سن هارالی سان؟

هارالی سان ؟

قاش قارا کیپریک قارا

باخدیم او گؤزل یارا

باخدیم او گؤزل یارا

من باخدیم او باخمادی

قلبیمه ووردی یارا

قلبیمه ووردی یارا

گؤزل سن هارالی سان

باکونون مارالی سان

بلکه منه دئمیرسن

دربندین مارالی سان

قاشلاری کامان آی قیز

گئتمه بیر دایان آی قیز

گئتمه بیر دایان آی قیز

کؤنول سنه وورولدو

سؤزومه اینان آی قیز

سؤزومه اینان آی قیز

گؤزل سن هارالی سان

گنجه نین مارالی سان

قازاق ، شکی گنجه نین

شاماخی مارالی سان

کاروان گئدیر تبریزه

یولو چیخیبدیر دوزه

یولو چیخیبدیر دوزه

گؤزل بئله بئزه نمه

گلرسن یامان گؤزه

گلر سن یامان گؤزه

گؤزل سن هارالی سان

اردبیل مارالی سان

شوشا ، باکی ، شاماخی

خوجالی مارالی سال

الله منی خوش ائیله

شراب سیز سرخوش ائیله

شراب سیز سرخوش ائیله

یاریم گایب کئچنده

اونو منه خوش ائیله

اوونو منه خوش ائیله

گؤزل سن هارالی سان

قاراباغ مارالی سان

بلکه منه دئمیرسن

آستارا مارالی سان

سن منه لای لای دء

  شاعر: مهمان آغ سو
اوخویان: تقی صالح اوغلو

دیزلرین اوستونه قویوم باشیمی
سن منه لای لای دء من یاتیم آنا
چاغیر گلسین باجی هم قارداشیمی
سن منه لای لای دء من یاتیم آنا
*
دونیا سنی قوجالتی باج بیرجه آندا
سن آتلی اولموسان من سه پیادا
باغچامیزدا سنی بیر آغاج آتدا
سن منه لای لای دء من یاتیم آنا
*
سن تک ایسته دین منیم خطریمی
من سنین چون یازدیم شعریمی
باغرینا باس منی دویوم عطرینی
سن منه لای لای دء من یاتیم آنا
مهمانام شعریم سؤزومده قالدی
اوشاقلیق داغلاریم دوزومده قالدی
بیر داملا یاشیم گؤزومده قالدی
سن منه لای لای دء من یاتیم آنا

حیف او سئوگیه

شاعر: نصرت کسمنلی
اوخویان: تقی صالح اوغلو

او یالانچی ایللر گونه دیمزمیش
گول وئردیم، وئردییم گوله دیمزمیش
گؤزومده چاغلایان سئله دیمزمیش
حیف او سئوگیه، او محبته
بیردفعه اورکدن گوله بیلمه دیم
کؤنلومو کیمسه یه وئره بیلمه دیم
سندن باشقاسینی سئوه بیلمه دیم
حیف او سئوگیه، او محبته
سن سیز گئجه لریم یوخو بیلمه دی
ایچیمده آلیشان آهی بیلمه دی
من بیلدیم سن بیلدین چوخو بیلمه دی
حیف او سئوگیه، او محبته
اؤزومون اؤزومنن آجیغیم گلیر
دوسلاریم کدرلی ، دوشمنیم گولور
اؤلن سئوگیمیزه یازیغیم گلیر
حیف او سئوگیه، او محبته
سلطانلیق تاختیمیز دئوریلدی نئجه
کولک سیز، طوفان سیز، سوورولدو هئچه
او سئوگی نفریته چئوریلدی نئجه
حیف او سئوگیه، او محبته

قانینا غلطان اولان اوغلوم حسین

 شاعر: کنیز
قانینا غلطان اولان اوغلوم حسین
امّته قربان اولان اوغلوم حسین
کیم سنی غرق ائتدی قیزیل قانینا
نیزه ده ییب سینۀ سوزانینا
فاطمه قربان یارالی جانینا
لب لری عطشان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
برهم اولوب گئتدی اساسین سنین
اولمادی بیر کس توتا یاسین سنین
بس هانی اینینده لباسین سنین؟
سینه سی طوفان اوغلان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
تشنه لب اولدوردولر قارداشینی
فرقتی قان ائیله دی گؤزیاشینی
کیم دالدان کسدی سوسوز باشینی؟
خانه سی ویران اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
بسله میشیدیم سنی سینم ده من
گول بدنین قالدی یئر اوستونده سن
یوخ سنه بیر قبر قازان، دفن ائدن
پیکری عریان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
گلدی آنان دور باشیبنین اوستونه
بس نه سالیم یارالارین اوستونه
شمر گئدیر خیمه لرین اوستونه
خیمه سی تالان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
آغلامیشام صبح م مسا حالینا
قربان اولوم او یارالی حالینا
آلدین حسین، اکبریوی یانینا
اصغری عطشان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
نئینه سین آخی بالا بو زینبین
بس نئجه گؤرسون یارالی پیکرین
کیم کی کسیب ظلم ایله بو اللرین
زینبی نالان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
هانسی آنا من کیمی نالان اولوب
کرب و بلادا جگری قان اولوب
خیمه لری ظلم ایله تالان اولوب
خیمه یه مهمان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
سن نئجه صبر ائتدین اوغول غملره
فرقت عبّاس و علی اکبره
اوخلارا، نیشانه علی اصغره
باغری قیزیل قان اولان اوغلوم حسن
قانینا غلطان اولان اوغلوم حسین
امّته قربان اولان اوغلوم حسین
*
سن کی امامیدین آخی امّته
نور هدایت بو یامان ملّته
سالدیلار آخر سنی مین ذلّته
خاک ایله یکسان اولان اوغلوم حسین
قانینا غلطان اولان اوغلوم حسین
امّته قربان اولان اوغلوم حسین
*
نوحه تمام اولدو« کنیز» آغلارام
باشیما ایندی من قرا باغلارام
اوغلون حسینه من عزا ساخلارام
یا زهرا
ای کفنی اولمویان اوغلوم حسن
قانینا غلطان اولان اوغلوم حسین
امّته قربان اولان اوغلوم حسین
*
نوحه خوان: سید صالح برادیگاهی

منم حضرت عبّاس

نوحه خوان لار: سید طالع – شهروز حبیبی – اباصلت – فریبرز خاتمی
چو آت سالدی فرات اوسته، علی نین غضب اوغلو
سالیب ولوله آفاقه، او عالی نصب اوغلو
چکیب تیغ شرربار، دوشوب لرزه یه کفّار
ده ییب بیر- بیره اشرار، چه تیپ و چه علمدار
یتیب تا صف اعدایه ابوالفضل وفادار
او سرچشمۀ ایثار، آچیب نطق گهربار
بویوردو او زامان:« گوش ائدون ای لشکر خونخوار و جفاکار و ستمکار، منم حضرت عبّاس»
*
منم صاحب صولت، منم شیر شجاعت
منم معدن غیرت، منم منبع عصمت
منم حضرت عبّاس
منم مهر نبوّت، منم باب کرامت
منم کان فصاحت و بلاغت و کرامت
منم حضرت عبّاس
*
او شیرین حرکاتی، مکرّر حملاتی
ثنا و صلواتی، دوتوب دشت و فلاتی
منم حضرت عبّاس
*
آلیب نهر فراتی، سئویندیردی بناتی
دئدی قلبیزی ای قوم، دوتوب کینه و وسواس
منم حضرت عبّاس
*
منم سایۀ رحمت، منم درِّ حقیقت
منم ناصر نصرت، منم مرد شریعت
منم پیر طریقت، ایا فرقۀ خنّاس
منم حضرت عبّاس
*
سکینه اوزامان مئردی خبر آل عبایه
چاغیردی هامی اطفالی ییغیب خیمه سرایه
گؤتوردو بالاجا اللرینی سمت سمایه
دیلین آچدی دعایه، ائدیب عرض خدایه
روادور آخا دریا؟ یانا عترت طاها؟
سولا گلشن زهر؟ اولا محشر برپا
سالام لشکره غوغا، دولا قانیله صحرا
ایا زمرۀ نسناس، منم حضرت عبّاس
*
منم صاحب صولت، منم شیر شجاعت
منم معدن غیرت، منم منبع عصمت
منم حضرت عبّاس
منم مهر نبوّت، منم باب کرامت
منم کان فصاحت و بلاغت و کرامت
منم حضرت عبّاس
*

خداحافظ ای آنام باجی

خداحافظ ای آنام باجی
خداحافظ ای آنام باجی، آغلاما یانا – یانه
رقیه می ساخلا من گئدیم، جیلوه گاه جانانه
من گرک باتام قانه، قان آخا بو میدانه
*
گرک دئیم خنجر آلتدا من، یا غفور و یا الله
شهید اولام قتل صبریله تشنه فی سبیل الله
کسیک بوغازیله سسله نم لا اله الا الله
جهان دا نابود اولا بت پرست و بتخانه
*
یزدیدن بیز آلاخ گرک حق خلق محرومی
خلاص ائدک قید ظلمیدن بی گناه و مظلومی
همیشه لیک باطل ایلیه ک شایعات مسمومی
جهانی بو انقلابیله دوندرک گولوستانه
*
یزید اگر صحبت ائیله شه شان ایله نشانیننن
شماتت و طعنه باشلاسا فتح داستانینن
ویرارسان اؤز مشت محکمین هرزه دهانینن
کفایت ائیلر اؤنون سؤزو مغز پوک مستانه
من گرک باتام قانه قان آخا بو میدانه
*
گوزل باجی شیرزن باجی یاوریم هواداریم
اؤلوب عباسیم علم یاتیب سنسن ایندی سرداریم
بو قانلاری قویما محو اولا قهرمان علمداریم
مبلغ اول شام و کوفه و مکتب شهیدانه
من گرک باتام قانه، قان آخا بو میدانه
*
نوحه خوان: سلیم موذن زاده
نوحه خوان: سید محمدباقر منصوری
*

  

اویان ای یار وفاداریم اویان

 اویان ای یار وفاداریم اویان
شاعر: حسین غفّاری اردبیلی

منی تک قویما علمداریم اویان
یولووی خیمه ده گؤزلور بالالار
سنه قربان اولا قیزلاریم اویان
شرف الناسیم اویان                   
گؤزل عباسیم اویان
*
سنه من قانه باتان آی دیرم
سینه وی لاله لره تای دیرم
داش آتانلاردان اگر اولسا امان
تؤکرم گؤز یاشی لای لای دیرم
قره معجرلرینین وای گونونه
سود امر اصغرینین وای گونونه
شرف الناسیم اویان                   
گؤزل عباسیم اویان
*
سرویمین لطمه ده یوب قوللارینا
تؤکولوب قانی شرف یوللارینا
سنی اکبر جانی کیمدن سوروشوم
نه گلوب قارداشیمون قوللارینا
من اؤپن قاره گوزوندن اوخ اؤپوب
داش گؤزل سینه وی مندن چوخ اؤپوب
شرف الناسیم اویان                   
گؤزل عباسیم اویان
*
دئمیرم قارداشیوام گؤیلومی آل
دئمیرم دور گئدک اخیامیده قال
دئیورم دشمنی گولدورمه منه
کسیلن قوللاریوی بوینوما سال
ساق گؤزوندن تؤکولن قانه قسم
ایاقیم خیمیه گلمیر قئیدم
شرف الناسیم اویان                   
گؤزل عباسیم اویان
*
یارالی باشیوا قربان اولانیم
گؤزووی آچ باشیوا من دولانیم
نئجه سن سیز گئده رم خیمه لره
اؤزون انصاف ائله ای قهرمانیم
گؤزووه پرده چکیب قان یارالی
نیه بو حاله قالوبسان یارالی
شرف الناسیم اویان                
گوزل عباسیم اویان
*
بویاما گل اوزووی گؤز یاشیوا
دیله گل ائیله بیان قارداشیوا
سنی زهرا ننه مین جانی دانیش
نه آغیر یاره ووروبلار باشیووا
اورگین اودلادیلار قارداشیوین
بئلیمی اگدی یاراسی باشیوین
شرف الناسیم اویان                
گوزل عباسیم اویان
*
آسمان باشیما غم گردی الیر
سینه می ماتمیوین تیری دلیر
نقدر آختاریرام یوخدی ننم
باشین اوستن ننه مین عطری گلیر
بو مبارک اؤلومین وار نه غمی
خوش سنین حالیوا گؤردون ننه می
شرف الناسیم اویان                
گوزل عباسیم اویان

یا حسین

 یا حسین 
شاعر: حسین غفّاری اردبیلی

یا حسین دردیمیزین سنده دی درمانی اقا

نا امید ائیله مه سن بیل ننه وین جانی آقا

آند وئرریک سنی گؤزلردن آخان اشک لره

اصغرین لب لری مثلی قورویان مشک لره

نیزه اوسته شهدانین یارالی باشلارینا

محمل اوسته باجیوین قانه باتان ساچلارینا

آند وئرریک سنی اللرده اؤله ن زهرایه

محرمی گؤز قاباغیندا دؤیولن مولایه

ای کرم صاحبی سائل لره احسان ائیله

قره کؤینک لریوین دردینه درمان ائیله

*

عبّاس، عبّاس

شعر: فرهاد فکری اردبیلی
نوحه خوان: سید طایع

عباس، عباس
ای یار و یاوریم، سن سن بال و پریم
یاتما قوملار اوسته، قولسوز سرلشکریم
قلبیم دؤیونور، قارداش دور گئدک
دوشمن سئوینیر، قارداش دور گئدک
عباس عباس، اوغولسوزام من
قارداش سیزام من
*
سن نه باوفاسن، درده مبتلاسن
گؤزله ییر قیزلار، مشکل گشاسن
آی باتسا باتار، گؤیده اولدوزلار
یولونو گؤزلور، خیمه ده قیزلار
عباس عباس، اوغولسوزام من
قارداش سیزام من
*
قارداش یاندی دیلیم، سن سن آرخام ائلیم
سنی بو حالیده، گؤرجک سیندی بئلیم
اشکیمی قانه قاتما ابوالفضل
دوشمن چالیر ال، یاتما ابوالفضل
عباس عباس، اوغولسوزام من
قارداش سیزلام من
*

داغلاردان آشدیم

 داغلاردان آشدیم

داغلاردان آشدیم، دوزه قویمادیلار
سئوگیلیم گلدیم، سیزه قویمادیلار
آی قیز آی قیز آی قیز
اؤزومده سنه عاشق
آی یار آی یار آی یار
اؤزوم ده سنه عاشق
گؤزوم ده سنه عاشق
*
کماندی قاشلارین، بویوندو بسته
دیلین بادام ایچی، دوداغین پسته
هر نه دئسن، جمله سی گؤزوم اوسته
آی قیز آی قیز آی قیز
اؤزومده سنه عاشق،
آی یار آی یار آی یار
اؤزوم ده سنه عاشق
گؤزوم ده سنه عاشق
*
اورگیم ده دردیم واردی سئوگیلیم
ایره گی گل سنه دئییم سئوگیلیم
گؤزوم گؤردو کونلوم سئودی نئیننیم
آی قیز آی قیز آی قیز
اؤزومده سنه عاشق
آی یار آی یار آی یار
اؤزوم ده سنه عاشق
گؤزوم ده سنه عاشق
*
جعفر رستگار  

آی چیچک

 آی چیچک

من سنه اوز توتوب دئییرم یئنه
نیه اورکک – اورکک باخیرسان منه
*
قلبیمه نغمه تک آخدین آی چیچک
آخی اوره ییمی یاخدین آی قشنگ
نیه گولومسه ییب باخدین آی چیچک
*
آرتیخ اؤتموش ایللر، ایللر او ایللر
نئجه یول آچمیشدیر، گوللر او گوندن؟
*
خزرین سینه سی پارلادی پار- پار
یئل اسدی ، تیتره دی ، سسله ندی شام لار
کؤنلومه نغمه تک آخدین آی چیچک
*
اوخویور: گوللو مراداوا

سنی غملی گؤرنده

سنی غملی گؤرنده
اوخویور: حبیب رحیم اف
شاعر: بهرام نسیب اف

اولارام درده همدم
سنی غملی گؤرنده
اوره ییمی اوزر غم
سنی غملی گؤرنده
*
بوران اولار قار اولار
ایشیم آه و زار اولار
منه دونیا تار اولار
سنی غملی گؤرنده
*
او گونش اوزون هردن
بورومه سین دومان چن
ساچلاریما دوشر دن
سنی غملی گؤرنده
*
اسن کولک دایانار
گؤیلر قارا بویانار
عاشیق اودلارا یانار
سنی غملی گؤرنده
*

آپار منی تبریزه

  تبریز

قسمت اولوب بو گون قوناغام سیزه
توت الیمنن آپار منی تبریزه
بوگؤروش بو وصال گلمه سین گؤزه
توت الیمدن آپار منی تبریزه
لپه لنیم آراز اوسته آخیم من
قارتال اولوم ساوالاندان باخیم من
هجران قالاسینی ییخیم من
توت الیمدن آپار منی تبریزه
اولدوز دئیر یورد یئریندن کؤچمه سین
بیجه قوش دا یوواسیندان اوچماسین
اوقلوم قیریم یادلارا ال آچماسین
عینی دیلده دیین دیللریمیز وار
آرازدا بیرله شن سئللریمیز وار
تبریزله باکی تک ائللریمیز وار
توت الیمدن اپار منی تبریزه
اولدوز دیلر هئچ کس ائل دن کؤچمه سین
بیرجه قوش دا یوواسیندان اوچماسین
اوغلوم قیزیم یادلارا ال آچماسین
توت الیمدن آپار منی تبریزه
*
عاشیق اولدوز

قایتار

 قایتار

ایندی کی سن مندن اوز دؤنده ریرسن
اوزومه سورتدویون اوزومو قایتار
اودووداغیمدان گیزلین یاشلار
یاناغینا دوشن گؤزومو قایتار
قولومون ایستی سی بئلینده قالیب
الیمین ایستی سی تئلینده قالیب
حسرتیم آیین دا ایلینده قالیب
منه اوّل ده کی کؤزومو قایتار
دایانما قارشیمدا بیر سوال کیمی
دؤیمه گؤزلرینی نیسگیل وار کیمی
روحوما داد وئرن یاغ لا بال کیمی
او آخشام دئدییم سؤزومو قایتار
جانیمی ایسته سن قییب وئره رم
هارا گئتسن سنی گؤره رم
منه اوّل ده کی گؤزومو قایتار
سن باشقا سایاق اؤته بیلرسن
گتمک ایسته سن ده گئده بیلمز سن
سن منیم اؤزوم سن اؤزومو قایتار
*
اوخویان: بال اوغلان اشرف اف

یانیق کرمی

 یانیق کرمی
اوخویور: تقی صالح اوغلو

ائله چالما سه گاهینی آی قارداش
آماندی بارماغین تئلی یاندیریر
بارماقلارین توخوناندا دیل لره
اود دوشور داغلارا سئلی یاندیریر
ناله چکیب کرم یانار الینده
سوندور قویما زیل دن بمه یئنه نده
هوش آپاریب اورک جوشا گلنده
دوداق کوله دؤنور دیلی یاندیریر
عزیزینم سؤیله کرم دردینی
یاخسین اوره ینین هر بیر بندینی
دئمه شاعر آشیب – داشیب حدّینی
آچیلسا دویمه لر الی یاندیرار
یانا – یانا چالدین یانیق کرمی
دردین آلیم اونو بیرده چال عاشیق
ائیله بیلدیم تزه چؤکوب قلبیمه
سالدین اوره ییمه یامان خال عاشیق
بو ناله نین آهی ندیر کؤزونه
نه لر گلدی گؤزلریمین اؤنونه
اؤزوم دوشدوم خان کرمین گؤلونه
سسین سالدی اوره ییمه یول عاشیق
آخشام زامان سئح دوشلی بوینونا
بوز بولاغی گول – مئشه لی قوینونا
او داغلارین ینؤوشه لی قوینونا
همن گئدیرسن سلامات قال عاشیق
بو ناله نین آهی ندیر کؤزو نه
نه لر گلدی گؤزلریمین اؤنونه
اؤزوم دوشدوم خان کرمین گونونه
اسدی سالدی اوره ییمه یول عاشیق
*

قاییتما

 
اوخویور: بال اوغلان اشرف اف

پریشان ائیله دین منی عؤمورلوک
سن سه عؤمرون بویو پریشان اولما
بیرینجی ایتیردین تاپماسان داها
منیم یوخلوغومنان پشیمان اولما
منیم له یاناشیر یازیلار آدین
تورپاغین آلتیندا یانمدیرار اودوم
منه گونشیدین، حیف اؤلدون
اؤزون – اؤزونه چن دومان اولدون
آخیتما گؤزونون اینجی لرینی
یاخشی نین یامانین اؤیرن یئرینی
مندن سونرا اگر سئوسن بیرینی
یازیق دیر اونودا اونودان اولما
گئیدرسن سه گئت قایییتما
قاییتما، قاییتما، قاییتما
چئوریلیب یاغیشا سئله قاییتما
ایندی کی گئدیرسن سون باهار کیمی
قاییتما گئرییه درنالار کیمی
یاشا زیروه لرده، یاشا قار کیمی
چئوریلیب یاغیشا سئله قاییتما
قاییتما، قاییتما، قاییتما
گونلریم ناحاقلا اؤتدو سنین له
دئمیرم عؤمور – گون بیتدی سنین له
گئتدی نغمه لریم گئتدی سنین له
ایندی دوورو اؤتن یئله قاییتما
قاییتما، قاییتما، قاییتما

گزه - گزه

 گزه – گزه

عاشیق پناه پناه اف
بیر گؤزله، عاشق اولدوم
سحر چؤلو، گزه – گزه
دوشدوم عشقین، دریاسینا
آینا گؤردو گزه – گزه
*
آلا گؤزلر، یان سوزولدو
باخدیم اونا، جان اوزولدو
گؤنلوم جوشدو، سازیم گولدو
مضراب تئل ده، گزه – گزه
*
عاشقی یام، بودور یارین
وورغونویام، گؤزل یارین
اوخویور شن، ماهنی لاریم
پناه ائلی گزه – گزه

واخت گلدی

 واخت گلدی

شعر: الهامه عادل قیزی
اوخویور: تیمور عمراه
واخت گلدی ترک ائدیب گئدیرم سنی
درنا قاطاری ایله قاییداجاغام
قار – بوران دولدورسا کؤرک قلبیمی
سنین عشقین ایله اووناجاغام
*
سن گؤرن اول کی جاوان دئییلم
سئودا آتشینه یانان دئییلم
خوشبخت گونلریمی دانان دئییلم
اورک ده بو عشقی سویوداجاغام
*
هر گئجه قوناق تک یوخوما گلن
شیرین سؤزلر دئین اوزومه گولن
سؤزلریم یاشلی دیر، قوی قالسین
سیلمه سنلی خاطره لری اویوداجاغام

آلتین اوزوک یاشیل قاش

 آلتین اوزوک یاشیل قاش

کرکوک ماهنی سی
اوخویورلار: نرمینه ممداوا – سینان سید
آلتین اوزوک یاشیل قاش
حیرانام من اونا
بیر جوت عابالی دوستوم
گل گئدک سئیرانا
*
آلتین اوزوک بارماقدا
چکدیم چیکماز دیرناقدان
توبه لییم یار توتمام
قورخوم وار آیریلماقدان
*
قاپیدان کئچدی یاریم
یارامی دئشدی یاریم
اویدو ائللر سؤزونه
مندن واز کئچدی یاریم
*
آلتین اوزوک یاشیل قاش
حیرانام من اونا
بیر جوت عابالی دوستوم
گل گئدک سئیرانا
*

سئوگیلیمه کؤنول آچدیم

 سئوگیلیمه کؤنول آشدیم

شعر: آیدین کریم اف
اوخویور: رامیز حاجی اف
سئوگیلیمه کؤنول آشدیم
اریتدی بیر دیلده من
درد الیندن بمه قاچدیم
او آختاردی زیل ده منی
*
قورخوم بودور عهدی دانا
باغریم اولا شانا – شانا
اؤزو  عشقه یانا – یانا
رسوای ائتدی ائل ده منی
*
عشقی ائتمه بیان دئدی
هله تئزدی دایان دئدی
اوره یینده جان – جان دئدی
یه ینمه دی دیل ده منی
*
قورخوم بودور عهدی دانا
باغریم اولا شانا – شانا
اؤزو  عشقه یانا – یانا
رسوای ائتدی ائل ده منی
*

نیه گئج – گئج گوج گؤرونورسن

 نیه گئج – گئج گوج گؤرونورسن

عاشیق ممدآقا بابایوف
سؤیله گؤروم آ دیلبریم
نیه گئج – گئج گؤرونورسن
سوروشماق عاییب اولماسین
نیه گئج – گئج گؤرونورسن
*
دومیرم دورسن اینجی سن
کؤنلومون ایلک سئوینجی سن
بلکه مندن اینجی میسن
نیه گئج – گئج گؤرونورسن
*
سوردوم سنی یاسمن دن
دئدی گلیب کئچدی مندن
گل ساخلاما کوسو مندن
نیه گئج – گئج گؤرونورسن
*
دیل ده سوسار دینمز اینان
عشق آتشی سؤنمز اینان
ممد آقا دؤنمز اینان
نیه گئج – گئج گؤرونورسن
*

بیگانه

 یئتیرین سؤزلریمی او نازلی یاره

او یاره یئتیرین او نازلی یاره
اؤلورم من اؤلورم بیلسه نه چاره
نه چاره اؤلورم بیلسه نه چاره
*
سن سیزم صحرادایام اولموشام عشقینده دیوانه
مجنونام چؤللرده یم هامی قویوب آدیمی آواره
او قدر برک ووروب کی حیات منیم اوره ییمه یاره
نه یاره نه یاره منیم اوره ییمه یاره
*
یومورام گؤزلریمی اونسوز حیاته
حیاته یومورام اونسوز حیاته
چکمه سین من چکه نی کیمسه نباده
نباده نباده چکمه سین کیمسه نباده
آغلاماق ایسته ییرم اورک دؤزمور اولوب دو پاره
بیلمیرم نئیله ییم کی من سونوندا گلیم قراره
او قدر برک ووروب کی حیات منیم اورییمه یاره
نه یاره نه یاره منیم اوره ییمه یاره
*
اوخویان: افشین آذری
شاعر: شهریار نائبی
*

دیلبر

 آی نازلی نازلی دیلبر

قلبیمده یازدی دیلبر
واللاه سنین یولوندا
اؤلسم ده آزدی دیلبر
*
آی داددی داددی دیلبر
قلبیمه یاتدی دیلبر
عشقین سالیب جانیما
هامینی آتدی دیلبر
*
آی آللاه آللاه آللاه
بو عشقیمه ماشالله
آی آللاه آللاه آللاه
بو عؤمرومه ماشالله
*
ایلاهی ایلاهی نذر دیمز اینشالله
ایلاهی ایلاهی نذر دیمز اینشالله
*

آی نازلی نازلی دیلبر
قلبیمده یازدی دیلبر
واللاه سنین یولوندا
اؤلسم ده آزدی دیلبر
*
آی داددی داددی دیلبر
قلبیمه یاتدی دیلبر
عشقین سالیب جانیما
هامینی آتدی دیلبر
*
اوخویان: افشین آذری
*

جان جان

 گؤزلرینین قاره سی

آی یاندیریب یاندیریب منی
یاندیریب منی
بو اوره یین یاره سی
آی یاندیریب یاندیریب منی
یاندیریب منی
*
جان جان دئ گؤروم
نیه من سنی چوخ سئومیشم
جان جان جان دئی گؤروم
نه قدر قلبینه گئتمیشم
*
سنین عشقین نفس دی
منه بیر عمر بس دی
اینانمیرسان الین قوی قلبیم اوسته
گؤر نه سس دی
منیم عشقیم ده سن سن
منیم عمروم ده سن سن
منیم جانیم دا سن سن
آی سنین قربانین اوللام
*
جان جان دئ گؤروم
نیه من سنی چوخ سئومیشم
جان جان جان دئی گؤروم
نه قدر قلبینه گئتمیشم
*
اوخویان: افشین آذری
*

نازلی

 آخیردا بیر نازنین دیلبری سئودیم

بیر او بیلیر بیرده من بیلمه ییر هئش کیم
نازلی نازلی نازلی باخ بئله نازلی نازلی نازلی
نه قدر او گؤزلرینن دئسم آزدی
نازلی نازلی نازلی گول بئله نازلی نازلی
ائله بیل چیچک دی یازدی
نئیله میسن گؤر، نئیله میسن گؤر
قلبیمه باخ بیر، نئیله میسن گؤر
بیر ایکی سؤزله باخدی او گؤزلر
نئیله میسن گؤر، نئیله میسن گؤر
*
اوخویان: افشین آذری
*

دیوانه

 باخ گؤزلره، باخ گؤزلره،

باخ دلی دیر بیر- بیریندن
عاشق نه یانار گئچر کی دیبلریندن
بیر عشقیم وار کی اونا جانیم
کی اونا عمروم باغلی دی باغلی
نه دئسم آزدی یئری قلبیمده آیری دی آیری
لیلی بیر یانا مجنون بیریانا
اؤزو دیوانه سؤزلری دیوانه
منیم عشقیم گؤزلیم دنیادا بیردانه
دئی گؤروم کیم دی تئز دئی گؤروم کیمدی
منیم عشقیم منیم عمروم نفسیم کیمدی
*
اوخویان: افشین آذری
*

عیبی یوخ

 سحره جان، یاتمامیشام

عکسیوی، قوجاخلامیشام
اوره ییم، اود توتوب یانیب
سنین اوچون آغلامیشام
*
نئجه اوره یینن گلیر
منی تاپشیردین کیمه
اوره ییم  نن اوینادین
آخیر نییه، آخیر نییه
*
نئجه اوره ییندن گلیر
نئجه اوره ییندن گلیر
نئجه اوره ییندن گلیر
*
هارا گئده جاخسان گئت عیبی یوخ
کیمه باخاجاخسان باخ عیبی یوخ
منی آتاجاخسان آت عیبی یوخ
الیمده بیرچاره یوخدو کی
اوقدرسؤزوم چوخدو چوخدوکی
گئت سنی تاپشیردیم آللاها
عیبی یوخ
*
اوخویان: افشین آذری
*

دیل

 

دونیادا دیل لره قیمت وئریلیب همت ایله

هر دیلین رتبه سی تعیین اولونوب دقت ایله

ثبت اولوب دفتره قانون ایله رسمیت ایله

ان مکمل دیل عرب دیل عربستان دیلی دی

چون او دیل کامل اولاکن اودا قرآن دیلی دی

دیل لرین چوخلو جهت دن باخیلیب ارزیشینه

کؤکونه تاریخینه ایندی سینه کئچمیشینه

باخیرام بهت ایله بو چرخ فراخین ایشینه

ایکیمینجی تانینان دونیادا آلمان دیلی دی

حئیف هیتلر کیمی او ییرتیجی حئیوان دیلی دی

انگلیس دیل کی جهان اهلی بونو بیلمه لی دی

خاریجه اؤلکه سینه هامی گئدیب گلمه لی دی

اون یاشیندان هامی بو دیل ده یازیب سیلمه لی دی

بو ازل دن بشرین بوینونا یوکله نمیشیدی

رتبه سی دیل لر آراسیندا اونون اون ایکی دی

هله بونلار شوونیزملر بیزه تبلیغ ائلییر

آریا مکتبینی فخر ایله تفسیر ائلییر

هئچ اوتانمیر یئری گلسه بیزی تحقیر ائلییر

ییرمی سککیز اولارین دیل لر ایچینده یئری دیر

ییرمی بئش پله اولار آذری لردن گئری دیر

زاهیدین سؤزلرینی ساخلا یادیندا قوچ آقا

سن اولارنان دئییشنده سینه وی وئر قاباغا

سؤیله من سوم دونیایم ایا حضرت آغا

اوچومونجو تانینان هانسی بیر انسان دیلی دیر

اودا منیم دوغما آنام آذربایجان دیلی دیر
*
شاعر : زاهد
اوخویان عاشیق: عاشیق ممد فرزانه

زمانه

 بو زامان بیر زامان دیر

چالا دئییر گؤل اولموشام

الومینیوم چای قاشیغی 

قالخیب دئییر بئل اولموشام

چاققال چیخیب داغدا اولار

ایت قویروغون یاغا بولار

آفتافادان جوشان سولار

قالخیب دئییر سئل اولموشام

عباس داهی کتابی بوک

سؤزلریوی سؤیله مه روک

کئچل باش دا اوش دنه توک

اسیر دئییر تئل اولموشام

*
شاعر: عباس
اوخویان عاشیق: عاشیق ممد فرزانه

یاندیردی

 منی بیر قلم قاشلی نین

نازی یاندیردی یاندیردی  

منی یاندیردی یاندیردی

چینی خرمایی ساچلی نین

اوزو یاندیردی یاندیردی

آق اللره حنا یاخدی

ساندیم بئله سونا یوخدو

ناز ائیله دی منه باخدی

نازی یاندیردی یاندیردی

منی یاندیردی یاندیردی

اوزومه دیجه صورتی

بیلمک اولمور ملکه دی

بیر آلوودو محبتی

اؤزو یاندیردی یاندیردی

منی یاندیردی یاندیردی
*
اوخویان عاشیق زولفیه