اینانما یار

 

سن سن هر شیرین نغمه

سن سیز جوشمارام بیرده

دئسه لر کی سئومیرم

اینانما یار اینانما

اینانما یار ، اینانما یار

آرادا مین یالان وار

مین جور فتنه سالان وار

مندن نه دئسه اغیار

اینانما یار اینانما

اینانما یار ، اینانما یار

عاشق اؤز درد دلین ایسته دیغی یاره دئیر

دئمز اغیاره اوره سرینی دلداره دئیر

رحم سیز بیر گول اوچون بلبل بیچاره ائله

نه قدر جور و جفا چکسه گئدیب خاره دئیر

عاشق کامل اولان سرینی پنهان ساخلار

اینانیب یاره دئیرسه اودا اغیاره دئیر

قیمت لعلینی یارین دئمه ییر اغیاره

جوهرین فدرینی صراف بیرالداره دئیر

خوش او گونلر سر زولفونده اسیرین دیم 

ایندی عالم منه هجرینده گونو قاره دئیر

عشق دردین دئمه واحد بو قارا گؤزلولره

سست درک ائیله مز عارف سؤزو هوشیاره دئیر

اینان یالقیز اؤزونه

اوره گینه گؤزونه

اونون بونون سؤزونه

اینانما یار اینانما

اینانما یار ، اینانما یار

* 
اوخویان: تیمور مصطفی اف
*

قاییدان دئییلم

یولما ساچلارینی یولما بیرداها

قاییدان دئییلم چکیل یولومدان

بولود تک بوشالیب دولما بیرداها

قاییدان دئییلم چکیل یولومدان 

*

گؤزلرینده یاتیب بیر شاهمار ایلان

عهدینده ، عشقینده ، هامیسی یالان

سن منیم قلبیمی ائتمیسن تالان

قاییدان دئییلم چکیل یولومدان 

*

حسرتین سینه می داغلاسا بئله

قلبیم گئجه گوندوز آغلاسا بئله

اوره ییم ده یارا باغلاسا بئله

قاییدان دئییلم چکیل یولومدان 

*

منه نه وئیرمیسن کدردن اؤزگه

قلبیمی یاندیران قهردن اؤزگه

سندن نه گؤرموشم زهردن اؤزگه

قاییدان دئییلم چکیل یولومدان 

*

بوتون حیاتیمی پوچ ائیله میسن

چکدیغیم زحمتی هئچ ائیله میسن

آرتیق اوره ییمدن کؤچ ائیله میسن

قاییدان دئییلم چکیل یولومدان

 *

اوخویان : کؤنول خاسی اوا

*

ایسته مه مندن

سن سیز یاشاماغا دؤزه بیلمه رم

سندن آیریلماق ایسته مه مندن

سن سیز یئر اوزونده گزه بیلمه رم

سندن آیریلماق ایسته مه مندن

دئی نئجه آیریلیم من آخی سندن

منیم وارلیغیم دا روحوم دا سن سن

آیرماق اولارمی روحو بدندن

سندن آیریلماغی ایسته مه مندن

جانیمی ایسته سن گولوم راضی یام

ابدی اولسون دیلیم راضی یام

قوللارین اوستونده اؤلوم راضی یام

سندن آیریلماغی ایسته مه مندن

دئی نئجه آیریلیم من آخی سندن

منیم وارلیغیم دا روحوم دا سن سن

آیرماق اولارمی روحو بدندن

سندن آیریلماغی ایسته مه مندن

* 
اوخویانلار: آشیق زلفیه - بابک ساکیت اوغلو
*

خبرین وارمی؟

سنین حسرتیندن سنین دردیندن

چؤللره دوشموشم خبرین وارمی؟

چیخا بیلمه ییرم ائل آراسینا

دیللره دوشموشم خبرین وارمی؟

سون گئدیثشین بیر ایل اولدو سئوگیلیم

سارالدی گول رنگیم سولدو سئوگیلیم

آخی بیزه دئی نه اولدو سئوگیلیم

یوللارا دوشموشم خبرین وارمی؟

آخیر گؤزلریمدن یاشیم سئوگیلیم

آی زولفیه عؤمور کئچیر یئل کیمی

سن اصلی اولموسان من کرم کیمی

دیل لره دوشموشم خبرین وارمی؟

*

اوخویان : آشیق زلفیه - بابک ساکیت اوغلو

  *

به ینمیر

آی آقالار بیر زمانه گلیبدی

الا قارقا شوخ ترلانی به ینمیر

اوغوللار آتانی قیزلار آنانی

گلین لرده قاین آنانی به ینمیر 

*

آدام وار کی گئتمیه سن پئشینه

آدام وار کی دولاناسان باشینا

پآدام وارکی آیران تاپمیر آشینا

دیندیریسن یاغ لا بالی به ینمیر 

*

آدام وار دستینه وئره سن گوللر

آدام وار گؤزونه چکه سن میل لر

آدام وار کی باس باشینا کول لر

نه گونه قالدین کی قاری به ینمیر 

*

نمی پسندد

ای آقایان زمانه ای رسیده

کلاغ سیاه  ترلان را نمی پسندد

پسرها پدر را ، دخترها مادر را

عروس ها هم مادرشوهر را نمی پسندند

بعضی ها هستند که به سراغشان نروی

بعضی ها هستند که دور سرشان بگردی

بعضی ها هستند که دوع برای آش شان پیدا نمی کنند

اما حرف که می زنند کره و عسل را نمی پسندند

بعضی ها هستند که به دست شان گل بدهد

بعضی ها هستند که به چشمشان میل بکشی

بعضی ها هستند که خاک بر سرشان بکنی

به چه روزی افتادی که پیره تو را نمی پسندد

*

اوخویانلار : آشیق زولفیه - بابک ساکیت اوغلو

منیم اوره ییم تیتره دی

اوخویان : آیتام

شاعر : آذریار

منیم اوره ییم تیتره دی       

بوگون یورقانیم نه آغیرلار

سن کی قویمازدین منیم اوتاغیما توز قونسون

بس ندن اوتاغیم دولوب توز – تورپاغینان؟

بو داشلاری کیم منیم اوستومه ییغیب؟       

ای وای

اؤزون هارداسان آنا؟ قولوم – قانادیم

بس هانی آتام ؟ هانی باجیم؟  

یئنه ده آیریلیق ، یئنه ده اؤلوم

یئنه ده آغلاماق یئنه بیر بؤلوم

قارادیر گوندوز گئنه ایئله ییب

بیلمه ییر او کؤرپه بالا نئینه ییب

تورپاقلار ایچینده آختاریر بالا         

بیلمه ییر آناسی بله نیب قانا

نه آتا نه باجی نه قارداش قالیر   

آنانین یئرینه تورپاغی یالیر

آغلاما آی کؤرپه بالام آغلاما

دونیانین اوره یین بئله داغلاما

قورخما سندن آللاه دؤنمه یه جکدیر

گونه شین ایشیغی سؤنمه یه جکدیر

چوخ آنا آختاریر سنین تک بالا

قویمازلار بیری ده آناسیز قالا

آتالار گله جک یاردیم ائتمه یه

دور بالام حاضیرلان اونا گئتمه یه

تورپاقلاری قدری باجین قارداشین

اوزاقلاردان گلیر اولسون یولداشین

هر بیری الیدن ایشیق گتیریر

سن اوچون قیزیل گوللری بیتیریر

یارالیدی قره داغیم

یارالیدیر قاراداغیم
یارالیدیر قاراداغیم
ندن سولدو گوللو باغیم
اهر هریس ورزغانیم
منیم گؤزل قارادغیم
غم ائیله مه باشین ساغ اولسون
آذربایجان
گؤیلریمیز قارا بولوتدو
اؤلکه میزی ماتم توتوبدو

یارالیدی قاراداغیم
ندن سولدو گوللو باغیم
نه ایستیردیم نه اولدو دونیا
گؤز یاشینی سیله جا ییک
نه ایسته سن ائده جه ییک
غم ایله مه گؤزل قاراداغ
بو دنیانین ای نازی ندیر
آنلینداکی یازی ندیر
آی آمان آمان آمان دنیا
یالان یالان یالان دنیا
غم کدرین ای سازی ندیر
طالعیمین یازی ندیر
اهر هریس ورزقانیم
منیم گؤزل قاراداغیم
غم ائیله مه باشین ساغ اولسون
آغلار قالیب ای گؤزلریمیز
سازا گلمیر سؤزلریمیز
غم ائیله مه قاراداغیم
غم ائیله مه آذربایجان

*

اوخویور : رحیم شهریاری

*

نرگیس

بوردور گلیب باهار فصلی
آچیلیبدی لالا نرگیس
آغیز سوتدو دوداق قایماق
دیلین باتیب بالا نرگیس
آی نرگیس جان نرگیس
من سنه قربان نرگیس
الیمی وئرمیشم اله
جانیم قربان فیتنه تئله
شبنم کیمی اینجه بئله
توت قولومنان دولا نرگیس
آی نرگیس جان نرگیس
من سنه قربان نرگیس
اوجا اوجا داغلار قالدی
گولو سولموش باغلار قالدی
زهره یاریم آغلار قالدی
نئجه گلیم یولا نرگیس
آی نرگیس جان نرگیس
من سنه قربان نرگیس
کیپریگین گؤزلر آللادیر
قاشلارین آدام آللادیر
زهره نین گؤزو یولدادی
نئچه قالیب بئله نرگیس
آی نرگیس جان نرگیس
من سنه قربان نرگیس
سن بیلالی کوسدورموسن
قول قانادین کسدیرمیسن
گلیب یولون توتدورموسان
نئجه گلیم سیزه نرگیس
آی نرگیس جان نرگیس
من سنه قربان نرگیس
*

اوخویان : بلال علی اف

*

یاواش یئری

آخشام اولور گل بیزه
هؤروکلری تؤک اوزه
منله دوراق اوز – اوزه
گلمه سن دئی نئینه رم
نه قدر بئزه نمیسن
گؤزلیم بیر دنه سن
خوش دور منه سن ناز ائتسن
گؤزلیم گؤزلرینین قاراسی مین جانلار آلیر
منی یالقیز باخیشین ، خوش باخیشین درده سالیر
یئری یئری یئری یاواش یئری
سنه وئره رم شاباش یئری
یاندیم آی آللاه ، اؤلدوم آی آللاه
باغلارام گولو دسته
الین قوی الیم اوسته
گلرسن گؤزوم اوسته
گئدرسن دئی نئینه رم
نه قدر بئزه نمیسن
گؤزلیم بیر دنه سن
خوش دور منه سن ناز ائتسن
گؤزلیم گؤزلرینین قاراسی مین جانلار آلیر
منی یالقیز باخیشین ، خوش باخیشین درده سالیر
یئری یئری یئری یاواش یئری
سنه وئره رم شاباش یئری
یاندیم آی آللاه ، اؤلدوم آی آللاه
اوخویان: رحیم شهریاری

*

یالوارا - یالوارا

یار گرک یارین قئیدینه

قالا یالوارا - یالوارا

منی نازینان قول بویونا

سالا یالوارا - یالوارا

یارا یالوارا - یالوارا

قالا یالوارا - یالوارا

آز قالمیشدی تویوموزا

یار گئنه ساخلادی یازا

او ناانصاف اینصاف سیزا

قالدیم یالوارا - یالوارا

یارا یالوارا - یالوارا

قالدیم یالوارا - یالوارا

یار گرک یارین قئیدینه

قالا یالوارا - یالوارا

مین نازینان قول بویونا

سالا یالوارا - یالوارا

یارا یالوارا - یالوارا

قالا یالوارا - یالوارا

اوخویان : عاشیق حیدر

ماهنی یا بوردا قولاق آسین

*

یار باشینا دؤنوم سنین

سوزولوبدور گؤزون یاشین
دردین اولسون داغین داشین
گل قورودوم گؤزون یاشین
گل باشینا دؤنوم سنین
یار باشینا دؤنوم سنین
گل باشینا دؤنوم سنین
سن جانیمدان آیری جان سان
شیرین آرزوم مرادیمسان
گؤزله یرم هاردا قالسان
گل باشینا دؤنوم سنین
نه دئدیم کی دولدو گؤزون
آل لاله دیر سان کی اوزون
نه دیر منه سؤیله سؤزون
گل باشینا دؤنوم سنین
یار باشینا دؤنوم سنین
گل ، گل باشینا دؤنوم سنین
گل باریشاق گولک گئنه
عؤمور جالارسان عؤمرومه
تسلی سن بو کؤنلومه
یار باشینا دؤنوم سنین
گل باشینا دؤنوم سنین
یار باشینا دؤنوم سنین
سن جانیمدان آیری جان سان
شیرین آرزوم مرادیمسان
گؤزله یرم هاردا قالسان
گل باشینا دؤنوم سنین
نه دئدیم کی دولدو گؤزون
آل لاله دیر سان کی اوزون
نه دیر منه سؤیله سؤزون
گل باشینا دؤنوم سنین
یار باشینا دؤنوم سنین

گل ، گل باشینا دؤنوم سنین

*

اوخویان : کؤنول کریم اوا

*

آمان آمان داد الیندن

من سنی هاردا آراییم
گئتمه گولوم هاراییم
گئنه کؤنلومون سارایی
اولوبدو برباد الیندن
آمان آمان داد الیندن
اولمادیم هئچ شاد الیندن
گئجه گوندوز دلی کؤنلوم
ائیله ییر فریاد الیندن
یا اجل سن یا عؤمورسن
بیلمیرم داش سان دمیرسن
منه سئویرم دئمیرسن
بیر دلی عناد الیندن
آمان آمان داد الیندن
اولمادیم هئچ شاد الیندن
گئجه گوندوز دلی کؤنلوم
ائیله ییر فریاد الیندن

*

اوخویان: شفا حسین اوا

*

منی پئشمان ائله مه

گول ریحانین اولوم
گلیم مهمانین اولوم
ترک ائدیب گئتمه منی
گئتمه قربانین اولوم
باخیشین یان ائله مه
باغریمی قان ائله مه
دوست دوشمن ایچینده
منی پئشمان ائله مه
منی پئشمان ائله مه
دردیندن صحرانی
گزه رم گئتمه
هر عشوه نه نازینا
دؤزه رم گئتمه
قاش گؤزو قاره گولوم
اوره ییم یاره گولوم
سنی تانریم گؤنده ریب
دردیمه چاره گولوم
باخیشین یان ائله مه
باغریمی قان ائله مه
دوست دوشمن ایچینده
منی پئشمان ائله مه
منی پئشمان ائله مه
دردیندن صحرانی
گزه رم گئتمه
هر عشوه نه نازینا
دؤزه رم گئتمه

*
اوخویان : شفا حسین اوا
*

دئمرم اؤون تاپ

قیز تئللرین سیاه دی می؟ 
دئمرم اؤزون تاپ 
سنی سئومک گوناه دی می؟ 
دئمرم اؤزون تاپ
منی اوزن دردلریمی
دئمرم اؤزون تاپ
اورک ده کی سیرلریمی
دئمرم اؤزون تاپ
قیز یاناغین آلمادی می؟ 
دئمرم اؤزون تاپ
 منی اودا سالمادی می ؟ 
دئمرم اؤزون تاپ 
سنه وورغون اولدوغومو
دئمرم اؤزون تاپ
سنه حیران اولدوغومو
دئمرم اؤزون تاپ
آی قیز سؤیله هارالی سان
دئمرم اؤزون تاپ 
بیزیم ائلین مارالی سان
دئمرم اؤزون تاپ 
هانسی ائلین مارالی یام 
دئمرم اؤزون تاپ
آذیبایجان مارالی یام

ائلینی اؤزون تاپ

*

اوخویانلار : تئللی بورجالی - افلاطون قباد اوغلو

*

سئویرم

بی خبرسن آ بخته ور حالیمدان
هامی منی منده سنی سئویرم
سن گولورسن آغلییرام سئوگیلیم
سن سئوینجی من ده غمی سئویرم
هامی منی من ده سنی سئویرم
چیچکلر آچیلیر یاز هوسینده
کؤنلوم لایلا تاپیر شیرین سه سینده
اللرین کؤنلومون شاه پرده سنی
سن گولو من ده چمنی سئویرم
عالم منی من ده سنی سئویرم
نه آنلاتدین نه مطلبی قانیم من
سنه اولان عشقی نئجه دانیم من
چیغاتئلم یان دئییرسن یانیم من
اصیلی کیمی کرم کیمی سئویرم
هامی منی من ده سنی سئویرم

سن سئوینجی من ده غمی سئویرم

*

آشیق رولفیه

*

بیلیرم گلن دئییلسن

بیلیرم گلن دئییلسن
گؤزله ییرم گئنه سنی
اؤزگه نین اولساندا تانریم
چوخ گؤرمه سین منه سنی
گوسمه رم گلدین گلمه دین
سن گئتدین من کی اؤلمه دیم
حئیف کی گتیره بیلمه دیم
سئوگی آددا دینه سنی
دووارینا هؤرولوم کاش
یوللارینا سریلیم کاش
یوز یول اؤلوم دیریلیم کاش
سئویم دؤنه – دؤنه سنی
گوسمه رم گلدین گلمه دین
سن گئتدین من کی اؤلمه دیم
حئیف کی گتیره بیلمه دیم
سئوگی آددا دینه سنی
*
می دانم برگشتنی نیستی
می دانم برگشتنی نیستی
اما باز در انتظارت هستم
یار دیگری هم باشی
خدا بر من زیادت نبیند
قهر نمی کنم بیایی یا نیایی
تو رفتی ، من که نمردم
حیف که نتواستم بیارمت
به دینی که اسمش عشق است
کاش بر دیوارت بنا شوم
کاش سر راهت گسترده شوم
کاش صد بار بمیرم و زنده شوم
تا بارها و بارها عاشقت شوم
قهر نمی کنم بیایی یا نیایی
تو رفتی ، من که نمردم
حیف که نتواستم بیارمت

به دینی که اسمش عشق است

*

اوخویان : رحمتلی شفا حسین اوا

*