اونوتمادیم

سؤندوگو خاطره لر دؤنوب ایندی

قلبیمده اومید شامی سؤنوب ایندی

گؤزومده کی او سئوگینی آراسان

عوضینده ایکی داملا یاش گؤره سن

اونوت گئتسین ائله بیل کی هئچ گؤرمه میسن

اونوت گئتسین ائله بیل کی هئچ سئومه میسن

اونوت گئتسین چیخارت اونو اوره ییندن

اونوتمادیم اونوتمادیم بیرجه گون ده

اونوتمادیم عشقی قالدی اوره ییمده

اونوتمادیم اونوتمادیم منیم جانیم

آیریلمادیم جانیم قدر سئوگیلیم دن

آیریلمادیم درده چاره بیلدییم دن

عشقیمیزین سرایینی ییخیب گئتدی

وفاسیزجا اوره ییمدن چیخیب گئتدی 

اونوت گئتسین ائله بیل کی هئچ گؤرمه میسن

اونوت گئتسین ائله بیل کی هئچ سئومه میسن

اونوت گئتسین چیخارت اونو اوره ییندن     
*
اوخویان : وصال علی اف
*

گلین سن

آخار سولاریمیز بولانمیش داها

من نئجه دئیرم منیم سن داها

بیزیم طاعیمیز بئله یازیلمیش

خوشبخت اول سئوگیلیم گلین سن داها

یاادداشیم ، خاطره م سنی آلماسین

سیلین سین عؤمروندن ایزیم قالماسین 

آرخامجا او یانان گؤزون قالماسین

خوشبخت اول سئوگیلیم گلین سن داها

من چیخابیلمه رم اؤنوک آللاه ها

او تانری جکمونو پوزا بیلمه رم

سنین تک من قولام بؤیوک آللاها

خوشبخت اول سئوگیلیم گلین سن داها

آغلاما گؤرورم هی آغلاییرسان

خوشونا گئتمیشم بئل باغلاییرسان

سن اؤزگه قیسمتی ، اؤزگه یاری سان 

خوشبخت اول سئوگیلیم گلین سن داها 
*
اوخویان : وصال علی اف
*

Bir erkek yüzünden

Önceden saçımda aklar mı vardı?

Gülen gözlerimde yaşlar mı vardı?

Benim için mevsim her gün bahardı

Şimdi perişanım bir erkek yüzünden

Dizlerimde yattıgını unuttu

Felek gibi sabret dedi avuttu

Bir daldım ben yeşertmeden kuruttu

Şimdi perişanım bir erkek yüzünden

Dönüşü yok artık yollar çaresiz

Anılar şarkılar fallar çaresiz

Onsuz yaşıyorum bomboş gayesiz

Şimdi perişanım bir erkek yüzünden

bir erkek yüzünden

*
okhuyan : bergen

* 

باغیشلا

باغیشلا سئوگیلیم باغیشلا منی

حئییف کی بیلمه دیم سنین قدرینی

گئتمیسن آلمیسان سن هر شئیمی

باغیشلا سئوگیلیم باغیشلا منی

منده سئودیم مجنون کیمی

لیلی قدر سئون یاری

فلک امکان وئرمه دی کی

اوزونو گولدورم باری

باغیشلا سئوگیلیم باغیشلا منی

حئییف کی بیلمه دیم سنین قدرینی

گئتمیسن آلمیسان سن هر شئیمی

باغیشلا سئوگیلیم باغیشلا منی 
*
اوخویان : وصال علی اف
*

سن سیز

دالغالی دیر خیاللاریم

تلاطم لو دریا کیمی

باخدیم هر یئرده سنین

کؤلگه لی عکسین گؤرونور

آل سنین اولسون اوره ییم

قیریب آتما اشیا کیمی

دینله بیر آنلیق سه سینی 

گؤر نئجه حال سیز دؤیونور

منی بو حالدا قویما گئتمه اؤله رم

سئوگیمیزه قییما گئتمه اؤله رم

قلبیمی اینجیتمه  ، یئرسیز عناد ائتمه

منی بوراخیب گئتمه ، اؤله رم تک

سن سیز ، سن سیز ، سن سیز

ائتمه ظولوم گئتمه ، اؤل دئی اؤلوم گئتمه

گئتمه گولوم گئتمه ، اؤله رم تک

سن سیز ، سن سیز ، سن سیز

یاغار پاییز یاغیشلاری

قوپار خزان کولک لری

تؤکر اومود کؤرپولرین

یوللاری سئل سو باغلایار

آیریلیقین ضربه لری

قیرار سئون اوره کلری

هر گئجه یالقیزلیغیما

گؤیده ملک لر آغلایار

سن سیز ، سن سیز ، سن سیز

منی بو حالدا قویما گئتمه اؤله رم

سئوگیمیزه قییما گئتمه اؤله رم 
*
اوخویان : وصال علی اف
*

منیم گولوم

سن ائتدین ، ائتدین منه ظولوم

گئتمه ییندن ائتدین ائتدین منه ظولوم

هئچ زامان توخونماسین

حیاتین داشا گولوم

دردینی چکدیم یامان

نازینی چکمک چتین

سن سیز نئجه اولاجاق

سونو بو محبتین

یا منی اؤلدور قورتار

یاداکی یاشات منی

سن یوخسان دئیه گولوم

یاشاتمیر حیات منی

دؤنوب درنالار گئدیب

سن هانسی قطارداسان

سن سئوگی دن دوغولان

شیرین ماهنی لارداسان 
*
اوخویان : خومار قدیم اوا
*

انصاف ائیله

قارا گؤزلرین پیاله

قاشلارین بنزیر هیلاله

عزیزیم بیر انصاف ائیله

ایشیم اولوب آه و ناله

سنین اوتوندان من یاتندیم

گولوم سؤزووی ایناندیم

جاوان عؤمرومو یولوندا

تباه ائیله دیم دایاندیم

بوتون عؤمرومو یولوندا 

تباه ائیله دیم دایاندیم

الا گؤزلوم انصاف ائیله

ایشیم اولوب آه و ناله

یانیرام یانیرام 

یانیرام من قورتاریرام

بیر دنیا دردی من

اؤزومونن آپاریرام

کیمه دئییم سؤزومو

باغلادیلار گؤزومو

یئتیشیب اود قلبیمه

اؤلدوررم اؤز – اؤزومو واللاه

سنین قلبین نییه داشدی

یانیر جانیم ، گؤزوم یاشدی 

عزیزیم گئدیرسن هارا       

اوره گیمه وورما یارا ، بی وفا 
*
اوخویان : پیمان تبریزی
*