یاندیردی منی

بیر گؤزل باخدی منه
کؤزو یاندیردی منی
دانیشدی شیرین – شیرین
سؤزو یاندیردی منی
یانمادی هئچ حالیما
دردیمه احوالیما
نئینه ییم بیر ظالیمین قیزی
یاندیردی منی
سؤزو یاندیردی منی
کؤزو یاندیردی منی
نئینه ییم بیر ظالیمین
قیزی یاندیردی منی
بیر آهو جئیران دی بو
گؤر کیمه حئیران دی بو
سئودیینی داندی بو
اؤزو یاندیردی منی
یانمادی هئچ حالیما
دردیمه احوالیما
نئیینه ییم بیر ظالیمین
قیزی یاندیردی منی
نغمه قوشدوم آدینا
سالمادی هئچ یادینا
آتدی عشقین اودونا
کؤزو یاندیردی منی
اوخویان : مناف آقایوف

*

من اولمویاندا

سؤزوم نغمه لرده یاشایاجاق می
دوسلار خاطره لر دانیشاجاق می
یاخینلار اود توتوب آلیشاجاق می
من دونیا دییشنده من اولمویاندا
گئنه نغمه لریم اوخوناجاق می
یئتیشمز آرزولار گول آچاجاق می
من سیز آد گونلریم هئچ اولاجاق می
یئتیشمز آرزولار گول آچاجاق می
من دونیا دییشنده من اولمویاندا
عمرو خرج ائیله دیم خالقا ائلیمه
گلمدی بیر یالان کلمه دیلیمه
گونش ای دوشه جک سولماز گولومه
من دونیا دییشنده من اولمویاندا
اوخویان : مناف آقایوف

*

سن سن سن

آیدین گئجه سرین کولک گؤی چمن

دؤرد یانیمیز عطیر ساچان یاسمن

آنجاق منی بو دردلره ترک ائدن

نه چمن دی نه چیچک دی

نه چیچک دی نه چمن دی

سن سن سن

سن سن سن

بیر سؤز آخدی دوداغیما دیلیمدن

جانان دئییر جان دئییرم سنی من

گئجه گوندوز بو سینه مده دؤیونن

نه کؤنول دو نه اوره ک دی

نه اورک دی نه کؤنول دو

سن سن سن

سن سن سن

*

اوخویان : تیمور مصطفی اف

*

گؤزله باخ گؤزله

گؤزله باخ گؤزله
گلیب بیزدن سؤز آلا
منیم بیر اسمریم وار
دییشمم یوز گؤزله
*
باغچایا باخ بارا باخ
کؤلگه سالمیش نارا باخ
اوزومه باخماز گئدر
او وفاسیز یارا باخ
*
باغچا باریمدان اولدوم
هئیوا ناریمدان اولدوم
گئجه لر خیالیمدان
گونوز یاریمدان اولدوم
*
باغچادا وارام سانا
هئیوایا نارام سانا
غم یئمه نازلی اسمر
اؤلونجه یارام سانا
*
کرکوک تورکوسو
اوخویان : بال اوغلان اشرف اوف – سیف الدین چاخماخچی

سئودیره بیلمه دیم

دلی کیمی سئودیردیم گؤز للینی

ال وئردیم یاندیریب یاخدین الیمی

سئچیب جمله لرین ان گؤزلینی

تیتره ییب سؤیله دیم سؤزومو سنه

سئودیره بیلمه دیم اؤزومو سنه

آلیشیب یاناردیم کؤز ایسته سه یدین

بیر نغمه اولایدیم سؤز ایسته سه یدین

منی گؤزمک اوچون گؤز ایسته سه یدین

کور قالیب وئره ردیم گؤزومو سنه

سئودیره بیلمه دیم اؤزومو سنه

حسرتین وصالین قوشا سئودیردیم

اوشوین الیمی قیشا سئودیردیم

یانان اوره ییمی داشا سئودیردیم

تانیدا بیلمه دیم ایزیمی سنه

سئودیره بیلمه دیم اؤزومو سنه

آلیشیب یاناردیم کؤز ایسته سه یدین

بیر نغمه اولاردیم سؤز ایسته سه یدین

منی گؤرمک اوچون گؤز ایسته سه یدین

کور قالیب وئره ردیم گؤزومو سنه

سئودیره بیلمه دیم اؤزومو سنه

اوخویان

رحیم شهریاری

احمد حضرتی

*

ایکی اؤزبک ماهنی سی

اولکر عبداللاه اوا

یوتیوب دا

Hulkar Abdullaeva-Lazgi

قاراگؤز بوی بوی بوی

آلاگؤز بوی بوی

**

انور صبیراف

یوتیوب دا

Anvar Sobirov Voha-Voha

آه آه آه واه واه واه

*

دئییر

بیر گؤزلین حسرتیله گزیرم
اورک عشق اودونا دورما یان دئییر
سئوگیلیم آتشلی سوزگون باخیشلا
دولاییب قلبیمی قانا قان دئییر
قارا قاش قارا گؤز شکر دوداقلار
آغ الوان تر بوخاغ نازیک بارماقلار
قیزاریر لاله تک آلتین یاناقلار
سانکی بیر گونش دی صبح دان دئییر
اوجادیر قامتی اینجه دیر سه سسی
دیوانه ائیله ییر گؤرن هر کسی
سالیب دیر آواره اشیق خانسی
اورگین گؤینه دیر سونرا جان دئییر
اوخویان : یگانه
شاعیر : اشیق خانسی

*

خبرین یوخدو

ایلک باخیشدان منه یار
اولموسان خبرین یوخدو
اخیب عشقین باده سینه
دولموسان خبرین یوخدو
سونالاریمی گؤلومدن
نغمه لریمی دیلیمدن
یوخولاریمی الیمدن
آلمیسان خبرین یوخدو
سن سن آرزوم دیله ییم ده
هم دیلیمده سؤزلریمده
ابدی لیک اوره ییمده
قالمیسان خبرین یوخدو
سونالاریمی گؤلومدن
نغمه لریمی دیلیمدن
یوخولاریمی الیمدن
آلمیسان خبرین یوخدو
قسمتیم سن بو دنیادا
گل بو عشقی وئرمه بادا
گؤز آچاندان منی اودا
سالمیسان خبرین یوخدو
سونالاریمی گؤلومدن
نغمه لریمی دیلیمدن
یوخولاریمی الیمدن
آلمیسان خبرین یوخدو

*

اوخویان : احمد حضرتی

*

آنا جان

آناجان باغریمی قان ائیله میشم من
گؤزیاشیمی بریان ائیله میمش من
بیر آلاگؤزلو یارین عشقی یولوندا
اؤز جانیمی قربان ائیله میشم من
آناجان آغرین آلیم
اناجان باشینا دؤنوم
قوی دولانیم من من من من
منیم اؤز سئوگیلیمه حئیران اولوم من من من
آناجان عشق اودونا یانمامیشام من
هله ده بیر تجربه آلمامیشام من
نه یامان اولور یاردان آیری دوشه نده
هله ده یاخجی یامان قانمامیشام من من من من
آناجان آغرین آلیم
آناجان باشینا دؤنوم من من من من
منیم اؤز سئوگیلیمه حئیران اولوم من من من من
*

اوخویان : رشید بهبوداف

*

منی ساتدین نفسینه

منی ساتدین نفسینه
چکیلدیم بیر کنارا
الیمدن نه گلیر کی
اونسوز دا اولوب گئچن
من ایسته ین دئییل کی
منی ساتدین نفسینه
آلیشدیم باخا – باخا
الیمی بوراخمیسان
گؤزووی ده چک داها
عاغلیم کسندن بری
آلدانمیشام اوشاق کن
گوناه بیلمیرم اؤزومده
عمروم دو الک ولک
منی ساتدین نفسینه
آلیشدیم باخا- باخا
الیمی بوراخمیسان
گؤزووی ده چک داها
*

اوخویان : نیسا قاسم اوا

*

یاشایا بیلمزسن

قلبیمده بیر اجاق چاتیب گئدیرسن
عالمی عالمه قاتیب گئدیرسن
سن منی بیر یوللوق آتیب گئدیرسن
یاشایا بیلمزسن سن مندن آیری
منیم دین منیم سن منیم اولارسان
گئتمک له اؤزونه غنیم اولارسان
بیر ائوده بیر خوشبخت گلین اولارسان
یاشایا بیلمزسن سن مندن آیری
یوز کوسوب یوز اولوب باریشمیشیق کی
قایناییب ایچ ایچه قاریشمیشیق کی
بیز بیزه او قدیر آلیشمیشیق کی
یاشایا بیلمزسن سن مندن آیری
سا منیم آنلیما یازیلمیش یازی
قلبیمده ساغالماز سئودا یاراسی
سن منیم قلبیمین آرزو مرادی
یاشایا بیلمزسن سن منده آیری

اوخویان : وصال علی اف

*

سؤیله یادیندادیرمی؟

سؤیله یادیندادیر قارالاندا آخشام
یولونو دئییشیب دؤنن سن اولدون
گوناهکار دئییردین گئنه او آخشام
بیلمه ین من اولدوم بیلن سن اولدون
ساختا گولوشونه اینانیب آی یار
اؤزومو هامی دان ساندیم بختیار
نهایت حکمون دئییشدی روزگار
اوجالان من اولدوم ، اؤلن سن اولدون

*

اوخویان : نیسا قاسم اوا

*

یاندیم ائله یاندیم

من کؤنلومه همدم سنی سنی ساندیم
سایمازیانا گئچدین گؤز اؤنومدن
یاندیم ائله یاندیم یاندیم ائله یاندیم
یاندیم ائله یاندیم یار
*
ساحیلده آیاق ایزلریمیز وار
سن عشقینه آند ایچدین او یئرده
هر کلمه نه هر کلمه نه قلبیمله ایناندیم
یاندیم ائله یاندیم یانیدم ائله یاندیم
یاندیم ائله یاندیم یار
*
هیهات نییه ، قلبیمده کی اودلارلا یاننام
سوندو نییه سوندو نییه
گل سانما کی بو یانماقدان اوساندیم
یاندیم ائله یاندیم یاندیم ائله یاندیم
یاندیم ائله یاندیم یار
*

اوخویان : خومار قدیم اوا

*

سن سیز

آیاغیم بودره ییر ، گئتم بیلمه ییر
دیل ده تیتره ییر ، مصراع سن سیز
یوخدور بیر معنا سن سیز
اولماز یار اولماز یار
درد منده اصلا سن سیز
من بیتدیم یار تنها سن سیز
داردی باشیما دونیا سن سیز
سن گلمدین حسرتیندن
سولدو قورودو دریا سن سیز
تک لیک منه دوست دور
گل غملری سوسدور
گئجه لر کابوسدور رویا سن سیز
سئویرم یار درد ائتمه
سنینله یم یا سن سیز
اومیدیم وار گومانیم وار
منیم اولماز دنیا سن سیز

اوخویان : آقشین فاتح

*

سنی سئودیم

سنی سئودیم آچیق عاشقلا
بو قدیر اولما سن ظولومکار
یالواریرام دیله ییرم
نفسینه احتیاجیم وار
اؤلورسم منیم اوچون
یاس دا ساخلاما
بو قدیر اوره ییوی
اوزوب آغلاما
بو قدیر آغلادین بسدی آغلاما
بو آیریلیغیمیزا منده یانمیشام
من سنین سن ده منیم سن
من سنین اوچون یارانمیشام
بو حیات سئونلرین دی
من سئوگیمه اینانمیشام
من سنین سن ده منیم سن
من سنین اوچون یارانمیشام
من سنی ائله سئومیشم
دئمه یه من اوتانمیشام
تک بو یولو گئتمه رم من
هئچ اؤزومو اؤیرتمه رم من
آیریلیغا سن سیز لییه
طاقتیم یوخ تاب ائتمه رم من
حسرته سون قویاق ، اؤتدو او چاغلار
گئنه ده بو اللر سنی قوجاقلار
یانیندا دوراردیم سنین او چاغلار
ایندی ده یانیندا من دایانمیشام

*

قورخورام

آللاهدان سورا بیر شئی دن قورخورام

درین دره لرده چیخارام اووا

ایلانلی چمه لی دوزدن قورخورام

آتیلارام اودا گیررم آلووا

یاری یولدا ایتن ایزدن قورخورام

دئمیین قارتالین توکو بیر چنگه

مردلیک ده بنزییر شیره پلنگه

دشمن دن قورخمادان گیره رم جنگه

ایراق اوزدن

آبیرسیزدان ، حیاسیزدان قورخورام

یئرین آناسی وار گونش آدیندا

ای دوست بو حکمتی ساخلا یادیندا

یانیب آلیشارام عشقین اودوندا

اوستونو کول اؤرتموش کؤزدن قورخورام

آتار داشی حقیقت اونون دئییل

پانبیق نان باشی کسیر بعضا یاغلی دیل

شراب مجلیسینده ایچگیدن دئییل

اؤلچوسوز بیچی سیز سؤزدن قورخورام

*

اوخویان : عاشیق اهلیمان

*

ساوالاندا گؤزوم قالدی

ائل اوبامدان آیریلاندا
گؤزلریمدن یاش آخاندا
داغا داشا من باخاندا
ساوالاندا گؤزوم قالدی
اوره گیمده گؤزوم وار کن
دیلیمده مین نغمه وار کن
دانیشماغا سؤزوم وار کن
دانیشمادیم سؤزوم قالدی
لاری باری باغلاریندا
گول چیچکلی داغلاریندا
اوبالارین چارداغیندا
حسرت باخان گؤزوم قالدی
ساوالانین اته گینده
بابالارین امه گینده
بالا قیزلار اوره گینده
دئییلمه میش سؤزوم قالدی
حیران یولو بوروخ بوروخ
سولاری وار سرین سویوخ
بال پتگی اویوخ اویوخ
باخا باخا گؤزوم قالدی
ماوی خزر دالغالاری
گؤیده اوچان درنالاری
گوندوزلری آخشاملاری
او سولاردا گؤزوم قالدی
هیجران بیزی هارا سالدی
دوغما دیار اوزاق قالدی
اوزوم گلدی غربت ائل لری
او داغلاردا ایزیم قالدی
اوخویان : عارف
*

اؤزون ییخیلمیسان

آماندیر قلبیمی بئله سیخما گل

بیر کؤرپو سالمیشام سینماز قورخما گل

سن آللاه اوزومه بئله باخما گل

اؤزون ییخیلمیسان دور آلاگؤزلوم
*

گؤردویون یوخولار قاریشدی سنین

طالعین قدرله باریشدی سنین

آیاغین دوز یئرده سوروشدو سنین

اؤزون ییخیلمیسان دور آلا گؤزلوم
*

اوشاق دئییردین کی یاشی سویه سن

ناشی گونلرینی ناشی سویه سن

داشا دیمه دین کی داشی سویه سن

اؤزون ییخیلمیسان دور آلا گؤزلوم
*

زامان گردیشینی ساخلاماز آخی

قورویان بولاقلار چاغلاماز آخی

اؤزو ییخیلانلار آغلاماز آخی

اؤزون ییخیلمیسان دور آلا گؤزلوم
*

اوخویان : بال اوغلان

*

دونیا

اوشاق گلیر قوجا گئدیر
یامان اهل کئف دی دونیا
عاغیللی یا آغیر بیر یوک
عاغیل سیزا درد دی دونیا
بعضن یوخوش بعضن هامار
حیات یولو دامار - دامار
گیریشی وار چیخیشی وار
موقتی ائودی دونیا
باشیمیزا گلیر نه لر
بو نه لری کیم لر بیلر
کیمی آغلار کیمی گولر
هم جزا هم قهردی دونیا
آشیق حسن یازار نامه
اودا دوشوب درد و غمه
آی آللاه گناهکار ائیله مه
باشارانا کئف دی دونیا
کیملر گلیر کیملر گئدیر
بو دونیادا بو دونیادا
بیری گلیر سویور گئدیر
بیری وارین قویور گئدیر
کیم عمرودن دویور گئدیر
بو دونیادا بو دونیادا
کیمی سه عمرو خوش گئدیر
کیمه داها ناخوش گئدیر
گئدنلر الی بوش گئدیر
بو دونیادان بو دونیادان
عالم ده نادان دا گئدیر
قوجادا جاوان دا گئدیر
هره بیر زاماندا گئدیر
بو دونیادان بو دونادان
اوخویان : بال اوغلان
*

دنیا
کودک به دنیا می آید و پیر می رود
عجب اهل کیف است این دنیا
بر عاقلان باری سنگین
بر بی عقلان درد است دنیا
گاهی فراز گاهی نشیب
راه زندگی پر فراز و نشیب
آمدن و رفتن دارد
خانه موقتی است دنیا
بر سرمان چه ها که نمی آید
این چه ها را هیچ کس نمی داند
یکی می خندد و دیگری می گرید
سراپا جزا و قهر است دنیا
عاشق حسن می نویسد
او نیز گرفتار درد و غم است
ای خدا بر گناهانم ننویس
بر آن کسی که راه کلک بلد است جای لذت است دنیا
عده ای می آیند و عده ای می روند
از این دنیا از این دنیا
یکی می آید و خلق را سر کیسه می کند و می رود
دیگری مال و منالش را می گذارد و می رود
یکی از عمر سیر می شود و می رود
در این دنیا در این دنیا
یکی عمرش خوش می گذرد
دیگر ی با بدبختی می رود
آن یکی از عمرش سیر شده می رود
در این دنیا در این دنیا
نادان و دانا می رود
پیر و برنا می رود
هر کسی در یک زمانی می رود
از این دنیا از این دنیا

گنجه دن گلیرم

سئوگیلیم عشق اولماسا وارلیق بوتون افسانه دی
عشق دن محروم اولان اینسانلیغا بیگانه دی
سئوگی دی یالقیز محبیتین حیاتین جوهری
بیر کؤنول کی عشق دردین دویماسا غمخانه دی
اؤلکه میزده گؤر نه لر وار باشقا بیر عالم ده هئچ
هر چیچک بیر غنچا هر بیر غنچا بیر جانانه دی
واحدم من سئوگیلیم مندن خیانت گؤرمه سن
شاعرم شعریم ده اؤز قلبیم کیمی مردانه دی
*
گنجه دن گلیرم یوکوم خرمادی
گنجه نین یوللاری بورما - بورمادی
گنجه ده بیر قیز وار تئلی بورمادی
سولارا سن آخما من آخیم دئییر
آی دئییر ، وای دئییر
سولارا سن آخما من آخیم دئییر
گنجه دن گلیرم یوکوم چیچک دیر
گنجه نین گوللری لئچک - لئچک دیر
گنجه ده بیر قیز وار آدی چیچک دیر
گونشه سن چیخما من چیخیم دئییر
آی دئییر وای دئییر
گونشه سن چیخما من چیخیم دئییر
گنجه دن گلیرم گؤزه بند اولوب
گنجه نین میوه سی شکر قند اولوب
گنجه ده بیر یار وار منه بند اولوب
جمالا سن باخما من باخیم دئییر
آی دئییر وای دئییر
جمالا سن باخما من باخیم دئییر
اوخویان : حبیب اکبرپور
*