چاغیر منی - شاعر: ویدادی بابانلی

بو آیریلیق اوزدو منی
ایپه – ساپا دوزدو منی
غبارلاتدی سئوگیمیزی
چاغیر منی چاغیر گلیم
*
آرالیغا فرق آتدیلار
سنه منه شر آتدیلار
عشقیمیزی آلچاتدیلار
فیتنه فساد من نه بیلیم
چاغیر منی چاغیر گلیم
*
داها یوخدو جان دا دؤزوم
هیجرانینا نئجه دؤزوم
اؤز ائویمی ییخدیم اؤزوم
دیلیم اولاسان دیلیم – دیلیم
چاغیر منی چاغیر گلیم
*
آرالیغا فرق آتدیلار
منه سنه شر آتدیلار
عشقیمیزی آلچاتدیلار
فیتنه فساد من نه بیلیم
چاغیر منی چاغیر گلیم
*
اوخویان : بال اوغلان اشرف اف

 

شاعر و قلم ( در وصف حضرت علی )

 قلم آلدیم الیمه بیر گئجه یاری طبعیله
الیم التیندا دیرندی قلمیم گلدی دیله
ائله فریاد ائلییب آه ائلییب چیخدی زیله
سؤیله مک ایستییرم خیلی زماندیر شاعر
علی دن یازماغیوی بسدی دایاندیر شاعر
نه یازیرسان منی گؤتوروب الیوه آی فرسیز
ائله ظن ائیله میسیز کی علیه نوکرسیز؟
علی او کس دی کی طاعت ده اولوب بنزرسیز
او نه سیردی او نه حکمت دی نهان دیر شاعر
تک محمدله بیر آللاها عیان دیر شاعر
گؤرمویورسن می یازیم قاره اوزوم قاره گلیب
اونا تعریف دئمه یه هانسی قلم کاره گلیب
بیر آدام کی گؤز آچیب کعبه ده روزگاره گلیب
او کسین تعریفی ظن ائتمه آسان دیر شاعر
آیه به آیه اونون وصفی قرآندیر شاعر
قرآنی منله یازیبلار نه یازیرسان دئی گؤروم
نه قوشورسان نه داشیزسان نه قیزیرسان دئی گؤروم
عاشق اولماغیوی وی شعرینده یوزورسان دئی گؤروم
اونون عاشیق لرینین قدی کماندیر شاعر
آللاها آند وئریرم وور منی سیندیر شاعر
باش آشاغی آیاغیم گؤیده قالیب تنهایم
سن ائله بیلمه کی بو حالیمیله رسوایم
من باش ایدیم علیه سجده ده یم اعلایم
سجده قیلماق علیه حقه نیشان دیر شاعر
کیم باش ایمزسه اونا اهل زیاندیر شاعهر
سؤز ده وئریدم یوماجام آغزیمی هئچ قیزمییاجام
علی حاققیندا نه سه کلمه بئله جیزمییاجام
توبه ائتدیم دفعه لرنن کی داها یازمییاجام
یازمادیم کی بئله باغریم قارا قاندیر شاعر
علی دن یاز گئنه یاز دورما آماندیر شاعر
ائله یاز کی علی دن صولتینه لایق اولا
ائشیدنلر اوخویانلار سؤزوله توفیق اولا
علیه عاشق اولانلار یئنی دن عاشق اولا
همی دشمن لرینین باغرینی یاندیر شاعر
علیه کم باخانی سؤزله اوتاندیر شاعر
او زامان کی منی آلدی الینه کوفه لیلر
علی اولادی حسینه کمه یه گل دئدیلر
گل دئین لر اونو صحراده شهید ائیله دیلر
شاهیدم کوفه لیلرافعی ایلاندیر شاعر
یازدیغی نامه لرین هامیسی یالاندیر شاعر
او ایکی اوزلولرین ایچ اوزونو گؤستره جم
سن بیلیرسن می منیم وارمی منیم وار نئجه رتبه م درجه م ؟
من قیامت گونو محشرده شهادت وئره جم
او گونوگؤزلویورم گؤو بیر هاچان دیر شاعر
کیم ناحاق یازسا منی حالی یاماندیر شاعر
چوخ عدالت سیز حکومدارا شاعد دوراجام
ظالیمی تعریف ائدن کس لره دیوان قوراجام
هر عمل دفترینین نقطه سینی من ووراجام
وارلیغین حاقیله باطن ده نظام دیر شاعر
آل منی گئت علی نین باشینا دولاندیر شاعر

آقشین فاتح

سئوگیلیم

بوگون سنین گونوندور
گوللری بوش وئر سئوگیلیم
سن له بیر آن بیر عؤموردور
ایللری بوش وئر سئوگیلیم
من سنه چوخدان یانمیشام
کوللری بوش وئر سئوگیلیم
*
باغیشلا منی عزیزیم
باخ بوگون گئنه گئج قالدیم
ان سئودیغین هدیه نی
هئچ بیلمیرسن نئجه آلدیم
من گئنه اؤزومو اونوتدوم
آرزولاریمدان خط چکدیم
آخشام اوزون گولسون دئیه
بوتون گونو حسرت چکدیم
*
سنی بیر گون بو چیچکله دئییل
بو اورکله هر گون سئودیم
من سنی آدام کیمی
دوغروسونا دوزگون سئودیم
*
بوگون سنین گونوندور
گوللری بوش وئر سئوگیلیم
سن له بیر آن بیر عؤموردور
ایللری بوش وئر سئوگیلیم
من سنه چوخدان یانمیشام
کوللری بوش وئر سئوگیلیم
*
یاخشی بیلیرسن حیاتیم
سئویرم دئمک عادتیم دئییل
قوی گؤزلریمیز دانیشسین
دویغولاریم میننتیم دئییل
گاه اوزومده کی سئوینجیم
گاه گؤزومده یاشیم اولدون
سن ان دؤزولمز گونومده
گئتمه دین کی سیرداشیم اولدون
*
سنی بیر گون بو چیچکله دئییل
بو اورکله هرگون سئودیم
من سنی آدام کیمی
دوغروسونا دوزگون سئودیم
*
بوگون سنین گونوندور
گوللری بوش وئر سئوگیلیم
سن له بیر آن بیر عؤموردور
ایللری بوش وئر سئوگیلیم
من سنه چوخدان یانمیشام
کوللری بوش وئر سئوگیلیم
*
آقشین فاتح

 

قاراگیله

گلمیشم اتاقینا اویادام سنی

قاراگیله، اویادام سنی

نه گؤزل خلق ائیله میش یارالدان سنی

قاراگیله، یارادان سنی

گؤتوروب من قاچارام آرادان سنی

قاراگیله، آرادان سنی

قیزیل گول اسدی، صبریمی کسدی

سیل گؤزون یاشین قاراگیله،آغلاما بسدی

*

تبریزین کوچه لرین دولان با دولان

قاراگیله، دولان با دولان

اگر منی سئومیرسن، گئد آیری دولان

قاراگیله، گئد آیری دولان

نه منه قیز قحط دی نه سنه اوغلان

قاراگیله، نه سنه اوغلان

آغاج اولایدیم، یولدا دورایدیم

سن گلن یولا، قاراگیله کؤلگه سالایدیم

*

ائویمیزین قاباغی سو گلن آرخدی

قاراگیله، سو گلن آرخدی

دوروم چیخیم کوچویه، یارگلن واخدی

قاراگیله، یار گلن واخدی

یاریم گلیب چیخماییب اوقاتیم تلخدی

قارا گیله، اوقاتیم تلخ دی

دربند آرالی، کؤنلوم یارالی

بیر یار سئومیشم، قاراگیله، تبریز مارالی

بیر یار سئومیشم قاراگیله، تبریز مارالی

*

او قدر من آغلارام دریالار دولا

قاراگیله، دریالار دولا

گوموش پیاله لر مئی ایله دولا

قاراگیله، مئی ایله دولا

او قدر صبر ائیله رم، یار منیم اولا

قاراگیله، یار منیم اولا

الینده لاله گئتمه خیاله

گل بیز یالواراق قاراگیله،  پروردگاره

*

گلمیشم اتاغینا یئرینی سالام

قاراگیله، یئرینی سالام

یئر سالماق بهانه دی یانیندا قالام

قاراگیله، یانیندا قالام

اگر قیسمتیم اولسا من سنی آلام

قاراگیله، من سنی آلام

دریا درین دی سویو سرین دی

غصه ائیله مه قاراگیله ، آللاه کریم دی

*

سئوگیلیم دوروبدو میار میار دا

قاراگیله، میار میاردا

الینده نه سنه سی فکر و خیال دا

قاراگیله، فکر و خیال دا

آللاه منی اؤلدورمه او به ی دوراندا

قاراگیله، او به ی اولاندا

داغلار مارالی گزمه آرالی

سنی سئویرم قارا گیله، تبریز مارالی

*

میار میار : نام محله ای در تبریز

تیمور مصطفی اف درگذشت

تیمور مصطفی اف در تاریخ 11 ژوئن 2020 در سن 81 سالگی درگذشت.
*
یوخ، یوخ، یوخ
شاعر: زینال جبارزاده
*

قارا گؤزون بادام
او دئدی یوخ یوخ یوخ یوخ
منه گلسین قادان
او دئدی یوخ یوخ یوخ یوخ
دئدیم آی قیز دایان
دئدی اولسون حیان
سنن یار اولماز منه
دوز دولان دوز اوتور آی کیشی
یاش اؤتوب دئیه سن یئتمیشی
بیر دنه آغزیندا یوخ دیشی
اینسان قیزینا عاشق اولارمی ادام
*
سنه قربان حاجی او دئدی
یوخ یوخ یوخ یوخ
حاجی یار محتاجی او دئدی
یوخ یوخ یوخ یوخ
دئدیم آی قیز دایان
دئدی اولسون حیان
سنن یار اولماز منه
دئدیم انصاف ائله
دئدی گوله گوله
سنن یار اولماز منه
دوز دولان دوز اوتور آی کیشی
یاش اؤتوب دئیه سن یئتمیشی
بیر دنه آغزیندا یوخ دیشی
اینسان قیزینا عاشق اولار می آدام
*
گل گیرک قول قولا او دئدی
یوخ یوخ یوخ یوخ
آ قوزوم گل یولا او دئدی
یوخ یوخ یوخ یوخ
دئدیم آی قیز دایان
دئدی اولسون حیان
سنن یار اولماز منه
دوز دولان دوز اوتور آی کیشی
یاش اؤتوب دئیه سن یئتمیشی
بیر دنه آغزیندا یوخ دیشی
اینسان قیزینا عاشق اولار می آدام
*
عئیبه جر دئییلم بیر او قدر ده
بس نئیه به یه نمیر بو گؤزل منی
ساچلارا دن دوشوب بو قیز به نزه دیر
ده ده یه عمی یه دایی یا منی
آغارسادا بیر آز ساچیم
مشدی عباددان آزدی یاشیم
عشقه دوشوب یازیق باشیم
تئللرین داراسین الیم
دئشون نه دی
قیزیلدان بو دیشین نه دی
سنین کی جاوان سئوگیلین وار
بس بو تیمور عمین نن ایشین نه دی
*
دوز دولان دوز اوتور آی کیشی
یاش اؤتوب دئیه سن یئتمیشی
بیر دنه آغزیندا یوخ دیشی
اینسان قیزینا عاشق اولار می آدام

*