مئیخانا

اوزدو بو هجران منی محنت منی
اؤلدوره جک درد منی محنت منی
قیراغ دا دوشموسن باشقا تاثیره
دئییرسن کی آییرلاق سامره
آتیب گئدیرسن منی بیردن بیره
اینتظارا قاباقجا اؤیرت منی
اولدوره جک درد منی محنت منی
*
هله جاوانام بیرآز دا یاشا دولسام
من بیر بالا سارالیب سولسام
بو سؤزه گؤره  اوختایین یئرینه اولسام
وجدان حاققی بوغاردی غیرت منی
اوزدو بو هجران منی حسرن منی
*
دوست دئدیین کوره ییمه سانجیب بیچاق
سن ده اوسته لیک منه چکدیرمه داغ
دئییردیم کی سئوگی منی یاشاداجاق
عکسینه سیندیردی بو محبت منی
اؤلدوره جک درد منی محنت منی
*
حیات منی گولدورن ده گولموشم
سئوینجیمی عزیزلرله بؤلموشم
حساب ائله کی حسرتیندن اؤلموشم
دور ساغ چینیمین اوسته ترپت منی
اؤلدوره جک درد منی محنت منی
اوزدو بو هجران بو محبت منی
*
سانیردیم کی سنین چون یارانمیشام
چون سنین عشقینده آلوولانمیشام
سئوگینین گؤزو کوردو آلدانمیشام
گؤر آلدادیرسان نئچه مدت منی
اؤلدوره جک درد منی محنت منی
اوزدو بو هجران بو محبت منی
*
سن  دیین تک رغبت بسله سم سنه
اؤزومو ده ایسته دیب ایسته تسم سنه
سنین سؤزوندن بیردنه هه دئسم سنه
سورا قبول ائیله مز جمعیت منی
اؤلدوره جک درد منی محنت منی
اوزدوبو هجران بو محبت منی
*
کریم سنی خلقه گولدوره ره م من
سنه اولان ایسته ییمی بیلدیره رم من
همین گئجه اؤزومو اؤلدوره ره م من
آللاه ائده رسه سنه قسمت منی
اؤلدوره جک درد منی محنت منی
اوزدو بو هجران منی محنت منی
*
من ایسته یردیم سنه دقت وئریم
لیلی مجنون دان سنه عبرت وئریم
خانیم سنه گل بیر مصلحت وئریم
سئویرسن سئو اوره ک ده خلوت منی
اؤلدوره جک درد منی محنت منی
اوزدو بو هجران بو محبت منی
*
یاخشی عمل چون مجال آختارمیشام
نه دولت نه جاه حلال آختارمیشام
عاغلیم کسندن حلال آختارمیشام
اوجالدیبدی زیروه یه زحمت منی
اؤلدوره جک درد منی محنت منی
اوزدو بو هجران محبت منی
*
من سنین له هر صحبت دن دانیشیرام
یعنی یاخین صمیمیت دن دانیشیرام
بو قدرکی من محبت دن دانیشیرام
کئچسم الینه پارچالار قدرت منی
اؤلدوره جک درد منی محنت منی
اوزدو هجران بو محبت منی
*
گلمیسن سه حاق سلام نان دانیش
مئیخانا دان شیرین کلام نان دانیش
حاجی آدام سان حلال حرام نان دانیش
حرام ائلییب سنه شریعت منی
اؤلدوره جک درد منی محنت منی
اوزدو بو هجران بو محبت منی
*
سئوگی فکرینی آرتیق قوروتموشام
اوقدر گؤزل لر اولوب اونوتموشام
بودنیانی آتیب او بیرین توتموشام
گؤزلویور حوری دولو جنت منی
اوزدو بو هجران بو محبت منی
*
اونوتماکی بو مئیداندا من وارام
مئیخانا تک قادین صنعتکارام
او ورا گؤره آی ندته منت دارام
تانیتدیریب هامییا بو شرکت منی
اوزدو بو هجران بو محبت منی
*
عشق اعلان ائدیب منه بو خانیم دا
گؤر نئجه یاخین اوتوروب یانیمدا
بیلیری بیرآز شکریم وار جانیمدا
سویی شیرین بیلیرلر البت منی
اوزدو بو هجران منی حسرت منی
*
اؤلسم اگر بیرده دوغولمارام من
تکبر ایچینده بوغولمارام من
اولدوز خسته لیغینه توتولمارام من
ده ییشمز بو شان منی شهرت منی
اوزدو بو هجران منی محنت منی
*
سن بیر گول سن ییغیلمیشیق عطریوه
یوخو سه په رم اللریمنن چتریوه
بیلسن نییه من ده یمیرم خطریوه
چونکو اؤزون ائیله دین دعوت منی
اوزدو بو هجران منی حسرت منی
*

سامره یوسف قیزی - کریم

*

مئیخانا

محله میزده آخشاماجان دورورسان

قیز گورورکن کیمی بوینونو بورورسان

گلیب - گئدن قیزلارا گؤز وورورسان

آدین قالیبدی محله نین دله دوزو

*

دئدین محله  نیزده منی سؤیرلر

تؤکولوشوب اوستومه ووروب دؤیرلر

گؤزله میردیم کی بئله دئیرلر

گلیر بیزیم محله میزین اولدوزو

*

شورگؤزون بیلیرسن شهره چیخیرسان

گؤزل گؤرنده ارییب آخیرسان

کیملره کی اوردا – بوردا باخیرسان

یوزی ییغیلسا اولماز آیاغیمین توزو

*

سنی توتوم بوراخمییم نئینییم

من بو قیزلارا باخمییم نئینییم

سنی گؤروب ارییب آخمییم نئینییم

سن نفسینله اریدیرسن بوزو

*

نه وار منی کئچیتمیسن چنگینه

قیرمیزین چیخیب اوززوون رنگینه

من نه دئدیم آی جانی یانمیش سنه

اول دن اولمویوبدور الیمین دوزو

*

قیز هئچ قحط دئییرچوخدو دییرلر

خئیر خواه اینسانا یوخدو دییرلر

زنگ ائدیرم ائوده یوخدو دئییرلر

اوتانمییر آدینی قویوب ائو قیزی

گل منیم آی سن عؤمرون اولدوز

*

آز قالیب چیخاسان منیم بوینوما

خودوننان آل گینان بیر آز قایناما

بس دی منیم له قوز - قوز اویناما

باشیندا سیندیررام اردوباد قوزو

*

اوختای کی وار قانمییانی قاندیرار

لازیم اولسا سنی ده ووروب یاندیرار

کیم کی منیم باشیمدا قوز سیندیرار

دیر اونون باشینا باکی قارپیزی

*

سن آرتیق گلیب بو یاشا چاتمیسان

نه قدر گؤزللر آلداتییب آتمیسان

یوسوف آخی بونو هاردان تاپمیسان

یاپیشیرمیسان منه قیر ساققیزی

*

سامیره اوختایا گلیر سؤزون آتیر

هاردا تحلیکه گؤردوسه اؤزون آتیر

یالان دوئمه اوختای اوچون گؤزون آتیر

گؤزوون اوستونه قویموسان قیرمیزی

*

ساچیوی یاغلییب چیخمیسان ائیوانا

آختاریرسان کئچی کیمی اویانا بویانا

گویا اؤزووی اوخشادیرسان تارکانا

آخشاماجان هله دییرسن قوزو – قوزو

*

احوالیمیز دئییشدی بیردن بیره

مئیخانانی ائلییرک مذاکره

هاردا چیخیرمنیم قاباغیما سامیره

ایکی آیاغیمنان باسیرام ترموزو

*

اوختای منی قارا باقارا ایزله مه

من دیینده سؤزومون اوسته سؤز دئمه

ایل اوز توتوب قاپیسیندا گؤزله مه

آتام گؤره ر باشیوا قویار توپپوزو

*

آتان دئدی قیزیم واردی بیرده

راضی لاشدیق شرط ده قویوب منه

بیر ایکی ایل اوخوقیزیمی وئره جیم سنه

یالاندان اوخوتدو منه نارخوزو

*

بیر شیرین دیل کی وار عئیبینی اؤرتور

هاردا منی گؤرور گلیب اؤزونو دورتور

گئدیر - گلیرباشینی چوماغا سورتور

هاچان کی جیجیشیر کئچی نین بوینوزو

*

منی ائویوه شام یئمه یینه قوناغ ائله

سونرا بوتون قونشولارا سراغ ائله

سن آللاه گئت خطاووی مندن اوزاق ائله

یوکلیه جکلر من یوز دوققوزو

*

گوبوت دانیشما سسین منه زوردو

سنین کی بو سئوگی دئییر اویوندو

گؤزل لیک اون دورسا دوققوزو

بیری سن ده دیر من ده دیر دوققوزو

*

منی بئله بیر الیمه بو محبوس دوشوب

سنین دالینجان قارا افسوس دوشوب

بیر نئچه تلفن لارا ویروس دوشوب

سنه دئمیشم باغلاگینان بولدوزو

*

مئیخاناچی لار : سامره یوسف قیزی- اکتای کامیل 

مئیخانا

مئیخانانی اوخویانلار : کریم - سامره

*

گئنه بیله بیلمه دیم یاری سان

صنعت ده یوخدور برابرون تایین

قادین لارین ایچینده بیرجه دیر سایین

بیرواختلی ایسته کلی سیدین اوختایین

ایندی گؤزل دئی گؤروم کیمین یاری سان

ایندی سؤیله گؤروم کیمه ساری سان

هله بیله بیلمه دیم کیمین یاری سان

*

هه دئمه رم اؤنوم ده دیز ده چؤکسن

آغلییب گؤز یاشین سئل کیمی تؤکسن

بیرآز چوخ یاشین وار بیرآزدا کؤک سن

یوخساکی اوختایین اوخشاری سان

گئنه بیله بیلمه دیم کیمین یاری سان

*

منی اوختای لا بیر توتماغا چالیشما

ایکیمیزین آراسینا گیریب یاریشما

منه خانیم محبت دن دانیشما

من قوجا کیشی سن ده قوجا قاری سان

هله بیله بیلمیرم کیمین یاری سان

*

بس دی بو سؤزونله منی اووتدون

اوواخ سئویردین منی تئز اونوتدون

منی آتدین گئدیب اؤزگه نی توتدون

اؤزون آیریلیقین سبب کاری سان

هله بیله بیلمه دیم کیمین یاری سان

*

اؤزون دئدین سؤزون صنعتکاری یام

مئیخانانین ثروتی یم واری یام

من مئیخانا باغچاسینین باری یام

سؤیله سن هانسی باغچانین باری سان

هله بیله بیلمیرم کیمین یاری سان

*

اؤزومه گؤره واردی شانیم شهرتیم

بو صنعته همیشه اولوب دقتیم

سنه خصوصی جوردو بیل محبتیم

چون کی خلقیمیزین صنعتکاری سان

هله بیله بیلمه دیم کیمین یاری سان

*

مئیخانا صنعیتم کریم دیر آدیم

بیرجه ایلاهی یه اولوب امدادیم

ائل بیلیرکی آقاسلیم دی استادیم

سؤیله خانیم کیمین یادگاری سان

هله بیله بیلمیرم کیمین یاری سان

*

کیم سه سئوینجینی بؤلور سنین اوچون

یادا اوزووه یالان گولور سنین اوچون

قونشودا بیر خالا وار اؤلور سنین اوچون

سن اونون جاوانلیق آرزولاری سان

هله بیله بیلمیرم کیمین یاری سان

*

مزه لی یئریش نن یئرییر گئدیرسن

سؤزووی دئدیک جن دیرییب گئدیرسن

سن ده منی گؤرور ارییب گئدیرسن

سان کی گونش گؤرن باهار قاری سان

هله بیله بیلمه دیم کیمین یاری سان

*

او واخلاری گؤزله دیم چوخ زنگینی

اونون چون اولموشدوم سئودا غمگینی

منه دئدین کی بیرده سینا بختینی

بلکه ائله بختیمین آچاری سان

هله بیله بیلمه دیم کیمین یاری سان

*

مئیخانانون لا عالمه سس سالارسان

گون به گون گئدیکجه اوجالارسان

بو گؤرکم نن چتین ائوده قالارسان

دئمک بختیارین بختیاری سان

هله بیله بیلمیرم کیمین یاری سان

*

آمان یامان ننم واردی بیردنه

آز قالیر اؤلسون دئییر ار تاپ منه

دئیرم بلکه ننه می وئریم من سنه

اللی نی کئشدین اوزو اویانا ساری سان

هله بیله بیلمه دیم کیمین یاری سان

*

ننه وی وئرمه ییون منه تسلی دی

اؤزون دئدون منیم یاشیم اللی دی

اللی اولدو ایش لر تامام بللی دی

سن ده ده آز قالیب عؤمور یاری سان

هله بیله بیلمه دیم کیمین یاری سان

*

مئیخانا مخصوص دو آذربایجانا

باجارمییان گیرمه سین بو مئیدانا

وار بهرلی بیر آغاج دی مئیخانا

بو آغاجین هم دئولتی هم واری سان

هله بیله بیلمه دیم کیمین یاری سان

*

صنعتیمیزین افتخاری دا چوخدور

اوستادلاری یادگاری دا چوخدور

مئیخانا بیر باغ دی باری دا چوخ دور

سن قادین شکلینده ایلک نوباری سان

هله بیله بیلمه دیم کیمین یاری سان

*

سؤزوم بودور سؤیلویورم هرکسه

کریم له بیردا وئرمیشیک سس سسه

بوندان سونرا بیر گئدیریک مجلیسه

مجلیسین هم کمانی هم تاری سان

هله بیله بیلمه دیم کیمین یاری سان

*

یاز یای پاییز گلیر گئچیر قیش دوشور

آدامین الینه اللی جوره ایش دوشور

مهمانادا یوسوفه آلقیش دوشور

بو دوغما شرکتین افتخاری سان

هله بیله بیلمیرم کیمین یاری سان

*

موسیقی ده گلمیشیک بو تونا

بوردا گرک سؤزومو یئتیریم من سونا

اوختایی گؤرسن یوسف دئی کی اونا

سامره نین قلبینین غباری سان

هله بیله بیلمه دیم کیمین یاری سان

*

سواللاریوا جوابی بیر بیر وئریم

سنه ایپ اوجو الیوه بیر کندیر وئریم

مئیخانا صنعتینه بیر تصویر وئریم

صنعت بال پته یی سن ده آری سان

هله بیله بیلمیرم کیمین یاری سان

*

قوجا کیشی سن سنین له تارتیشمیرام

صبیرلییم عصب لنیب جوشمورام

هر نه دئسن ده سنه باش قوشمورام

چونکی سن صاحب اختیاری سان

هله بیله بیلمه دیم کیمین یارس سان

*

سؤز دئین لر اؤزلرین ایسته دیللر

تویا نیشانا دعوت آلیب گئدیرلر

سنی جنیفر لوپرزه اوخشادیلار

سن اوندان دا قیمیتلی بیر واری سان

هله بیله بیلمه دیم کیمین یاری سان

سن اوندان دا قیمتلی بیر واری سان

*

آنا

نسلین الفباسی آنادیر ، آنا

بو سرت حقیقتی قوی بیلسین هرکس

بیر آنا یوز ائولاد وئره ر جهانا

یوز ائولاد بیر آنا چکه نی چکمز

آتالار ائولرده قویوب بیزلری

جبه یهگئده نده غم له دولموشوق

آنالار چکیبلر درد سریمیزی

قادین زحمتیلن کیشی اولموشوق

آنالار گونش دن آی دان قلبی دیر

سیلرلر جهاندا کدری یاسی

دنیانین پایتختی آنا قلبی دیر

دنیانین ایلک هیملی آنا لایلاسی

جنت گزدیرلر آیاقلاریندا

بئش ایته بئش بارماق آنا الی دیر

بوتون ملت لرین بایراقلاریندا

آنا شکیل لری چکیلمه لی دیر

آناسیز اولماسین عؤمرو هئچ کسین

گونش تک نور سپیر عشقی جهانا

ایله بیر زیروه سی قوی اینجی مه سین

دنیادا ان اوجا زیروه دیر آنا

*

عؤرمرو چوخدو یاشیندان

یازی کم دی قیشیندان

بیزه بئشیک باشیندان

آنالار قربان اولور

گؤزلری دولا – دولا

یاناغی سولا – سولا

بالاسی گلن یولا

آنالار قربان اولور

اوخشویور بوزادا

بنزییر یازادا

سئودییمیز قیزادا

آنالار قربان اولور

من یانیرام یان دئمیر

یالاندان جان – جان دئمیر

آنالار قربان دئمیر

آنالار قربان اولور

*

شعری اوخویان : پونهان اسماعیلی

*

آنا جان

آنا آنا آنا

آیلارینا ایل لرینه

ناخیش دوشن اللرینه

او آغاران تئللرینه

قوربان اولارام آنامین

یوللارینا یوخوشونا

گؤزلرینین یاغیشینا

بیرجه آنلین باخیشینا

قربان اولارام آنامین

هردن بیزه گلمه سینه

اوره ییم بیلمه سینه

بالام دئین کلمه سینه

قربان اولارام آنامین

خیاللارا دالماسینا

یاناغینین سولماسینا

غریب لیکده قالماسینا

قربان اولارام آنامین

*

آناجان یوخ سنین تک

بو جهان دا بیر ملک

سن ده تک سن هامی تک

شانیم شهرتیم آنا

بئشییم باشینداسان

منه لای لای دئمیسن

هر عذابا دؤزموسن

گوجوم قوتیم آنا

سن سینه یه دام آدیم

سن سیز دیر یئتیم آدیم

سن سن حیاتین دادی

عؤمره زینتیم آنا

آی آنا جانیم آنا

شانیم شهرتیم آنا

قوجاغی گوللو بئشییک

قوینو جنتیم آنا

هر آرزوم چاتیب باشا

آرتیق دولموشام یاشا

دؤندون دوستا – سیرداشا

سؤزوم صحبتیم آنا

بئشییم باشینداسان

منه لای لای دئمیسن

هر عذابا دؤزموسن

گوجوم قوتیم آنا

*

اوخویان : افلاطون قباد اف

*

گؤزل سن هارالی سان

بیر خیلی زماندیر گئتدی گلمه دی

عهدی پیمانینا قربان اولدوغوم

ایسته دی جان وئریم قدیر بیلمه دی

او شیرین جانینا قربان اولدوغوم

دئدیم آیری لیغا یوخدور توانیم

آیریلیق ایسته دی سرو روانیم

بیرداها دؤنمزمی سونا ترلانیم

او شیرین جانینا قربان اولدوغوم

*

قاش قارا کیپریک قارا

باخدیم او گؤزل یارا

من باخدیم او باخمادی

قلبیمه ووردو یارا

*

گؤزل سن هارالی

هارانین مارالی سان

الیم سنه یئتمه ییر

سن مندن آرالی سان

*

قاشلاری کامان آی قیز

گئتمه بیر دایان آی قیز

کؤنلوم سنه وورولموش

عشقیمه اینان آی قیز

*

گؤزل سن هارالی سان

هارانین مارالی سان

الیم سنه یئتمه ییر

سن منده آرالی سان

*

کاروان گئدرتبریزه

یولو  دوشوبدور دوزه

گؤزل بئله بئزه نمه

گلرسن یامان گؤزه

*

عزیزیم گؤزه گلمه

نظره گؤزه گلمه

دردلرین منه گلسین

تکجه سن گؤزه گلمه

*

قاش قارا کیپریک قارا

باخدیم او گؤزل یارا

من باخدیم او باخمادی

قلبیمه ووردو یارا

*

گؤزل سن هارالی سان

هارانین مارالی سان

الیم سنه یئتمه ییر

سن منده آرالی سان

*
اوخویان : بال اوغلان اشرف اف
*

انصاف سیز سان

بیر سس گلدی قولاغیما یاخیندان

ائله بیلدیم گلیب چیخدین آی جئیران

دونن دئدین گله جه یم گلمه دین

قلبیمده کی دؤیونتونو بیلمه دین

سئویرم من سنی آی جانان

من نه بیلیم انصاف سیز سان سن یامان

دییرماندان بیز قالخاردیق یوخاری 

سئیر ائدردیک اوردا قاردی داغلاری

دئمیشدین کی گله جه یم گلمه دین

قلبیم ده کی دؤیونتونو بیلمه دین

سئویرم من سنی آی جانان

من نه بیلیم انصاف سیز سان سن یامان

ائله بیلیردیم کی سنی گؤره رم

ساچلارینا گول دن چلنگ هؤره رم

آخی نییه سن گؤروشه  گلمه دین

قلبیمده کی دؤیونتونو بیلمه دینم

سئویرم من سنی آی جانان

من نه بیلیم انصاف سیز سان سن یامان
*
اوخویان : بال اوغلان اشرف اف
*

آرواددان قورخان کیشی

آرواددان قورخان کیشی نی

وئر چایلارا سئل آپارسین

آپار قوی داغین باشینا

شاختا ویرسین یئل آپارسین

کیشی لیغی خوار ائده نین

گؤر دونیاسین دار ائده نین

آرواد سؤزوینن گئده نین

تؤک باشینا کول آپارسین

آختار تاپ دردیوه چاره

اولماگینان گونو قاره

قورخاق کیشی نی مزاره

گرک ده ییر آی بالام ائل آپارسین

*

اوخویان : میانالی عاشیق ممد فرزانه

*