صبح نامازی

اوخویان: یعقوب ظروفچی
شاعر: محمود قبّه زرّین

چال عاشیق
چال سازی سسلندیر آماندیر
یوخو آلدی گؤزومو
گون قارانلیق
سو بولاندیق
اولوب ائل یوردو دومانلیق
سؤندوروب یئل کؤزومو
قهرمان اوغلوون عاشیق داها یوخدور دؤزومو
سؤنموش او اودلاری مضرابیله اودلاندیر عاشیق
سویموش او قانلاری قاینات گویه داشلاندیر عاشیق
قوی نفس گلسین ائله
باغلایاق شالی بئله
دایاناق سئل قاباغیندا
بابالارمیز سایاغیندا
هایلا گلسین نبینی ال ده تفنگی هابئله
قوچ کوراوغلو دلیلرله گله، بابک دیریله
هامی وئرسین ال اله،
قوی سنین دوشمانیوین نسلی کؤکوندن قوروسون.
چال ظفر نغمه سینی سس بو دیاری بوروسون
عاشیق آوازی، سازی ائل بوغازی
گئجه دن چوخلو کئچیبدیر
قالیب البته آزی
یئتریب صبح نمازی!
داغلارین باشی مناره ن!
سازین آواسی اذان!
پرده لر حمدیله سوره
شور شهنازدا قرآن!
هایلا ستارخان ائلی،
اونون ال بیر فامئلی،
بو سحر وقتی قیام ائیله ی هلر،
قیلالارصبح نمازین
بحثی تمام ائیله ی هلر
*

ظولومکار

اوخویان: کؤنول کریم اوا

بیته جک بیر گون عؤمور اولمایاجاق 
سنه ده قالمایاجاق
قلبیمنن ووراراق اؤلدورموسن
بو اؤلوم سنی ده بیل تاپاجاق
ووراجام قلبینه غم داغی
بیله سن نه ایمیش انتظار
گؤیلردن یئنه رک آشاغی 
اولاجام ان بؤیوک ظولومکار  
بیته جک اولمایاجاق
سنه ده قالمایاجاق
قلبیمنن ووراراق اؤلدورموسن
بو اؤلوم سنی ده بیل تاپاجاق  

*

داریخیرام

اوخویان: تورال صدالی

من آغلایارکن گولور آللاه بیلیر
منی اوره یینن سیلیر آللاه بیلیر
بیر حسرت قالان بیلیر بیر آللاه بیلیر
هر نفس آلدیقجا نه تهر داریخیرام
گؤرن بیلیر کی نه تهر داریخیرام
آخشام آغلیرام سخر داریخیرام
*
منی بو حاله درده سالان هارداسان
عؤمورلوک عاغلیمدا قالان هارداسان
منیم اوره ییمی مننن آلان هارداسان
نه بیر اشاره وار نه خبر داریخیرام
گؤرن بیلیر کی نه تهر داریخیرام
آخشام آغلیرام سخر داریخیرام
*
عاشیقینی سال یادا بیر زنگ ائله
من نیه دؤندوم یادا بیر زنگ ائله
یا بیر مساژ یاز یادا بیر زنگ ائله
کاشکی بیلئیدین نه قدر داریخیرام
گؤرن بیلیر کی نه تهر داریخیرام
آخشام آغلیرام سخر داریخیرام
*
منن اؤتور اگر داریخمیسان سان
بس نیه یوخ  خبر داریخمیسان سن
داریخدیغیم قدر داریخمیسان سن
دئمک داریخدیغیما دیر داریخیرام
گؤرن بیلیر کی نه تهر داریخیرام
آخشام آغلیرام سخر داریخیرام
*

اؤزون بیلیرسن

اوخویان: تورال صدالی

سن سیز آنیم کدراولار
چاییم – سویوم  زهر اولار
اوره ک ده بیر نفر اولار
اودا سن سن، اودا سن سن
*
سن منه یار من سنه یار
گئتسن اولار بو دنیا دار
بو قلبیمین بیر صاحبی وار
اودا سن سن، اودا سن سن
*
اؤزون بیلرسن، اؤزون بیلرسن
سنی نئجه سئویرم، دوزن بیلرسن
قلبیمی یاندیرما، منی هاوالاندیرما
من سنه عاشقم، اؤزون بیلرسن
*

سئوگیمه دویمایانیم

اوخویان: تورال صدالی

گولوشلرین ده یالان
باخیشلارین دا یالان
سن گئدنن سورا بئله یم
بلکه ده سهو ائدیرم
هر شئی محو ائدیرم
سن گئدنن سورا دلیی یم
ایچکی ده تاثیر ائتمیر
گئتمیر خیالین گئتمیر
گؤزومون پرستاری دی
ان یاخین سیرداشیم
او منیم گؤز یاشیمین سبب کاری دیر
او گئدیب یوخدو دئنن
کدریم چوخدو دئنن
داریخاندا واختی دئنن
هارالاردایدین
ای منی آنلایانیم
سئوگیمه دویمایانیم
من تک قویمویانیم
هارالاردایدین
*

سئومک اولمور

اوخویان: کؤنول کریم اوا

حیاتدا یاشاماق، سنی سئومه سم اولمور
قلبیمی کؤنلومو، سنه وئرمه سم اولمور
بو سویوق الیمله، الینی توتماسام اولمور 
گل سن منیمله حیات یاشا
بو عؤمرو سنینله ووراق باشا 
توکه نیب طاقتیم، داها گؤزله مک اولمور
توتولوب گؤزلریم، یولون ایزله مک اولمور
نه سن بیلیرسن، نه ده کی سنه سؤز دئمه ی اولور
گل سن منیمله حیات یاشا
بو عؤمرو سنینله ووراق باشا 

*

اؤزو بیلمیر

اوخویان: افشین آذری

بیری واردیر قلبیمده، اؤزو بیلمیر
اوره ییمده گیزله نن سؤزو بیلمیر
یورولمورام باخماقدان اوندان دانیشماقدان
هله هئچ گولوشلریندن، هئچ دئمیرم
او گؤزلرین رنگیندن، سسینین آهنگیندن
گون به گون لاپ اونو، چوخ سئویرم
اوره یین حس لریندن، لاپ ائله اولیندن
توتاسان اللریندن، دیئه سن اؤزونه
اوره یین آغلادیخجا، اونو قوجاقلادینجا
ساچینی اوخشایینجا باخاسان گؤزلرینه

منیم اولاجاقدیر

اوخویان: کؤنول خاسی اوا

کئچیب گئده جکدیر بو ساختا غرور
وقارین اؤزونه غنیم اولاجاق
سنین گوللرینی پاییز سولدوروب
باهارین گوللری منیم اولاجاق
*
ایندی ایسیندیغین قورو اجاق دیر
بیر گون ایته جکسن دومان دا چن ده
بولاغا اوز توتسان قورویاجاقدیر
بولاغلار آخاجاق منی گؤرنده
*
سن ایلمه ایله توخویان زامان
من اوچان خالچالار توخویاجاغام
سن هجران نغمه سی اوخویان زامان
اوندا من وصال لیق اوخویاجاغام
*
معجزه گؤزلمه گلن سحرده
بیر سحرکؤلگن ده دانلاناجاقدیر
سنین پلانلارین قورتاران یئرده
منیم پلانلاریم باشلاناجاقدیر
*

 

وفاسیز

اوخویان : کؤنول - خاسی اوا

غریب لیک باشیمین بلاسی اولوب
نه قدر آغی لار گتیریب منه
ساده لیک کؤنلومون ناله سی اولوب
اونولا شر خطا گلیب عؤمرومه
کیمه کی جان دئییب یاندیم اوره کدن
جانیم اودا یاندی آلیشدی کؤنلوم
کیمی کیم یاخین دوست ساندیم اوره کدن
سون آندا دشمنه چئوریلن گؤردوم
آلدی قوجاغینا منی درد کدر
آیاق هر آتدیم دا سیناغی یامان
بعضا اوره ییمی دیدیب فلک

قسمتیم طالعیم بودور آی آمان
شیطانلار گؤرموشم ملک دونوندا
هامیسی  خوش گونون ملکی اولوب
دار گونده کیمسه سیز قالدیغیم آندا
تک آللاه دعاسی کمکیم اولوب
اونوتماق من سنه آسان می گلدی
منی اوره ییندن سیله بیلمه سن
آیریلیق عذابی باغریمی دلدی
سن سئوگی قدرینی بیله بیلمه سن
دؤنرسن نرگیزه قیزیل لاله یه
هر آخشام بیترسن یولومون اوسته
گؤز یاشیم دؤنه جکدیر شلاله یه
یئرین گوروشه جک قولومون اوسته
آغلا ائله آغلا بولوتلار سوسسون
شیشمک لر ایچینده آلیشیب سؤنسون
سن ائله بیر آه چک کوله یه دویسون
طبیعت لال اولوب صحرایه دؤنسون
سن سیز خزان ووروب باهار عؤمرومو
آغلا سان منی ده یادا سال آغلا
حسرتین یاندیریب یاخار عؤمورومو
گل سینیخ قلبیمی گل قییا باغلا
بو عؤموریولونوکؤر یولچوسویام
بو گونلر بیر دره من آخار سویام
دئدین اوره یینه داش باغلا یار
سانما بو دنیادا دویدون سن منی
هجرانین قلبیمی هرآن سیخاجاق
بو خسته کؤنلومو اودا یاخاجاق
دردیندن هر یازیم قیشا دؤنه جک
سانما بو دنیادا دویدون سن منی
بوتون عؤمرومومن سنه  وئرمیشدیم
گل لر آراسیندا سنی سئچمیشدیم
سنه من باشیمین تاجی دئمیشدیم
سانما بو دنیادا دویدون سن منی
گئت ای وفاسیز یار دؤنمه گئریه
سن کی پاییزلار تک باخدین سئوگییه
عشقینده کی دؤنمه دین سن گئریه
سانما بو دنیادا دویدون سن منی
*

زندان نیه لازیم دی

اوخویان: مئتیش نخجوانلی

دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
ربیم سنه شکر ائلیریک، درک ائلیریک وارسان
عاشق سنه انسانلار، انسانلارا سن یارسان
بیز بیر قولوق ای ربیم، بیز چون سن حکم دارسان  
ربیم سن اولان یئرده ، انسان نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
گؤزلرینی آچیر انسان، دنیا گؤرونو گؤزونه
انسان ائله مخلوق دور، صادق دورور هر سوزونه
غیرت سیز آداملار وار، غیرتلی دئییر اؤزونه
غیرت سیز اولان کس ده، غیرت نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
دنیایه گلن گوندن، درد - غم چکیر انسانلار
یازیق کاسیبین دوسلار، آخ دردینی کیم آنلار
تک سن سن ای عزرائیل، تک سن سن آلان جانلار
جسمیم دن آییر جانیمی، آخ جان نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*
گسدی یزیدین باشینی، تؤکدو یزیدین قانینی 
سن نئیچون آی عزرائیل، آلدین علی نین جانینی
انسان اونودور نئیچون، اؤز دینی نی ایمانینی
انسان کی ناماز قیلمیر، قرآن نیه لازیم دی
*
دنیا اؤزو زندان دی، زندان نیه لازیم دی
گؤز یاشلاریمیز وارسا، عمان نیه لازیم دی
*