یاندیم ائله یاندیم

من کؤنلومه همدم سنی سنی ساندیم
سایمازیانا گئچدین گؤز اؤنومدن
یاندیم ائله یاندیم یاندیم ائله یاندیم
یاندیم ائله یاندیم یار
*
ساحیلده آیاق ایزلریمیز وار
سن عشقینه آند ایچدین او یئرده
هر کلمه نه هر کلمه نه قلبیمله ایناندیم
یاندیم ائله یاندیم یانیدم ائله یاندیم
یاندیم ائله یاندیم یار
*
هیهات نییه ، قلبیمده کی اودلارلا یاننام
سوندو نییه سوندو نییه
گل سانما کی بو یانماقدان اوساندیم
یاندیم ائله یاندیم یاندیم ائله یاندیم
یاندیم ائله یاندیم یار
*

اوخویان : خومار قدیم اوا

*

سن سیز

آیاغیم بودره ییر ، گئتم بیلمه ییر
دیل ده تیتره ییر ، مصراع سن سیز
یوخدور بیر معنا سن سیز
اولماز یار اولماز یار
درد منده اصلا سن سیز
من بیتدیم یار تنها سن سیز
داردی باشیما دونیا سن سیز
سن گلمدین حسرتیندن
سولدو قورودو دریا سن سیز
تک لیک منه دوست دور
گل غملری سوسدور
گئجه لر کابوسدور رویا سن سیز
سئویرم یار درد ائتمه
سنینله یم یا سن سیز
اومیدیم وار گومانیم وار
منیم اولماز دنیا سن سیز

اوخویان : آقشین فاتح

*

سنی سئودیم

سنی سئودیم آچیق عاشقلا
بو قدیر اولما سن ظولومکار
یالواریرام دیله ییرم
نفسینه احتیاجیم وار
اؤلورسم منیم اوچون
یاس دا ساخلاما
بو قدیر اوره ییوی
اوزوب آغلاما
بو قدیر آغلادین بسدی آغلاما
بو آیریلیغیمیزا منده یانمیشام
من سنین سن ده منیم سن
من سنین اوچون یارانمیشام
بو حیات سئونلرین دی
من سئوگیمه اینانمیشام
من سنین سن ده منیم سن
من سنین اوچون یارانمیشام
من سنی ائله سئومیشم
دئمه یه من اوتانمیشام
تک بو یولو گئتمه رم من
هئچ اؤزومو اؤیرتمه رم من
آیریلیغا سن سیز لییه
طاقتیم یوخ تاب ائتمه رم من
حسرته سون قویاق ، اؤتدو او چاغلار
گئنه ده بو اللر سنی قوجاقلار
یانیندا دوراردیم سنین او چاغلار
ایندی ده یانیندا من دایانمیشام

*

قورخورام

آللاهدان سورا بیر شئی دن قورخورام

درین دره لرده چیخارام اووا

ایلانلی چمه لی دوزدن قورخورام

آتیلارام اودا گیررم آلووا

یاری یولدا ایتن ایزدن قورخورام

دئمیین قارتالین توکو بیر چنگه

مردلیک ده بنزییر شیره پلنگه

دشمن دن قورخمادان گیره رم جنگه

ایراق اوزدن

آبیرسیزدان ، حیاسیزدان قورخورام

یئرین آناسی وار گونش آدیندا

ای دوست بو حکمتی ساخلا یادیندا

یانیب آلیشارام عشقین اودوندا

اوستونو کول اؤرتموش کؤزدن قورخورام

آتار داشی حقیقت اونون دئییل

پانبیق نان باشی کسیر بعضا یاغلی دیل

شراب مجلیسینده ایچگیدن دئییل

اؤلچوسوز بیچی سیز سؤزدن قورخورام

*

اوخویان : عاشیق اهلیمان

*

ساوالاندا گؤزوم قالدی

ائل اوبامدان آیریلاندا
گؤزلریمدن یاش آخاندا
داغا داشا من باخاندا
ساوالاندا گؤزوم قالدی
اوره گیمده گؤزوم وار کن
دیلیمده مین نغمه وار کن
دانیشماغا سؤزوم وار کن
دانیشمادیم سؤزوم قالدی
لاری باری باغلاریندا
گول چیچکلی داغلاریندا
اوبالارین چارداغیندا
حسرت باخان گؤزوم قالدی
ساوالانین اته گینده
بابالارین امه گینده
بالا قیزلار اوره گینده
دئییلمه میش سؤزوم قالدی
حیران یولو بوروخ بوروخ
سولاری وار سرین سویوخ
بال پتگی اویوخ اویوخ
باخا باخا گؤزوم قالدی
ماوی خزر دالغالاری
گؤیده اوچان درنالاری
گوندوزلری آخشاملاری
او سولاردا گؤزوم قالدی
هیجران بیزی هارا سالدی
دوغما دیار اوزاق قالدی
اوزوم گلدی غربت ائل لری
او داغلاردا ایزیم قالدی
اوخویان : عارف
*

اؤزون ییخیلمیسان

آماندیر قلبیمی بئله سیخما گل

بیر کؤرپو سالمیشام سینماز قورخما گل

سن آللاه اوزومه بئله باخما گل

اؤزون ییخیلمیسان دور آلاگؤزلوم
*

گؤردویون یوخولار قاریشدی سنین

طالعین قدرله باریشدی سنین

آیاغین دوز یئرده سوروشدو سنین

اؤزون ییخیلمیسان دور آلا گؤزلوم
*

اوشاق دئییردین کی یاشی سویه سن

ناشی گونلرینی ناشی سویه سن

داشا دیمه دین کی داشی سویه سن

اؤزون ییخیلمیسان دور آلا گؤزلوم
*

زامان گردیشینی ساخلاماز آخی

قورویان بولاقلار چاغلاماز آخی

اؤزو ییخیلانلار آغلاماز آخی

اؤزون ییخیلمیسان دور آلا گؤزلوم
*

اوخویان : بال اوغلان

*

دونیا

اوشاق گلیر قوجا گئدیر
یامان اهل کئف دی دونیا
عاغیللی یا آغیر بیر یوک
عاغیل سیزا درد دی دونیا
بعضن یوخوش بعضن هامار
حیات یولو دامار - دامار
گیریشی وار چیخیشی وار
موقتی ائودی دونیا
باشیمیزا گلیر نه لر
بو نه لری کیم لر بیلر
کیمی آغلار کیمی گولر
هم جزا هم قهردی دونیا
آشیق حسن یازار نامه
اودا دوشوب درد و غمه
آی آللاه گناهکار ائیله مه
باشارانا کئف دی دونیا
کیملر گلیر کیملر گئدیر
بو دونیادا بو دونیادا
بیری گلیر سویور گئدیر
بیری وارین قویور گئدیر
کیم عمرودن دویور گئدیر
بو دونیادا بو دونیادا
کیمی سه عمرو خوش گئدیر
کیمه داها ناخوش گئدیر
گئدنلر الی بوش گئدیر
بو دونیادان بو دونیادان
عالم ده نادان دا گئدیر
قوجادا جاوان دا گئدیر
هره بیر زاماندا گئدیر
بو دونیادان بو دونادان
اوخویان : بال اوغلان
*

دنیا
کودک به دنیا می آید و پیر می رود
عجب اهل کیف است این دنیا
بر عاقلان باری سنگین
بر بی عقلان درد است دنیا
گاهی فراز گاهی نشیب
راه زندگی پر فراز و نشیب
آمدن و رفتن دارد
خانه موقتی است دنیا
بر سرمان چه ها که نمی آید
این چه ها را هیچ کس نمی داند
یکی می خندد و دیگری می گرید
سراپا جزا و قهر است دنیا
عاشق حسن می نویسد
او نیز گرفتار درد و غم است
ای خدا بر گناهانم ننویس
بر آن کسی که راه کلک بلد است جای لذت است دنیا
عده ای می آیند و عده ای می روند
از این دنیا از این دنیا
یکی می آید و خلق را سر کیسه می کند و می رود
دیگری مال و منالش را می گذارد و می رود
یکی از عمر سیر می شود و می رود
در این دنیا در این دنیا
یکی عمرش خوش می گذرد
دیگر ی با بدبختی می رود
آن یکی از عمرش سیر شده می رود
در این دنیا در این دنیا
نادان و دانا می رود
پیر و برنا می رود
هر کسی در یک زمانی می رود
از این دنیا از این دنیا

گنجه دن گلیرم

سئوگیلیم عشق اولماسا وارلیق بوتون افسانه دی
عشق دن محروم اولان اینسانلیغا بیگانه دی
سئوگی دی یالقیز محبیتین حیاتین جوهری
بیر کؤنول کی عشق دردین دویماسا غمخانه دی
اؤلکه میزده گؤر نه لر وار باشقا بیر عالم ده هئچ
هر چیچک بیر غنچا هر بیر غنچا بیر جانانه دی
واحدم من سئوگیلیم مندن خیانت گؤرمه سن
شاعرم شعریم ده اؤز قلبیم کیمی مردانه دی
*
گنجه دن گلیرم یوکوم خرمادی
گنجه نین یوللاری بورما - بورمادی
گنجه ده بیر قیز وار تئلی بورمادی
سولارا سن آخما من آخیم دئییر
آی دئییر ، وای دئییر
سولارا سن آخما من آخیم دئییر
گنجه دن گلیرم یوکوم چیچک دیر
گنجه نین گوللری لئچک - لئچک دیر
گنجه ده بیر قیز وار آدی چیچک دیر
گونشه سن چیخما من چیخیم دئییر
آی دئییر وای دئییر
گونشه سن چیخما من چیخیم دئییر
گنجه دن گلیرم گؤزه بند اولوب
گنجه نین میوه سی شکر قند اولوب
گنجه ده بیر یار وار منه بند اولوب
جمالا سن باخما من باخیم دئییر
آی دئییر وای دئییر
جمالا سن باخما من باخیم دئییر
اوخویان : حبیب اکبرپور
*

وفاسیز

سئومیردین سه اگر دئی منی نئیچون
قلبیمله اویناییب آتدین وفاسیز
وفا صداقتی یار اوره ییمی
کیمین گولوشونه ساتدین وفاسیز
ای کؤنول ، دوستونو گل یاخشی تانی
هانی او گونلریم ایندی بس هانی؟
غمله اویادارکن من بو دونیانی
شیرین بیر رویادا آتدین وفاسیز
گؤز دئسین گؤزومو قربان ائده ردیم
جان دئییب اؤزومو قربان ائده ردیم
اؤلومه دئسه یدین گئنه گئده یدیم
عمرومه بیر زهر قاتدین وفاسیز
سئوگیلین اونوتماق سنین هئچ زامان
عهده وفالی اولسون گرک هر اینسان
حسرتله کؤچه رم من بو دونیادان
دئیرسن آرزونا چاتدین وفاسیز
*

اوخویان : صداقت توران قیزی - بوردان قولاق آسین

*

تبریز حسرتی

جان تبریزیم گولسون اوزون ، گلمیشم
سورونموشم دیزین - دیزین گلمیشم
آنام باجیم ، جانیم گؤزوم ، گلمیشم
تبریز سنین قوناغینام بو آخشام
*
قوینونا آل لای لایی چال یاتیتدیر
سئوینجینی گیله - گیله دامیزدیر
گؤروم آخی بو شکردی یا دوزدور
تبریز سنین قوناغینام بو آخشام
*
گوللرینی دسته - دسته اوزوم من
شهریارین مزارینا دوزوم من
قوی اوخشاییم اؤپوم سنین گؤزوندن
تبریز سنین قوناغینام بو آخشام
*
ائل گؤلوندن چکنمیرم گؤزومو
نغمه دئیر لپه لرین دوزومو
گول اوزونه سؤیکه میشم اوزومو
تبریز سنین قوناغینام بو آخشام
*
آیریلیغین باغرینا اوت سالمیشام
آدین منه ایمان اولوب دین اولوب
سنی آنیب آغلادیغیم گون اولوب
شوکور آللاه آرزولاریم چیل اولوب
تبریز سنین قوناغینام بو آخشام
*
اوخویان : یعقوب ظروفچی

*

بیر گؤزل دئییشمه

باشدان - باشا آق گئیینن گؤزلیم
بئله گئیمه ، آق اؤلدوره ر شاعیری
سینم اوسته چالین چالپاز چکدیین
بیر ساغالماز داغ اؤلدوره ر شاعیری
گؤزللردی جانیمیزا قصد ائدن
بیزی واخ سیز آیری سالار دسته دن
قصاص آلار منیم کیمی خسته دن
سنین کیمی ساغ اؤلدوره ر شاعیری
آغ یاناقلار شئحه باتمیش لئچک دی
گؤر سئونلر سئودییندن نه چکدی
وار اندامین گوله باتمیش چیچکدی
ال دیمه میش تاغ اؤلدور ه ر شاعیری
دونیا هئچ دی نور دونیاسی اولماسا
گؤزللرین خاصی صافی اولماسا
زلیم خانین حق سئوداسی اولماسا
وعده کئچر چاغ اؤلدوره ر شاعیری
*
مبارک جمالین نئجه گؤزل دی
داغلارا تپ - تزه قار دوشن کیمی
سن منیم یادیما ائله دوشموسن
خسته نین کؤنلونه نار دوشن کیمی
یار یولوندا سیزیلدارام گؤینه رم
پونهان پونهان چیرپینارام دؤیونه رم
سن منیم اولاسان ، ائله سویونه رم
کاسیبین الینه وار دوشن کیمی
ایشیغلی ائلیم دی محمد اؤزوم
دوستا قارشی ، منده مدام وار دؤزوم
جاوانلیقدا یاخشی گؤرمویوب گؤزوم
واخسیز چینارلارا تور دوشن کیمی
*
بیر گؤزلدن مین گؤزللیک جمع لنیب
باخیشی دا دوروشودا گؤزلدی
سولاریندا اوزوب گئدن غواصام
دالغاسی دا هاواسی دا گؤزل دی
اوزو نوردان سؤزو حاقدان گلیبدی
شاهیمیزدی ائنیب تاخدان گلیبدی
قولاقلارا سسی چوخدان گلیبدی
بیزه چاتان صداسی دا گؤزلدی
گؤی اوزونده دورنالاری ساخلاییب
یئر اوزونده قایالاری لاخلادیب
زلیم خانین آناسینی آغلادیب
منه چاتان قاداسی دا گؤزل دی
*
سنین آتشینه سنین اودونا
آیا یانان منم یانمایانی سئویرسن
گؤزلریندن مین بیر سوال اوخونور
قانان منم قانمایانی سئویرسن
بیر گون گؤزللیین گئده جک بادا
باخ سئومییه جک سنی هئچ کیم دونیادا
عشیق ده خیالین دا ملک زادا
دالان منم دالمایانی سئویرسن
بسدی منه بو وئردیین ستم لر
چکمیشم یولوندا گؤرورسن نه لر
حسرتین سازیندا شیرین نغمه لر
چالان منم چالمییانی سئویرسن
*
یئر اوزونده ائله گؤزل یوخ یوخ
من بو قیزی یوخولاردا گؤرموشم
دیل معجزه گؤز افسانه قاش ناغیل
من بو قیزی یوخولاردا گؤرموشم
چوخ گؤزللر قاپیسیندا کنیزدی
باخیشلاری دالغا ائدن دنیزدی
آی دان آری سودا بری بنیزدی
من بو قیزی یوخولاردا گؤرموشم
تزه روح دو تزه نفس تر بدن
سئوگی سی یئری گؤیو ترپه دن
آییلمیرام بو ووردوغو ضربه دن
من بو قیزی یوخولاردا گؤرموشم
داماغلاردا بالدان شیرین بایاتی
دلی کؤنلوم نه دینجه لیر نه یاتی
بیر یوخودو زلیم خانین حیاتی
من بو قیزی یوخولاردا گؤرموشم
بیلمیرم هئچ نه یی هله بیلمیرم
من کیمم نه چییم هله بیلمیرم
گئتمیشم اؤزومه گله بیلمیرم
دلی اولماغیما بیر آددیم قالیر
اشاره ییخاجاق هیم آپاراجاق
الینی ساز یوروب سیم آپاراجاق
منی ائویمیزه کیم آپاراجاق؟
دلی اولماغیما بیر آددیم قالیر
گولمه سین منی بو حالدا گؤرنلر
تر چیچک نه دیرسه بیلیر دره نلر
آیلین آی منه عاغیل وئره نلر
دلی اولماغیما بیر آددیم قالیر
*
گلنده آدیمی هئچ سوروشمادی
باخمادی جاوانا یاشا بو سئوگی
بیردن بیر دلی سوو اوغلانا دؤندو
توتدو پنجره می داشا بو سئوگی
دئدیلر یول آختار ، قیز اوره یینه
سیزیب داملا - داملا سیز اوره یینه
اود قویدوم یاغیشین بوز اوره یینه
آز قالدی دونیانی آشا بو سئوگی
او سؤزلر هله ده قولاغیمدادی
باهارین حسرتی یاناغیمدادی
هله کی پاییزین سراغیندادی
گؤرک دؤزه جکدی قیشا بو سئوگی؟
*
قوروق یوخدو گؤزه قاداغا
نولارکی گول جامالا باخاندا
دئییرلرکی گؤزل گؤرمک ثاوابدی
یاخشی اولار اوزده خالا باخاندا
نئجه دئمه ییم کی لاله دی اوزون
قلبیمی یاندیریر آلاوین کؤزون
هردن خومارلانیر سوزولور گؤزون
آز قالیر جانیمی آلا باخاندا
عشقین اوره ییمی درده سالیبدیر
کیم لر مندن سنه نه لر قاندیریر
آز دئییرسن نغمه نی باهالاندیریر
اوستا قیمت وئریب نغمه یه باخاندا
*
سحرچاغی قسمته باخ باخداوار
بیز گؤروشدوک باهار واختی ساکت باغ
دوداغ نازیک آغیز پسته تر یاناق
گؤزلرده کی بیر طلیسم لی ناغیلدی
توت قولومدان هوش باشیمدان داغیلدی
عصمتیندن یاناغینا خال دوشدو
مه ترپتدی سینه ن اوسته شال دوشدو
اوره ییمه خالین بویدا خال دوشدو
آخان چایلار گؤزلریندن ساریلدی
توت قولومدان هوش باشیمدان داغیلدی
آی نه گؤزلدی بو ساچلارین قیرقیزی
اوتاندیریر بنؤوشه نی یارپیزی
دئیه جکلر بورجالی نین گول قیزی
انصاف سیز دویغوسوزدو پاخیلدی
توت قولومدان هوش باشیمدان داغیلدی
*
تپه دن دیرناغا اوددو آلوودو
گولوش ایچیندن تکدی بو تئللی
دونیادا جهاندا ایشیم یوخدو من آنجاق
بیرجه بو مجلیسه بسدی بو تئللی
دیندیریرسن قارداش قان دئییر قانینا باخما
سئحیرباز گؤزل دی یانیندا یاتما
کؤرپه بیر اوشاقدی سرفینی توتما
بیرده گؤره جکسن کوسدو بو تئللی
دئمه یین اوزاق گز اونود ، اؤلورم
سؤزومو سرریمی اوندان بؤلورم
شاعیر آخی من بونو بیلیرم
سئوگیدی غرضی قصدی بو تئللی
آللاهین یوز ایللیک وئرن عمرونو
بیرده گؤره جکسن کؤکوندن چکدی بو تئللی
*
فره کهلیک کیمی سکیر
اووچو قییما بئله سینه
خائین گؤزه او میل چکیر
بخت ائیله گل بئله سینه
تئلی تؤکوب قاش اوسته
آغیز نازیک دوداق پسته
اود وورسادا سینم اوسته
اوف دئمه رم بئله سینه
قوی زلیم خان ساز گؤتورسون
سؤز اینجیسین تئله دوزسون
یا بیر یوللوق الین چکسین
داستان یازیم بئله سینه
*
گونش گؤزلریندن اؤپمک ایسته ییر
سنی او گونشه قیزقانیرام من
کولک ساچلارینی سه پمک ایسته ییر
سنی او کولکه قیزقانیرام من
او سوزگون باخیشلی گؤزه باخ آللاه
او مرمر سینه یه اوزه باخ آللاه
دهانیندان چیخان سؤزه باخ آللاه
سنی او سؤزلره قیزقانیرام من
آخار سولار کیمی آخما آماندی
جانیمی اودلارا یاخما آماندی
باخما موسی معلمه باخما آماندی
سنی موسی معلمه قیزقانیرام من
*
منیم سنه صداقتیم تمیزدی
سنده منه اعتباری ایتیرمه
من می سنی سن می منی تاپیبسان
چالیش باری تاپدیغینی ایتیرمه
رفیقه لر سیرریمیزی یایبدی
گلن اولار گؤرن اولار عاییبدی
سن آغلاما گؤز یاشلارین حایف دی
سینه مه تؤک او یاشلاری ایتیرمه
عذاب چکمه اوفولداما بیر بئله
بیر آز یاخین دور سیغال چکیم تئله
سئویرسن سه سئودیینه رحم ائله
اوخشادیغیم او ساچلاری ایتیرمه
*
عزیزینم گول اللر
گول بیلک لر گول اللر
بوردا سنه اودوزسام
واللاه منه گوله لر
*
عزیزیم بسته لندی
گول ییغدیم دسته لندی
موسی معلمه بیر گؤز ووردوم
پونهان معلم خسته لندی
*
عزیزینم قاش اوسته
کیپریک اوسته قاش اوسته
سن نه واخ گؤز ائیله دین
من دئمه دیم باش اوسته
*
اوخویانلار : تئللی بورجالی ، پونهان اسماعیلی

*

خبرین یوخدو

سنی قیناماغا گلمه ییر دیلیم
دئییرسن یوخونا گلیرم من
ای منیم بی خبر اولان سئوگیلیم
نه واخ یاتیرام کی یوخودا گؤرم
بو یاشدا بو نئجه سئوگی دیر آللاه
گئجه لر یوخودا گلمیر گؤزومه
خیاللار عالمی آپاریر منی
اینانا بیلمیرم اؤزوم اؤزومه 
گل دئسه یانینا گلعه بیلمه سم
اؤل دئسه اؤلوم ده اؤله بیلمه سم
بیرجه گول اوزونو گؤره بیلمه سم
جهنم گؤرونر دونیا گؤزومه
اینانا بیلمیرم اؤزوم اؤزومه
سنی سئویرم سنی سئویرم خبرین یوخدو
سنین درددیندن اؤلورم خبرین یوخدو
اؤپمه یه قورخورام یورولا بیله
سان کی بیر اینجیدی قیریلا بیله
قورخورام اؤزگه سی وورولا بیله
مات قالمیشام منده اولان دؤزومه
اینانا بیلمیرم اؤزوم اؤزومه
*
 اوخویان : آشیق زولفیه
 *

خدیجه

خدیجه
آیاغینا باشماق یاراشیر 

آغزینا یاشماق یاراشیر
سنین کیمی بیر گؤزله
نه گئیسن اینان یاراشیر
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
گؤزلره سرمه یاراشیر
قاشلارا وسمه یاراشیر
سنین کیمی بیر گؤزله
منیم کیمی یار یاراشیر
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
اسن بو گؤزللر آی یار
شیرین شیرین دیللر آی یار
گؤر نئجه ده یاراشیرسان
باغچاداکی گوللره یار
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
آلماکیمی یاناغین وار
غنچه کیمی دوداغین وار
عاغلیمی باشیمدان آلان
گؤر نئجه ده بوخاغین وار
*
آللاه آللاه آی خدیجه
یاندیم آمان آی خدیجه
گؤزلری مرجان خدیجه
من سنه قربان خدیجه
*
اوخویان : تقی صالح اوغلو
*

جان آلانیم وار

من ائله یولچویام کاروانیم کدر
بیر دردلی گؤرمه دیم اؤزومدن بئتر
دوسلار عزرائیله یئتیرین خبر
اذیت چکمه سین جان آلانیم وار
هجران خنجرینی ووروب سینه مه
یارالی قلبیمی داغلایانیم وار
کدر یوللارینی گؤستریر منه
سئوینج قاپیسینی باغلایانیم وار
کدری ، سئوینجی کیمله بؤلوم من
دونیادان آیریلیب نئجه اؤلوم من
نئجه شن لنیم من نئجه گولوم من
گئجه نی گوندوزو آغلایانیم وار
بخت اولدوزوم سؤنوب گونشیم باتیب
سه سیمه های وئرمیر یار ، بختیم یاتیب
دئمه کی اونودوب هر شئیی آتیب
حسرتله یولومو گؤزله یه نیم وار
اوخویان : وصال علی اف

*

آتا ماهنی سی - بیر گؤزل موغام

ائل آراسیندا وارمیش بئیله بیر روایت
قولاق آساین ائیله ییرم حکایت
بیر کیشی یاشارمیش یوخسول موش یامان
یوخسوللوق الیندن ائیلرمیش آمات
اوغلونون اولارکن بیر ایکی یاشی
دونیادان گئتمیشدی حیات یولداشی
خئیلی چتین لیک له اوغول بؤیوتدو
عذابا قاتلاشدی بئلی بوکولدو
اوغلو یئتگین حالا یئتیشن زامان
کیشی آرزوسونا یئتیشدی گومان
اوغلو نیشانلادی گؤزل بیر قیزا
قوناقلیق ائتدی کی گلمه سین گؤزه
اوغلونا توی ائدیب گلین گتیردی
آتالیق بورجونو یئرینه یئتیردی
او گوندن سئوینجی آشیب داشیردی
ائله بیل یئنی دن جاوانلاشیردی
خئیلی واخ گئچه رک گلین گلندن
کیشی قوجالاراق لاپ دوشدو الدن
آرتیق قوجا دوشدو پیس وضعیته
گلین تابلاشمادی بو اذیته
آخیرکی ذاتینی وئردی بروزه
بیر گونده اریله گلدی اوز اوزه
دئدی بیل کی بو ائوده آتان
منی بئزیکدیریب اؤزوده یامان
سن اونو بو ائودن اوزاق آتماسان
داها بیرده منی گؤرمویه جکسن
اوغلان گلین دن ائشیذجک بوسؤزلری
تیتره دی اللری اسدی دیزلری
دئدی بیر فیکیرلش دئدیکلرینی
آتا اوره گینده بیلدیکلرینی
منی بویا باشا چاتدیریب آتام
اوناگؤره می دیر من اونو آتام؟
اونون زحمتینی ایتیرسم اگر
قیسمتیم اولمازمی غم غصه کدر؟
گلین حکمتلره اوزو آق گولدو
چتینلیک چکمه دن وئردی حکمونو
دئدی یاخشی - یاخشی فیکیرلش اوغلان
بو ائوده من قالیم یاداکی آتان
اوغلان پیس بلایه اولموشدو دوچار
چوخ فیکره گئده رک قالاراق ناچار
قوجا یاتاغینا او اوزون توتدو
آتا زحمتینی تئز اونوتدوردو
گلیر دوردو آتاسینین یانیندا
قوجا اوزانمیشدی اؤز یاتاغیندا
اوغلان احوالاتی دانیشدی اونا
یازیق اینانا بیمدی اوغلونا
بو سؤزلری دئییر جگرپاره سی
سوسماقدان سووایی یوخدو چاره سی
حیط ده واریمیش کوهنه بیر سبت
طالعینه یازیلمیشدی بو البت
اوغلو آتاسینی سبته سالدی
سونرادا قالدیریب چینینه آلدی
اونلار اوز قویدولار مئشه یه طرف
یام یاشیل گؤروندو مئشه هر طرف
مئشه کناریندا واریمیش بیر دره
گلیب چاتدیلار آتا اوغول همن یئره
سبت دن قوجانی او یئره قویدو
چوخ اوغوللار وارکی بئله نان کوردو
اوغلان گئری دؤنوب قاییدان زامان
آتاسی سویله دی بالام بیر دایان
سنه بئله سی سؤزوم وار آی اوغلوم
ای منیم قانادیم ای منیم قولوم
منی گتیردیین بو سبت کی وار
بیر گون گلری سنین ده لازیمین اولار
بیر واخ سنین ده اوغلون اولاجاق
اونادا بو سبت لازیم اولاجاق
چونکی بو سبت ده بیر واخلار من ده
گوناه ایشله تمیشم اؤز گئنج لییم ده
اویموشام یالان سؤزلره اویموشام فیتنه یه
آتامی منده آتمیشام باخ بوردا دره یه
بو سؤزدن ائله بیل آییلدی اوغلان
توتدوغو بو ایشدن اولدو پشیمان
آتانی گؤتوردو ائوه قاییتدی
سئوگی محبتی گؤزوندن آتدی
آتادیر آنادیر بیزلره پناه
اونلارا درد اولماق گوناهدیر گوناه
اونلارین قدرینی بیلمه لییک بیز
آتادیر آنادیر هر شئی دن عزیز
عزیزیم اوغول گرک
باغچادا نوغول گرک
آتاسینین قدرینی
بیلسین هر اوغول گرک
اوخویان : بال اوغلان

*

ندن اولدو

اللرینی اوزوب مندن
یاریم بیر باش گئدن اولدو
جان دئییب جان ائشیدیردیک
بو آیریلیق ندن اولدو
اؤز عشقیمله دیله ییمله
آیری دوشدوم ایللرله من
آنجاق سندن آیری گزن
اورک دئییل بدن اولدو
یاندی اوره ک کباب اولدو
گول باغچادا خزان اولدو
من سنینله آیریلمازدیم
بو آیریلیق سندن اولدو
اؤز عشقیمله دیله ییمله
آیری دوشدوم ایللر له من
اما سندن آیری گزن
اوره ک دئییل بدن اولدو
اوخویان : شهناز هاشم زاده

*

آتا

سؤی کؤکوم نسلیم ، اجدادیم اصلیم
ان یاخین کسیم ، آتادیر آتا
جانیما جان دی ، قانیما قاندی
ان بؤیوک آرخام ، منیم آتامدی
شرفیم شانیم ، لذتیم دادیم
قولوم قاناتیم آتام دیر آتام
حرمت ائتمه سن ، ذلت گؤره رسن
قایغینی چکن آتادیر آتا
جانیم آنام دیر ، قانیم آتام دیر
ان بؤیوک آرخام ، آتام دیر آتام
اوخویان : مهربان ممدزاده
*

ائله کوس کی باریشاق

رسول اکبری - رعنا زینالی

زریم زیبام خیاطیم
حزین لایلام بایاتیم
الینده دیر حیاتیم
گل بو یولدا یاریشاق
ائله کوس کی باریشاق
من شیرین لهجه لی بیر بلبلم کی
گول لردن کوسه رم سندن کوسمه رم
منی اؤز جانیندان آرتیق ایسته ین
ائل لردن کوسه رم سندن کوسمه رم
قونوم طالع کؤشکونه
امیدیم یوخ بئش گونه
مجنون اولوم عشقینه
دره کوچک داغ آشاق
ائله کوس کی باریشاق
گؤزلرین مثال دیر آخان چای لارا
کیپریکین اوخلاردان قاشین یایلاردان
قارشیمیزا گلن اوزون آیلاردان
ایل لردن کوسه رم سندن کوسمه رم
هر اسن کولک اولماز
هر یئتن ملک اولماز
کدرسیز اورک اولماز
درده غمه آلیشاق
ائله کوس کی باریشاق
ائل ایچینده دیرلر بیزه سایادلی
ترلان اووچوسویام روحوم قانادلی
ایلهام پری سینین آشدیغی دادلی
دیل لردن کوسه رم سندن کوسمه رم
او کیپریک دی قاش دئییل
سئون اورک داش دئییل
یاشین همان یاش دئییل
کوشنده ده آیریشاق
ائله کوس کی باریشاق

*

بورادا قولاق آسین

*

دونیا قاپینی آچ ، آچ چیخیم گئدیم

رسول اکبری - رعنا زینالی

کؤنلومو اودونا یاخا بیلمه دیم
باشیمی داشینا چاتا بیلمه دیم
قاپین هایاندادی تاپا بیلمه دیم
دونیا قاپینی آچ ، آچ چیخیم گئدیم
کیمسه چاغیریبدی هایا گلمیشم
قلبی روحو تمیز سایا گلمیشم
بیلمه دیم تویا یا وایا گلمیشم
دونیا قاپینی آچ ، آچ چیخیم گئدیم
کؤوره کدی قانادیم قولوم نئینه ییم
اته یین ده ناماز قیلیم ، نئینه ییم
کونجولو سیخیلی قالیم ؟ نئینه ییم
دونیا قاپینی آچ ، آچ چیخیم گئدیم
بنده نین تانری یا ارکی چاتیشمیر
سس لری سرمه یه سه سی چاتیشمیر
اوره کلرده تکجه سئوگی چالیشمیر
دونیا قاپینی آچ ، آچ چیخیم گئدیم
مجرا تاپمییانلار اؤز آخارینا
آخیب تئز دولارلار اؤز چوخورونا
چیخان اولوبدور مو هئچ آخیرینا؟
دونیا قاپینی آچ ، آچ چیخیم گئدیم
اوره گیم گونلردن اسیم - اسیم دیر
قولاغینا چاتان قورو سسیم دیر
قوناغینام بو ایل لر بسیم دیر
دونیا قاپینی آچ ، آچ چیخیم گئدیم
گوناهینی منیم قانیملا یوما
چیریکن لیک لرینه گؤزومو یومما
گؤزللیک لریندن دویمادیم اما
دونیا قاپینی آچ ، آچ چیخیم گئدیم
یئنی دن بوشالیب دولماق چتین دیر
بیر دیل ده بیر دون دا قالماق چتین دیر
زمانه آدامی اولماق چتین دیر
دونیا قاپینی آچ ، آچ چیخیم گئدیم
گؤیده شیمشه یینه دؤنوبچاخمارام
یئرده بولاغینلا قوشا آخمارام
واللاه بیر کره ده دؤنوب باخمارام
دونیا قاپینی آچ ، آچ چیخیم گئدیم
*

بو گؤزل شعری بوردا قولاق آسین

*

بو گؤزله نئجه یوخ دئییم آللاه

قارادی ساچلاری بئلی دیر اینجه
آلمادی یاناغی دوداغی قونچه
یئریشی دوروشو لاپ اوره ییم جه
بو گؤزلی نئجه سئومه ییم آللاه
جانیمی بس نئجه وئرمه ییم آللاه
 سئویلمک هر کسین پایینا دوشوب
عمرون پاییزینا یاینا دوشوب
بو جانان دا منیم پاییما دوشوب
بو اوغلانا نئجه یوخ دئییم آللاه
کؤنلومو بس نئجه وئرمه ییم آللاه
بو یاز باخیشیما دولوب او گؤزلر
باغلاییب الیمی قولومو گؤزل
حسرتله اوتوروب یولومو گؤزلر
بو گؤزلی نئجه سئومه ییم آللاه
جانیمی بس نئجه وئره ییم آللاه 
گولوشو دردیمه درماندیر آخی
باخیشی عمرومه فرماندیر آخی
اونسوز کؤنلوم ائوی ویران دیر آخی
بو اوغلانا نئجه یوخ دئییم آللاه
کؤنلومو بس نئجه وئرمه ییم آللاه
گونوز گونشیم دی گئجه آییم دی
بارلی باهاریمدی هم ده یاییم دی
تانری دان بختیمه گلن پاییم دی
بو گؤزلی نئجه سئومه ییم آللاه
جانیمی بس نئجه وئرمه ییم آللاه
 قامتی کؤتنلومو درده سالیبدی
خوش سؤزلری منی مندن آلیبدی
خئییر دووام او تانری یا قالیبدی
بو اوغلانا نئجه یوخ دئییم آللاه
کؤنلومو بس نئجه وئرمه ییم اللاه
*
اوخویانلار : تئللی بورجالی - افلاطون قباد اوغلو

*