سئوگی آیریلیقدان گوجلودو واللاه

من اوزاق سفره یوللانان گه می

سنی نرک ائدیرم بیر لیمان کیمی

قورخما آیریلیقدان بوراخ الیمی

سئوگی آیریلیقدان گوجلودو واللاه

دنیادا نه قدیر سئوگی وار بیل کی

سن منیم دیلیمین ازلی ایلکی

قورخما آیریلیقدان اؤلوم دئییل کی

سئوگی آیریلیقدان گوجلودو واللاه

سن هله بیلمیرسن آیریلیق نه دیر

هر سه فر کؤنلومو سیخیر اینله دیر

آیریلیق جسم دیر روح سنین له دیر

سئوگی آیریلیقدان گوجلودو واللاه

سن سیز حیات دئییل عموردور منه

تکجه سن اوره کدن یانان سان منه

قورخما آیریلقدان اینان سن منه

سئوگی آیریلقدان گوجلودو واللاه

قورخو انتظار ماراغلار گؤزونده

نئچه یالواریش وار بیرجه سؤزونده

واللاه بیر گون بیله جکسن اؤزونده

سئوگی آیریلیقدان گوجلودو واللاه

نه فرقی یاخینام یا کی اوزاغام

هله کی سنینم نه قدیر ساغام

اؤلسم او دنیادان قاییداجاغام

سئوگی آیریلیقدان گوجلودو واللاه

گؤز یاشی عبث دی تؤکوب گئده جم

کؤنلومو اودلارا یاخیب گئده جم

من سنه ، هامییا ثبوت ائده جم

سئوگی آیریلقدان گوجلودو واللاه
*

رسول اکبری – رعنا زینالی

*

درد اهلی

آغلارام گؤزلریمین یاشین گؤرن یوخ

سسله رم سنی من ، سه سیمی ائشیدن یوخ

درد اهلی بیلیر دردیمی بیگانه سی بیلمز

قان آغلارام عشقیم ، گؤزومون یاشینی سیلمز

دنیادا منیم مهربانیم تکجه سن ایدین

سن دن سورا بو قلبیم اچیلماز داهی گولمز

من درددن اوخورام منه دیوانه دئییرلر

ظاهیرده منی دانیشدیریب صحبت ائلیرلر

گل گؤر نئجه سن سیز یاشیرام دور بلاده

بو شهری دولاننام گئجه لر پای پیاده

یاندیقجا محبت اودونا شوریشیم آرتیر

یانسام من اگر بو اودا گؤیده ملک آغلار

من درددن اوخورام منه دیوانه دئیللر

طعنه یله منی دانیشدیریب صحبت ائلیللر
*
یونس
*

لپه لر

پیچیلداشین ، پیچیلداشین لپه لر
بلکی تزه بیر سؤزونوز وار سیزین
بوروق قازیر منیم عؤمور یولداشیم
قاییدیری قوجاقیندان دئنیزین
کؤرپه میزی یاتیرمیشام ایندی جه
بئشیگینه آی نورونو سپه لر
سئودیگیمدن خبر وئریب گیزلی جه
پیچیلداشین پیچیلداشین لپه لر
گئجه کئچیر آی دولانیب افق ده
گؤی خزرین سینه سینده مه اسیر
آه تئز اولون داریخیرام آی سولار
مژده وئرین سئون قلبیم تله سیر
ماوی سولار سئوگیلیمه یول وئرین
او قاییتسین آنلی آچیق اوزو آق
چونکو قیزیل آبشورانین اوغلوندا
بیر عادت دیر ظفرلره قاییتماق
اوخویان : شوکت علی اکبراوا

*

سو پری سی

بیر گؤزل سن یاری بالیغ یاری قیز
نئجه دئییم گل یارامی ساری قیز
سن دنیزده من سه ساحیل ده یم قیز
هر ایکی میز بیر محبت دلی سی
سو پری سی سو پری سی سو پری سی
هرایکیمیز بیر محبت دیوانه سی
آی ایشیغی ساچلارینا ده ینده
گؤی لپه لر سیغالیندا دینجه لر
گل بیرجه یولچیخ ساحیله آی گؤزل
هر ایکی میز بیر حسریتین دن اسیر
سو پری سی سو پری سی سو پری سی
هر ایکی میز بیر محبت دیوانه سی
*

اوخویان : کؤنول خاسی اوا

*

اومود وارمی

ایچین ایچین قان آغلارام
ساغ سولوما باخا – باخا
اوره ییمه درد باغلارام
باغچایی تک آخا – آخا
*
بو طالع دن قسمت ایمیش
بو بختیمه قیمت ایمیش
خوش گونلریم محنت ایمیش
اومید وارمی یاشاماغا
*
من اوزوم گوله قربانام
گولوم وارسا من ده وارام
یار یولوندا جفاکارام
دؤزنمه رم بئله دادا
*
بو طالع دن قسمت ایمیش
بو بختیمه قیمت ایمیش
خوش گونلریم محنت ایمیش
اومید وارمی یاشاماغا
*
نه گئجه م وار نه گوندوزوم
یوخولاریم دوزوم – دوزوم
داها من ده یوخدو دؤزوم
سنی گؤزلورم هارداسان
*

اوخویان : کؤنول خاسی اوا

*

دئییرلر قار یاغاجاق

بورا بیلمم هارادیر
سماسی قاپ – قارادیر
آمان آللاه بو ندیر
منه قورخو یارادیر
بوردا قالدیقجا قلبی اینجیدیرم
بو یئری بیر دفه لیک ترک ائدیرم
گئدیرم بیلمم هارا من گئدیرم
گئتدییم یول یا یاخیندیر یا اوزاق
گئنه قیش گلدی قوناق
گئنه یانمیر بیر اوجاق
گئنه بوم – بوزدور اتاق
گئنه روحوم دوناجاق
دئییرلر قار یاغاجاق
حیات دا غصه کدر
چه کیرم وار نه قدر
بو گؤزل چاغلاریمی
ائله سنده من درد
اومودو خوش گونومه باغلامیشام
آرخایینلقلا جوشوب چاغلامیشام
قلبیمی اوف کیمینن ساخلامیشام
اورادا مسکن ائدیب ساق یاشاجام
گئنه قیش گلدی قوناق
گئنه یانمیر بیر اوجاق
گئنه بوم – بوزدور اتاق
گئنه روحوم دوناجاق
دئییرلر قار یاغاجاق
یئته جکدیر ائله آن
گله جک فصل خزان
خیلی واخدیر منه ده
دوشه جک شخته بوران
قار یاغیب گؤی چمنی گیزله ده جک
تر گولو یاسمنی گیزله ده جک
بیر گه آنلارلار منی ایزله ده جک
ائده جک گؤی منی یئرلرده سراغ
گئنه قیش گلدی قوناق
گئنه یانمیر بیر اوجاق
گئنه بوم – بوزدور اتاق
گئنه روحوم دوناجاق
دئییرلر قار یاغاجاق
*
نامیق قاراچوخورلو

*

یوللارینا گوللر دوزوم

بو گون بیر ایلدیر کی یوخسان
اوزولمه قارشیما چیخسان
ایللرین دردی وار منده
تانیمازسان بلکه باخسان
نه گئجه م وار نه گوندوزوم
هارداسان آی جانیم گؤزوم
بیر خبر ائیله گه لیرم
یوللارینا گوللر دوزوم
گئنجلییم گئتمه دن اؤنجه
دؤنوب منه ال ائیله دی
وصالینا یئتیشینجه
حسرت منی کول ائیله دی
نه گئجه م وار نه گوندوزوم
هارداسان ای جانیم گؤزوم
بیر خبر ائیله گه لیرم
یوللارینا گوللر دوزوم
*

نامیق قاراچوخورلو

*

حسرتیندن

سن منی تک تنها قویوب گئتمیسن هارا
یورولدوم سنین آدینی سوراغلاماقدان
اولمه سه بو ایریلق بو انتظار هارا
گؤزلریم کور اولار بلکه ده آغلاماقدان
بیر دئی گؤروم نئینه میشم آ ظالیم سنه
یوخلوغون اؤلدوردو بو هیجران نه چتین دیر
بو قدر غم غصه وئریب گئتمیسن منه
من خیالینلا قالمیشام باش – باشا ایندی
گل منی حسرت ده قویان جاندان عزیز جان
بئله ده ظلم ائده رمی آخی اینسانا اینسان
منیم ظن ایله دیم، ده بیر مساژ وار
اوزولدوم حسرتیندن ای یار یار یار
پارچالانار اؤزگه لره قالسا اوره یین
سئوگیلیم اولونجه یادا قییمارام اونو
کیمسه یه بیر واختی سا اوره یین
اؤزگه یاد اللرده قالا قویمارام اونو
سن منی آتدین یاییلدی گؤیلره آهیم
طاقتیم توکندی اوره قالدی سمیر سیز
سئوگی دیر سه نه دیر منیم گوناهیم
بلکه ده قلبیم سس سیز و سمیرسیز
گل منی حسرت ده قویان جاندان عزیز جان
بئله ده ظلم ائده رمی آخی اینسانا اینسان
منیم ظن ایله دیم، ده بیر مسا ژ وار
اوزولدوم حسرتیندن ای یار یار یار
اوخویان : ائل سئور گؤیجه لی

*

اؤتن اؤتوب

حسرتیندن اؤلورم یار
آرتیق نه تاب نه دؤزوم وار
نئچه مدت منی هیجران
قویوب حسرت سنه جانان
اؤتن اؤتوب کئچن کئچیب
داها یوخدورگئری بیر یول
دؤزه رم من هر کدره
تاکی خوشبخت سن اؤزون اول
کئچیب آرتیق نئچه مدت
قالیب اؤلمه ز بو محبت
ساچیما باخسان بو دنی
اونودا بیلمیرم سنی
اؤتن اؤتوب کئچن کئچیب
داها یوخدورگئری بیر یول
دؤزه رم من هر کدره
تاکی خوشبخت سن اؤزون اول
نییه آریلدیق او چاغدا
سن اوزاقدا من اوزاقدا
آیری دیر طالعین سنین
سن اؤزگه نین من اؤزگه نین
اؤتن اؤتوب کئچن کئچیب
داها یوخدورگئری بیر یول
دؤزه رم من هر کدره
تاکی خوشبخت سن اؤزون اول
اوخویان : ائل سئور گؤیجه لی

*

گئنه سن سن

گئنه سن سن گئنه سن
اؤزگه نین سؤزونه اویان
عصمتین له اوز – اوزه
منی تک تنها قویان
هاردا اولسان دا گزیر
منی هر یئرده اوزن
گوناهکارام دئیه رک دئیه رک
یالواریرسان سن اؤزون
یالواریرسان مارالیم
گئنه سن سن ، گئنه سن
عؤمرومه غم گتیرن
گئنه سن سن گئنه سن
محبتی ایتیرن
گئنه سن سن ، گئنه سن
منیم اوچون داریخان
گئنه سن سن ، گئنه سن
دؤنوب آرخامجا باخان
بیز کی آند ایچمیشدیک
بیز کی سؤز وئرمیشیدیک
بیز کی آیریلانلارین
طالعین گؤرموشودوک
بیلر الدن ائله بیر
بو خیانتین سونو
بیر سئوگی میز واریدی
سن هر شئیی هئچ ائیله دین
گئنه سن سن ، گئنه سن
عؤمرومه غم گتیرن
گئنه سن سن گئنه سن
محبتی ایتیرن
گئنه سن سن ، گئنه سن
منیم اوچون داریخان
گئنه سن سن ، گئنه سن
دؤنوب آرخامجا باخان
اوخویان : ائل سئور گؤیجه لی

*

قاییت گولوم

اوزدو منی غصه کدر
یاتماییرام صبحه قدر
یئتر داها بسدی یئتر
قاییت گولوم قاییت گولوم
آیریلیغا دؤزوم یوخدو
دانیشماغا سؤزوم یوخدو
باریشماغا اوزوم یوخدو
قاییت گولوم قاییت گئری
گلیر دیله چیلغین اوره ک
اوزاقداسان قالمیشام تک
تکجه سن سن منه گرک
قاییت گولوم قاییت گئری
آیریلیغا دؤزوم یوخدو
دانیشماغا سؤزوم یوخدو
باریشماغا اوزوم یوخدو
قاییت گولوم قاییت گئری
اوخویان : ائل سئور گؤیجه لی

*
غم و غصه پریشانم کرد
تا صبح خوابم نمی برد
بس است دیگر بس است
برگرد گلم برگرد
طاقت جدائی ندارم
حرفی برای گفتن ندارم
روئی برای اشتی کردن ندارم
برگرد گلم برگرد
دل دیوانه ام به سخن می اید
تو دوری و تنها مانده ام
تنها به تو احتیاج دارم
برگرد گلم برگرد
*

یاد اولموشام من

یادیندامی یار ، بیزه گلدیین
منیم له شیرین شیرین دئییب گولدویون
هامی بیلیر سنه آد اولموشام من
ایندی نییه سؤیله سنه یاد اولموشام من
او اؤتن گونلر ، نه تئز سووشدو
منیم بو سئون قلبیم ، غمه قووشدو
هامی بیلیر سنه آد اولموشام من
ایندی نییه سؤیله سنه یاد اولموشام من
سؤیله سؤیله نییه سنه یاد اولموشام من
*
اوخویان : بال اوغلان اشرف اف

*

آللاه باغیشلاسین

سن له نئجه خوشبختیدیم
نولار حاققینی حلال ائت
هر شئی بیتدی نهایت
گئتمک ایسته ییرسن سه گئت
هر شئی یئنی دن باشلاسین
ائتدیین گوناه اوچون
سنی اللاه باغیشلاسین
یاشانان گؤزل نه وارسا
هامیسی سن نن گئده جک
اوزولمه سن سیز ده اولسا
بو حیات دوام ائده جک
گئتمک ایسته ییرسن سه گئت
هر شئی یئنی دن باشلاسین
ائتدیین گوناه اوچون
سنی اللاه باغیشلاسین
اوخویان : شفا حسین اوا

گئجه لر

تئللرینی دولاییب بوینوما سال گئجه لر
بوینوما سال گئجه لر
منیم سیرداشیم سان گئجه لر، آی گئجه لر
اوره ییم ده سحرین نئجه حسرتی وار
اینتیظار آنلاریندا گئجه اوزون اولور موش
قوشلار اوچارهریانی هاردان هارا گئجه لر
من حسرت آپاریرام یاتانلارا گئجه لر
گئجه لر گئجه لر یاتانمارام گئجه لر
فیکریم داغدا اولاندا
یوخو هارا من هارا
خیالیم سانجیلیب دی
سایریشان اولدوزلارا
اوره ییمده سحرین نئچه حسرتی وار
اینتیظار آنلاریندا گئجه اوزون اولورموش
قوشلار اوچارهریانی هاردان هارا گئجه لر
من حسرت آپاریرام یاتانلارا گئجه لر
گئجه لر گئجه لر یاتانمارام گئجه لر
*

اوخویان : بهار لطیف قیزی

*

اوره ک گؤزل

یاناغین آل دی گؤزل
اوزونده خالدی گؤزل
عذابین منیم اوچون
شکردی بال دی گؤزل
قاشلارین یایدی گؤزل
دئی کیمه پای دی گؤزل
گؤزلرین نورلو چیراغ
جمالین آی دی گؤزل
اوره ک گؤزله بیل گؤزل
قدر قیمت بیل گؤزل
باخیشین جانیم آلیر
سئودیگیمی بیل گؤزل
آی اوزونده خال گؤزل
دوداغیندا بال گؤزل
یا کؤنلومو شاد ائله
یا جانیمی آل گؤزل
آی سینه سی قار گؤزل
سه سی کامان تار گؤزل
سنین جانیم آلماغا
اختیارین وار گؤزل
*
شعر : حامد ماکوئی
اوخویان : فردین ژاله چین
*

خالام قیزی

گؤزل لرین گؤزلی سن گولوسن
دور اوینا سن اوینا آی خالام قیزی
دور اوینا سن اوینا آی خالام قیزی
گل اوینا سن اوینا آی خالام قیزی
مجنون ائیله میسن منی ازل دن
دور اوینا سن اوینا آی خالام قیزی
دویماق اولمور سنین کیمی گؤزل دن
دور اوینا سن اوینا آی خالام قیزی
گل اوینا سن اوینا آی خالام قیزی
بیر معنا وار کیپریکینده قاشیندا
دور اوینا سن اوینا آی خالام قیزی
وورولموشام سنه او بئش یاشیندا
دور اوینا سن اوینا آی خالام قیزی
گل اوینا سن اوینا آی خالام قیزی
اوخویان : فردین ژاله چین

ملک دی بو آللاه

شکردی بال دی بی
سان کی مارال دی بی
بو باخیشلا منیم
جانیمی آلدی بی
ملک دی بو آللاه
چیچک دی بو آللاه
هرکیم دی بو گؤیچک
بیزیم دی بو گؤیچک
یوخسا آللاه یازان
بختیمدی بو گؤیچک
ملک دی بو آللاه
چیچک دی بو آللاه
نازی نازدان گؤزل
سؤزو سؤزدن گؤزل
همی قاش کیپریی
گؤزو گؤزدن گؤزل
ملک دی بو آللاه
چیچک دی بو آللاه
هرکیم دی بو گؤیچک
بیزیم دی بو گؤیچک
یوخسا آللاه یازان
بختیمدی بو گؤیچک
ملک دی بو آللاه
چیچک دی بو آللاه
مین بیر قیز ایچینده
قلبیم سنی سئچدی
گؤزلریمده دونیا
بیر آندا ده ییشدی
ملک دی بو آللاه
چیچک دی بو آللاه
هرکیم دی بو گؤیچک
بیزیم دی بو گؤیچک
یوخسا آللاه یازان
بختیمدی بو گؤیچک
ملک دی بو آللاه
چیچک دی بو آللاه
بیر نازلی ملک سن
بو جاوان یاشیندا
نور شعله سی یانیر
اورکک باخیشیندا
ملک دی بو آللاه
چیچک دی بو آللاه
هرکیم دی بو گؤیچک
بیزیم دی بو گؤیچک
یوخسا آللاه یازان
بختیمدی بو گؤیچک
ملک دی بو آللاه
چیچک دی بو آللاه

اوخویان : فردین ژاله چین

آغلاما گؤزلر

آیریلیق گونونده آغلاما دئین سن
آغلاییب قلبیمی اوزمه دئین سن
سن کی آغلامیردین نئیه آغلاییرسان
باخیب احوالیما آغلاما گؤزلر
اوره کده عداوت ساخلاما گؤزلر
سن منیم حالیما آغلاما گؤزلر
آغلاییب دردیمه گولمویه جکسن
بیرداها گؤز – گؤزه گلمه یه جکسن
سئودیین گؤزلری گؤرمه یه جکسن
آغلاییب آغلاییب توختاما گؤزلر
سن منیم حالیما آغلاماگؤزلر
سئودیین او گؤزلر آزاجاق بیر گون
اؤزگه گؤزلرینه باخاجاق بیر گون
سنی ده یاندیریب یاخاجاق بیر گون
آغلاییب آغلاییب توختاما گؤزلر
سن منیم حالیما آغلاماگؤزلر
واختیندا آچمادین گؤزونو نئیچون
ایندی آغلاییرسان دئی نئیچون
منی بو دردلره سالدیغین اوچون
گؤزونون اغینا قان داما گؤزلر
سن منیم حالیما آغلاما گؤزلر
گؤز یاشیم سوزولوب قلبیمه قور تک
سوزولوب کؤکسومه قلبیمه قار تک
سن ده معناسیزسان سئودیین یار تک
گؤز یاشینلا منی یاغلاما گؤزلر
سن منیم حالیما آغلاما گؤزلر
شاکیر غم هاواسین چالاندا آغلا
فلک له اوز – اوزه قالاندا آغلا
عزرائیل جانینی آلاندا آغلا
باخیب احوالیما آغلاما گؤزلر
سن منیم حالیما آغلاما گؤزلر
*
آنکه لحظه جدائی گریه نکن گفت ، توئی
آنکه با گریه ات دلم را بی تاب نکن گفت ، توئی
تو که گریه نمی کردی حالا چرا گریه می کنی؟
به حال زار من گریه نکن ، چشمم
تو به حال زارم گریه نکن ، چشمم
بر دردهایت گریه کرده ، نخواهی خندید
بار دیگر با او روبرو نخواهی شد
چشمان دوست داشتنی اش را نخواهی دید
با گریه زیاد خودت را خسته نکن چشمم
تو به حال زارم گریه نکن چشمم
چشمانی را که دوست داشتی روزی از راه بدر خواهند شد
بر چشمان یاری دیگرچشم خواهند دوخت
روزی تو را نیز سوزانده خاکستر خواهد کرد
با گریه زیاد خودت را خسته نکن چشمم
تو به حال زارم گریه نکن چشمم
چرا به موقع چشمانت را باز نکردی؟
حالا برای چه گریه می کنی؟
به خاطر بلاهایی که دچارم کردی
الهی که بر سفیدی ات خون جاری شود چشمم
تو به حال من گریه نکن چشمم
اشک چشمانم همچون شراره آتش برقلبم سرازیر شده
همچون برف بر قلب و سینه ام سرازیر شده
تو نیز همچون یاری که پسندیدی بی معنایی
با اشک چشمانت سرم را شیره نمال ، چشمم
تو بر حال من گریه نکن چشمم
هنگامی که شاکر آهنگ غم می نوازد گریه کن
هنگامی که با فلک رو به رو می شوی گریه کن
هنگامی که عزرائیل جانت را می گیرد گریه کن
تو به احوال من گریه نکن چشمم
تو به حال و روزم گریه نکن چشمم
*

اوخویان : وصال علی اف

*

تبریز

قوللاریم دولانا بوینونا بیر گون

گئنه باش قویارام دیزینه تبریز

حسرتدن هیجراندان جانا دویموشام

دویونجان باخارام اوزونه تبریز

*
بولانیق سولارین آخسین دورولسون

تزه گول لرینه بوسات قورولسون

سهند جمالینا بیرده وورولسون

بیر غبار قونماسین اوزونه تبریز

..
گولوستان باغینین سئیرینه گه لیم

لاله یاماجیندا بیرده دینجه لیم

اوتن گونلرینه یئتیشمه ز الیم

دوشوم هئچ اولماسا ایزینه تبریز

*
آنا تبسمین آی ایشیغی دیر

قولوم قامتیوین سارماشیغی دیر

شعریم بو دونیانین یاراشیغیدیر

اینجی سی توکه نمه ز خزینه تبریز

*
سن شاعیر عمرومه وقار وئریبسه ن

سولوب سارالمایان گولعذار وئریبسه ن

اعتبار وئریبسه ن ایلقار وئریبسه ن

هر ایگیت اوغلونا قیزینا تبریز

*

شاعر : حکیمه بلوری

اوخویان : جاوید تبریزی

*

ندن اولدو

اللرینی اوزوب مندن
یاریم بیر باش گئدن اولدو
جان دئییب جان ائشیده ردیک
بو آیریلیق ندن اولدو
قیزیل گولم بسته یم من
بلبلم قفس ده یم من
گزیرم من غملی – غملی
گؤرن دئییر خسته یم من
اؤز عشقیمدن ، دیله ییمدن
آیری دوشدوم ایللرله من
هرگاه سندن آیری گزن
اوره ک دئییر ندن اولدو
جان دئییب جان ائشیده ردیک
بو آیریلیق ندن اولدو
یارانمیشام مجبت دن
کام آلمادیم سعادت دن
بو حسرت دن بو محنت دن
گؤزوم یاشی دن دن اولدو
اؤز عشقیمدن ، دیله ییمدن
آیری دوشدوم ایللرله من
هرگاه سندن آیری گزن
اوره ک دئییر ندن اولدو
جان دئییب جان ائشیده ردیک
بو آیریلیق ندن اولدو
او گون بیر مجلیسده گلدیک اوز – اوزه
بو عشقی پونهانی تانیمادین می؟
آیلاری ایللری سن سیز کئچیرن
کؤنلو پریشانی تانیمادین می؟
یوخولو ایللریم اویاندیگئنه
سانکی گئنجلیغیم قاییتدی منه
نه دئییم نه دئییم نه دئییم سنه
اودونا یانانی تانیمادین می؟
سن بو سلیمانی تانیمادین می؟
بیر زامان دیلیمده سؤزومده سن دین
گئجه لی گونوزو گؤزومده سن دین
اوره ییمده سن دین اؤزومده سن دین
حوسنونه حیرانی تانیمادین می؟
اودونا یانانی تانیمادین می؟
سن بو سلیمانی تانیمادین می؟
اؤز عشقیمدن ، دیله ییمدن
آیری دوشدوم ایللرله من
هرگاه سندن آیری گزن
اوره ک دئییر ندن اولدو
جان دئییب جان ائشیده ردیک
بو آیریلیق ندن اولدو
*

اوخویان : ربابه مراد اوا

*

منیم تک سئوه نین اولمویاجاقدیر

آدیمی قلبیندن آتا بیله رسن
اوزاق اولدوزلارا چاتا بیله رسن
مندن یاخشی سینی تاپا بیله رسن
منیم تک سئوه نین اولمایاجاقدیر
*
عمرونه بیر سئوگی گلر بیلیرم
سنینله آغلاییب گولر بیلیرم
سنینله سئوینجی بؤلر بیلیرم
دردیندن اؤله نین اولمایاجاقدیر
*
بیر گون سؤنه جکدیر بو اود بو اجاق
کدر یوواسی دیر بوش قالان قوجاق
دیزینه باش قویوب یاتان اولاجاق
باشینا دؤنه نین اولمایاجاقدیر
*
یوللار گؤز یاشیندا یویولاجاقدیر
پشیمان فریادین دویولاجاقدیر
بیر قدیر بیله نین اولمایاجاقدیر
*
اوخویان : کؤنول کریم اوا

گل گل

قرنفولو دره للر
دریب یئره سره للر
خوش او قیزین حالینا
سئودییینه وئره للر
*
گل گل گل دینیم ایمانیم اوغلان
گل گل گل قاشی کامانیم اوغلان
*
گئجه نی قان ائیله مه
زولفونو یان ائیله مه
سن منیم سن من سنین
اؤزگه خیال ائیله مه
*
گل گل گل دینیم ایمانیم اوغلان
گل گل گل قاشی کامانیم اوغلان
*
قاش قارا گؤزلر اولماز
یار یاری درده سالماز
آخیردا بو گؤزللیک
گئده ر سنه ده قالماز
*
گل گل گل دینیم ایمانیم اوغلان
گل گل گل قاشی کامانیم اوغلان

*

اوخویان : کؤنول کریم اوا
*

گؤروشه گلدیم

بولودلار آغلادی بو گون سئوینجدن
قورخمادیم یاغیشدان اسن کولک دن
پاییمی توتاراق گولدن چیچک دن
یاریملا گؤروشه گلدیم بو گئجه
بو گئجه اللریم گؤیه توخولدو
بو گئجه اولدوزلار اووجوما قوندو
بو گئجه گؤر نئجه نغمه اوخوندو
یاریملا گؤروشه گلدیم بو گئجه
دنیا گؤزلریمده نورا بویاندی
قلبیمده بیر شیرین نغمه اویاندی
آرخامدا گؤر نئجه گؤزلر بویلاندی
یاریملا گؤروشه گلدیم بو گئجه

اوخویان : کؤنول کریم اوا

گئتمک ایسته دیم

بیر زامان سنینله قول – قولا گه زدیم
عطیرلی گوللری تئلینه دوزدوم
باخیب جمالینا هئی سنی سوزدوم
بو یانا قلبیمه علاج ایسته دیم
حسرت دن کؤوره لیب دولموشام
گل کیمی سارالیب سولموشام
اللری قوینومدا قالمیشام
بو دونیادان گئتمک ایسته دیم
اونوتدون عهدینی داندین ایلقاری
نئینه رم سؤزوندن دؤنن دیلداری
خزان ائیله میسن گوللو باهاری
خیاللار ایچینده ایتمک ایسته دیم
حسرت دن کؤوره لیب دولموشام
گل کیمی سارالیب سولموشام
اللری قوینومدا قالمیشام
بو دونیادان گئتمک ایسته دیم
اوخویان : کؤنول کریم اوا

*

جئیران خانیمین مجلیسیندن

گئنه قیلینجینی چکدی اوستومه

قوربانی اولدوغوم او آلا گؤزلر

گئنه قمه ووروب دوردو قصدیمه

قلم قاش آلتیندان پیاله گؤزلر

*

قادان آلیم

عشقی محبتی دوشوب جانیما
آنا گؤز یاشیمی سیل قادان آلیم
یاشیم ییرمی بئشی آتلاییب گئچیب
گؤزلویه بیلمیرم ایل قادان آلیم
اؤزون دردلریمی بیل قادان آلیم
بو نه سیردی دوشدوم آنا
عشق اودونا دوشدوم آنا
محبتین قدرتینی
من بئله بیلمه میشدیم
من بئله بیلمه میشدیم آنا
دوشدوم آنا دوشدوم آنا
محبتین قدرتینی من بئله بیلمه میشدیم آنا
آتامی آنامی اینجیتمه میشه م
ائلچی لیی خلوت اؤزوم ائتمیشه م
تویومادا هر تداریک گؤرموشه م
اؤزون دردلریمی بیل قادان آلیم
گؤزلویه بیلمیرم ایل قادان آلیم
بو نه سیردی دوشدوم آنا
عشق اودونا دوشدوم آنا
محبتین قدرتینی من بئله بیلمه میشدیم آنا

اوخویان : رحیم شهریاری

آغلاما کؤنلوم

نه سئودالار یاشادین
آی منیم یازیق کؤنلوم
نه دردلری داشیدین
سئوینج دن اوزاق کؤنلوم
گئده نلره ره یاس ساخلاما
گله نله ره بئل باغلاما
گلن گئده جک بیر گون
آغلاما کؤنلوم آغلاما
سیز دئیین او وفاسیزا
نه دن نه دن ائتدین
سن منی فانی دونیادا
تنها قویوب گئتدین
گئده نله ره یاس ساخلاما
گله نله ره بئل باغلاما
گلن گئده جک بیر گون
آغلاما کؤنلوم آغلاما

اوخویان : شفا

آغلامیرام

جانیم آتا سن قییمازدین آغلییام
آغلامیرام گؤزلریمدن یاش گلیر
ایسته ییرم بو فیکیردن داشینام
خیاللارین اولو داغا گوج گلیر
آغلامیرام ای گؤزلریمدن یاش گلیر
 دوداغیمدان گولوشومو اپاردین
گله بیلسن او گولوشو تاپاردین
بو طوفانی آتام اؤزون قوپاردین
اوشویورم ائله بیل کی قیش گلیر
آغلامیرام ای گؤزلریمدن یاش گلیر
 یامان قاشدین بو دونیانین سیرریندن
فیرلاندین آی ده ییرمانین پریندن
من بیله لی عاغلیم اوشموش یئریندن
تنهایام اوی دونیا منه بوش گلیر
آغلامیرام ای گؤزلریمدن یاش گلیر

*

اوخویان : آشیق زولفیه

*

منیم گؤز یاشیمی گؤرمویه جه کسن

بو عشقین یاسینی ساخلییاجاغام

سن گئدن یوللارا باخمییاجاغام

آغلاسام گیزلی جه آغلییاجاغام

منیم گؤز یاشیمی گؤرمویه جه کسن

طالع اویونلارا آتاجاق سنین

فریادین گؤیله ره چاتاجاق سنین

گوناهین گؤزونو توتاجاق سنین

منیم گؤزیاشیمی گؤرمویه جه کسن

او گولن شکلینه باخیب آغلارسام

گؤزومه بیر عینک تاخیب آغلارسام

اوزومو اووجومنان توتوب آغلارسام

منیم گؤز یاشیمی گؤرمویه جه کسن

سن ائله بیلمه کی غم دن اوزاقسان

بیر یاغیش آلتیندا سؤنن اوجاق سان

اوزومه باخماغا اوتاناجاقسان

منیم گؤز یاشیمی گؤرمویه جه کسن

*

اوخویان : نازپری دوستعلی اوا

*

سولار سوناسی

گله جکسن بیر زامان
نازیلان گل نازیلان گئت
یئته جک سونا بو هیجران
سئوه سئوه گل سئوه سئوه گئت
گول اوسته دوشن شئح سن
بیر سرین اسن مئح سن
قویماکی بیلیم ای یار
آستاجا گل آستاجا گئت
سولار سوناسی ، جئیران بالاسی
بلبل صداسی ، آوازینان گئت
تؤکمه بئله قاش قاباق
گوله گوله گل گوله گوله گئت
حسرت منی یاندیراجاق
بالا بالا گل بالا بالا گئت
سولار سوناسی ، جئیران بالاسی
بلبل صداسی آوازینان گئت
اوخویان : رحیم شهریاری

گؤزله

جانیمی قربان ائیله رم
بئله بیر ترلان گؤزله
ساز بیله شیرین گوله
دوستا مهربان گؤزله
بویو اوجا گردن مینا
زلف پریشان گؤزله
دولانیر بلبل کیمی
قونوبدو مهمان گؤزله
خسته یم یالواریرام
حکیم لقمان گؤزله
فلک دن گیلئیلییم
منه گونو قاره وئریب
ترلانی ساره یازیب
تر غنچه نی خاره وئریب
علی عسگری مجنون ائدیب
لیلی نی اغیاره وئریب
ترک ائدیب عبادتی
باغلاییب دستان گؤزله
فلکین قهریندن ائل صحبتیندن
دردیمن ارتیب دیوانه دؤنوب
دوستون فرقتیندن یار حسرتیندن
باهار منه زمستانه دؤنوب
دیندیریرم دانیشیرسان گولمورسن
خبر آلیب احوالیمی بیلمیرسن
ای دیلبر مجلیسیمه گلمیرسن
یوخسا تاختین سلیمانه دؤنوب
دال گردنه سیاه زولفو هؤروبسن
اینکار ائیله مکه اینتیظار وئریبسن
یازیق علی عسکردن اوز دؤنده ریبسن
یا زمانه دؤنوب یا سن دؤنوبسن
*
شاعر : عاشق علی عسگر

اوخویان : سکینه اسماعیل اوا

*

سن آغلاما من آغلاییم

من دئین یوخ فلک دئیه ن اولدوسا
اسدی یئل لر گول یاناغین سولدوسا
درد الیندن الا گؤزلر دولدوسا
سن آغلاما من آغلاییم سئوگیلیم
من باخارکن سن ووردوغون یارایا
ایندی ظالیم فلک گیردی ارایا
خسته قلبیم نه واخ گلدی هارایا
سن آغلاما من آغلاییم سئوگیلیم
بیر قوشویدوم گئجه گوندوز سیزلره
یازیق منی گولدورمه دین بیر کره
باخیب ایندی انلیمداکی ایزلره
سن آغلاما من آغلاییم سئوگیلیم
اوخویان : ایلخان شیرین اف

*

بایاتی لار

بو یارا باشقا یارا
دردیم وار یاردان یارا
غریب غربت ائلده یم
کیمسم یوخ دردیم ارا
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
قار یاغدی ایاز اولدو
اوره ییم دردله دولدو
دردیمین درمانی یوخ
گؤز یاشیم درمان اولدو
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
قار یاغار دولو باغلار
یاغی لار یولو باغلار
یار یادیما دوشنده
اوره ییم دولوب آغلار
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
عزیزیم نئجه یازیم
اوز – اوزه نئجه یازیم
سن سیز کئچن عمرومو
عمرومه نئجه یازیم
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
آغلارام آغلار کیمی
دردیم وار داغلار کیمی
غربت ائله دوشه لی
سارالدیم باغلار کیمی
*
باغچادا گول لر آچار
بلبل لر هجران ساچار
بیر ظالیم یار سئومیشم
داردا بوراخیب قاچار
*
اوخویان : بال اوغلان اشرف اف
*

قونشونون قیزی

ایکی قویو یان – یانا
گل ای قونشونون قیزی
سو ایچدیق یانا – یانا
گل ای قونشونون قیزی
سن اول آناما گلین
آنام سنه قاین آنا
سن اول آناما گلین
آنام سنه قاین آنا
*
گل گل گل گل
گل آی قونشونون قیزی
گول گول گول گول
گول آی قونشونون قیزی
سن اول آناما گلین
آنام سنه قاین آنا
*
شامامالار تاغیندا
قوشا خال یاناغیندا
کاشکی بو یاز اولایدی
اوزویوم بارماغیندا
کاشکی بو یاز اولایدی
اوزویوم بارماغیندا
*
گل گل گل گل
گل آی قونشونون قیزی
گول گول گول گول
گول آی قونشونون قیزی
سن اول آناما گلین
آنام سنه قاین آنا
*
بو قیز یامان گؤزلمیش
گل آی قونشونون قیزی
منی گؤروب به ینمیش
گل آی قونشونون قیزی
سن اینادان گولنده
آنام سنی به یه نمیش
*
گل گل گل گل
گل آی قونشونون قیزی
گول گول گول گول
گول آی قونشونون قیزی
سن اول آناما گلین
آنام سنه قاین آنا
*
گل بئله یاخین گل سنه
گل آی قونشونون قیزی
احوالیمی سور سنه
سور آی قونشونون قیزی
اوشاق کن ساواشاردیق
ایندی عاشقم سنه
*
گل گل گل گل
گل آی قونشونون قیزی
گول گول گول گول
گول آی قونشونون قیزی
سن اول آناما گلین
آنام سنه قاین آنا
*
اوخویان : کؤنول خاسی اوا

*

ناز ائیله میسن

چوخلار اینجیکدی کی، سن اونلارا نازائیله میسن

من ده اینجیک کی، منیم نازیمی آز ائیله میسن

ائتمیسن نازی بو ویرانه کونولده سلطان

ائوین آباداولا ، درویشه نیاز ائیله میسن

هر باخیشدا چالیبان کیپریگی مضراب کیمی

بیر قولاق وئر، بوسینیق قلبی نه ساز ائیله میسن؟

باشدان آچ یایلیغی ، افشان ائله سوسن - سنبل

سن بیزیم بایراممیزسان قیشی یاز ائیله میسن

سن گون اول، قوی غم میز داغدا قار اولسون، اریسین

منیم آنجاق ایشیمی سوز و گداز ائیله میسن

من بو معناده غزل یازمالی حالیم یوخودی

سن جوجوق تک قوجانی فرفره باز، ائیله میسن

کاکلی باشدا بوروب باغلامیسان تاج کیمی

او قیزیل ساچدان اونا ، گوللی قوتاز ائیله میسن

سینه بیر دشت مغان دیر ، قوزی یان - یانه یاتیب

منیم آغلار گوزومی ، اوردا آراز ائیله میسن

بو گوزللیک کی جهاندا سنه وئرمیش تانری

هر قدر ناز ائله سن ایله، کی آز ائیله میسن

منی بو سوز یله آتدین، آرالاندین بیلیرم

آرانی بیر پارا نامردیله ساز ائیله میسن

دستماز ایله دیگین چشمه، مسیحا قانی دیر

بیلمیرم هانسی کلیساده نماز ائیله میسن؟

من « عشیران» اوخوسام، پنجه « عراق » اوسته گزه ر

گوزلیم، « ترک » اولالی ، ترک « حجاز » ائیله میسن

تازا شاعر، بو ده نیز هرنه باخیرسان دیبی یوخ

چوخ اوزاتسان بو غازی، اورده گی قاز ائیله میسن

بس که زلف و خط و خالین قوپالاغین گوتدون

زلفعلی نین باشینی آزقالا داز ائیله میسن

گل ! منیم ایسته دیگیم کعبه ییخیلماز، اوجالار

باشدادا کژ گئده سن ، دیبده تراز ائیله میسن

خط و خالیندن آلیب مشقیمی قرآن یازارام

بو حقیقت له منی، اهل مجاز ائیله میسن

منی، دان اولدوزی، سن یاخشی تانیرسان که سحر

افقی خلوت ائدیب راز و نیاز ائیله میسن

شعر : زنده یاد استاد شهریار

اوخویان : مسعود امیر سپهر

بو گؤزل شعره بورادا قولاق آسین

*

او خال نه خالدی

ایروان دا خال قالمادی
او خال نه خال دیر اوزه دوزدورموسن
دئی گؤروم نه خال دیر اوزه دوزدورموسن
داها منده جان قالمادی
بو عمون دا جان قالمادی
او خال نه خال دی اوزه دوزدورموسن
دئی گؤروم نه خال دی اوزه دوزدورموسن
خال منیم یار منیم
اختیار منیم
خالقا نه دخلی اوزه دوزدورموشم
یاریم ددئییب دیر اوزه دوزدورموشم
ایراوان دا من ایشله رم
او خال نه خال دی اوزه دوزدورموسن
دئی گؤروم نه خال دیر قوشا دوزدورموسن
خنجریمی گوموشله رم
خنجریمی گوموشله رم
او خال نه خال دیر اوزه دوزدورموسن
آ گولوم نه خال دیر اوزه دوزدورموسن
خال منیم اختیار منیم
خالقا نه بورجوم اوزه دوزدورموشم
یاریم دئییب دیر قوشا دوزدورموشم

اوخویان : تیمور مصطفی اف

**

آی گولوم

باغچامیزداقیزیل گول سن ای گولوم
سن آغزیمدا شیرین دیل سن آی گولوم
آی گول آی گول آی گول آی گول آی گول
آی گول آی گول آی گول آی گول آی گول
چمن لرین چیچه یی سن آی گولوم
سن عمرومون به زه یی سن آی گولوم
آی گول آی گول آی گول آی گول آی گول
آی گول آی گول آی گول آی گول آی گول
داغلارین قوزئیی قاری سان آی گولوم
آی گول آی گول آی گول آی گول آی گول
آی گول آی گول آی گول آی گول آی گول

اوخویان : بابامیرزه اف

*

گؤزل شعرلر

آشیق اهلیمان دؤرد شاعیرین شعرین و گؤزل سؤزلرین اوخویور

*
ائل اوغولو اینسانام دئینلر آغزین آچاندا
خوش دانیشیب شیرین صحبت ائیله سین
شر شور سالماسین داماردا قاندا
هامی بیر بیرینه حرمت ائیله سین
زمانه هر فصل ده چالیر اؤز سازین
زیل بم ائیلیر ده ییشدیریر آوازین
آرزو چوخدور عمور آزدیر ، یول اوزون
هره بیر حق ایشه خدمت ائیله سین
احمد ، کیم تیکدیین کیم اوچورورسا
بهتان گزدیریب آرا وورورسا
کیم کیمه دوز یولدا قویو قازیرسا
آللاه اؤزو اونا لعنت ائیله سین
*
آی ائل اوغلو یاخشی دوشون درک ائیله
کیمله گزیم ، نئجه گزیم ، هاردا من
تای توشلاریم اویغون اولسون اؤزومه
اوتانمییم گؤروشنده اوردا من
مجلیسه گلنده بیلیم یئریمی
آخی نئیه دونون گؤکن بیرینی
نه دانیشیم نه ده وئریم سیرریمی
جهد ائیله ییم یورولمویوم اوردا من
ایله شه نلر قیمت وئریر سؤزومه
گره ک یاخشی باخیم اؤزوم اؤزومه
قوشا بارماق توشلانماسین گؤزومه
بالیق کیمی چیرپینماییم توردا من
عبداللاه هام هر بیر دردی قانمیشام
حاق سیز لیغا آلیشمیشام یانمیشام
چوخلارینی جاندان عزیز سایمیشام
آنجاق آز از گؤردوم کاراگلن داردا من
*
حیات دا جور به جور آداملار اولور
آدام وار خالقینا آلیشا بیلمیر
آدام وار چوخ خئیر وئریر خالقینا
آدام وار اؤزو اوچون چالیشا بیلمیر
آدام وار سؤزوندن شکر سوزولور
آدام وار دانیشسا اتیم تؤکولور
آدام وار عارسیزدیر نه دئسن گولور
آدام وار عاریندان دانیشا بیلمیر
آدام وار یالتاقلیق پئشه دیر اونا
آدام وار ایبلیس تک گیریر مین دونا
آدام وار غیرتی دوشوب هر یانا
آدام وار هئچ ایشه قاریشا بیلمیر
آدام وار نه بالیق دیر نه ده ات
آدام وار آداما قویماییر قیمت
آدام وار اؤزو شر صحبتی غیبت
آشیق ائهلیمان غیبته آلیشا بیلمیر
*
سلام وئره نلرین سلامینی آل
گؤزونون اوستونه قاشی دوشمه سین
دوره ک دوسلارینا سؤز دئمک اولار
آدامین اؤزگه یه ایشی دوشمه سین
یاشیاسان محبتین نوروندا
دادا گله چؤره یین ده سویوندا
یولداش آختاردیغین عمور یولوندا
باری قیسمتیوه ناشی دوشمه سین
هامی یا ظفرلر چالینا بیلر
قدرلی قالالار آلینا بیلر
تخت ده اؤز تختیندن سالینا بیلر
کیشی لیک تختیندن کیشی دوشمه سین
علی صفر اوغلو چکمه انتظار
دونیا دا هئچ کس ده یوخدو اختیار
بنده آتان داشا دؤزمه یه نه وار
باشیوا آللاهین داشی دوشمه سین
*

اوخویان : آشیق ائهلیمان

Ashiq Ehliman

*

قاین آنا

حسن پروانه داستانی

*

سن قیز وئردین من ده آلدیم

ائوله ننده آ قاین آنا

باشیما بیر داش دوشئیدی

اونو آلاندا قاین آنا

گوندوزلر گزیر اوبانی

گئجه آغرییر دابانی

بئلیمده قیریر یاوانی

من دینه نده آ قاین آنا

قاین آنا دیلین قوروسون

قاین آتا بئلین قیریلسین

منیم ده گؤزوم کور اولسون

اونو آلاندا قاین آنا

قاپاز ویریر پاپاغیما

پاپاق کئچیر قولاغیما

بیر باخارسان قاشماغیما

او گلنده آ قاین آنا

پروانه حسن اولاجام

هایقومو اوندان آلاجام

آیاغیمین آلتدا سالاجام

او اؤلنده آ قاین آنا

او اؤلنده آ قاین آنا

اوخویان : عاشیق ائهلیمان

*

بوردا قولاق آسین

*

انتظار

یولونا گول تیکه رم
بوینومو من بوکه رم
سنی گؤرمه سم ای یار
گؤزومدن یاش تؤکه رم
اوره ییمی آلیب غم
سن سیزم یار سن سیزم
گل منه همدم اول یار
کرنلوم سنی آرزولار
سن سیز بو دونیا دونیا منه دار اولار
حسرتین نن انتظارام انتظارام یار
سن سیز کؤنلوم نیگران
راحات اولماز بیر زامان
هاردا قالمیسان آی یار
گل کی بیتسین بو هیجران
اوره ییمی آلیب غم
سن سیزم یار سن سیزم
گل منه همدم اول یار
کرنلوم سنی آرزولار
سن سیز بو دونیا دونیا منه دار اولار
حسرتین نن انتظارام انتظارام یار
*
اوخویان – بال اوغلان
*

او گونلر

یادیندادیرمی یالقیز قوشا گزه ردیک
گؤی چمینین تر گولونو اوزه ردیک
وورغون وورغون اولدوزلاری سوزردیک
سؤیله گؤروم بس نئجه اولدو او گونلر
او شن گونلر اوچوب گئتدی هارایا
آجی هیجران ندن دوشدو آرایا
دئمه دیم می امید ائتمه سورایا
سؤیله گؤرومبس نئجه اولدو او گونلر
سئوینجیمیز چایلار کیمی داشاردی
اوره ییمیز سئوگی ایله یاشاردی
الیم بیر واخ تئللرینی اوخشاردی
سؤیله گؤروم بس نئجه اولدو او گونلر
*
اوخویان – بال اوغلان

*

کرکوک ماهنی سی

منیم ایپک یایلیغیم وار
آلماغا گلین گؤزل آلماغا گلین
گؤزللره من تاخارام
آلماغا گلین گؤزل ، آلماغا گلین
منیم آلوان داراغیم وار
گؤرماغا گلین گؤزل ، گؤرماغا گلین
اوزون ساچلارا تاخارام
آلماغا گلین گؤزل ، آلماغا گلین
منیم الوان گوللریم وار
گؤرماغا گلین گؤزل ، گؤرماغا گلین
گلین لره من تاخارام
آلماغا گلین گؤزل ، آلماغا گلین
*

اوخویان - بال اوغلان

*

دیلبر اویناسین

جانیم نه قدیر وار منه جانان سن اولارسان
جان دان دا عزیز اولسا بیری جان سن اولارسان
سن ایندیه دک قلبیم اوچون قلبدین ای یار
بوندان دا سورا جانیم اوچون جان سن اولارسان
هر یارام اگر اولسا اونون درمانی سن سن
هر دردیم اولارسا اونا درمان سن اولارسان
کؤنلونده نئجه ایسترسه ائله وئر منه فرمان
عمروم نه قدر وار منه سلطان سن اولارسان
بوندان بئله آلداتما منی کفر ایله دیل ایله
خاقانی یه هم کفر هم ایمان سن اولارسان
خاقانی دئییر گلسن اگر ای گل شهلا
البته کی خاقانی یه خاقان سن اولارسان
*
داغلارین باشین ، قیشدا قار آلار
یار یارین گؤرنده رنگی سارالار
گل گؤزلیم ، گل مارالیم
گل منی دیندیر ، قلبیم سنین دیر
*
دوران نه گؤزل نه گؤزل نه گؤزل
دلبر نه گؤزل نه گؤزل نه گؤزل
آل سازی چال سازی ائت نازی دلبر اویناسین
*
آراز درین دی ، سویو سرین دی
بیر شیرین دیلی نن گل منی دیندیر
یاسمنیم ، قار چیچه ییم
گل منی دیندیر ، قلبیم سنین دیر 
*
دوران نه گؤزل نه گؤزل نه گؤزل
جانان نه گؤزل نه گؤزل نه گؤزل
آل سازی چال سازی ائت نازی
دیلبر اویناسین
*
اوخویان : کؤنول خاسی اوا

سن الیمدن قاچانماسان

آی انصاف سیز گئنه نه دیر دیله یین
آزمی اوخشامیشام قارا تئلینی
قوی سندن من کوسوم من اینجییم
هله توتمامیشام اینجه الینی
*
وارلیغیمین حاکمی سن تاجی سان
هر دردیمین مرحمی علاجی سان
نه طعنه لر نه ده منی آجیمسان
قیزیلا توتارام شیرین دیلینی
*
سنه آسماندان پای گتیره رم
اولدوز گتیره رم آی گتیره رم
شوشه کؤنلوم له قیشی اریدیب یای گتیره رم
آنام چوخ گؤزله ییر سن تک گلینی
*
قلبیم دؤنوب غملی سازا
بیلمم نه دئییم من بو قیزا
گئنه اؤزون قویوب نازا
نه هه دئییر نه یوخ دئییر
*
عشقی ائدیب منی خسته
قولاغیمی قویوب سس ده
دوز قویوب یارامین اوسته
نه هه دئییر نه یوخ دئییر
*
لال دورماغی غمدن بئتر
اونا چاتدیرین بو خبر
اؤلمه میشم من نه قدر
یا هه دئسین یا یوخ دئسین
یوخ دئمه یه تله سمه سین
*
اونا وورارام تهمتی
سئون کس بئله اولماز
واللاه بو قیزی مندن سورا
آلان اولماز
*
باخمیر غمه باخمیر آها
نه دئیه سن بئله سینه
اوتانماقدان کئچیب داها
اود ووراجام ده ده سینه
اگر منه یوخ سؤیله سه
*
اونا وورارام تهمتی
هه دئمه یی مصلحت دی
وورولموشام من سؤزونه
یوخ سؤزوندن کوسه جه یم
منه هه دئسه
قوزو قوربان کسه جه یم
*
آی دایی سن بو قیزا اینانما
بونون بیر انگلی وار
بی وفا نه اولور اولسون
آخیر من تک سروری وار
*
بیر گؤزل کی آتیب اؤز یارینی
سن کیمی اغیاری توتا
اینانما او قیزا
اونون بیر انگلی وار
*
بو بیر لیلی ملاحتلی گؤزللر گؤزلی
دئمه یین منه مجنون مجنون کیمدی
منیم کیمی ده بوردا بیر دلی وار
*
سن ده منه ناز ساتما آی قیز
سنین کیمی وفاسیزلاردان
من ده یوزه قدر جه وهری وار
*
محبت دن یوولوب
عشق اوتوندا پیشمیشیک
سن بو قیزا اینانما
آتان رحمتلی آی کیشی
*
آی گؤزلیم سن بیر دایان
قوی حالیمی ائدیم بیان
چوخ ائیله مه اویان – بویان
سن الیمدن قاچانماسان
بئله قوش دا اولسان اوچانماسان
*
سن قاراتئل من داراغام
سن ماوی گؤی من قورشاغام
سن شعله سن من چیراغام
سن الیمدن قاچاانماسان
بئله قوش دا اولسان اوچانماسان
*
من کؤنولم سن دویغوسان
من قوراغام سن قورغوسان
من اوره یم سن وورغوسان
سن الیمدن قاچانماسان
بئله قوش دا اولسان اوچانماسان
*
من بیر کتاب سن اوخویان
من بیر تانا سن توخویان
من عطیرم سن قوخویان
بس دی آت اویناتدی هجران
ائیله مه سن باشقا گومان
سنی منیم اوچون دوغموش آنان
سن الیمدن قاچانماسان
اؤزگه قاپی آچانماسان
*
اوخویان : بال اوغلان اشرف اف

*

قورتاردی بیزیم کی

منم می گناهکار سن می سن گولوم

سن هاردان بیله سن من هاردان بیلیم

بیرده توتمویاجاق آدینی دیلیم

قویمارام باتاسان بیرده گناها

قورتاردی بیزیم کی قورتاردی داها

نه یامان اویناتدی بو طالع بیزی

نه آسان ایتیردیک بیر بیریمیزی

بیزیم ایشیمیز قالیب آللاها

قورتاردی بیزیمکی قورتاردی داها

بیرلشدیک آرزونون قانادلاری تک

آیریلدیق دونیانین سازاقلاری تک

بیر امید سه سله میر بیزی ساباحا

قورتاردی بیزیمکی قورتاردی داها

اوخویان : بال اوغلان اشرف اف

*

بیر گؤزل موغام

باشینا دؤندویوم آی نازلی جئیران
جان ایچینده جانا وئرمه رم سنی
نئینیرم بوستانی نئینیرم باغی
یوز باغ و بوستانا وئرمه رم سنی
باغلاردا مارالسان دوزلرده جئیران
باکی شکی مثال لنکران
لاماشانا گلر هامی گولوستان
کل داغستانا وئرمه رم سنی
قربان دئییر جان ایچینده
یاش یئرینه گؤزلریمدن قان گله
جمالین گؤرمه یه سلیمان گله
تخت سلیمانا وئر مه رم سنی
اوخویان : بال اوغلان

قارا قیز

گول آغاجی دئییله م ، هر گلنه اییله م
چک الینی ایلمدن ، من سئوگیلین دئییله م
سنه نئجه عرض ائیلییم ، قیزیل گولم من
آش قوللارین سار بوینوما ، سئوگیلینم من
الیمده الی یاریم ، اولموشام دلی یاریم
بو گونوم بؤیله کئچدی ، ساباحی گلیر یاریم
سنه نئجه عرض ائییلیم ، قیزیل گولم من
آش قوللارین سار بوینوما ، سئوگیلینم من
فلکین بیر بئله دوورو اولاجاقمیش ، نه بیلیم
سارالیب باغ گولوستان سولاجاقمیش ، نه بیلیم
بیتیلیب باغ قالیب بیر نئچه گوللر یئتیریب
اوجالیب دست قضا ، کیم یولاجاقمیش ، نه بیلیم
بسله دیم زولفو دئدیم باشیما سالسین سایه
دولانیب بوینوما ایلان تک چالاجاقمیش ، نه بیلیم
عاشقه ناز ائله مک عادت اولوب معشوقه
بو قدر ناز ائلییب ، جان آلاجاقمیش ، نه بیلیم
دؤنده ریب روزگار حالیمی بیر باشقا حالا
ای قارا داغلی سنه غم قالاجاقمیش ، نه بیلیم
بلبل لر سوزه ر باغی
یار گلر گزه ر باغی
جاملین گول غنچه سی
آچیب دا بئزه ر باغی
تئللرینی یان دارا قیز
ائیله دردیمه چارا قیز
آی قاشی گؤزو قارا قیز
گل ائیله درده چارا قیز
یار زولفونو تؤک اوزه
قربانام آلا گؤزه
دونن دئدین گلمه دین
بوگون باری گل بیزه
تئللرینی یان دارا قیز
ائیله دردیمه چارا قیز
آی قاشی گؤزو قارا قیز
گل ائیله درده چارا قیز
من عاشقم حالینا
اوزده قارا خالینا
لاله بنؤوشه یئتمز
یارین گول جمالینا
تئللرینی یان دارا قیز
ائیله دردیمه چارا قیز
آی قاشی گؤزو قارا قیز
گل ائیله درده چارا قیز

*

اوخویان : ملک خانیم ایوب اوا

*

حرام اولسون

دئمک هر شئی یالانیمیش ، عشقین باغی تالانیمیش
من ملک ساندیغیم اینسان ، دئمه افعی ایلانیمیش
بس دئییردین آییرسا ، آییرار اؤلوم بیزی
دئی گؤروم نه دیر آییران ، بس ایندی سئوگیلیم بیزی
همی گئدیب یازاردین ، بیر آغاجا ایسمیمیزی
گیزلین ده اؤپوب قوجاقلییاردین رسمیمیزی
حرام اولسون حرام اولسون
سنه ائتدیکلریم حرام اولسون
داها سندن ، چتین آدام اولسون
حرام اولسون حرام اولسون
گؤز یولدا قولاغیم سس ده ، گلمدین ای بویو بسته
سنه وئردیغیم گوللری ، قویاسان قبریوین اوسته
بیر گوناهیم واریدیسی ، او دا تک سئومه ییدی
بو حیات دا ان عزیز ان دیرلی ایسته ییدی
او من ایدیم اولدوم عشقیمه قربانین
گئت گؤروم کیم اولاجاق ، ایندی سنین درمانین
حرام اولسون حرام اولسون
سنه ائتدیکلریم حرام اولسون
داها سندن ، چتین آدام اولسون
حرام اولسون حرام اولسون
سئوگیمه غم قتارام من ، غم ایچینده باتارام من
بو اوره ک بیرده سئوه رسه ، کسیب اونو آتارام من
سنی ده ییشمه زیدیم ، چکسه لرده دارا منی
بو سئوگینین اؤنونده ، ائتدین اوزو قارا منی
نئجه قیدین اوره گیم ، بوکوله بو یانغینا
منی عاجز می سانیب ، آتدین آیاق آلتینا
حرام اولسون حرام اولسون
سنه ائتدیکلریم حرام اولسون
داها سندن ، چتین آدام اولسون
حرام اولسون حرام اولسون
سنین هر سؤزونه ایناندیم ، سنی سئودیم سنه یاندیم
پوزساندا سن اؤز آندین ، منیم پوزولمادی آندیم
او زامانکی سنه اوستون اولدوم الدن دئییری
ایسترسن آما بو سؤزون ، داها یوخدو خئیری
آغلاییب یالواراراق ، سن گئری قایتارما منی
سنی سیلدیم اوره ییمدن ، داها آختارما منی
حرام اولسون حرام اولسون
سنه ائتدیکلریم حرام اولسون
داها سندن ، چتین آدام اولسون
حرام اولسون حرام اولسون
گه رئییدی سئوگی ده ایمان اولسون
اگر یالاندی سا تامام اولسون
ائله سینی سئوگینن آدام اولسون
مندن سئوه نلره سلام اولسون
حرام اولسون حرام اولسون
سنه ائتدیکلریم حرام اولسون
داها سندن ، چتین آدام اولسون
حرام اولسون حرام اولسون
*

اوخویان : آقشین فاتح

*
حرامت باد حرامت باد
نگو که همه چیز دروغ بود ، باغ عشق ویران بود
اونی که فرشته اش پنداشته بودم ، نگو که مار افعی بود
آخه می گفتی که ما را فقط مرگ از هم جدا می کند
بگو ببینم حالا چه چیزی ما را جدا کرده
هر بار اسم مان را بر روی درخت می نوشتی
پنهانی عکسمان را می بوسیدی و بغل می کردی
حرامت باد ، حرامت باد
خوبیهائی که به تو کردم حرامت باد
دیگر تو آدم بشو نیستی
حرامت باد حرامت باد
چشم به راه و گوش بر صدا ماندم و تو نیامدی
الهی که گلهائی را که به تو دادم سر قبرت بگذاری
اگر گناهی داشتم ، دوشت داشتن بود
در زندگی ام عزیزترین دوست داشتنی ترین ها عشق بود
آنکه فدای عشق اش شد من بودم
برو ببینم چه کسی درمان دردهایت خواهد شد
حرامت باد ، حرامت باد
خوبیهائی که به تو کردم حرامت باد
دیگر تو آدم بشو نیستی
حرامت باد حرامت باد
بر عشقم غم می بارم ، غرق غم می شوم
اگر این دل باز عاشق شود ، می برم و دورش می اندازم
تو را با هیچ چیز عوض نمی کردم ، حتی اگر به دارم می آویختند
به دنبال همین عشقم ، روسیاهم کردی
چطور دلت آمد دلم را در آتش این عشق خم کنی؟
مرا عاجز پنداشتی و زیر پا آنداختی؟
حرامت باد ، حرامت باد
خوبیهائی که به تو کردم حرامت باد
دیگر تو آدم بشو نیستی
حرامت باد حرامت باد
باروت کردم ، عاشقت شدم به پایت سوختم
تو هم از عهدت بگذری من از عهد و پیمانم نگذشتم
با گریه و التماس مرا باز به سوی خودت نکش
تو را از صفحه دلم پاک کردم دنبالم نگرد
باید عشق با ایمان همراه باشد
اگر روغ است تمام شود
عاشق کسی باشد که آدم باشد
از من بر عاشقان سلام باشد
حرامت باد ، حرامت باد
خوبیهائی که به تو کردم حرامت باد
دیگر تو آدم بشو نیستی
حرامت باد حرامت باد
*