولوب، شرابی لیلی
مجنون درده دوشوب، عذابی لیلی
دلی اولماغیما بیر آددیم قالیر
*
گولمه سین منی بو حالدا گؤره نلر
تر چیچک نه دیرسه، بیلیر درنلر
آیلیلن ای منه عاغیل وئره نلر
دلی اولماغیما بیر آددیم قالیر
*
گؤروش سئوینجیندیر، حسرت آهین دی
سئونلر سئوگیلی بیر درگاهین دیر
زلیم خان، من کیمم، حکم آلاهین دیر
دلی اولماغیما بیر آددیم قالیر
*

اولاجاغام

اولاجاغام
شاعر: بابا وزیر اوغلو

بودا سون آیریلیق سون دایاناجاق
قسمتین الیندن بیز هارا قاچاق
گومان کیمده اولدو بیلمیرم آنجاق
بیلیرم تک یانان من اولاجاغام

*
بیلمیرم سئوینجدن یا غم دن اولدو
بیلمیرم دوماندان یا چن دن اولدو
بلکه ده آیریلیق تک سندن اولدو
بیلیرم تک یانان من اولاجاغام

*
نییه آیریلیریق هارا گئدیریک
ووروب قلبیمیزه یارا گئدیریک
بلکه ایکیمیزده گومان ائدیریک
تک یانان من اولاجاغام

*
بلکه بیر یوخویدو اویانمالی سان
بلکه گئری دؤنوب دایانمالی سان
جهنم اودوندا سن یانمالی سان
سانماکی تک یانام من اولاجاغام

*

آللاه - بختیار وهابزاده

آللاه - بختیار وهابزاده

ایدراکدا یول آچمیش گئجه ده ن گوندوزه آللاه

گولدورمه سن اؤز کؤنلونو ، گولمه ز اوزه آللاه

دونیایه شفق لر کیمی تانریم سه په له نمیش

قلبین گؤزو یانمازسا ، گؤرونمه ز گؤزه آللاه

*

آللاه بیلیریک جیسم دئییل ، بس نه دیر آللاه ؟

ان یوکسک اولان حاقدا ، حقیقتده دیر آللاه

دوندونسه تکامل و گؤزللیک قاباغیندا

درک ائت ، بو تعجب ده بو حئیرت ده دیر آللاه

*

بیلدیک ، بیلیریک ، گیزلیدیر اینسانداکی قدرت

هرکس اونو فهم ائتمه سه ، عاجیزدیر او البت

اینسانین ازل بورجودور اینسانلیغا حورمت

اینسانلیغا ، حورمتده ، لیاقتده دیر آللاه

*

گرچک ده بودور گیزلی دیر او ذره ده وحدت

بیر ذره ایکن جمله قووشماق بونو نیت

گؤردوکلریمیز ظاهیری دیر ، بطنه نفوذ ائت

باطنده کی ، جوهر ده کی ، فطرتده دیر آللاه

*

فطرتده یاتیر ، سؤزده ، سؤزون اؤز یوکو فیکریم

سئچمیش ، سئچه جه ک ، دائما توکدن توکو فیکریم

من بیر آغاجام یارپاغی سؤزلر ، کؤکو فیکریم

سؤزلرده دئییل ، سؤزده کی حکمتده دیر اللاه 

*

اینسان ،  تپه ده ن دیرناغا سن آرزو دیلک سن

نفسینده دویومسوز ، فقط عشقینده ملک سن

ظولمون اوزونه حاق دئییلن شیلله نی چه کسن

شیلله نده ، موهورله نمیش او غئیرتده دیر آللاه

*

جاهیل ائنر آلچاقلیقا ، اؤز قلبینه یئنمه ز

وجدان دان اگر دؤنسه ده ، خئیریندن او دؤنمه ز

ظولمتده ، جهالتده ، عداوتده ، گؤرونمه ز

ایلقاردا ، صداقتده ، محبتده دیر آللاه

*

من ایستیرم - رسول رضا

من ایستیرم بولودلار آغلاسین

اوشاقلار آغلاماسین
آنالی یا آتاسیز
من ایستیرم
گوللر آچیلسین
گوله لر آچیلماسین
آمانلی یا آمانسیز
من ایستیرم قاپیلار قاپانماسین
سویوق اولاندا هاوا
گؤزلر قاپانماسین
سؤزلر قاپانماسین
من ایستیرم
یانقین لار سؤنسون
اومودلر سؤنمه سین
میوه لر دئیسین اؤز فصلینده
اوره کلره سؤز دئیمه سین
هر شئی اینسانا باخسین اینسان اله باخماسین
من ایستیره م سئوینج ، سعادت بول اولسون
اوره کده ن اوره که ، اؤلکه ده ن ، اؤلکویه
آچیق یول اولسون
*
ترجمه فارسی
من می خواهم
من می خواهم ابرها گریه کنند
اما کودکان گریه نکنند
با مادر یا بی مادر
من می خواهم گلها باز شوند
اما گلوله ها نه
آرام یا پی در پی
من می خواهم درها بسته نشوند
وقتی هوا سرد است
چشمها بسته نشوند
حرفها تمام نشوند
من می خواهم
شعله های آتش خاموش شوند
اما شعله های امید نه
میوه ها در فصل خود برسند
سخنی دلها را نرنجاند
هر چیزی محتاج انسان باشد
اما انسان محتاج کسی نباشد
من می خواهم عشق و سعادت زیاد باشد
از دل به دلی ، از سرزمینی به سرزمینی دیگر راه باشد

آی منیم گؤزلری کور محبتیم

شاعر: گولایه شینیخلی

نئچه قرینه لر یوروب گلمیسن
نئچه زنجیرلری قیریب گلمیسن
کیمنن عونوانیمی سوروب گلمیسن 
اونسوزدا چوخالمیش ذیللی ظولمتیم
آی منیم گؤزلری ، کور محبتیم 
*

بیرگی گئتدیک بو یوللاری بیز قوشا
چاخدین منی هر قایایا هر داشا
کؤنول وئردیم بیر خیالی سرخوشا
هدر اولدو هر چکیلن زحمتیم
آی منیم گؤزلری ، کور محبتیم
*
کرمین قوروتک قور گتیرمیسن
طیلسیم لی دونومو دار گتیرمیسن
آی وجدان سیز
حسرتدن گؤزومه تور گتیرمیسن
بودورمو بختیمه دوشن خلعتیم
آی منیم گؤزلری کور محبتیم

*

سنی اونوتماق اوچون سئومه میشم من

 بیر گؤزل شعر گولایه شینیخلی دان

بیر غملی بلبلم دنیا دار قفس

عشقین نغمه سی دی بو ناله بو سس

اولماسان کسیلر آلدیغیم نفس

اونوت منی داها اونوت دئییرسن

سنی اونوتماق اوچون سئومه میشم من

دوران خاطیریمه دیه یدی آغلادیم

عؤمور یئلکه نیمی ایدی آغلادیم

ال غمین باش منیم دؤیدو آغلادیم

تور قوروب گؤزونده گؤرورسم می من

سنی اونوتماق اوچون سئومه میشم من

گؤرنلر سوروشدو گؤرن نه ایزمیش

دئمه رم سینه می ستم لر ازمیش

حسرتین ده اؤزون قدر عزیزمیش

اوغروندا آغاردیب ساچیمی دن دن

سنی اونوتماق اوچون سئومه میشم من

گول چیچک آچمادی سن سیز باهاریم

سنین وارلیغین دی دنیادا واریم

سن سیز عؤمور دئییل یاشادیخلایم

او گونون او آنین اولوب عؤمرو کن

سنی اونوتماق اوچون سئومه میشم من

حاق دی کؤنوللرده محبت آندی

بو یولدا اصلی ده کرم ده یاندی

مقدس هر عشقین قربانی جان دی

منه خوش دو اؤلوم دئمه رم نه غم

سنی اونوتماق اوچون سئومه میشم من

ایستی اوجاغیندا کؤزون ابدی

گؤزومه کؤچوبدو گؤزون ابدی

اؤزونده عزیزیم اؤزون ابدی

ایستر یاخیندا اول یاد اولان گن من

سنی اونوتماق اوچون سئومه میشم من

گولایه قولون دو سن عشق آللاهیم

آیاغین ده ین یئر زیارتگاهیم

ای کؤنول سلطانیم ای کؤنول شاهیم

منه مندن یاخین بو عالم ده سن

سنی اونوتماق اوچون سئومه میشم من

*

سن سئومه یی باجارمادین

اوخویان: بال اوغلان اشرف اف 

دیلین آلدادیر منی
یاخشی ان آلدادابیلمز
پئشمان اولسان دا
اؤتن گونلر داها گلمز

*

ایندی سنده منیم کیمی

سئوه نلره باخیب اغلا

سئویلیب سئومه دیغین اوچون

ماتم توتوب سینه داغلا

*

هانکی شاهیدلیق ائیله دیم

هر کلمه نه جان سؤیله دیم

محبیتمین نامینا

نه باجاردیم من ائیله دیم

*

سن سئومه یی باجارمادین

سن سئومه یی باجارمادین

*

یاشاماقا ناچار اوچون

نئچه بیگانه سئویندی

سنه بئل باغلادیغیم اوچون

ائله پئشمانام کی ایندی

*

بو تنهالیق بو آیری لیق

منه گل گؤر نه لر ائتدی

حئیف او جوان چاغلاریم

سنه صرف اولوندو گئتدی

*

یوللار توکندی قوتاردی

منی آرخانجا آپاردی

قارا چاسلاریم وفاسیز

سنین یولوندا آغاردی

*

سن سئومه یی باجارمادین

سن سئومه یی باجارمادین

*

دلی جئیران

اوخویان: پیمان کیوانی
شعر: سعید اقبالی

باخیشین جان آلیر، قاراگؤز یاریم
منی درده سالیر، بو اینتظارین
سئوگیمیز دولانیر، خیابانلاری
شهره یایلیلر، هیجانلاری
عشقیم سن سن، آی دلی جئیران گؤزل
سنه قربان گؤزل، گؤزلری جان گؤزل
هئشکیم مندن، الابیلمز سنی
سن منی سئو، من سنی
بؤیله آتما منی
گولوشون یاشاییش، باخیشین نفس
گؤزلرین من اوچو.ن، اولوبدو قفس
ساچلاریندا باهار، دوداغیندا سس
منه بو دنیادا، بو سئوگی بس
*

دومانلی بیر شهر

اوخویان: پیمان کیوانی

دومانلی بیر شهرده یم، گلیب – گئدیر هره
هر آددیمیندا گیزله نیر، حوزونلو خاطره
یاغیش یاغیر، اسیر یئنه گؤزومده پنجره
خاطیرلاییر گؤزوم سنی، ساتاشسا هر یئره
گؤزومده داملا – داملا یاش، یاغیش یاغیر یاواش – یاواش
قاییت منی سیخییر بو نیسگیل
یاغیش یاغیر یاواش – یاواش
الیم سنه چاتایدی کاش
قاییت بو گؤزلرین یاشین سیل
قاییت قاییت یارام دریندیر
قاییت قاییت منی سئویندیر
قاییت قاییت بو عشقه خاطیر
قاییت قاییت بو قلبی دیندیر
قاییت قاییت بو جان سنین دیر
قاییت قاییت بو عشقه خاطیر
سولور بو خاطره قاییت
اونوتدوغون یئره قاییت
قاییت قاییت بو عشقه خاطیر
قاییت سن اولماسان بیری، دفن اولونار دیری – دیری
قاییت قاییت یارام دریندیر
قاییت قاییت منی سئویندیر
قاییت قاییت بو عشقه خاطیر
قاییت قاییت بو قلبی دیندیر
قاییت قاییت بو جان سنین دیر
قاییت قاییت بو عشقه خاطیر
*

اونوت گئتسین

اوخویان: پرویز بلبله

سئوگین کور ائیلیب گؤزومو
گؤرمورسن اونون اوزونو
او ایسه سئویر اؤزگه سینی
بوش یئره آغلاما، اوزمه،  بو قدر اؤزونو
اونو قلبیندن اووت گئتسین
گؤزوون یاشینی، قوروت گئتسین
سئوگینین حظی سیئویلمک دیر
او سنی سئومیرسه، اونوت گئتسین
قلبین تک اونو سسلر
گیرمز اورا یاد کس لر
سن ده ده همن قلبه
وای او گوندن سنی آلداتسین، همن حیس لر
*

من سئون گؤزلین

اوخویان: پرویز بلبله

عشقیندن اوره ییم ائله یانیرکی
سن اورا گیرندن دردده غم ده دیر
سنی اوره ییمده گؤرنلر دئیر
جنتین مله یی جهنم ده دیر
بیلمیرم، بیلمیرم سندن من نه ایستیرم
سندن سویوم گلمیر چؤره ییم گلمیر
من سنی اوره ییمه نییه سالمیشام
ایندی چیخارتماغا اوره ییم گلمیر
بیلمیرم کیملرین، نه یین خطرینه
من سنین خطرینه ده یه بیلمیرم
بعضا بیله – بیله بیلدیکلریمی
بیلمیرم نه ایچون دئیه بیلمیرم
آت منیم سئوگیمی آیاغ آلتینا
تاپدالا اوستوندن کئچ، عیبی یوخدور
سئوگیم تاپدالانار، غروروم سینماز
نه اولار جانین ساغ اولسون، هئچ عیبی یوخدور
*
من سئون گؤزلین، بنزه میر قاراگؤزلری بیر گؤزلین گؤزونه
امر ائده عاشیقی دئیه گؤزلریم اوسته قویا اؤز الین گؤزومه
اؤل دئسه، اؤله رم، قیرپمادان گؤزومو باخارام عجلین گؤزونه
دئسه قال، قالارم صبر ائدیب هر شئیه دؤزه رم او سیخینجا جانیم
بیری وار سئوه سن، یاناسان اودونا کول اولونجا چیخینجا جانین
بیری وار سئوه سن، آرادا یادینا سالاسان داریخینجا جانین
بیری وار سئوه سن، سئودیین ده سنی سئوه سئوگینی توتسون اوجا
بیری وار سئوه سن، سئودیین سئوه اؤزگه سینی گزه آیری جا
*
بو گئجه قلمی یولدان چیخاریب
یولومو سالمیشدیم واراق یولونا
آرزوم بودو بو واراق، هئچ واخ گئتمه سین
ناحاق سئوگیلرین ناحاق یولونا
دئدیم قلم گئت آددیم آت یئری
آیاغیوین آلتیندا سؤزلر یول چکیر
یولوو محبت یولونا سالما
اوردا تعمیر گئدیر، گؤزلر یول چکیر
حیات دا هر شئیین منجه یولو وار
کیم دئییر اؤلدورمک چتین دیر منی
یوخ منی اؤلدورمه یین بیرجه یولو وار
دئسینلر سئودیگین آلدادیر سنی
*

سنی کولک دن سوروشدوم

اوخویان: پرویز بلبله

سئوگیلیم، قارا گئجه لر کیمی زولفون قارادیر
حسرتین، منی محو ائتمه یه ایمکان یارادیر
سن سیزلیک، منی ائله حالا سالیب اومودوم ائله اوزولوب
اوره ییم پارا – پارادیر
*
گل آرتیق، سن سیز حیاتین دادی یوخ طامی یوخ
دردیم چوخ
بیر درد کی اونون هئچ انجامی یوخ، ایللردیر
سن سیز یاشاییب آنلامیشام کی، یاشامین آنلامی یوخ
*
سنی کولک دن سوروشدوم
آه چکیب غملی نغمه لر قوشدو
سنی دنیزدن سوروشدوم
تلاطم لی دالغالار جوشدو
سنی یئتندن سوروشدوم
کیمسه بیر جواب وئرمه دی، کؤنلوم اودلارا توتوشدو
*
یئرده کولک داغیتسا ساچینین عطرینی یانارام
گؤیده گونش، گول اوزونه گولسه ائله اودلانارام
نئینییم آخی
یئره – گؤیه سیغمایان عشقیمله سنی
یئره گؤیه قیزقانارام
*
گلمه سن، یاشینی گؤزلریمین قورومادان آخاجاق
توتماسان، توتوب اللریمی اؤزگه سی سیخاجاق
گؤزلریم، منی تک ائتدیین او اوزون یوللارا
گئجه گوندوز باخاجاق
*
سنی کولک دن سوروشدوم
آه چکیب غملی نغمه لر قوشدو
سنی دنیزدن سوروشدوم
تلاطم لی دالغالار جوشدو
سنی یئتندن سوروشدوم
کیمسه بیر جواب وئرمه دی، کؤنلوم اودلارا توتوشدو
*

پناهیم یئتیش

اوخویان: سیامک هنرور

پناهیم یئتیش، گل آرام قلبیم
گل حالیم یامان، گل قال بیرده منله
یورولدوم بو ائودن، هر آنیم یامان
دچارم سنه، ائله بی پناهم
گئدیرسن گئنه، دوشوب زاره حالیم
گل باخ بیرده یاریم، یانان حالیمه
من چتین گونلریم، قویسا یانیندایام
سنه عاشقم، تا واریمدیر بو جانیم
دا هئچ بیر کسی سئومه رم من اینان
*

 

دوستوم

شعر: عاشیق زلفیه عباداوا
اوخویانلار: پرویز طاهیر - اوفیلا شبنم اوا

سن سیز دنیا تار و مار اولوب
ائله بیر سان کی شاه مار اولوب
گلنلر ووروب، گئدنلر ووروب
سئون سئونه مین تله قورور
آمان آمان آمان آمان
دوستوم گل گئدک بورانی ترک ائدک
بورداکیلار هئچ، وئرمه دی دیر
*
سیخیلدی جانیم، قارالدی قانیم
او گدندن یوخدور هئچ حالیم
یانیر اوره گیم بیله نیم یوخدور
آخان گؤز یاشیمی سیله نیم یوخدور
یئتر بو قدر، چکدییم ظولوم
گئدک جان دوستوم، گئدک من اؤلوم
آمان آمان آمان آمان
دوستوم گل گئدک بورانی ترک ائدک
بورداکیلار هئچ، وئرمه دی دیر
*

منیم سن

اوخویان: پرویز طاهر

آلیب سنی آپارارام اوزاغا
سئون قلبه یوخدو قورخو، قاداغا
بیل آندیمنان دؤنن دئییلم داها
آتان- آنان قویماسادا منیم سن
یئر – یئریندن اویناسادا منیم سن
*
بوغداسینا عاشق اولان زمی یم
ساحیلینه حسرت قالان گمی یم
ائویمی ییخان قارا سازین تئلی یم
داغلار -  چایلار قایناسادا منیم سن
یئر – یئریندن اویناسادا منیم سن
*
ظالیم قیزی نه دورموسان قصدیمه
یاندیم آخی باخ اودوما توسگومه
نسلین کؤکون هجوم چکسه اوستومه
قارداشلارین دوغراسادا منیم سن
آتان – آنان وئرمه سه ده منیم سن
*

بیر ماهنی ایکی دیلده

حمید رخشنده – به دادم برس – ترانه سرا: محمّد کلار
به دادم برس، که داغونه قلبم
که حالم بده، شبام بی تو سردن
از این خونه خستم، نجاتم بده
دچاره به تو، ببین بی پناهم
کمک کن منو، گره خورده کارم
همش بد میارم، ببین حالمو
من از اینحال بد درآم خودم پیشتم
میمونم باهات، تا نفس می کشم
من از هرکسی جز تو دس می کشم
چی بگم از دلم، خودت میدونی چمه
بیا و بمون تو به جای همه
چقد این روزا بودنت لازمه
من از این غم گله د ارم
از خدا هم گله دارم
بی تو از عالم و آدم گله دارم
زخم این سینه عمیقه
زنده بودنم عجیبه
با دلم آخه کی مثل تو رفیقه
من از اینحال بد درآم خودم پیشتم
میمونم باهات، تا نفس می کشم
من از هرکسی جز تو دس می کشم
چی بگم از دلم، خودت میدونی چمه
بیا و بمون تو به جای همه
چقد این روزا بودنت لازمه
*
سیامک هنرور - پناهیم یئتیش
پناهیم یئتیش، گل آرام قلبیم
گل حالیم یامان، گل قال بیرده منله
یورولدوم بو ائودن، هر آنیم یامان
دچارم سنه، ائله بی پناهم
گئدیرسن گئنه، دوشوب زاره حالیم
گل باخ بیرده یاریم، یانان حالیمه
من چتین گونلریم، قویسا یانیندایام
سنه عاشقم، تا واریمدیر بو جانیم
دا هئچ بیر کسی سئومه رم من اینان

گل گل آهو بالاسی

اوخویان: جعفر رستگار

قربان اولوم اؤزونه
او قارا قاش گؤزونه
سن نن گئری یاریم یوخ
باخما یادلار سؤزونه
*
گل گل آی یاناقلاری گل
گل گل آی ساچلاری سنبل
گل گل آی آهو بالاسی
گل گل آی داغلار لالاسی
*
قاشلارین قاره منه
وورموسان یاره منه
سالمیسان عشق اودونا
گل ائیله چاره منه
*
گل گل آی یاناقلاری گل
گل گل آی ساچلاری سنبل
گل گل آی آهو بالاسی
گل گل آی داغلار لالاسی
*

آی قیز سنه مایلم

اوخویانلار: جعفر رستگار - فاطما زرگری

آی قیز سنه مایلم
بوینوندا همایلام
دوست پایی شیرین اولور
هر نه وئرسن مایلم
*
بیزیم ائلین دوزو وار
دوزلرینده قوزو وار
ایکی کؤنول بیر اولسا
کیمین اونا سؤزو وار
*
قاشلارین آلدی منی
کمنده سالدی منی
گؤزلرین مست خمار
مثل شراب نابدی
*
دالان اوسته دالان وار
دالان دا یئر سالان وار
گئدیرسن تئز قئییت گل
گؤزو یولدا قالان وار
*
قاشلارین قبله گاهدی
قبله دئسم گناه دی
داغلاری دومان چؤکسه
بیل کی من چکن آه دی
*

منیم اؤز گولوم

تبریزین قدیم ماهنی لاری
اوخویانلار: جعفر رستگار - فاطما زرگری

کوچه میزدن کئچن قیز
سونا کیمی سوزن قیز
او قارا تئللرینی
قوی بوینونا دوزن قیز
گل گل گل گل اوغلان 
بئله جئیران سئوگیلیم
دور گل دور گل ای قیز
بئله منیم اؤز گولوم
*
یولومدا دورما اوغلان
بوینووی بورما اوغلان
منه هردن سؤز آتیب
اؤزونو یورما اوغلان
گل گل گل گل اوغلان 
بئله جئیران سئوگیلیم
دور گل دور گل آی اوغلان
بئله منیم اؤز گولوم
*
آی قیز سؤزومه اینان
سنه قرباندیر بو جان
اوره گیم شاهیدیم دیر
سؤزومده یوخدور یالان
*
گل گل گل گل اوغلان 
بئله جئیران سئوگیلیم
دور گل دور گل ای قیز
بئله منیم اؤز گولوم
*
یولومدا دورما اوغلان
بوینووی بورما اوغلان
منه هردن سؤز آتیب
اؤزونو یورما اوغلان
گل گل گل گل اوغلان 
بئله جئیران سئوگیلیم
دور گل دور گل اوغلان
بئله منیم اؤز گولوم
*

دئدی اولماز اولماز

تبریزین قدیمکی ماهنی لاریندان بیری
اوخویان: جعفر رستگار

دئدیم قیز یاشیل ندی
دئدی باشیم دی
دئدیم قیز قلم ندی
دئدی قاشیمدی
دئدیم قیز اون دؤرد ندی
دئدی یاشیم دی
دئدیم قیز سنبل ندی
دئدی ساچیم دی
دئدیم قیز سال بوینوما
دئدی اولماز اولماز
اولماز اولماز اولماز
محبت اولسا اولار
آخ نئجه اولماز اولماز
یار نئجه اولماز اولماز
*
دئدیم قیز آلا ندی
دئدی گؤزوم دی
دئدیم قیز لاله ندی
دئدی اوزوم دی
دئدیم قیز غنچه
دئدی لبیم دی
دئدیم قیز شکرندی
دئدی سؤزوم ندی
دئدیم قیز چاره ندی
دئدی اولماز اولماز
اولماز اولماز اولماز
محبت اولسا اولار
آخ نئجه اولماز اولماز
یار نئجه اولماز اولماز
*
دئدیم قیز قوجاق ندی
دئدی یولوم دی
دئدیم قیز آغیر ندی
دئدی ائلیم دی
دئدیم قیز اینجه دی
دئدی بئلیم دی
دئدیم قیز اولاش ندی
دئدی قولوم دی
دئدیم قیز سال بوینوما
دئدی اولماز اولماز
اولماز اولماز اولماز
محبت اولسا اولار
آخ نئجه اولماز اولماز
یار نئجه اولماز اولماز
*

گول

گوللری دره رم من
یولونا سره رم من
او گلن یولون توپراغینی
اییلیب اؤپرم من
*
رحمت لی پیمان تبریزی نین یانیخلی سسی واریدی و  نه گؤزل اوخوردو . 

یاندیرار سنی

شاعر: ایوب سعدی
اوخویان: المیرا رحیم اوا

ایز قویما ایزیم اوسته
ایزیم یاندیرار سنی
سؤز دئمه سؤزوم اوسته
سؤزوم یاندیرار سنی
گؤزلرینه باخارام
گؤزوم یاندیرار سنی
*
چایلار کیمی آخارام
شیمشک اولوب چاخارام
گؤزلرینه باخارام
گؤزوم یاندیرار سنی
*
ایترم ایلیم – ایلیم
بیلینمز آییم – ایلیم
دؤزه بیلمز سن گولوم
دؤزوم یاندیرار سنی
*
آی تئللی، تئللی بورما
بئله یاخین دا دورما
اودلانارام، ال وورما
کؤزوم یاندیرار سنی
*
چایلار کیمی آخارام
شیمشک اولوب چاخارام
گؤزلرینه باخارام
گؤزوم یاندیرار سنی
*

دینله منی

شاعر: وقار احمد
اوخویان: المیرا رحیم اوا

*
دایان کسمه سؤزومو
صبیرلی اول، تلسمه
هارا سس وئر سسیمه
دینله منی سئوگیلیم
*
صافدیر اوره ییم ایچین
گناهیم یوخ آند ایچیم
قالمادی طاقت گوجوم
دینله منی سئوگیلیم
*
سؤزلریمده یوخ یالان
منم اودونا یانان
باغریم اولاجاق تالان
دینله منی سئوگیلیم
*
دوز دانیشان منم من
عشقه صادق منم من
سؤیله منه سن احسن
دینله منی سئوگیلیم
*

سن سیز بو آخشام

شاعر: میرزه آقا آتش
اوخویان: المیرا رحیم اوا

گئنه سن سیز بو آخشام
یوخو قاچیب گؤزومدن
سنی دئییب دورموشام
خبریم یوخ اؤزومدن
*
گل کؤنلومو، چال منیم
گل یانیمدا قال منیم
گل جانیمی آل منیم
سنین اولوم من، من
*
سمادان قوپوب دوشن
بیر یانار اولدوزام من
تئز اول یئتیر اؤزونو
تنهایام، یالقیزام من
*
سویویوبدور اتاغیم
آه سن گئنه گلمدین
بوزا دؤنوب یاتاغیم
آخی نییه گلمدین؟
*
سمادان قوپوب دوشن
بیر یانار اولدوزام من
تئز اول یئتیر اؤزونو
تنهایام، یالقیزام من
*
تای به تای دیر قاپیم
گل، گل، گل، گل
گؤزله ییرم یولونو
اوزولوبدور تابیم
گل، گل، گل، گل
سال بوینوما قولونو
سال بوینوما قولونو
*

سؤز اولماسایدی

اوخویان: شوکت علی اکبراوا

داغلاردا دومان گؤزلدی
قاشلارین کامان گؤزلدی
حسنونه هئچه بیر سؤزاولماز
گؤزلرین یامان گؤزلدی
*
آلیبدی عاغلیمی باشدان
کئچمک اولماز او گؤز قاشدان
سنی من یامان سئویرم
اورکدن جاننان سئویرم
منه گل ائیله وفا یار
عاشقه ائمه جفا یار
*
سؤیودلر باشین ایه نده
سنه من یاریم دئینده
سانارام دنیا منیم دیر
گؤزون گؤزوم دیه نده
*
آلیبدی عاغلیمی باشدان
کئچمک اولماز او گؤز قاشدان
سنی من یامان سئویرم
اورکدن جاننان سئویرم
منه گل ائیله وفا یار
عاشقه ائمه جفا یار
*
او قارا گؤز اولماسایدی
عهدیمیز دوز اولماسایدی
سنه هئچ کؤنول وئره ردیم؟
سؤزوموز سؤز اولماسایدی
*
آلیبدی عاغلیمی باشدان
کئچمک اولماز او گؤز قاشدان
سنی من یامان سئویرم
اورکدن جاننان سئویرم
منه گل ائیله وفا یار
عاشقه ائمه جفا یار
*

 

کسمه شکسته ( موغام )

اوخویان: شوکت علی اکبراوا

ایلک باهار هئچ لاله سیز، هئچ یاسمن سیز اولماسین
عاشیق هئچ معشوقه سیز، بلبل چمن سیز اولماسین
من سنین عشقینله پرواز ائیله رم یوکسکلره
ای نیگار، سئودالی کؤنلوم بیرده سن سیز اولماسین
من سنه سؤز وئرمیشم، سن ده منه سؤز وئرمیسن
عشقه صادق کؤنلوموز، سن سیز و من سیز اولماسن
وار یوخوندان کئچسه ده، کئچمزوطن دن بو کؤنول
بیر گونون سویله سلیمان کی، وطن سیز اولماسین
*
بیر اووچونون آ بالام، اوو قاچسا یارالی
نئجه گلر، آنان قربان، اونون صبری قراری
ایتیرمیشم اده بالام، آلاگؤزلو مارالی
گزیرم اونون دالینجا، من اوره یی یارالی
*
قیزیل گول آنان قربان آی هاچا درددی
سنه گؤره آنان قربان نئچه درددی
دی دور گل آی دردین آلیم
اوف دلی کؤنلوم

دوشه سن آنان قربان من دوشن درده
گؤره سن نئجه درددیر نئجه درددیر
*
من عزیزینم آ بالام، باد آپاردی
باد اسدی آنان قربان باد آپاردی
قاراجا گؤزلرینه قربان اولدوغوم
جفانی من چکدیم صفانی یاد آپاردی
یاد آپاردی آنان قربان یاد آپاردی
*

انتظار

اوخویان: المیرا رحیم اوا

سن سیز یوللاردا قالیب گؤزلریم
انتظاردایام یار گل
عهدی اونوتما گؤروش یئری تک
بیر باهاردایام یار گل
*
وفاداریم منیم، ایلک باهاریم منیم
اینجا دویقوم سان، یار گل
مندن دؤنسن اگر، آییم گونشیم سؤنر
کؤنول وئردیم، قورو محبتیم
*
یورغون دئنیز تک، نورلو گوندوز تک
اینجه دویغوم سان، یار گل
منیم حیاتیم، منیم اومیدیم
شیرین یوخومسان، یار گل
*
وفاداریم منیم، ایلک باهاریم منیم
اینجا دویقوم سان، یار گل
مندن دؤنسن اگر، آییم گونشیم سؤنر
کؤنول وئردیم، قورو محبتیم
*

قیزیل گول

اوخویانلار:
شوکت علی اکبر اوا -  خان شوشینسکی

کئچن ایل گؤردوم سنی
حیران ائیله دین منی
گؤزل قیز آل گئینیب
گل اول، آنام گلینی
او نه خالدیر یاناغیندا؟
اؤلدورمه قیز منی، سئویرم من سنی
آخ نئجه سئودیم نئجه سئودیم نئجه
من نئجه سئودیم نئجه سئودیم نئجه
*
بیلیرم کی سئومیسن
کئچن ایلدن منی سن
لاکن من سئوممیرم
اونودا بیلمه لیسن
بیلمه لیسن، بیلمه لیسن هئی
*
قیزلارین عادتی دیر
سئودیی اوغلانا ناز ائیلر
نه قدر ناز ائیله سه
اوغلان آلدادیب یولدان ائیلر
سئوگی سیز ناز اولابیلمز
سئوگی یه ناز نه گرک دیر؟
سئوگی سیز ناز اولابیلمز
*
گئنه کؤنلومون قوشو
اوچدو یار بوداغینا
سنی گؤرجک نظریم
دوشدو آغ بوخاغینا
او نه خالدیر یاناغیندا
یاناغیندا، یاناغیندا، یاناغیندا
*
بیلیرم کی سئومیسن
کئچن ایلدن منی سن
لاکن من سئوممیرم
اونودا بیلمه لیسن
بیلمه لیسن، بیلمه لیسن هئی
*
قیزلارین عادتی دیر
سئودیی اوغلانا ناز ائیلر
نه قدر ناز ائیله سه
اوغلان آلدادیب یولدان ائیلر
سئوگی سیز ناز اولابیلمز
سئوگی یه ناز نه گرک دیر؟
سئوگی سیز ناز اولابیلمز
*

بیر خومار باخیشلا

شاعر: فکرت قوجا
اوخویان: شوکت علی اکبر اوا

چیچکلر آچماسا، گلرسن یاز گلر
افق لر توتولسا، گلرسن گؤی گلر
غضب له قیشقیرسان، اولدوزلار تؤکولر
بیر خمار باخیشلا، سعادت باغیشلا
*
گئنه گلدین سن 
باخیب گوادون سن
باهار گلدی گوللر آچدی
چایلار داشدی، نغمه قوشدو سنه
چایلار داشدی، نغمه قوشدو سنه
*
کنارا باخیرسان، گؤزومده اود یانیر
اوزومه باخیرسان، اوره ییم تالانیر
بو عالم باشیما، دولانیر، دولانیر
بیر خمار باخیشلا، بیر عالم باغیشلا
*
گئنه گلدین سن 
باخیب گوادون سن
باهار گلدی گوللر آچدی
چایلار داشدی، نغمه قوشدو سنه
چایلار داشدی، نغمه قوشدو سنه
*

من سنین یانینا قیشدا گلیردیم

شاعر: علی آقا کؤرچایلی
اوخویان: شوکت علی اکبراوا

من سنین یانینا، قیشدا گلیردیم
چیچک آختاریردیم، گزدیم هریانی
هر طرف بیاض قار، گول - چیچک هانی؟
تاپیب بیر دیبچکدن، آخیر کی دردیم
*
سونرا سؤیله دیم کی، باهاردا سنه
بیر دسته باغلارام، یاز گوللریندن
بودور یولا سالیب قاری قیشی من
سنین گؤروشونه گلمیشم یئنه

گلمیشم یئنه، سنین گؤروشونه
گلمیشم یئنه
*
دسته باغلامادیم، نه یه گرک دیر
باخ اودور نرگیس له، دولودور لک لر
لاله نین عطرینی، یاییر کولک لر
یاسمن – قیزیل گول، لئچک – لئچک دیر
*
عزیزیم اونلاری، قوپارتماق اولماز
گوللره چؤلده باخ، داغ دؤشونده باخ
اونلاردان من سراغ گتیردیم آنجاق
بیر الیمده باهار، بیر الیمده یاز
بیر الیمده یاز، بیر الیمده باهار
*

قربان اولدوغوم

شاعر: میکائیل مشفق
اوخویان: شوکت علی اکبر اوا

بیلمَم منی نئیچون آتمیش اونودموش
عهدی پیمانینا قرابن اولدوغوم
یوخسا اؤزگه سینه اوزونو توتموش
یئنی سئوداسینا قربان اولدوغوم
*
او منیم سئوگیلیم، او منیم سونام
اونسوز اوزوم گولمز، آچیلماز آینام
بیلمم هاردا قالدی او نازلی درنام
او خوش سئوداسینا قربان اولدوغوم
*
آیریلیق اودونا، کؤنول دایانماز
عشق اودونا یانان، بیرداها یانماز
چکدیغی ناله دن، نئیچون اویانماز
شیرین رویاسینا، قرابن اولدوغوم
*

آمان الیندن

امیر حسام ملقّب به ممیش خان
*
نئجه سن سیز یاتام من
سنی باشدان آتام من
آخ خیالین قویمورو
گئجه راحات یاتام من
*
کاشکی چاتا بیلئیدیم
الیندن بیر توتئیدیم
باخیب گولومسه ینده
آننینان بیر اؤپئیدیم
*
منه گلسین او قیزین قاداسی
اؤلدوروب منی اداسی
آی آمان ایندن
آمان الیندن
منه گلسین او قیزین قاداسی
اؤلدوروب منی اداسی
آی آمان ایندن
آمان الیندن
*
ایسته میرم هرکسی
قلبین اودور باعثی
دردیمه درمانم اولور
اونون شیرین گولمه سی
*
آی اولوم قربانین من
دووره وه فیرلانیم من
اوزاقلاشما یانیمنان
ائله ائله مه قیزقانیم من
*
منه گلسین او قیزین قاداسی
اؤلدوروب منی اداسی
آی آمان ایندن
آمان الیندن
منه گلسین او قیزین قاداسی
اؤلدوروب منی اداسی
آی آمان ایندن
آمان الیندن
*

 

گئتمه

اوخویان: شوکت علی اکبراوا

گؤزلرین آلدی منی
کمنده سالدی منی
آماندی قویمایین
یار گؤزدن سالدی منی
گئتمه گئتمه گل گؤزل یار
گئتمه گئتمه گل
*
قربانام خان گؤزونه یار
نازلا باخان گؤزونه یار
گئنه سرمه چکیبسن
ائولر ییخان گؤزونه یار
گئتمه گئتمه گل گؤزل یار
گئتمه گئتمه گل
*
ائله بیل قصدی ندیر
گؤزلرین مستی ندیر
یار منی اینجیتمک دن
بیلمیرم قصدی ندیر
گئمه گئتمه گل گؤزل یار
گئتمه گئتمه گل
*
سنین آلا گؤزلرین
جانیم آلا گؤزلرین
قورخورام بیردن اؤلم
یادا قالا گؤزلرین
گئتمه گئتمه گل گؤزل یار
گئتمه گئتمه گل
*
قربانام خان گؤزونه یار
نازلا باخان گؤزونه یار
گئنه سرمه چکیبسن
ائولر ییخان گؤزونه یار
گئتمه گئتمه گل گؤزل یار
گئتمه گئتمه گل
*

آنام یادیما دوشدو

شاعر: مروارید دیلبازی
اوخویان: بابا میرزه اف

ایلیق کولک لر اسدی
یاز گلمه یه تلسدی
منیم اوره ییم اسدی
آنام یادیما دوشدو
*
بنووشه دسته – دسته
قیزیل گول یارپاق اوسته
سولار آخیر آهشته
آنام یادیما دوشدو
*
چشمه گؤردوم دایاندیم
آلیشدیم اودا یاندیم
خیاللاردان اویاندیم
آنام یادیما دوشدو
*

آغلاما قربانین اولوم

شاعر: گولایه شینیخلی
اوخویان: عاشیق زولفیه

فلک ظولومکاردی گؤز یاشی سیلمز
اوزولر اوره ییم بو درده دؤزمز
بو دنیا بیر داملا یاشینا دیمز
آغلاما قربانین اولوم آغلاما
*
بو نه یاشدی گؤزلرینن سوزولور
آغلاما قربانین اولوم آغلاما
آغلادیقجا بیل اوره ییم اوزولور
آغلاما قربانین اولوم آغلاما
یارالانمیش اوره ییمی داغلاما 
*
اجاق یانار آلاولانار قور گلر
یاشلارینان سینه مه زور گلر
قورخورام کی گؤزلرینه تور گلر
آغلاما قربانین اولوم آولوم آغلاما
یارالانمیش اوره ییم داغلاما
*
آغلاداجاق آغلادیقجا بیل گیلن
گؤزلرینین قان یاشینی سیل گیلن
دردین اولسا گولایه یلن بؤلگونن
اغلاما جیران بالاسی آغلاما
آغلاما قربانین اولوم آغلاما
*
 

یاغیش یاغیر

اوخویان: عاشیق زلفیه

یاغیش یاغیر چؤل - چمنه
گتیریر درد – کدر منه
یار گؤروشه گله جکدیر
نه چکدییم بیله جکدیر
گؤرسم اونون گول اوزونو
آغریم آغیم دینه جکدیر
*
بولودا دئیین دولماسین
یامورا دئیین یاغماسین
منیم سئودییم گؤزل
یاغیش دا ایسلانماسین
*
عرشه قالخیب آهیم گولوم
تئز اول یئتیش عؤمروم گولوم
رحم ائیله سین سئوگیمیزه
طالح بیزه کم باخماسین
قربان اولوم آی سئوگیلیم
یاغیش سنی قورخوتماسین
*
بولودا دئیین دولماسین
یامورا دئیین یاغماسین
منیم سئودییم گؤزل
یاغیش دا ایسلانماسین
*

قرانلیخ گئجه

اوخویان: مورمان

من بو قارانلیخ گئجه ده
آختاریب سنی تاپارام
بوینووی تئز قوجاخلییب
باغریما سنی باسارام
*
من بو قارانلیخ گئجه ده
سنله ال – اله گزه رم
سن اولمویان واختا گولوم
تئز داریخیب تئز بئجه رم
*
من بو حیات دایاشیرام
دنیاما بیرده گله سن
بیرده گؤرم گول اوزونو
سونرا ایسته سن گئده سن
*
بیر دنیا حسرت دولانیب
بیر دنیا گزدیم شهری
تبریزین هر کوچه سینی
دالینجا گلدیم گؤزلیم
*
داریخدی قلبیم سن ایچون
چاره سیزم داریخمیشام
گئتدییمیزیوللاری من
تک باشیما قاییتمیشام
*
من بو حیات دایاشیرام
دنیاما بیرده گله سن
بیرده گؤرم گول اوزونو
سونرا ایسته سن گئده سن
*

حسین ثارالله

اوخویان: زهرا بالامیز - زهرا بالانین اینستاگرام صفحه سیندن

قاپیندا حسین جمله شاهلار گدا دی
بیزیم کعبۀ عشقیمیز کربلادی
حسین ثارالله، ثارالله
قانین آخار یئره ، یازار یا الله
گلنمه دیم کرب و بلایه
آغلیام شاه ولایه
حسین یارالاریوا قربان
اسیر بالاراریوا قربان
حسین ثارالله، حسین ثارالله
قانین  آخار یئره، یازار یا الله

عاشقم

اوخویان: عاریف بابایوف

بولاغ باشی توز اولار
اوستو دولو قیز اولار
اییل دسمالین گؤتور
من گؤتورسم سؤز اولار
سنی یاناسان آی قیز
عاشقم، معشوقم
سنی من ایسته دیم
بی وفا بیلمه دین
*
ایستکانین بیر دستی
بیر دستی منه بس دی
یاریم منن کوسوبدو
غصه سی منه بسدی
سنی یاناسان آی قیز
عاشقم، معشوقم
سنی من ایسته دیم
بی وفا بیلمه دین
*

عمی قیزی

اوخویان: بابا میرزه اف

آی قارا چوخا ممدحسن
یار باغیندان تر گل دره سن
بیرجه جوت ابپک نمنه دیر
عمی قیزینا گؤندره سن
*
عمی قیزی جان عمی قیزی
گؤزلری مرجان عمی قیزی
بیرجه جوت جوراب نمنه دیر
عمی اوغلونا گؤنده ره سن
*
آی بو کؤنلومون پاسبانی
نیه باخیسان یانی – یانی
دئمیشدین نیشان گؤنده ره سن
بس او وئردیگین وعده هانی
*
آغ ده وه لر یوکلندی عمی قیزی
آغزی یوخوشا دیکلندی عمی قیزی
بیر دنه بوسه نمنه دیر
سویله وئرمدین بو ندن دیر؟

گئجه لر

اوخویان: کؤنول خاسی اوا
شاعر: بختیار وهابزاده

تئللرینی دولاییب
بوینوما سار گئجه لر
منیم سیرداشیمسینیز
گئجه لر آی گئجه لر
*
اوره ییمده سحرین
نئجه حسرتی وار
انتظار آنلاریندا
گئجه اوزون اولورموش
*
قوش دک اوچار خیالیم
هاردان هارا گئجه لر
من حسد آپاریرام
یاتانلارا گئجه لر
*
فیکریم داغدا آراندا
یوخو هارا من هارا
خیالیم سانجیلیبدیر
ساریشان اولدوزلارا
*
اوره ییمده سحرین
نئجه حسرتی وار
انتظار آنلاریندا
گئجه اوزون اولورموش
*

باغچادا گوللر

 اوخویان: کؤنول خاسی اوا

آی دریا کناریندا
بیر ائو تیکمیشم
آی حاصارین چکمیشم
اوستون اؤرتموشم
آی بو گلن گؤزله
گؤزوم دیکمیشم
*
باغچادا گل لر
اوخور بلبل لر
بئله دئییرلر
گئنه یاز گلیر
*
آی الینه آل چالیب
دیندیر سازینی
آی من چکرم هردم
سنینی نازینی
آی شمس قمر کیمی
گؤستر اوزونو
*
باغچادا گل لر
اوخور بلبل لر
بئله دئییرلر
گئنه یاز گلیر
*

آلداتمایاق بیر بیریمیزی

شاعر: زیور آقایوا
اوخویان: شوکت علی اکبراوا

خوش دئییلسه آرزو دیلک

داشا دؤنوب دؤنسون اوره ک

اووتماق اوچون قلبیمیزی

آلداتمایاق بیر بیریمیزی

ود ائتمه یه ک گؤیده آیی

بیر بیریمیزه بو دونیایی

اووتماق اوچون قلبیمیزی

آلداتمایاق بیر بیریمیزی

نئجه بؤلوب بیز دنیزی

آلداتمایاق بیر بیریمیزی

اوره یینی وئرنمه دیله

قانقال دئمه قیزیل گوله

یالانا شر بو یئر اوزو

آلداتمایاق بیر بیریمیزی

بیر عؤمور اوچون اسه – اسه

گل دوشمه یک بیز هوسه

ترک ائده جک عؤمور بیزی

آلداتمایاق بیر بیریمیزی
*