ناز ائیله ییر

گئنه گلدی یاز آیلاری

بلبل گوله ناز ائیله ییر

سئویرم سؤزون دئمه یه

دوداق دیله ناز ائیله ییر

بو نه آرزو بو نه دیلک

سینه سینده جوشدو اوره ک

گول بدنه گول نه گرک

بدن گوله ناز ائیله ییر

عاشیق ائهلیمان چاراسی

گؤزومون آغی قاراسی

اؤلدورور ظالیم بالای

بیله – بیله ناز ائیله ییر

فضلی تک یانان اولموشام

اوره یی آل قان اولموشام

گؤروب یاری جان اولموشام

ظالیم اوغلو ظولم ائیله ییر 

*

اوخویان : الماس

* 

گئدک ائلچی

دونن یانیندا بیر گؤزل گؤرموشم

سوروشانا سئوگیلین دی دئمیشم

بیلیرسن آی اوغول نه سئوینمیشم

قوربان اولوم آی آنا

گل گئدک ائلچی اونا

دونیا بیر یانا سئوگیلیم بیر یانا

حسرتیندن قالمیشام یانا – یانا

اذن وئر سنی ائیله ییم قاین آنا

قوربان اولوم آی اوغول

منی ائیله قاین آنا

گئده رم ائلچی اونا

سنین کیمی عشق اودونا یانیرمی؟  

سنی هامی دان عزیز ساییرمی؟ 

سن ایسته سن بو دونیانی دانیرمی؟

قوربان اولوم آی آنا 

گل گئدک ائلچی اونا 

منیم کیمی عشق اودونا یانیر او

منی بیل هامی دان عزیز ساییر او

من ایسته سم بو دونیانی دانیر او

قوربان اولوم آی اوغول

منی ائیله قاین آنا 

گئدرم ائلچی اونا

قوربان اولوم آی آنا گل گئدک ائلچی اونا 

*

عاشق زولفیه – بابک ساکیت اوغلو
*

دونیانین تاجی ( آنا )

آنا اوره ییمیزدیر

آنا دیره ییمیزدیر

اونسوز حیات آجی دیر

او دنیانین تاجی دیر

آی آنا آی آنا

قربان اوللام من سنه

آی آنا جان آنا

قربان اوللام من سنه

اونسوز حیات آجی دیر

او دونیانین تاجی دیر

آنا جان دی حیات دی

آنا بو کائنات دیر

اونسوز هئچ دیر بو عالم

گئدر قلبیم غصه دن

آی آنا آی آنا

قربان اوللام من سنه

اونسوز حیات آجی دیر 

او دونیانین تاجی دیر 

*

اوخویان : بابامیرزه اف

*

دور گل نازیله

الینده  سازی قربانی

ائیله مه نازی قربانی

اوللام او گؤزون قربانی

اؤلدورمه منی ، یاندیرما منی

دور گل نازیله – نازیله

صحبت سازیله – سازیله

نه باخیرسان یانی – یانی

اوللام او گؤزون قربانی

اول کی محبت هانی

اؤلدورمه منی ، یاندیرما منی 

دور گل نازیله – نازیله  

صحبت سازیله – سازیله

*

اوخویان : بابامیرزه اف 

*