حسرت قالاسان

شاعر: جزاهیر
اوخویان: شبنم تووزلو

اونا بئله دئیین، داها درده گوجوم چاتمیر
اونا بئله دئیین، گؤزوم آغلامامیش یاتمیر
منی درد الینده قویما
سؤزومو دیلیمده قویما
*
منه ائله حسرت قالاسان، دوشه سن دیللره
دایانیب ائوزاخدان باخاسان، من آلان گوللره
توتوب اوره ییندن دؤنه سن، او کئچن گونلره
گؤره سن من نه چکیردیم
*
منی بیلسن نئجه یم، اینانارسان می
گئجه یاری قاپیما، دایانارسان می
ساچیمین تئللرینی، آغارمیش گؤرسن
اوتانیب دیزلریمه، کاپانارسان می
*
منی درد الینده قویما
سؤزومو دیلیمده قویما
*

جان جانان

خواننده: سامی یوسف ( سیامک رادمنش )
ترانه سرا: بابک رادمنش 

اولماز

 اولماز
اوخویان : زهرا فتحی
شاعر: آقشین فاتح

سبب اولمادان، سهویم اولمادان
نیه مندن چیخدین گئتدین
سنی دنیایا دیشمزدیم، سن
دنیامی ییخدین گئتدین
دئدیم سنه آلما یاریم لیلی نین آهیندان
شکایت ائیلر سنی سئون آللاهیندان
*
اولماز بیر اورکده ایکی سئودا اولماز
قالماز بو جوانلیق سنه ده قالماز
فایدا سنه وئرمز سورا پئشمانچیلیغین
بیرگون آنلایارسان کی یئرین دولماز
*
سنه عؤمرم جانیم سؤیلرکن
جانیمی آلدین گئتدین
سویا محتاج بیر گولو سانکی
اودلارا سالدین گئتدین
دوشونمه دین سنین اوچون
کئچر اؤز جانیندان
گون گلر تانیماز منی
دوز اؤتریانیندان
*
اولماز بیر اورکده ایکی سئودا اولماز
قالماز بو جوانلیق سنه ده قالماز
فایدا سنه وئرمز سورا پئشمانچیلیغین
بیرگون آنلایارسان کی یئرین دولماز
*

داغلار اوغلو داغلار

بو اوخوماغی زهرا بالا  چوخ گؤزل اوخویوب

داغلار اوغلو داغلار
دشمنه بیر درددی
داغلار اوغلو داغلار
داغلار اوغلو داغلار
داغ کیمی قدرتلی
قوللاری قوتلی
حرمتلی عزتلی
عشقه صداقتلی
ایگیت دی چوخ مرددی
داغلار اوغلو داغلار
داغلار اوغلو داغلار
*
جاندان عزیز جاندیر
دردلره درماندیر
ایگیت قهرماندیر
شئردیر هم آسلان دیر
ایگیت دی چوخ مرددیر
داغلار اوغلو داغلار
داغلار اوغلو داغلار
*
داغلار اوغلو گلسین
آدیلا یوکسلسین
بیزله دئییب گولسون
بونو هامی بیلسین
ایگیت دی چوخ مرددیر
داغلار اوغلو داغلار
داغلار اوغلور داغلار
داغلار اوغلو داغلار
دشمنه بیر درددیر
داغلار اوغلو داغلار
داغلار اوغلو داغلار
داغلار اوغلو داغلار
*

قیزیل گول

قیزیل گولم دسته یم
بلبولم قفس ده یم
خبر وئرین یاریما
حسرتیندن خسته یم
*
قیزیل گول اویوم - اویوم
اویوم بشقابا قویوم
سن مندن دویوب گئتسن
من سندن نئجه دویوم
*

 

سینا یار

شعر: رسول رضا 
اوخویان:  کؤنول خاسی اوا

آی ایشیقلی گؤی اولدوزلو اولایدی
کؤنلوم ائوی چیراغان دیر بو گئجه
نه بیر چیچک نه بیر یارپاق سولایدی
نه اینجییب یاردان کوسن اولایدی
*
هر محنته دؤزه رم دؤزه رم
سینا منی سینا یار سینا یار
عهده چیخسام، وفاسیز، وفاسیز
اوندا منی قینا یار، قینا یار
*
یار یولوندا دومان ندیر، چن ندیر؟
اللرینین حرارتی منده دیر
دنیا – عالم بوتون گؤزه له دؤنسه
منیم کؤنلوم، منیم گؤزوم سنده دیر
*
بیزی بیر گون آیری گؤرسه یاغی لار
کؤنلوم سنین حسرتیندن داغیلار
گونده یوز یول سنه قربان اولایدیم
قورخورام کی دئیه لر چوخ آز اولار
*

یک دسته گل تقدیم به تیم تراکتور

 

باشین ساغ اولسون

 

تاکی سن خوشبخت اولاسان

شعر و اخویان: اوزیر مهدی زاده

لاپ ایسته سن بورالاردان گئده رم
تا کی سن خوشبخت اولاسان
اوره یین نه ایسته ییرسه ائده رم
تا کی خوشبخت اولاسان
*
منه آیریل دئیرسن آیریلیرام
قوی سن دئین اولسون
ایسته میردین بیزی ایسته مین لر
سئوینیب ال چالسین
یاشا حیاتینی ایسته دیین کیمی
درد – غم منه قالسین
بیر جان نه دیر کی
سنین اوچون اؤله رم
تا کی سن خوشبخت اولاسان
*
منیم له اوز – اوزه گلسن
دایانیب قانینی قارالتمارام
سنی گؤرنده من وئره رم سلام
هئچ زامان اونوتمارام
من یاشادیغیم آجی گونلریمی
سنه من یاشاتمارام
دوست دئییر دردیم سن له بؤله رم
تا کی سن خوشبخت اولاسان
*
سوروشورلار کی نیه آیریلدیز؟
دئمه سنده دیر گناه
منیم آدیمی وئر دئنن من نه ائدیرم؟
او سئوه نده دیر گناه
دئسه لر بیله – بیله نیه سئودین بس؟
دئی کی من ده دیر گناه
اینانماسالار چاغیرسان گله رم
تا کی سن خوشبخت اولاسان
*
اونوتماق ایسته ییرم اونوتمارام
اوره ریم سنی دئیه سن
اوره ییم باجارماسا دا ایسته ییرم
اوزومو گؤرمویه سن
باشالیم گئدیم گرک بورالاردان
یئریمی بیلمه یه سن
گئری دؤنمه مک اوچون سؤز وئره رم
تا کی سن خوشبخت اولاسان
*

 

یاخشی اولار

یاخشی اولار - اوزیر مهدی زاده

من نه لر آرزو ائتدیم، قارشیما چیخدی نه لر
بس هاردان بیلئیدیم، قسمتیم دیر غم - کدر
بیز بئله دئییلدیک، آخ بیزه نه لر اولدو
یا یولوموز باغلاندی، یا بیزه دیدی نظر
*
چوخ منی دوشونمه، سن بئله غم ائیله مه
بیلیرم آغیردیر، هئچ بیر کسه سؤیله مه
دشمن لر سئوینر، یانقی وئررلر سنه
گله جه یم قاباقدادیر، بدبختم دئمه، دئمه
چوخ تاسف ائیلیرم،بس نییه بئله اولدو
گؤزومون نورونو، یادلار الیمدن آلدی
سن آیری من آیری، یولوموزو آیری سالدی
چوخ تاسف ائیلیرم، بس نییه بئیله اولدو
گُل بالام آغلاما، هر بیر شئی یاخشی اولار
بیر گون ده غم گئدر، خوشبخت لیک سنه قالار
عؤمرومو ده وئرر، عیبی یوخ مندن آلار
گُل بالام آغلاما، هر بیر شئی یاخشی اولار
تانریما شوکور کی، سنی قلبیمه سالدی
پئشمان دا دئییلم، نه اولسون وئردی آلدی
سندن منه بیر قالان، یاشاماغا سبب اولان
عاغلیمدن سیلینمز، اوخاطره لر قالدی
دؤزمه دیم باشیمین، آغری سی یادیمدادیر
یاریمین جانیمین، قایغی سی یادیمدادیر
اوندا گؤردوم سنی، نئجه ناراحاتیدین
گیزلیجه آغلادین، هامیسی یادیمدادیر
چوخ تاسف ائیلیرم، بس نییه بئیله اولدو
گل بالام آغلاما، هر بیر شئی یاخشی اولار
بیر گون ده غم گئدر، خوشبخت لیک سنه قالار
عؤمرومو ده وئرر، عیبی یوخ مندن آلار
گل بالام آغلاما، هر بیر شئی یاخشی اولار
*
اوخویان و شاعر: اوزیر مهدی زاده
Üzeyir- Mehdizadə 

 

سودان گلن سورمه لی قیز

اوخویان: تیمور مصطفی اف

سودان گلن سورمه لی قیز
چوخ اینجیئدیر کوزه سنی
چوخ اینجیدیر کوزه سنی
ائله نازیلا گلیرسن
ائله نازیلا گلیرسن
آپاریرلار بیزه سنی
آپاریرلار بیزه سنی
*
کوزه نی الینن آللام
کوزه نی الینن آللام
قولومو بوینونا ساللام
قولومو بوینونا ساللام
آی قیز سنی اؤزوم آللام
آخ دو دور گل آماندیاؤللم
سئوگیلیم یاماندیر اؤللم
*
کوزه نه ایپک دوزه رم
کوزه نه ایپک دوزه رم
عشقینده چؤللر گزه رم
عشقینده چؤللر گزه رم
سن سیز من نئجه دؤزه رم
سن سیز من نئجه دؤزه رم
آخ دو دور گل آماندی اؤللم
سئوگیلیم یاماندیر اؤللم
*

دلبریم

اوخویان: کؤنول خاسی اوا 

داغلاردا جئیران گزر
ال – آیاغین داش ازر
من یارا نئینه میشم
یار منن کنار گزر
*
دلبریم دلبریم
گل گل آهو بالاسی
اوجا داغلار لالاسی
*

باغا گیرمه رم سن سیز
گولو درمه رم سن سیز
داغلاردا آهو مه لر
بیل کی او منم سن سیز
*
دلبریم دلبریم
گل گل آهو بالاسی
اوجا داغلار لالاسی
*

نه قالدی

اوخویان: زینب خانلار اوا

ییغدین بو دنیانین مالین دولتین
اللینی آشیردین، یوزه نه قالدی
آیاق گئتدی، ال گتیردی، دیش یئدی
باخماقدان سووایی گؤزه نه قالدی
*
نه قالدی کیمه قالدی
باخماقدان سووایی گؤزه نه قالدی
*
اؤلوم حاقدی چیخماق اولماز الیندن
ایپک تورا حلقه سالما دمیردن
آی دی گؤندو گلیب – گئچیر عؤموردن
تله سیریک گؤرک یازا نه قالدی
*
هاوایا باخیرام هاوا مغشوشدو
گزدییم اویلاقلار یادیما دوشدو
بیر گون ائشیدرسن زینب  ده کؤشدو
سیندی تئللی سازی سازا نه قالدی
*
آی حضرات گلین سیزه سؤیله ییم
آخدی گؤزوم یاشی سئل اولدو گئتدی
نه آقا نه نوکر نه پاشا
هامیسی بیر بیرینه تای اولدو گئتدی
*

یامان کؤنلومه دوشموسن

اوخویان: زینب خانلار

مندن اوزاق گزن گؤزل
یامان کؤنلومه دوشموسن
اوره ییمی اوزن گؤزل
یامان یامان کؤنلومه دوشموسن
*
داغلار قار ایسته ین کیمی، آی گؤزل
باغلار بار ایسته ین کیمی آی گؤزل
خسته نار ایسته ین کیمی آی گؤزل
یامان کؤنلومه دوشموسن، دوشموسن
*
گؤرن سنه ملک دئییر، آی گؤزل
چمن دئییر، چیچک دئییر، آی گؤزل
من دئمیرم اورک دئییر، آی گؤزل
یامان کؤنلومه دوشموسن، دوشموسن
*
داغلار قار ایسته ین کیمی، آی گؤزل
باغلار بار ایسته ین کیمی آی گؤزل
خسته نار ایسته ین کیمی آی گؤزل
یامان کؤنلومه دوشموسن، دوشموسن
*
شیرین جانیمدان کئچرم آی گؤزل
غصه اکیب غم بیچرم، آی گؤزل
عشقیمیزه آند ایچرم،  آی گؤزل
یامان کؤنلومه دوشموسن، دوشموسن
*

قاداسین آلیم

اوخویان: علی پرمهر

سنه گؤره دنیا چوخ آغلاتدی منی قاداسین آلیم
سنه گؤره یاخینلاریم آتدی منی قاداسین آلیم
سنه گؤره آخر اونوتدوم اؤزومو قاداسین آلیم
باغلادیم هر کسه عاشق گؤزومو قاداسین آلیم
*
کاش بیلیردین کی بیرعاشقین اوره یی
نه غصه ائدیر آخشام چاغیلار
کاش بیلیردین خاطیرین دوشنده
آدامین یادینا دنیاس داغیلار
*
سنه گؤره تانیدی منی
بو شهرین هر کوچه سی
بیر من اولدوم بیرده تانریم
بیرده گئجه نین نفسی
*
من دئدیم دیلده اونوتدوم اما اینانما
هله ده چاغیریر سنی اوره ییمین سسی
*
کاش بیلیردین کی بیرعاشقین اوره یی
نه غصه ائدیر آخشام چاغیلار
کاش بیلیردین خاطیرین دوشنده
آدامین یادینا دنیاس داغیلار
*

اوره ییمله گؤرورم

( سوز:علی پرمهر ) – اوخویان: زهرا بالا و علی پرمهر
*
خوش گلیبسن باکی یا زهرا بالام
همیشه یوردوموزا سن گله سن
بیز سنین گؤزل سسینی سئویریک
بیزی ده اومود ائدیرم سن سئوه سن
*
من آذربایجانیمی، آنا وطنی سئویرم
بو گؤزل خالقیمیزین، اللریندن اؤپورم
گؤزلریم گؤرمه سه ده، اوره ییم ایشیقلی دی
آللاهین محبتین، اوره ییمله گؤرورم
*
قوروسون تانری سنی، او گؤزل آوازینی
ناز ائیله گؤزل بالام، من نازینی چکیرم
ایستیرم نفس آلیم، سئوگیله قالام سیزه
تبریزدن گتیرمیشم، بیر قوجاق سلام سیزه
*

آغلاتما منی

اوخویان: مورمان

هئی دولوب هئی بوشالیر گؤزلریم، آغلاتما منی
یوخو گؤردوم کی گلیب سس، اویاتما منی
گؤزلیم وئردیم اگر گؤزلریوه عاشق اولوب
کیم آخی ایستر اؤزون درده سالا من ده سالام
*
اگر عؤمروم تئز قورتولسا
سن گلینجن گؤز یومولسا
نئجه بیرده سنی گؤروم
یاراو دنیا یالان اولسا
*
باخما اوزده گولورمک من
یانیرام واللاه ایچریدن
سنی سئودیم بیرعؤمورلوخ
نئجه اونودوم ایندی بیردن
*
سوروشورلار سنی منن خیابانلار، کوچه لر
نئجه یئردن ییخیلان غم یاردوزه لر
ائله اوزاقدا دوروب باخماکی الدن گئدیرم
گل اؤزون آل جانیما واللهی بیر سؤز دئمیرم
*

گئتمه

اوخویان: مورمان

سایدیم گونو آیی ایلی
ساندیم دؤنه جکسن گئری
گئجه لر نئجه من دؤزدوم
نئجه سن دئمه دن گیزلین
سئون آخی اوزمز یارین
دئمه دن ترک ائتمز یارین
سنین اوره یین کیمله دولوب
مندن بونو نئجه ساخلادین
گئتمه دئییه - دئییه آغلادیم
منه اوزچئویریب باخمادی
بیلمدی هئچ سیندی اوره ییم
تلسیردی دایانمادی
گئتمه دئیدیم هئچ بیلمه دین
سؤزومه دیر وئرمدین
ائله بیل سنین چون بیر آدام
منی بلکه هئچ سئومه دین
هئچ بیلمدین نقدر اوزولدوم
تک لیک ده سندن هئی کوسوردوم
سنی باغیشلاماقدان اؤترو
عاغلیمدا بهانه لر دوزوردوم
یارام سن اولماسان ساغالماز
آغلاسام گؤز یاشیم دایانماز
گئتمه دئییه - دئییه آغلادیم
منه اوزچئویریب باخمادی
بیلمدی هئچ سیندی اوره ییم
تلسیردی دایانمادی
گئتمه دئیدیم هئچ بیلمه دین
سؤزومه دیر وئرمدین
ائله بیل سنین چون بیر آدام
منی بلکه هئچ سئومه دین
*

باش اوسته

اوخویانلار
مورمان – ایمان زمان

من سنه وورولدوم
سن منه باخاندا
سنه چتریمی آچدیم
تئلینه یاغیش یاغاندا
*
قاش قارا گؤزلر قارا
سالمیسان منی تورا
بوراخمارام من سنی
سن هارا من ده اورا
*
هر نه دئسن باش اوسته
ایناماسان جان ایسته
گل یئتیش امدادیما
رحم ائله سن بو مسته
*
توت منیم الیمدن
چک منی قیراغا
دئنن سنی سئوریم
آدین ندیر آی آقا
*
توت منیم الیمدن
قویما دوشوم آیاغا
جیبیندن قلم چیخارت
نمره می یاز واراغا
*
هر نه دئسن باش اوسته
ایناماسان جان ایسته
گل یئتیش امدادیما
رحم ائله سن بو مسته
*

او آدام هاردادی

اوخویان: آقشین فاتح - نفس
سؤز: آقشین فاتح

ایندی جواب وئر، او آدام هاردادی؟
سسیمه اوخشایان،نفسیم له نفس آلان
منی هرکسه قیزقانان، او آدام هاردادی؟
عطریمه دویمایان، جانیما قیمایان
من سیز اویمایان، او آدام هاردادی؟
*
هرکسه من اوز چئویریب یوخ دئمه دیم می؟
تک سنی قلبیمده سئویب گیزله مدیم می؟
سن منی پشمان ائله دین قاییتمادین کی
سون اومودوم اولسه بئله گؤزله مدیم می؟
*
خبرین اولمادی نئجه طوفانلارا دوشدوم
ایسته مدیم کی بیله سن قانلارا دوشدوم
ائلچی لرین قاپیدایکن نه جور دئییه یدیم
گؤزله منی یار قارا زندانلارا دوشدوم
*
عطرینه دویمایان، جانیما قیمایان
من سیز اویمایان، او آدام هاردادی
گؤزیاشیمی باغلایان، اوره یینی داغلایان
من سیز آغلایان، او آدام هاردادی
*
سنی بونو بیلیئدیم بیرده دونه یدیم
بیرده یاشارسام، سنی من بیرده سئوه ردیم
سنی گئری قایتارماغا ایمکانیم اولاردی
ایندی همین آنلارا هر شئییمی وئره ردیم
*
من قایداردیم یانینا اؤلوم ده اولسا
مین بلالی یوللاریلا، اؤلوم ده اولسا
بیل کی حیات دا ان ضعیف طرفیم ایدین سن
بوراخمازدیم اللرینی، الیمده اولسا
*
عطرینه دویمایان، جانیما قیمایان
من سیز اویمایان، او آدام هاردادی
گؤزیاشیمی باغلایان، اوره یینی داغلایان
من سیز آغلایان، او آدام هاردادی
*

تراختور

تراختور – اوخویان: مورمان

الیم هاوادا، گؤزوم قالادا
قلبیم نگران، دیلیم دعادا
تراختور منه جان دی
هم جان دی هیجان دی
او منیم قلبیم ده
هر زامان قهرمان دی
نه توپ دو، نه ده گل دو
نه ساغدی، نه ده سولدو
تراختور بیر کتاب دی
دوشونجه لی بیر یولدو
تبریز اردبیل زنجان
اورمو میاینا همدان
دنیا سنی تانییر
حیران دی سنه تهران
الیم هاوادا، گؤزوم قالادا
قلبیم نگران، دیلیم دعادا
تراختور منه جان دی
هم جان دی هیجان دی
او منیم قلبیم ده
هر زامان قهرمان دی
سنین ایسته یه نین چوخدو
هر گلون سنین اوخدو
هر زامان یئسن بیر گل
دییروخ عیبی یوخدو
الیم هاوادا، گؤزوم قالادا
قلبیم نگران، دیلیم دعادا
تراختور منه جان دی
هم جان دی هیجان دی
او منیم قلبیم ده
هر زامان قهرمان دی

سنی یاناسان

اوخویان: آقشین فاتح - نفس
سؤز: آقشین فاتح

سنی یاناسان باخیشلارین یامان گؤزل دی
سئودیکجه سنی حیات گؤزل زامان گؤزل دی
او سؤزلرینله عاغلیمی باشدان آپاریرسان
قلبیم دؤیونور سانکی یئریندن قوپاریرسان
نه اولار سن ده منی بیر آرادا یاد ائده سن
خوش گئدر آللاهادا سئودیینی شاد ائده سن
نه زامان چاغیردین کی گلمه دیم آی انصاف سیز
سندن آیری بیرجه گون گولمه دیم آی انصاف سیز
اوره ییم پاره پاره، ائده سن بلکی چاره

منی قویدون آواره، نه ائدیم من بیچاره
هارا گئتسن سنه گلرم، نئجه اولسا گئنه گلرم
بونودا ایسته ییرم بیر دفعه لیک آنلایاسان
سنی قیزقاندیغیم او چون، منی آز دانلایاسان
قیزقانماغین یئری وار، عالمه رسوای ائله مه
منی سرسم لره بی وئج لره گل تای ائله مه
سئویرم یانه – یانه، بونا اولما بیگانه
منه سن سن یگانه، داها ائتمه بهانه
هارا گئتسن سنه گلرم، نئجه اولسا گئنه گلرم
سنی یاناسان باخیشلارین یامان گؤزل دی
سئودیکجه سنی حیات گؤزل زامان گؤزل دی
او سؤزلرینله عاغلیمی باشدان آپاریرسان
قلبیم دؤیونور سانکی یئریندن قوپاریرسان
*

بس نه دئییم

 بس نه دئییم - شاعر: سلیمان رستم

سئوگیلیم من سنه، جانان دئمه ییم، بس نه دئییم
حسنونو دردیمه،  درمان دئمه ییم، بس نه دئییم
بیرجه سؤزله جانیما جان وئردین
گونده مین یول سنه من جان دئمه ییم
بس نه دئییم، نه دئییم، نه دئییم
*
تیکیلیب گؤزلریم حسرتله یولونا
اولماسین اورتادا هجران دئمه ییم
سن جانیمسان گؤزلیم سن، گؤزلیم سن، گؤزلیم
اؤزومه بخته ور انسان دئمه ییم، بس نه دئییم
نه دئییم، نه دئییم
*
یوخ منیم باشقا گؤزللرده گؤزوم
سنین هجرانینا من نئجه دؤزوم
سنه قربان بو سلیمان دئمه ییم
بس نه دئییم، نه دئییم، نه دئییم
*
اوخویان: زینب خانلار اوا

الا تهرانیا - استاد شهریار

 الا تهرانیا انصاف می کن خر توئی یا من؟

الا ای داور دانا تو می دانی که ایرانی
چه محنت ها کشید از دست این تهران و تهرانی
چه طرفی بست از این جمعیّت، ایران جز پریشانی
چه داند رهبری سرگشتۀ صحرای نادانی
چرا مردی کند دعوی کسی کو کمتر است از زن
الا تهرانیا انصاف می کن خر توئی یا من
*
تو ای بیمار نادانی، چه هذیان و هدر گفتی
به رشتی کلّه ماهی خور، به طوسی کلّه خر گفتی
قمی را بد شمردی، اصفهانی را بتر گفتی
جوانمردان آذربایجان را ترک خر گفتی
تو را آتش زدند و خود بر آن آتش زدی دامن
الا تهرانیا انصاف می کن خر توئی یا من
*
تو اهل پایتختی باید اهل معرفت باشی
به فکر آبرو و افتخار مملکت باشی
چرا بیچاره مشدی و بی تربیت باشی
به نقص من چه خندی، خود سراپا منقصت باشی
مرا این بس که می دانم تمیز دوست از دشمن
الا تهرانیا انصاف می کن خر توئی یا من
*
تو از این کنج شیرکخانه و دکان سیرابی
بجز بدمستی و لاطی و الواطی چه دریابی
در این کولژ که ندهندت بجز لیسانس تنبانی
نخواهی بوعلی‌سینا شد و بونصر فارابی
به گاه ادعا گویی که دیپلم دارم از لندن
الا تهرانیا انصاف می‌کن! خر تویی یا من
*

تو عقل و هوش خود دیدی که در غوغای شهریور
کشیدند از دو سو، همسایگان در خاک ما لشگر
به نقّ و نال هم هر روز، حال بد کنی بدتر
کنون ترکیه بین و ناز شست ترکها بنگر
که چون ماندند با آن موقعیّت از بلا ایمن
الا تهرانیا انصاف می‌کن! خر تویی یا من

*
گمان کردم که با من همدل  و همدین و همدردی
به مردی با تو پیوستم ندانستم که نامردی
چه گویم بر سرم با ناجوانمردی چه آوردی
اگر می خوالستی عیب زبان هم رفع می کردی
ولی ما را ندانستی به خود هم کیش و هم میهن
الا تهرانیا انصالف می کن خر توئی یا من
*
به شهریور به پارین که طیّارات با تعجیل
فرو می ریخت چون طیر ابابیلم به سر سجیّل
چه گویم ای همه ساز تو بی قانون و هردمبیل
تو را یک شب نشد ساز و نوا از رادیو تعطیل
تو را تنبور و تنبک بر فلک می شد مرا شیون
الا تهرانیا انصاف می کن خر توئی یا من
*
به قفقازم برادر خواند با خود مردم قفقاز
چو در ترکیّه رفتم، وه چه حرمت دیدم و اعجاز
به تهران آمدم نشناختی از دشمنانم باز
من آخر سالها سرباز ایران بودم و جانباز
چرا پس روز را شب خوانی و افرشته اهریمن
الا تهرانیا انصاف می کن خر توئی یا من
*
به دستم تا سلاحی بود، راه دشمنان بستم
عدو را تا که ننشاندم به جای، از پای ننشستم
به کام دشمنان آخر گرفتی تیغ از دستم
چنان پیوند بگسستی که پیوستن نیارستم
کنون تنها علی ماندست و حوضش چشم ما روشن
الا تهرانیا انصاف می کن خر توئی یا من
*
چو استاد دغل سنگ محک بر سکّۀ ما زد
تو را تنها پذیرفت و مرا از امتحات رد کرد
سپس در چشم تو تهران به جای مملکت جا زد
چو تهران نیز تنها دید، با جمعی به تنها زد
تو این درس خیانت را روان بودی و من کودن
الا تهرانیا انصاف می کن خر توئی یا من
*
چو خواهد دشمنی بنیاد قومی را براندازد
نخست آن جمع را از هم پریشان و جدا سازد
چو تنها کرد  هر یک را به تنهائیبدو تازد
چنان اندازدش از پا، که دیگر سر نیفرازد
تو بودی آن که دشمن را ندانستی فریب و فن
الا تهرانیا انصاف می کن خر توئی یا من
*
چرا با دوستدارانت عناد و کین و لج باشد
چرا بیچاره آذربایجان عضو فلج باشد
مگر پنداشتی ایران ز تهران تا کرج باشد
هنوز از ماست ایران را اگر روزی فرج باشد
تو گل را خار می بینی و گلشن را همه گلخن
الا تهرانیا انصاف می کن خر توئی یا من
*
تو را تا ترکِ آذربایجان بود و خراسان بود
کجا بارت بدین سنگینی و کارت بدین سان بود
چه شد کُرد و لُر یاغی؟  کزو هر مشکل آسان بود
کجا شد ایل قشقائی؟ کزو دشمن هراسان بود
کنون ای پهلوان چونی؟ نه تیری ماند و نی جوشن
الا تهرانیا انصاف می کن خر توئی یا من
*
کنون گندم نه از سمنان فراز آید نه از زنجان
نه ماهی و برنج از رشت و نه چائی ز لاهیجان
از این قحط و بلا مشکل توانی وارهاندن جان
مگر در قصّه ها خوانی حدیث زیره و کرمان
دگر انبانه از گندم تهی شد، دیزی از بنشن
الا تهرانیا انصاف می کن خر توئی یا من
*

داغلار

اوخویان: علی هاکان

دردیمی داغلارا دئدیم
غریبم من هارا گئدیم
حسرتیم قالدی اوره کده
عزیزیم سن سیز نئینه ییم
یالواردیم من آللاها
یورولدوم گلدیم جانا
قوجالدیم یار حسرتیندن
گؤزلریم قالدی یوللاردا
داغلار آی اوجا داغلار
من غریبم منه کیم آغلار
چیخدیم داغلار باشینا
یازی یازدیم داشینا
گلیب – گئدن اوخوسون
نه لر گلدی باشیما
سن سیز نئجه آغلارام
اوره ییمی داغلارام
اؤلنه دک شکلیوی
اوره ییمده ساخلارام
داغلار آی اوجا داغلار
من غریبم منه کیم آغلار
*
دردیمی داغلارا دئدیم، قان آغلادی
جاوان یاشدا فلک سینه می داغلادی
چوخ ایسته دیم گلم بیر گون سنی گؤرم
هارا گئتدیم فلک، یوللاری باغلادی
داغلار اوجا داغلار  
حالیما کیم آغلار
دوشدوم غربت ائله  
یارامی کیم باغلار
*

قاییت نولار

اوخویان: کؤنول خاسی اوا

ییغیلمیریوللاردان فکریم خیالیم
گؤرم بوچؤللرده کیمیم وار منیم
سازدا کرمی یه قوشولان سَسیم
کماندا ایلله ین سییم وار منیم
کسیلیب قاپیمدان گئدیب - گلنیم
یوخ مطلب قانانیم قدر بیلنیم
دومانلار ایچینده یورغون ...
طوفانلار قوینوندا گمیم وار منیم
حسین نه اولدو غنچه نیتیم
داشلارا توخوندو ایلک محبتیم
اؤزگه نی گولدورن سؤزوم صحبتیم
اؤزومو آغلادان غمیم وار منیم
*

سن گئدن دن ایکی گؤزوم

آغلار قالیب قاییت نولار

سینه م اوسته  چالین چارپاز

داغلارقالیب قاییت نولار
*

ساورولوبدو آییم ایلیم

لال اولوبدو سوسماز دیلیم

سنی سئون دلی قلبیم

ویران قالیب قاییت نولار
*

دؤزمک اولمور حسرتینه

کدرینه محنتینه

دوشوب غریب ایزلرینه

یالواریرام قاییت نولار
*

سن سیز سولوب سارالارام

بختیم کیمی قارالارام

جاوان یاشدا قوجالارام

یالواریرام قاییت نولار

*

چاخماغی چاخ

چاخماغی چاخ

چراغی یاندیرایدیم
یول اوسته من دورایدیم
گلیب – گئدن یولچودا
نازلی یاری سورایدیم
*
چاخماغی چاخ
چیراغی یاندیرمامیشام
یارا اوزوک آلمیشام
قاشینی یولدا سالمیشام
*
عزیزیم گؤرم سنی
ایسته رم گؤرم سنی
خیالیندا یاتیرام
یوخومدا گؤرم سنی
*
چاخماغی چاخ
چیراغی یاندیرمامیشام
یارا اوزوک آلمیشام
قاشینی یولدا سالمیشام
*
دام دا چیرخ یاندیریر
منی گؤرجک سؤندورور
اؤزو کیف و صفادا
من ایسه غم اؤلدورور
*
چاخماغی چاخ
چیراغی یاندیرمامیشام
یارا اوزوک آلمیشام
قاشینی یولدا سالمیشام
*
اوخویان: وفا تقی اوغلو

محبّت

 اوخویور: علی بابا ممداف

شاعر: میکائیل مشفق
من کی بیلمزیدیم محبّت ندیر
بو سرّی سن منه آنلاتمادین می؟
دنیایا سیغمایان شاعر کؤنلومو
کؤکسومدن چیخاردیب اویناتمادین می؟
*
من کی نغمه دئییب بنؤوشه لردن
پئشم ذوق آلماقدیر بیر شوخ دلبردن
مندن اوزاق گزیب دولانیب هردن
قلبینی سیخماغا جان آتمادین می؟
*
مین هیجران کؤنلومو آلاندا ائله
ذرّه جه حالیما یانمادین بئله
مشفقون قلبینی تئز آلیب اله
اونو رویالاردان اویاتمادین می؟
*

سئوریم دئی

اوخویان: زینب خانلاراوا
با آهنگ اگه عشق همینه گیتا 
*
سئویرم دئی
دوداغیندا گولوش اولوب
گولوشونه وورولموشام
گولوشونه وورولموشام، وورولموشام
ندیر غصه ندیر کدر
عؤمرو گونو خوش اولموشام
خوش اولموشام، خوش اولموشام
*
کؤنلوم غمی نئینر، دیلیم نغمه لر سؤیلر
تاکی منه بیرکلمه سئویرم دئی
*
یاندیردی قلبیمی، باخیشلار گئنه سئوگیلیم
باخسان دنیانی، باغیشلار سنه سئوگیلیم
آغریلیق یامان چتین، یازدی منه حسرتین
گل روحومو شاد ائت
*
کؤنلوم غمی نئینر، دیلیم نغمه لر سؤیلر
تاکی منه بیرکلمه سئویرم دئی
*
قاراگؤزلر آلار جانیم  
او گؤزلره وورولموشام
وورولموشام، وورولموشام
اینان هرگون هرآن سنین عشقینله
اودلانمیشام، اودلانمیشام، اودلانمیشام
*
کؤنلوم غمی نئینر، دیلیم نغمه لر سؤیلر
تاکی منه بیرکلمه سئویرم دئی

جاوانلیغیم

اوخویان: زینب خانلار اوا

حیاتیمین باش تاجیدی
قاراگؤزلو جاوانلیغیم
ایلک محبت آجی ایدی
قاراگؤزلو جاوانلیغیم
*
اورک کیمی دؤیونردی
نه بیر غمی نه بیر دردی
چوخ ایللره سینه گردی
دوردو دؤزدو جاوانلیغیم
*
عؤمور چیچک قدر اولدو
سئوینج اولدو، کدر اولدو
نئیچون گلدی گئدر اولدو
کیمدن کوسدو جاوانلیغیم
*
آرزولارا آدلایاردی
غونچا کیمی چاغلایاردی
گؤزل لری اودلایاردی
قاینار ایستی جاوانلیغیم
*
سئوگیلرین ابدی دیر
طبیعتین نعمتیدیر
سانیردیم کی توکنمزدیر
ابدی دیر جاوانلیغیم
*

 

اصلی

اصلی – اوخویان: ابوالفضل وحدتی – « زرقان » کندیندن

گزه – گزه منده دوشدوم آیاقدان
گل اوتور دولانیم باشینا اصلی
من بیلیرم سنی منه وئرمزلر
قوی اؤلسون آرادا یامانلار اصلی
*
باشی پارچا – پارچا دومانلی داغلار
اوره ییم قان اولوب، گؤزلریم آغلار
من اولسام ائرمنی ائل منی دانلار
اؤزون گل اولگونان مسلمان اصلی
*

بایاتیلار

بایاتیلار- منبع : سلینا بالانین اینستاگرامیندان
*

گؤیده اولدوز سولماسین
چؤرک دوزسوز اولماسن
اوغلانلار اؤز یئرینده
آنا قیزسیز اولماسین
*
آغیز آشما نامرده
اوره یینده درد یاشا
سن اینسان ساز، اییلمه
یوخسول یاشا، مرد یاشا
*
داغ دا اکین اولماز
اکین اولسا بیچین اولماز
دنیادا مین گؤزل اولسا
بیری سن تکین اولماز
*
عزیزیم سن چیچه ییم سن
آرزوم سان دیله ییم سن
من دن اوزاق اولسان دا
چیرپینان اوره ییم سن
*
چایلار سوسوز قالانماز
بدن روح سوز قالانماز
اوره ک بیرین ایسته سه
اوندان ایری قالانماز
*
گؤیده اولدوز ناشی  شی
باجیمین گؤز یاشی دی
قارداشا جانیم قربان
باجی اوره ک باشی دیر
*
گؤزل سؤز یازانام
پاییز آنام، یاز آنام
تانری سایاق، مهربان
قلم فقط یاز، آنام
*
آغلایارلار گولرلر
گؤز یاشینی سیلرلر
کئچن گونون قدرینی
گلن گونده بیلرلر
*
داغا باخیب قهرلنمه
داغین دا داغ دردی اولار
هر بیر شئی دن لکه لنر
آقین دا آق دردی اولار
*
داشین دا داش بختی وار
داشین دا خوشبختی وار
داش وار اوزویه قاشدی
داش وار مزارا داش دی
*
داغلارین لالاسینا
گؤزلرین آلاسینا
خالالار قربان اولسون
باجینین بالاسینا
*
عزیزیم ناچار داریخما
گون گلر کئچر داریخما
بیر قاپینی باغلایان کیشی
مین قاپینی آچار داریخما
*
عزیزیم باج آلماز
دوست دوستوندان باج آلماز
ائولاد وفالی اولسا
آتا – آنا قوجالماز
*
بیر قوش گلیر داغ داشدان
خبر وئریر قارداشدان
قارداش باجی دان دویسا
باجی دویماز قارداشدان
*
بو یئرده گولن اولسا
تریوی سیلن اولسا
قارداشلیق گؤزل شئی دیر
قدرینی بیلن اولسا
*
گمیم گلر یان گئدر
ایچینده بیر جان گئدر
قارداش گلن یوللارا
باجیلار قربان گئدر
*
عزیزیم اولمایایدی
قوجالیق اولمایایدی
قوجالاندا انسانلار
کاش محتاج اولمایایدی
*
عزیزیم ساغلیغیمدا
گؤزللیک ساغلیغیمدا
اولدوکدن نیه لازیم
قیمت وئر ساغلیغیمدا
*
عزیزیم یامان آغلار
اوره کدن یانان آغلار
زامان ائله اولوب کی
داش آتدا سامان آغلار
*
اورمو گؤلو یاتما دور
دردی غمه آتما دور
جور جفادان قیزاردین
سن بو ائلی آتما دور
*
یئل گلدی گول آپاردی
سوسن سنبل آپاردی
ائل لر گلین یاردیما
مغانی سئل آپاردی
*
چمن قورور داش قالار
گؤز یومولور یاش قالار
هامی گلیب گئدن دیر
یولداشا یولداش قالار
*
اوخور آغاجدا بلبل
گؤزل دی یایدا سنبل
دنیا اؤلوم – ایتیمدی
وار نقدر عؤمور گول
*
قیز اولماسا دوز اولماز
گؤیلرده اولدوز اولماز
چوخ آنالار قیز دوغار
تورک قیزینا تای اولماز
*
لال سؤزونو آندیرار
ایشینی یوللاندیرار
پیس گونلرده یاخشی دوست
دوستونا جان یاندیرار
*

تبریز

تبریز 
منبع: سلینا - بالا- اینستاگرام
 
گوللرین نرگیزی من
بایاتی دنیزی من
دنیانی وئرسه لرمنه
وئرمه رم تبریزی من

*
اوجادیر باشین تبریز
نئچه دیر یاشین تبریز
سرمه دیر گؤزلریمه
تورپاغین داشین تبریز
*
آیلی اولدوز تبریز
چؤکلی دوزلو تبریز
تارخلاره ایز سالان
اوغوللاو قیزلی تبریز
*

ایستمه

شاعر: عمادالدین نسیمی
اوخویان: عالیم قاسم اف
*
سن سانا گر یارین وار، ای کؤنول یار ایسته مه
یارو دیلدار اول سانا، سن یار و دیلدار ایسته مه
بی وفادور چون بو عالم، کیمدن ایسترسن وفا؟
بی وفا عالمده سن یار وفادار ایسته مه
گول بولونماز بو دیکانلی دنیانین باغریندا چون
ابسم اول، بیهوده گول سوز یئرده گولزار ایسته مه
معرفت دیر خالص آلتون، سکّه سی فضل و هنر
آلتونو تانی، زغل دن عاری دینار ایسته مه
حقّه منکردیر فقیه، اینانما اول شیطانا کیم
یوخدور اول جن خلقنیم ذاتیندا اقرار، ایسته مه
عاری گفتار، ای کؤنول،گرچک لرین نطقی دورور
هر دیلی ایری ده یوخدورعاری گفتار، ایسته مه
جیفه دور دنیا،آنین طالیبلری عادی کیلاب
اولما کلب آنین کیم، اولدو عادی مردار، ایسته مه
شربتی آغولودور فانی جهانین، سان آنین
شربتیندن نوش دارو اومما، زینهار ایسته مه
دنیانین سئوگی سی آغیر یوک ایمیش، مندن ائشیت
نفسینی یوخ ائتمه آنا،ای سبک بار ایسته مه
بیر امین محرم بولونماز، ای نسیمی، چون بو گون
خلقه فاش ائتمه بو رمزی، کشف اسرار ایسته مه

سرباز اوغلان

 منبع: اینستاگرام - سلینا بالانین صفحه سیندن
*
پادیگانین قاپی سی تاختا
اوره ک دولو هاوالار شاختا
آناسیندان آیریلا بیلمیر
سرباز گئدیر قالیب بئواختا
*
یولدان گلیب یورولوب سرباز
لباسلارینی سویونوب سرباز
وطن یولوندا گؤزل عؤمرونو
جاوانلیقین قویوبدو سرباز
*

یئری - یئری

اوخویان: بال اوغلان اشرف اف

اگر کولک قوپوپ، توفان جوشارسا
سنی کولک دن ده، قورویام گرک
عمره بیرگون فلک کلک آچارسا
سنی فلک دن ده قورویام گرک
سنی یئره - گویه قیزقاندیقجا من
گور سئل دن ده چای دان دا قورویام گرک
عشقینی آتشین اودو ساندیقجا
سنی گونش دن آی دان دا قورویام گرک
نبی نین هئچ کیمیه دیمه ییب گؤزوم
سنی گؤزومدن ده قورویام گرک
سنی اؤزومدن چوخ ایسته رم اؤزوم
سنی اؤزومدن ده قورویام گرک
*
اوجا داغلار باشیند، جئیران بالالار
جئیرانین بالاسینی اووچو یارالار
آغاج اولایدیم یولدا دورایدیم
یار گلن یولا کورلگه سالایدیم
یئری - یئری من ده گلیم دالینجا
دسمال ائله آپار منی یانینجا
*
اوره یه توخونمازلار، او بیر شوشه دی
یاردان آیری یاشاماق، چتین پئشه دی
آی گؤزل جیران من سنه حیران
سنی سئوریم سؤزومه اینان
یئری - یئری من ده گلیم دالینجا
دسمال ائله آپار منی یانینجا
*

یئری - یئری

اوخویان: ربابه مراداوا

گلستان باغینی اؤزوم اکرم، اؤزوم اکه رم
همی باغبانی اولوب همی بیچرم، همی بیچه رم
نئچه مجلس ایچینده، یاری سئچه رم، یاری سئچه رم
آی گئدن اوغللان، گئتمه بیر دایان
عشقین دی منی، آواره قویان
یئری یئری من ده گلیم دالینجا
دسمال کیمی آپارمنی یانیندا

*
وطنیم صفالی دیر باغدیر مئشه دی، باغدی مئشه دی
یاریمین قلبی صافدی سانکی شیشه دی، سانکی شیشه دی
یاردان آیری یاشاماق چتین پئشه دی، چتین پئشه دی
میز اوسته ناردی، دیمه دیم قالدی
اونا دیمه رم، او یادگاردی
یئری یئری من ده گلیم دالینجا
دسمال کیمی آپار منی یانینجا
*
اوجا دغلار باشیندا، من تکم یاریم من تکم یاریم
سنین دردی غمینی، من چکم یاریم، من چکم یاریم
منیم نه واختیمیدی آه چکم یاریم، آه چکم یاریم
میز اوسته لاله، الده پیاله
سئویرم سنی،  گئتمه خیاله
یئری یئری من ده گلیم دالینجا
دسمال ائله گزدیر منی یانیندا
*

مهربان بالام لای لای

شاعر: استاد کلامی
نوحه خوان: محّمد باقر منصوری

مهربان بالام لای لای، خسته جان بلام لای لای
جان وئرن غریبانه، باغری قان بالام لای لای
سینه داغلیان لای لای، قاره باغلیان لای لای
شمع تک قرانلیقدا، نم - نم آغلیان لای لای
همدم آختاران لای لای، محرم آختاران
قمچی لر یاراسینا، مرحم آختاران لای لای
روحیمه صفا لای لای، دردیمه دوا لای لای
قارداشیم اؤلن گونن، همن نن همنوا لای لای
زلفی توزلانان لای لای ، قلبی اوتلانان لای لای
ظلم اودیله غارت ده، دامنی یانان لای لای
باشینی آچان لای لای، قلبه اوخ ساچان لای لای
شام یولوندا ال باشدا، ساغ - سولا قاچان لای لای
سسله رم اویان لای لای، جانینه دویان لای لای
دل شکسته صغرانی، منتظر قویان لای
ابر تک دولان لای لای، غصه مرگ اولان لای لای
توختاسا آیاقلارین، جنتی دولان لای لای
آهوی حرم لای لای، عاشقان غم لای لای
دردین اولدو چوخ اما ، عؤمرون اولدو کم لای لای
بلبل چمن لای لای، حسرت وطن لای لای
قانلی باش قوجاقینده، قورخودان اؤلن
باشینی آچان لای لای، قلبه اوخساچان لای لای
شام یولوندا ال باشدا، ساغ – سولا قاچان لای لای
جاندان ال اوزن لای لای، غملره دؤزن لای لای
جان بابا دئین وقته، گؤزلری سوزن لای لای
آی قرا گؤزوم لای لای، جان شیرین سؤزوم لای لای
بیرده عمه جان سسله، قوی دئییم اؤزوم لای لای
صبریمی آلان لای لای،  جانه اود سالان لای لای
باشده اکبرین فکری، شامده قالان لای لای
گؤز یاشی تؤکن لای لای، چوخ بلا چکن لای لای
کؤینی اولان خلعت، قدیمی بوکن لای لای

گؤزل اوغلوم

شعر: ایمان زمان

اوره ییمین پاراسی، نفسیمین هاواسی
آنانین شاهزاداسی
اوغلوم اوغلوم منیم بو اوغلوم
قربان اولوم سسینه، گؤزونون گیله سینه
شیرین – شیرین گولمه سینه
اوغلوم اوغلوم منیم بو اوغلوم
*
آغلاسان آغلادارام داغلاری داشلاری
گوله سن گولدوره رم گؤی ده کی قوشلاری
سن نه قدر سئومه لی سن آی گؤزل اوغلوم
باغچامیزین چیچه یی سئوگیلی جانانی
ائلیمیزین گؤیچه یی کؤنلومون سلطانی
سن حیاتینم پایی سان ای گؤزل اوغلو
*
قوللارین یار بوینونا
ملک لر گلسین تویونا
گؤزل لر گیرسین اویونا
اوغلوم اوغلوم منیم بو اوغلوم
*
سنی خوشبخت اولاسان
اولدوز کیمی پارلایاسان
یار بوینونا گول سالاسان
اوغلوم اوغلوم منیم بو اوغلوم
*
اوخویان: ایمان زمان
 

نازلی قیزیم

شعر: ایمان زمان

قیزیم قیزیم نازلی قیزیم
سنه قربان کسیم اؤزوم
قیزیما لای لای چالارام
اوزون تئلینی دارارام
قیزیمین گؤزل سسی وار
شیرین – شیرین گولمه سی وار
تئللرینین آراسیندا
قیرمیزی گول ایلمه سی وار
اوره ییم داریخاندا گلر، او منیم قیزیمدی
حالیمی سوروشار سئوینر، او منیم قیزیمدی
قیزیمی گلین بئزه رم
تویوندا باشماق دوزه رم
قیزیم گئدیر یار ائوینه
گئدیب گلینجه دؤزه رم
قیزیمین دوزلو یاری وار
حیاتینا دایاغی وار
اییسینه قربان کسه رم
گئدیب گلینجه دؤزه رم
*
اوخویان: ایمان زمان
*

آی عؤمروم گونوم

اوخویان: تئللی بورجالی
شاعر: جیغاتئل عیسی قیزی

آی اوغرون – اوغرون باخان
منی یاندیریب یاخان
سن کی بختیمه چیخان
گول سن آی عؤمروم گونوم

*
گؤردوم وورولدوم سنه
گؤزل گؤروندوم سنه
بو قدر دوغما منه
کیمسن آی عؤمروم گونوم
*
چیچه ییم سن گؤزومده
نور سپن سن اوزومده
کؤره ننده گؤزومده
نم سن آی عؤمروم گونوم
*
گولوستانیمدا گول سن
یازدان آچان بنؤوشم
بیر – بیر ساچیما دوشن
دن سن آی عؤمروم گونوم
*
جیغا تئلم سن دئییم
سنه من یار سئودییم
دنیادا تک سئودیغیم
سن سن آی عؤمروم گونوم
*

جنت سایلیر

 اوخویان: وفا شریف اوا

جنت سایلیر- سؤز: وفا شریف اوا
سن اولان یئرمنه جنت، منه جنت سایلیر
اؤزگه یه باخما جانیم، باخما خیانت سایلیر
بو دوروم منی اوزه ریم، قامتیمی ایرمی هئچ
بو گؤزوم سنی گؤرورده اؤزگه لری سئورمی هئچ
آدامدا سئودیغینین اوره یینه دیرمی هئچ
اوه ریینه قربان اولوم منده امانت سایلیر
سن اولان یئرمنه جنت، منه جنت سایلیر
اؤزگه یه باخما جانیم، باخما خیانت سایلیر
دئمیشم بو تک لیه دؤزمرم اوریرتمه منی
من وفاسیز دئیلم سن ائله ظن ائتمه منی
گزه ریم سنین له هر شئی داها ترک ائتمه منی
سنی گؤرمک سنی سئومک ده قباحت سایلیر
سن اولان یئرمنه جنت، منه جنت سایلیر
اؤزگه یه باخما جانیم، باخما خیانت سایلیر
*

دولانسین

شاعر: علی آقا واحد
اوخویان: علی پرمهر

زولفونده نه لازیم گؤزلیم شانه دولانسین
قویما او حرمخانه یه بیگانه دولانسین
عیب ائیله مه کویوندا دولانسام گئجه – گوندوز
شمعین گرک اطرافینه پروانه دولانسن
ساقی دولانیم باشینا می جامینی گزدیر
سرمست اولوم باشیما پروانه دولانسین
اول زولفه کؤنول وئرمه دئییرلر منه، ال چک
اونسوز نئجه بس بو دل دیوانه دولانسین؟
*

اؤلورم آی ننه

اوخویان: شفا حسین اوا

اوره ییمی گؤرمه دین 

یانیرام ای آی ننه

منی یارا وئرمه دین

اؤلورم ای آی ننه

یانیرام ای آی ننه

اؤلورم ای آی ننه

منی یارا وئرمه دین

اؤلورم ای آی ننه

ائلچی لر بوش قاییتدی

اؤلورم ای آی ننه

بو قارا بختیم یاتدی

یانیرام ای آی ننه

سئوگیلیم منی آتدی

اؤلورم ای آی ننه

یانیرام ای آی ننه

اؤلورم ای آی ننه

منی یارا وئرمه دین

اؤلورم ای آی ننه

باغچادا گولوم کیمی

سولورام ای آی ننه

گؤر نئجه بولوت کیمی

دولورام ای آی ننه

یانیرام ای آی ننه

اؤلورم ای آی ننه

منی یارا وئرمه دین

اؤلورم ای آی ننه

*

جان اوغلوم

شاعر: محرّم آستارالی
اوخویان: زینب حسنی

جان جان جان اوغلوم
آنا سنه قربان اوغلوم
شیرین شکر یاراتمیش
سنی یارادان، اوغلوم
*
جان جان جان اوغلوم
آنا سنه قربان اوغلوم
نئجه گؤزل یاراتمیش
سنی یارادان، اوغلوم
*
دنیایا گلدیین گون
سئوینج گتیردین منه
نه یاخجی کی واریمسان
هدیّه اولدون منه
*
جان جان جان اوغلوم
آنا سنه قربان اوغلوم
شیرین شکر یاراتمیش
سنی یارادان، اوغلوم
*
جان جان جان اوغلوم
آنا سنه قربان اوغلوم
نئجه گؤزل یاراتمیش
سنی یارادان، اوغلوم
*
سن سیز اولماسین گونون
ان گؤزل دیله ییم سن
گؤزلریمین چیراغی
هر زامان گره ییم سن
*
جان جان جان اوغلوم
آنا سنه قربان اوغلوم
شیرین شکر یاراتمیش
سنی یارادان، اوغلوم
*
جان جان جان اوغلوم
آنا سنه قربان اوغلوم
نئجه گؤزل یاراتمیش
سنی یارادان، اوغلوم
*
آنا دئین دیلینه
قربان اولوم آی اوغلوم
من سنین هر دردینه
درمان اولوم آی اوغلوم
*
جان جان جان اوغلوم
آنا سنه قربان اوغلوم
شیرین شکر یاراتمیش
سنی یارادان، اوغلوم
*
جان جان جان اوغلوم
آنا سنه قربان اوغلوم
نئجه گؤزل یاراتمیش
سنی یارادان، اوغلوم
*

عاشق قربانی

  
یار سنی عدالت بیلدیم
من قاپینا داده گلدیم
چوخ جفا چکدیم یولوندا
عمرو وئردیم باده گلدیم
*
لبین ایچیب چشمیم قانی
اولموشام جلاد قربانی
قوینوندور عطار دوکانی
نه عجب بو دادا گلدیم
*
قوربانی دیر منیم آدیم
مولامدان آلدیم مردادیم
سینه ندی چارشیم بازاریم
شکره ، نباته گلدیم
*

عاشیق قربانی

آی آقالار ، آی قاضی لر
یار یامان آلداتدی منی
ال آتدیم یارین دستینه
یار کنارا آتدی منی
*
تور توتدوم چشمیم گؤلونه
ایلیشدی سونام تئلینه
دوشدوم دیل بیلمز الینه
آلدی اوجوز ساتدی منی
*
قربانی دیر منیم آدیم
آدم آتادی بنیادیم
شش آتدیم ، چهار اوینادیم

آخیر فلک اوتدو منی

عاشیق عدالت دلی داغلی

عاشیق: عدالت دلی داغلی

من فخر ائدیرم کلبه جه رده نم
شاعیرلر یئتیرن ائلیم وار منیم
خالقیمین اینجیلر خزینه سینده
عاشیق شمشیر کیمی لریم وار منیم
*
 

عاشیق میکائیل آزافلی

عاشیق: میکائیل آزافلی

اورگیمده مین دردیم وار
بئی قارا دییه نمه ره م
منیم ایشیم حقیقتله
بیر بئکارا دییه نمه رم
آتام قوجا طبیعتدی
آنام عشق و محبت دی
بیل سئوگیلیم حقیقتدی
گئدیب یالان دییه نمه رم
*

غوغای ستارگان: اولدوزلار بزمینده

غوغای ستارگان

شاعر: کریم فکور
آهنگساز: همایون خرّم
امشب در سر شوری دارم
امشب در دل نوری دارم
باز امشب در اوج آسمانم
رازی باشد با ستارگانم
امشب یکسر شوق و شورم
از این عالم گویی دورم
*
از شادی پر گیرم که رسم به فلک
سرود هستی خوانم برِ حور و ملک
در آسمانها غوغا فکنم
سبو بریزم ساغر شکنم
*
با ماه و پروین سخنی گویم
از روی مه خود اثری جویم
جان یابم زین شبها
جان یابم زین شبها
ماه و زهره را به طرب آرم
از خود بی خبرم، ز شعف دارم
نغمه ای بر لبها
نغمه ای بر لبها
*
امشب یکسر شوق و شورم
از این عالم گویی دورم
*
اولدوزلار بزمینده
مترجم: صالح سجّادی
بو آخشام باشیم هاوالی
کؤنلوم ایشیق دان غوغالی
روحوم گؤیلر اوزونده اوینار
اولدوزلاردا پایلاشاندا اسرار
بو آخشام نور اولماقدایام
بو عالمدن اوزاقدایام
*
شادلیقدان روحوم اوچار گونشین اوزونه
ملک لرین بزمینده یئر آچار اؤزونه
گونش گؤلونده سرخوش اوزه رم
سبو آشیررام ساغر سوزه رم
کؤنلوم گؤیلرده اوچقاردا
بو عالم هاردا من هاردا
*
آی دان پروین دن خبر آختاررام
ایتگین آییمدان خبر آختاررام
جان آللام گئجه دن
زهره نی آیی سالارام رقصه
خبرسیز هامی دان دالارام رقصه
دوداغیمدا نغمه
دوداغیمدا نغمه
*
بو آخشام باشیم هاوالی
کؤنلوم ایشیق دان غوغالی
روحوم گؤیلر اوزونده اوینار
اولدوزلاردا پایلاشاندا اسرار
بو آخشام نور اولماقدایام
بو عالمدن اوزاقدایام
*

آیریلیق نغمه سی

اوخویان: عالیم قاسم اف

سنی منن آلان یوللار
ندن گلیر سنه چاتماز
نه بیلئیدیم آیریلیق وار
سئون کؤنلوم قرار توتماز
سن منیم سن منیم له سن
ندن الیم سنه یئتمز
آخیر او شیرین آنلار
خیالیمدان بیر آن گئتمز
بیزه قسمت اولان حسرت
بیزی بیزدن آلان حسرت
*
آرازی آییردیلار
قومیلا دویوردولار
من سنن ایریلمازدیم
ظولم ایله آییردیلار
*

عزیز دوستوم

اوخویان: عالیم قاسم اف

عزیز دوستوم منن کوسوب اینجیدی
یادکیمی آیریلیب چیخدی اویمنن
او گئدن یولاری اوت باسیب ایندی
او گئدیب قالمیشام حسرتینده من
*
نئجه نغمه قوشوم نئجه دینله نییم
دوست گئدیب اؤزومه گله بیلمیرم
اله بیر اللریم یوخولوب منیم
گؤزومون یاشینی سیله بیلمیرم
*
چالدیغی او سازی گتیرین منه
گؤرون کی چالماغدا نئجه ماهیرم
الیم ده ین کیمی بیرجه تئلینه
سیملر هارای چکیب قیریلدی اودم
*

اونودا بیلمه یه جکسن

شعر: نصرت کسمنلی
اوخویان: نازنین

سن سیز ائله بیلمه اؤله جه یه م من

قارا بیر کدره دؤنه جه یه م من

گئجه لر یوخونا گله جه یه م من

سن منی اونودا بیلمه یه جک سن

*

عمرونده ناراحات ایزیم قالاجاق

آلووم سؤنسه ده کؤزوم قالاجاق

آرخانجا همیشه گؤزوم قالاجاق

سن منی اونودا بیلمه یه جک سن

*

سن ائله بیلمه کی غمدن اوزاقسان

عمرونو گونونو اودوزاجاقسان

اؤزونو بلکه ده اودوزاجاقسان

سن منی اونودا بیلمه یه جک سن

*

منی اونوتماغا عینادین کیمی

ایلک سئوگی آغریسی، فریادین کیمی

لاپ اؤز آدین سوی آدین کیمی

سن منی اونودا بیلمه یه جک سن

*

سامی یوسف ( سیاک رادمنش ) - شاعر: عمادالدین نسیمی

سیغمازام

منده سیغار ایکی جاهان، من بو جاهانه سیغمازام
گؤوهری لامکان منم، کؤونو مکانه سیغمازام
عرشله فرش و کافو نون منده بولوندو جومله چون
کس سؤزونو و ابسم اول، شرح و بیانه سیغمازام
کؤونو مکاندیر آیتیم، ذاتی دورور بیدایتیم
سن بو نیشانلا بیل منی، بیل کی، نیشانه سیغمازام
کیمسه گومانه ظن ایله اولمادی حق ایله بیلیش
حققی بیلن بیلیر کی، من ظنّو گومانه سیغمازام
صورته باخ و معنینی صورت ایچینده تانی کیم
جیسم ایله جان منم ولی، جیسم ایله جانه سیغمازام
هم صدفم، هم اینجییم، حشرو صیرات ادینجییم
بونجا قوماش و رخت ایله من بو دوکانه سیغمازام
گنجی-نیهان منم من اوش، عئینی-عیان منم، من اوش
گؤوهری-کان منم من اوش، بحروو کانه سیغمازام
گرچی موحیطی-اعظمم، آدیم آدامدیر، آدمم
دار ایله کونفکان منم، من بو مکانه سیغمازام
جان ایله هم جاهان منم، دهریله هم زامان منم
گؤر بو لطیفئیی کی من، دهرو زمانه سیغمازام
نجوم ایله فلک منم، وهی ایله هم ملک منم
چک دیلینی و ابسم اول من بو لیسانه سیغمازام
زرره منم، گونش منم، چار ایله پنجو شئش منم
صورتی گؤر بیان ایله، چونکی بیانه سیغمازام
ذات ایلیم صیفات ایله، قدر ایلیم برات ایله
گولشکرم نبات ایله، بسطه دهانه سیغمازام
نار منم، شجر منم، عرشه چیخان هجر منم
گؤر بو اودون زبانه سین، من بو زبانه سیغمازام
شمس منم، قمر منم، شهد منم، شکر منم
روحی-روان باغیشلارام، روحی-روانه سیغمازام
گرچی بو گون نسیمیم، هاشیمیم، قورئیشیم
بوندان اولودور آیتیم، آیت و شأنه سیغمازام
عمادالدین نسیمی نین بو گؤزل اثرینی، سامی یوسفین سسیله قولاق آسدیقدان سونرا، چوخ ایسته دیم سئوگیلی ( آفت فرمان قیزی) نا دئیم کی، عزیزیم داها بو گؤزل آغیر و درین معنالی اثرلری سئچیب و اوخوما، ایشلری ایش بیلن لره بوراخ.
*

سامی یوسف ( سیامک رادمنش )

 آذربایجان

سن دیاریم، اوره ییم، یوردوم
سن دؤیونن قلبیم و روحوم
آذربایجان
خوش گله جک گونلریم منیم
آغ دومانلی داغلاریم منیم
آذربایجان
گؤی گؤلوم، گؤی خزریم منیم
آغ لئچکلی گوللریم منیم
آذربایجان
شهرتلی شانلی مکان
آذربایجان
یاشا وار اول هر زمان
آذربایجان
سنن آلارام الهام
آذربایجان
نغمه لی سؤزلو دنیام
آذربایجان
شهرتلی شانلی مکان
آذربایجان
سن دیاریم، اوره ییم، یوردوم
سن دؤیونن قلبیم و روحوم
سن منه دوست و سیرداش اولدون
آذربایجان
خوش گله جک گونلریم منیم
آغ دومانلی داغلاریم منیم
شاه قانادلی قارتالیم منیم
آذربایجان
آغ بولودلو گؤی سمام منیم
آل چیچکلی چمنیم منیم
گئن اتکلی داغلاریم منیم
آذربایجان
گؤی گؤلوم، گؤی خزریم منیم
آغ لئچکلی گوللریم منیم
دان اؤرتوکلو افقوم منیم
آذربایجان
سن دیاریم، اوره ییم، یوردوم
سن دؤیونن قلبیم و روحوم
سن منه دوست و سیرداش اولدون
آذربایجان
*
سیامک رادمنش ( سامی یوسف ) – 30 تیر 1359 تهران دا دنیایه گلدی. آتاسی بابک رادمنش ( فیروز برنجان ) دیر.
سامی یوسف: خواننده، آهنگساز، ترانه سراو تهیه کننده ( ایرانی – بریتانیائی )
بابک رادمنش: موسیقی دان، ترانه سرا،آهنگساز، تنظیم کننده، زادۀ تبریز است.
*

گل دئییر

 گل دئییر - شاعر: باباوزیر اوغلو
اوخویان: آقاداداش آقااف 

سن سیز گلن یاز دئییل
قلبیم سنی گؤزله ییر
اؤلدورمک دیر قصدین منی
بو ظولومدور ناز دئییل
من الیندن نه لر چکدیم
داها بسدیر آز دئییل
سن سیز آچان گول دئییل
اؤتن عؤمور گون دئییل
حسرتیندن عمان اولان
گؤز یاشیمدیر سئل دئییل
باخیشلارین سئودیم سئودیم
دیلین ییخیل اؤل دئییر
هردن اوزاق گئن گزیرم
کوسورم باریشیرام
بیردن ائله آه چکیرسن
من اونسوز آلیشیرام
گؤزون قاشین گل دئییر
گل باریشاق گل دئییر
باخیشلارین سئودیم سئودیم
دیلین ییخیل اؤل دئییر
*

اوچ تئللی درنا

اوخویان: تیمور مصطفی اف - تقی صالح اوغلو
*
 اوچ تئللی درنا

ائولرینین دالی قایا
قایادان باخیرلار آیا
منیم یاریم، آی، آغچا مایا
اوچ تئللی دؤرد تئللی، بئش تئللی درنا
سن هارالی سان، هارالی درنا
اووچو الیندن، یارالی درنا
یارالی، یارالی، یارالی درنا
*
ائولرینیین دالی تپه
یاغیش گلیر سپه – سپه
اویالدیرام، آی، اؤپه – اؤپه
اوچ تئللی دؤرد تئللی، بئش تئللی درنا
سن هارالی سان، هارالی درنا
اووچو الیندن، یارالی درنا
یارالی، یارالی، یارالی درنا

گلمدین

 گلمدین
اوخویان: شفا حسین اوا

یادیندامی بیر آخشام
بیز سنینله گؤروشدوک
چوخ دانیشدیق چوخ گولدوک
دردیمیزی بؤلوشدوک
سؤز وئرمیشدین نئیچون گلمدین
گؤز یاشیمی گلیب سیلمه دین
نه لر چکدیم هئچ بیلمدین
سون گؤروشه نئیچون گلمدین
حسرتلی خاطره لر
ایندی سندن یادگار
وصال شیرین سن اوزاق
نییه ایریلدی یوللار
سؤز وئرمیشدین نئیچون گلمدین
گؤز یاشیمی گلیب سیلمه دین
نه لر چکدیم هئچ بیلمدین
سون گؤروشه نئیچون گلمدین
*