عاشیق میکائیل آزافلی

عاشیق: میکائیل آزافلی

اورگیمده مین دردیم وار
بئی قارا دییه نمه ره م
منیم ایشیم حقیقتله
بیر بئکارا دییه نمه رم
آتام قوجا طبیعتدی
آنام عشق و محبت دی
بیل سئوگیلیم حقیقتدی
گئدیب یالان دییه نمه رم
*

غوغای ستارگان: اولدوزلار بزمینده

غوغای ستارگان

شاعر: کریم فکور
آهنگساز: همایون خرّم
امشب در سر شوری دارم
امشب در دل نوری دارم
باز امشب در اوج آسمانم
رازی باشد با ستارگانم
امشب یکسر شوق و شورم
از این عالم گویی دورم
*
از شادی پر گیرم که رسم به فلک
سرود هستی خوانم برِ حور و ملک
در آسمانها غوغا فکنم
سبو بریزم ساغر شکنم
*
با ماه و پروین سخنی گویم
از روی مه خود اثری جویم
جان یابم زین شبها
جان یابم زین شبها
ماه و زهره را به طرب آرم
از خود بی خبرم، ز شعف دارم
نغمه ای بر لبها
نغمه ای بر لبها
*
امشب یکسر شوق و شورم
از این عالم گویی دورم
*
اولدوزلار بزمینده
مترجم: صالح سجّادی
بو آخشام باشیم هاوالی
کؤنلوم ایشیق دان غوغالی
روحوم گؤیلر اوزونده اوینار
اولدوزلاردا پایلاشاندا اسرار
بو آخشام نور اولماقدایام
بو عالمدن اوزاقدایام
*
شادلیقدان روحوم اوچار گونشین اوزونه
ملک لرین بزمینده یئر آچار اؤزونه
گونش گؤلونده سرخوش اوزه رم
سبو آشیررام ساغر سوزه رم
کؤنلوم گؤیلرده اوچقاردا
بو عالم هاردا من هاردا
*
آی دان پروین دن خبر آختاررام
ایتگین آییمدان خبر آختاررام
جان آللام گئجه دن
زهره نی آیی سالارام رقصه
خبرسیز هامی دان دالارام رقصه
دوداغیمدا نغمه
دوداغیمدا نغمه
*
بو آخشام باشیم هاوالی
کؤنلوم ایشیق دان غوغالی
روحوم گؤیلر اوزونده اوینار
اولدوزلاردا پایلاشاندا اسرار
بو آخشام نور اولماقدایام
بو عالمدن اوزاقدایام
*

آیریلیق نغمه سی

اوخویان: عالیم قاسم اف

سنی منن آلان یوللار
ندن گلیر سنه چاتماز
نه بیلئیدیم آیریلیق وار
سئون کؤنلوم قرار توتماز
سن منیم سن منیم له سن
ندن الیم سنه یئتمز
آخیر او شیرین آنلار
خیالیمدان بیر آن گئتمز
بیزه قسمت اولان حسرت
بیزی بیزدن آلان حسرت
*
آرازی آییردیلار
قومیلا دویوردولار
من سنن ایریلمازدیم
ظولم ایله آییردیلار
*

عزیز دوستوم

اوخویان: عالیم قاسم اف

عزیز دوستوم منن کوسوب اینجیدی
یادکیمی آیریلیب چیخدی اویمنن
او گئدن یولاری اوت باسیب ایندی
او گئدیب قالمیشام حسرتینده من
*
نئجه نغمه قوشوم نئجه دینله نییم
دوست گئدیب اؤزومه گله بیلمیرم
اله بیر اللریم یوخولوب منیم
گؤزومون یاشینی سیله بیلمیرم
*
چالدیغی او سازی گتیرین منه
گؤرون کی چالماغدا نئجه ماهیرم
الیم ده ین کیمی بیرجه تئلینه
سیملر هارای چکیب قیریلدی اودم
*

اونودا بیلمه یه جکسن

شعر: نصرت کسمنلی
اوخویان: نازنین

سن سیز ائله بیلمه اؤله جه یه م من

قارا بیر کدره دؤنه جه یه م من

گئجه لر یوخونا گله جه یه م من

سن منی اونودا بیلمه یه جک سن

*

عمرونده ناراحات ایزیم قالاجاق

آلووم سؤنسه ده کؤزوم قالاجاق

آرخانجا همیشه گؤزوم قالاجاق

سن منی اونودا بیلمه یه جک سن

*

سن ائله بیلمه کی غمدن اوزاقسان

عمرونو گونونو اودوزاجاقسان

اؤزونو بلکه ده اودوزاجاقسان

سن منی اونودا بیلمه یه جک سن

*

منی اونوتماغا عینادین کیمی

ایلک سئوگی آغریسی، فریادین کیمی

لاپ اؤز آدین سوی آدین کیمی

سن منی اونودا بیلمه یه جک سن

*

سامی یوسف ( سیاک رادمنش ) - شاعر: عمادالدین نسیمی

سیغمازام

منده سیغار ایکی جاهان، من بو جاهانه سیغمازام
گؤوهری لامکان منم، کؤونو مکانه سیغمازام
عرشله فرش و کافو نون منده بولوندو جومله چون
کس سؤزونو و ابسم اول، شرح و بیانه سیغمازام
کؤونو مکاندیر آیتیم، ذاتی دورور بیدایتیم
سن بو نیشانلا بیل منی، بیل کی، نیشانه سیغمازام
کیمسه گومانه ظن ایله اولمادی حق ایله بیلیش
حققی بیلن بیلیر کی، من ظنّو گومانه سیغمازام
صورته باخ و معنینی صورت ایچینده تانی کیم
جیسم ایله جان منم ولی، جیسم ایله جانه سیغمازام
هم صدفم، هم اینجییم، حشرو صیرات ادینجییم
بونجا قوماش و رخت ایله من بو دوکانه سیغمازام
گنجی-نیهان منم من اوش، عئینی-عیان منم، من اوش
گؤوهری-کان منم من اوش، بحروو کانه سیغمازام
گرچی موحیطی-اعظمم، آدیم آدامدیر، آدمم
دار ایله کونفکان منم، من بو مکانه سیغمازام
جان ایله هم جاهان منم، دهریله هم زامان منم
گؤر بو لطیفئیی کی من، دهرو زمانه سیغمازام
نجوم ایله فلک منم، وهی ایله هم ملک منم
چک دیلینی و ابسم اول من بو لیسانه سیغمازام
زرره منم، گونش منم، چار ایله پنجو شئش منم
صورتی گؤر بیان ایله، چونکی بیانه سیغمازام
ذات ایلیم صیفات ایله، قدر ایلیم برات ایله
گولشکرم نبات ایله، بسطه دهانه سیغمازام
نار منم، شجر منم، عرشه چیخان هجر منم
گؤر بو اودون زبانه سین، من بو زبانه سیغمازام
شمس منم، قمر منم، شهد منم، شکر منم
روحی-روان باغیشلارام، روحی-روانه سیغمازام
گرچی بو گون نسیمیم، هاشیمیم، قورئیشیم
بوندان اولودور آیتیم، آیت و شأنه سیغمازام
عمادالدین نسیمی نین بو گؤزل اثرینی، سامی یوسفین سسیله قولاق آسدیقدان سونرا، چوخ ایسته دیم سئوگیلی ( آفت فرمان قیزی) نا دئیم کی، عزیزیم داها بو گؤزل آغیر و درین معنالی اثرلری سئچیب و اوخوما، ایشلری ایش بیلن لره بوراخ.
*

سامی یوسف ( سیامک رادمنش )

 آذربایجان

سن دیاریم، اوره ییم، یوردوم
سن دؤیونن قلبیم و روحوم
آذربایجان
خوش گله جک گونلریم منیم
آغ دومانلی داغلاریم منیم
آذربایجان
گؤی گؤلوم، گؤی خزریم منیم
آغ لئچکلی گوللریم منیم
آذربایجان
شهرتلی شانلی مکان
آذربایجان
یاشا وار اول هر زمان
آذربایجان
سنن آلارام الهام
آذربایجان
نغمه لی سؤزلو دنیام
آذربایجان
شهرتلی شانلی مکان
آذربایجان
سن دیاریم، اوره ییم، یوردوم
سن دؤیونن قلبیم و روحوم
سن منه دوست و سیرداش اولدون
آذربایجان
خوش گله جک گونلریم منیم
آغ دومانلی داغلاریم منیم
شاه قانادلی قارتالیم منیم
آذربایجان
آغ بولودلو گؤی سمام منیم
آل چیچکلی چمنیم منیم
گئن اتکلی داغلاریم منیم
آذربایجان
گؤی گؤلوم، گؤی خزریم منیم
آغ لئچکلی گوللریم منیم
دان اؤرتوکلو افقوم منیم
آذربایجان
سن دیاریم، اوره ییم، یوردوم
سن دؤیونن قلبیم و روحوم
سن منه دوست و سیرداش اولدون
آذربایجان
*
سیامک رادمنش ( سامی یوسف ) – 30 تیر 1359 تهران دا دنیایه گلدی. آتاسی بابک رادمنش ( فیروز برنجان ) دیر.
سامی یوسف: خواننده، آهنگساز، ترانه سراو تهیه کننده ( ایرانی – بریتانیائی )
بابک رادمنش: موسیقی دان، ترانه سرا،آهنگساز، تنظیم کننده، زادۀ تبریز است.
*

گل دئییر

 گل دئییر - شاعر: باباوزیر اوغلو
اوخویان: آقاداداش آقااف 

سن سیز گلن یاز دئییل
قلبیم سنی گؤزله ییر
اؤلدورمک دیر قصدین منی
بو ظولومدور ناز دئییل
من الیندن نه لر چکدیم
داها بسدیر آز دئییل
سن سیز آچان گول دئییل
اؤتن عؤمور گون دئییل
حسرتیندن عمان اولان
گؤز یاشیمدیر سئل دئییل
باخیشلارین سئودیم سئودیم
دیلین ییخیل اؤل دئییر
هردن اوزاق گئن گزیرم
کوسورم باریشیرام
بیردن ائله آه چکیرسن
من اونسوز آلیشیرام
گؤزون قاشین گل دئییر
گل باریشاق گل دئییر
باخیشلارین سئودیم سئودیم
دیلین ییخیل اؤل دئییر
*

اوچ تئللی درنا

اوخویان: تیمور مصطفی اف - تقی صالح اوغلو
*
 اوچ تئللی درنا

ائولرینین دالی قایا
قایادان باخیرلار آیا
منیم یاریم، آی، آغچا مایا
اوچ تئللی دؤرد تئللی، بئش تئللی درنا
سن هارالی سان، هارالی درنا
اووچو الیندن، یارالی درنا
یارالی، یارالی، یارالی درنا
*
ائولرینیین دالی تپه
یاغیش گلیر سپه – سپه
اویالدیرام، آی، اؤپه – اؤپه
اوچ تئللی دؤرد تئللی، بئش تئللی درنا
سن هارالی سان، هارالی درنا
اووچو الیندن، یارالی درنا
یارالی، یارالی، یارالی درنا

گلمدین

 گلمدین
اوخویان: شفا حسین اوا

یادیندامی بیر آخشام
بیز سنینله گؤروشدوک
چوخ دانیشدیق چوخ گولدوک
دردیمیزی بؤلوشدوک
سؤز وئرمیشدین نئیچون گلمدین
گؤز یاشیمی گلیب سیلمه دین
نه لر چکدیم هئچ بیلمدین
سون گؤروشه نئیچون گلمدین
حسرتلی خاطره لر
ایندی سندن یادگار
وصال شیرین سن اوزاق
نییه ایریلدی یوللار
سؤز وئرمیشدین نئیچون گلمدین
گؤز یاشیمی گلیب سیلمه دین
نه لر چکدیم هئچ بیلمدین
سون گؤروشه نئیچون گلمدین
*

سنی ایتیرمک دن قورخورام

سنی ایتیرمک دن قورخورام
اوخویان: شفا حسین اف

حیات دا هئچ ندن قورخمورام اینان
سنی ایتیرمک دن قورخورام یامان
سنی گؤرمه ینده گولوم بیرجه آن
سنی ایتیرمک دن قورخورام یامان
قالیبدی گؤزلریم یولوندا سنین
خیالا دؤنموشم یوخوندا سنین
راضی یام جان وئریم قولوندا سنین
سنی ایتیرمک دن قورخورام یامان
اجل واخت سیز بئله قاپیمی دویسه
بوقارلی قلبیمین حسرتین ایسه
ان شیرین سؤزوم ده قلبینه دیسه
سنی ایتیرمک دن قورخورام یامان
قالیبدی گؤزلریم یولوندا سنین
خیالا دؤنموشم یوخوندا سنین
راضی یام جان وئریم قولوندا سنین
سنی ایتیرمک دن قورخورام یامان

اکی شیرازی

اوخویان : فیروز حسین زاده

آغلارام دالینجان اورک دولونجان
یانارام اودونا منیم اولونجان
کسرم یولونون اوستونو هر گون
سو سپه رم هر گون یولا بویونجان
*
اکی اکی اکی اکی قند شیرازی
اکی اکی اکی اکی آز ائله نازی
*
گؤزلری گؤیچک، لب لری چیچک
هامی منه دئییر، گل بوندان ال چک
ال چکه بیلمیرم، اخلاقی گؤیچک
*
اکی اکی اکی اکی قند شیرازی
اکی اکی اکی اکی آز ائله نازی
*
اکی عاشق اولدوم سنی گؤرندن
آللام خبرین، گؤروب بیلندن
سندن آیریلالی گول تک سولموشام
قیز عطرینی آللام گول و چمن دن
*
اکی اکی اکی اکی قند شیرازی
اکی اکی اکی اکی آز ائله نازی
*
انتظار اولوب یولوندا دوررام
گلسن باشیوا دوروب دولاننان
عشقینده آی قیز گول کیمی سوللام
*
اکی اکی اکی اکی قند شیرازی
اکی اکی اکی اکی آز ائله نازی
*

چیمناز خانیم

بیر کؤهنه ماهنی - اوخویان: مهمان حاجی بیکلی
قاپی دا دوران منم من
بوینومو بوران منم
عشقینه یانان منم من
قادانی آلان منم من
*
قاپینی آچ گلیم خانیم
آی چیمی چیمناز خانم
ای کیمی چیمناز خانیم
گل کیمی چیمناز خانم
*
سن منه های وئر خانیم
لیمونلو چای وئر خانیم
شکردن سای وئر خانیم
بیر بوسه پای وئر خانیم
*
قاپینی آچ گلیم خانیم
آی چیمی چیمناز خانم
ای کیمی چیمناز خانیم
گل کیمی چیمناز خانم
*
یاری یولدان دیل ائیلر
اوغلان قیزا گؤز ائیلر
قیز اوغلانا ناز ائیلر
هره بیرجور سؤز ائیلر
*
قاپینی آچ گلیم خانیم
آی چیمی چیمناز خانم
ای کیمی چیمناز خانیم
گل کیمی چیمناز خانم
*
یاریم یان اوتاغیندا
گؤزل جان اوتاغیندا
بیر غنچه گل آچیلیب
ائوین یان اوتاغیندا
*
قاپینی آچ گلیم خانیم
آی چیمی چیمناز خانم
ای کیمی چیمناز خانیم
گل کیمی چیمناز خانم
*

آلمانی آلما

بیر کؤهنه ماهنی - اوخویان: مهمان حاجی بیکلی

آلمانی آلما گلین
آل یئره سالما گلین
ائولرده چوخ سؤز اولار
اوره یینه سالما گلین
*
آی جانیم گؤزوم گلین
ایشلره م اؤزوم گلین
نئینه سین قایناناسی
تنبل دیر بیزیم گلین
*

سئون جانیم سنه قربان

اوخویان: بابامیرزه اف

من بیلمه میشدیم ایسته دییم غیره یارایمیش
اوّل وفالی آخیری بی اعتباریمش
جانا یولوندا ناله ایله کئچدی گونلریم
عشق اهلین نصیبی بوتون آه و زاریمیش
زولفوندو کؤنلومو گؤزلیم تار - مار ائدیب
یاکی کؤنول ازل دن ائله تار -  مار ایمیش
آهو باخیشلی گؤزلرین مبتلاسیم
کؤنلوم کمند زلفله چوخدان شکارایمیش
اولدوم اسیری بیرگؤزلین ایندی بیلمیشم
مجنون نه وجه دن وطنیندن کنارایمیش
فرهادا طعنه ائیله ینی سنگنسار ائدین
باخ بیستونا عشقه اودا یادگارایمیش
واحد اولور کی سئوگی فلاکت ده تؤره دیر
ضنیم جه عشقه مایل اولان بختیاریمیش
*
آی سئوگیلیم هارداسان
هرآن سنی گزه رم
بو هجرانا سؤیله بس
سن سیز نئجه دؤزه رم
گل ائیلمه باغریمی قان
سئون جانیم سنه قربان
*
گل بیر چیخاخ یاشیل دوزه
قارا گؤزو سوزه – سوزه
جان ائویمی نوره بزه
گل گل سنه قربان گل
گل گل گ من سنه قربان
گل ائیلمه باغریمی قان
سئون جانیم سنه قربان
*
خیالیمدان گئتمه ییر
هر آن سنین خیالین
گل انصاف ائت آی گؤزل
اوزدون منی بلالیم
گل ائیلمه باغریمی قان
سئون جانیم سنه قربان
*
گل بیر چیخاخ یاشیل دوزه
قارا گؤزو سوزه – سوزه
جان ائویمی نوره بزه
گل گل سنه قربان گل
گل گل گ من سنه قربان
گل ائیلمه باغریمی قان
سئون جانیم سنه قربان
*

کؤنول قاتیلی

سؤز: آقشین فاتح ( وفا شریف اوا – آقشین فاتح ) 

من عذاب ایچینده، سن گناه ایچینده
قویموسان، گئتمیسن، اضطراب ایچینده
سن کؤنول قاتیلی، من عوام سئوگیلی
وورموسان قلبیمه، بیتمه ین نیسگیلی
*
دوشوندوم کودردلریمین دواسی سان یار
سئون گونومدن باشیمین بلاسی سان یار
کسیلمه ین یارام می سان اورک باشیندا
گؤرن هانسی گناهیمین جزاسی سان یار
*
من عذاب ایچینده، سن گناه ایچینده
قویموسان، گئتمیسن، اضطراب ایچینده
سن کؤنول قاتیلی، من عوام سئوگیلی
وورموسان قلبیمه، بیتمه ین نیسگیلی
*
نه جور ترک ائلییب گئدیم قیانمیرا کی
سونوندا اوچوروم گؤرونور دایانمیرام کی
اورک  قاپیمدا چاغیریلمیان مسافر
یوخومدا اولسان بیله  رک اویانمیرام کی
*
من عذاب ایچینده، سن گناه ایچینده
قویموسان، گئتمیسن، اضطراب ایچینده
سن کؤنول قاتیلی، من عوام سئوگیلی
وورموسان قلبیمه، بیتمه ین نیسگیلی
*
اوونماقا بهانه دیر آدین دیلیمده
تکجه خیاللارین قالیب ایندی دیلیمده
سؤیله ندیر بو چکدییمسنین یولوندا
بیر گون حسابین وئره جکسن میاونوندا
*
آقشین اوخویور:
من عذاب ایچینده، سن گناه ایچینده
قویموسان، گئتمیسن، اضطراب ایچینده
سن کؤنول قاتیلی، من عوام سئوگیلی
وورموسان قلبیمه، بیتمه ین نیسگیلی
*
من گناه ایچینده، سن عذاب ایچینده
قویموشام یار سنی، اضطراب ایچینده
من کؤنول قاتیلی، سن عوام سئوگیلی
سالمیشام قلبینه، بیتمه ین نیسگیلی
*

یا علی ائیله مدد

نوحه خوان:حاج طاهر قلندریی
شاعرلر: رضایی مشکینی - سرابی

یا علی ائیله مدد دیل دولوسو غم دی آقا
زندگی اهل تولّایه جهنّم دی آقا
هارداسان آش گؤزووی شیعه لرین حالینه باخ
ظلم الیله پوزولان گولشن آمالینه باخ
آقاجان
سن تلاش ائیله دون هموار اولونا یوللاریمیز
ولی بو باره ده کم قویدولار مسئوللاریمیز
دئمیرم تک به تکی بی خرد و خائن دی
ولی بیر عدّه لری خصم خدا و دین دی
اوکی مسئول دو گرک سینه سینی چاک ائلیه
دووره سیندن علف هرزلری پاک ائلیه
سعی ائدیللر آقالار الده کی ایمانیمیزی
داراشیب بعضی سورور زالی کیمی قانیمیزی
بیر زامان رشوه حرامیدی، ربا چوخ بد ایدی
هاردا صحبت مگر از تبصره و درصدایدی؟
سازگاری اولونوب ایندی همان او بد ایلن
بانگ اسلامی وئریر وام اوتوز درصدایلن
آقاجان
بیرعّده واردی، صبحه کیمین آج یاتیر آقا
کلیه سین ساتیر کی جهازیه آلا آقا
ائو وار بیر ایلدی دادمیوب اصلا اتین دادین
آیا بونون روادور قویاق عدالت آدینی
دین اوستونه کؤلگه سالیب اشجار سیاست
بیر عده میزی مست ائلییب پست ریاست
بئش گون نن اؤتور ائل گؤزونه ائیلیر عبادت
بو خلقه ائدیر مسند قدرت ده خیانت
تندیر قیزیشیب باش قاریشیبیر یاپ آ یاپ دی
اصلا نه حساب وار نه کتاب وار تاپ آ تاپ دی
بیر سفره سالیبلار آقا جان هئی قاپ آ قاپ دی
مندن خبر آل دوز سؤزو والله چاپ آ چاپ دی
بیلمم کی بیر عدّه نئجه راحت یاتیر آللاه
غیرت له شرف داشینی باشدان آتیر آللاه
ناموسینی چوخلار اؤز الیله ساتیر آللاه
کیمدیر بو ایشین باعثی نسلیم باتیر آللاه
بو مملکته وئر سر و سامان نظر ائیله
الی قوینوندا قالیب جامعه ده نسل جوان
غصّه دن گؤز یاشی رخساره اولور گونده روان
نئینه سین نسل جوان قلبینه غم ریشه سالیب
ییرمی ایل درس اوخویاندان سورا آواره قالیب
اولماز انگیزه سی بیت المالا آزاده لرین
حق یئمک عادتی دور بعضی آقازاده لرین
هانسی نی دیندیریسن داد ویرور حیدری ام
حیدرین سفرۀ مهرینده نمک پروری یم
یالانچی عرض ارادت ائدیللر مولایه
او وقت کی ایستیر اوشاغی گله بو دنیایه
تصادفا سفر ائیلیر گئدیر اروپایه
کی تابعیّت آلا دقّت ائیله ایمایه
بولاردی قائم آل الله ها جسارت ائدور
حقوق ملّته واللاه بولار خیانت ائدور
اورگیوین سؤزونو گر دئدیم چکین بیر آه
کی آه قالمیاجاق یئرده شاهیدیم آللاه
نگران اولمویاسوز حق لری آلان گله جاخ
بو آه لار جمع اولوب خائنین ائوین ییخاجاخ
ائتدی تشویق چوخی دوزیولونو کشک ائده نی
اختلاص ائیلیه نین اولمادی تنبیه ائده نی
قلم عاجزدی کی تشریح ائلیه کیمدی بولار
اختلاص عالمی شیطانه معلّم دی بولار
دولودو سینه ده صندوق سخن محنت ایله
من نمایندۀ خلقم دئییرم جرات ایله
هانسی ارگان کی بو افرادی حمایت ائلیور
یول آچیر هر کسه بیر نحو ایله غارت ائلیور
بو جوانلاری آقا گؤر نه فنا ائیله دیلر
آیری کشورده گئدیب قصر بنا ائیله دیلر
شهدا قانه بویاندی کی چاتاق عزّته بیز
قویماروخ لیک او قانلار باتا هئچ قیمته بیز
نگران اولمویاسوز بولارین نسلینی آللاه کسه جک
علیهینه بیرگون بولارین گونو باد مخالف اسه جک
ای قلم همّت ائله اصل هدف دن دانیشاق
عمر ائدن آلتمیش اوچ ایل کان شرف دن دانیشاق
حسنینین آتاسی شاه نجف دن دانیشاق
مصحفه باخسان اگر شانینه چوخ آیه گلیب
رتبه سیندن بیری دیر کعبه ده دنیایه گلیب
انتخاب ائتدی اونون آدینی حیّ عزلی
اؤزو اعلادی بو والانین آدین قویدوعلی
*

بویانیب قانه نماز اوسته حسین

شاعر: استاد کلامی
نوحه خوان: سید طالع برادیگاهی

بویانیب قانه ناماز اوسته حسین
جان وئریر راز و نیاز اوسته حسین
قان وضوسی، آبروسی، قد اقم تسلام
قتلگاهی، سجده گاهی، تربتی کربلا
جنگه مضغولیدی سلطان حجاز
بو تمامه گلین او محرم راز
دئدی: اولموش آقاجان وقت نماز
اونا سس وئردی نیاز اوسته حسین
دئدی: آللاه سنی معجور ائله سین
اهل تکبیر ایله محشور ائله سین
دؤندو تا قتلگه هی تور ائله سین
فخر ائدیب موسی یه راز اوسته حسین
بویانیب قانه نماز اوسته حسین
قامتین باغلادی تکبیره امام
او نمازه دئدی عرش اهلی سلام
دووره دن آتدیلا اوخ سیندی قیام
ییخیلیب سوز و گداز اوسته حسین
بویانیب قانه نماز اوسته حسین
ای خداوند عزیز و عزلی
سجده ائیلیر سنه دلبند علی
قالخیزام درگه نیه قانلی الی
سنه شاکردی نماز اوستنه حسین
جان وئریر راز و نیاز اوسته حسین
قان وضوسی، آبروسی، قد اقم تسلام
قتلگاهی، سجده گاهی، تربتی کربلا
فاطمه اوغلونو یورماز یارالار
گؤرسه قانلی اوزونو گل سارالار
قاتلی باشی بدن دن آرالار
اؤپر او تیغی بوغاز اوسته حسین
ای خدا فاطمه نین اوغلودو بو
جان وئریر تشنه آخیر چؤللره سو
ناز ائلیر خنجره خشکیده گلو
آغلادیر عرشی بو ناز اوسته حسین
بویانیب قانه نماز اوسته حسین
آللاه آللاه آللاه آللاه
لا اله الاالله
*

دره لر

شاعر: نبی ثابت اوغلو
اوخویان: شوکت علی اکبراوا

چینارلار قطار – قطار
قالخیب زیروه یه قاچار
داغا قیسیلیب یاتار

میشیل – میشیل دره لر
یاشیل – یاشیل دره لر
*
سیزلره وورغونام من
بئزه نیرسیز شفق دن
گونش چیخار افق دن
اووج – اووج زر اَلَر
دره لر دره لر دره لر
اووج – اووج زر اَلَر
*
قوش کیمی اوستونوزده
قاناد چالیم دره لر
شام لیقدا بیر آخشاملیق
قوناق قالیم دره لر
*

بیر کؤنول سیندیرمیشام

شاعر: اسلام صفرلی
اوخویان: شوکت علی اکبراوا

من اونو دان اولدوزو
نظم شفق ساناردیم
کیمه انانماسسام دا
بیر اونا ایناناردیم
*
آه... قباحتیم بؤیوک دور
ای ائللر، آی ائللر
دونن آخشام، دونن آخشام
بلبل کیمی بیر اورک
بیر کؤنول سیندیرمیشام
*
او بیر قارانقوش کیمی
قلبیمده یووا قوردو
آجی دیلیم قوروسون
دیلیم اونو اوچوردو
بلبل کیمی بیر اورک
بیر کؤنول سیندیرمیشام
*
ساچلارینین گول عطری
تیتره ین اووجومدا
انتظار باخیشلارین
آغلار یول آیریجیندا
*
آه... قباحتیم بؤیوک دور
ای ائللر، آی ائللر
دونن آخشام، دونن آخشام
بلبل کیمی بیر اورک
بیر کؤنول سیندیرمیشام
*