اوجا داغلار باشیندا

اوخویان : شوکت علی اکبراوا

اوجا داغلار باشیندا سسله رم سنی
سسله رم سنی، بالا سسله رم سنی
ایکیگؤزوم اوسته بسله رم سنی
بسله رم سنی بالا بسله رم سنی
*
اوجا داغ باشیندا بیر سورو قوزو
بیر سورو قوزو بالا بیر سورو قوزو

خمار خمار سوزمک ده دیر
یاریمین گؤزو، بالا یاریمین گؤزو
*
یار گوله – گوله، یار بیله – بیله
من عاشق اولدوم بالا
بیر شیرین دیله بالا بیر شیرین دیله
*
اوجا داغلار باشیندا بیر سورو جئیران
بیر سورو جئیران بالا بیر سورو جئیران
یار آلا گؤزلرینه اولموشام حئیران
اولموشام حئیران بالا اولموشام حئیران
*

اوجا داغلار باشیندا

اوخویان : ربابه مراد اوا

اوجا داغلار باشیندا، جئیران بالالار، جئیران یارالار
جئیرانین بالاسینی ، اووچو یارالار، اووچو یارالار
من یاردان آیری دوشسم، اغیار کام آلار، اغیار کام آلار
آی گؤزل اوغلان، ائشیت بیر دایان
سئویرم سنی، عشقیمه اینان
*
یئری یئری من ده گلیم دالینجا
دسمال ائیله آپار منی یانینجا
*
وطنیم صفالی دیر باغ دی مئشه دی، باغ دی مئشه دی
سئوگیمین قلبی صاف دی سانکی شوشه دی، سان کی شوشه دی
یاردان آیری قالماق، چتین پئشه دی، چتین پئشه دی
*
آغاج اولایدیم، یولدا دورایدیم
سن گلن یوللارا، کؤلگه سالایدیم
*
یئری یئری من ده گلیم دالینجا
دسمال ائیله آپار منی یانینجا

نرگیز

اوخویان: عاشیق شاکیر  

بوردو گلدی باهار فصلی
آچیلیبدیر لالا نرگیز
آغیز سوددور، دوداق قایماق
دیلین باتیب بالا نرگیز
آی نرگیز، آی نرگیز
ای قیز، آی قیز، بالا نرگیز
*
الیمی وئرمیشم اله
جانیم قربان فتنه – فئله
شددا کیمی اینجه بئله
توت قولومدان دولا نرگیز
آی نرگیز، آی نرگیز
ای قیز، آی قیز، بالا نرگیز
*
کیپریکین گؤزه دالدادیر
قاشلارین آدام آلدادیر
زهره نین گؤزو یولدادیر
نئجه گلیم بئله نرگیز
آی نرگیز، آی نرگیز
ای قیز، آی قیز، بالا نرگیز
*
سن شاکیری کوسدورموسن
قول – قانادین سیندیرمیسان
گلیب یولون پوسدورموسان
قوی گئدیم یولا نرگیز
آی نرگیز، آی نرگیز
ای قیز، آی قیز، بالا نرگیز
*

ایلک محبّت

شاعر سلیمان رستم 
اوخویان نزاکت تیموراوا

سئوگی سیز بیر چیچک بیتمز ای کؤنول
انسان مرادینا یئتمز ای کؤنول
ندن دیر بیلمیرم گئتمز ای کؤنول
باشیمدان سئوداسی ایلک محبتین
*
بیر درده نئینه سین لقمانین الی؟
الیمه دیمه میش جانانین الی
دؤیدو قاپیمیزی هیجرانین الی
بودورمو وفاسی ایلک محبتین؟
*
من اونو سئومیشم بیر ایلک باهاردا
او منی ترک ائتدی بوران دا قاردا
هر یارا ساغالیر اونودولاردا
ساغالماز یاراسی ایلک محبتین
*

ای ساربان

 رحمت لی بؤیوک شاعر « سعدی شیرازی » نین ای ساربان شعری ترکی دیلینه چئوریلیب و تیمور مصفطی اف اوخویوب 
*
 ای ساریبان آهسته گئت، آرام جانیمدیر گئدن
یار کونلومو چکمیش منیم، روح و روانیمدیر گئدن
سعی ائیله دیم افسونیله، پونهان قیلام من دردیمی
پونهان ایشیم چیخدی اوزه، سئییلیه قانیمدیر گئدن
قالدیم بئله زار و ذلیل، بیچاره یم قلبیم علیل
دوشدوم او دیلداردان اوزاق، آسوده یاریمدیر گئدن
یوخ عهدینین بونیادی هی، بیتمز اونون بیدادی هئچ
چیخماز کونولدن یادی هئچ، ان خوش زمانیمدیر گئدن
بیر آن دایان ای ساریبان، قویما گئده بو کاروان
اول سروه اویموشدور کونول، سروی روانیمدیر گئدن
بیر دون گئری ای نازنین، گؤز مسکنین اولسون سنین
سن سیز بو سونسوز گویلره، آه و فغانیمدیر گئدن
جان ترک ائدنده جیسمینی، اینسان آچار اوز حیسسینی
یوخدی سوزون گورموش گوزوم، بو خسته جانیمدیر گئدن
سعدی سنه لایق دئییل، یاردان گیلئی ای بیوفا
چوخ گؤردوم اوندان من جفا، صبر و توانیم دیر گئدن

*

 

بیر آرزوم وار سئوگیلیم

اوخویان : نزاکت محمد اوا   
شاعر: حکیمه بلوری

بیر آرزوم وار سئوگیلیم
سئوگین اولایدیم سنین
یانلیز منه باخایدی
سنین قارا گؤزلرین
*
محبتین قورایدی
اوره ییمده آشیان
قلبیمی یارپاق کیمی
سولدورمایایدی هیجران
*
سئویدین بو دنیادا
سنی سئودییم قدر
مندن باشقا هئچ کسه
باخمایایدی او گؤزلر
*
آه بو گیزلی دردیمی
سؤیله دیم بولاقلارا
سؤیله دیم چمن لر
سؤیله دیم یاماج لارا
*

حامام

اوخویان: بابامیرزه یف

اؤلو گلر دیری گئدر حامامدا
بیر گلر بیری گئدر حامامدا
جانیمیزین کیری گئدر حامامدا
سویونموشام یوخ اوستومده خنجریم
خومارلانیم بیر دینجه لیم حامامدا
بئی اوغلویام تای دئییلم باققالا
آی کیسه چی گل بئلیمی اووخالا
وای وای وای
آخ بو نئجه گولونجدور؟
آخ بو نئجه قولونجدور؟
اؤلو گلر دیری گئدر حامامدا
بیر گلر بیری گئدر حامامدا
جانیمیزین کیری گئدر حامامدا
بس بو ندیر نه ایش دیر
*

وار گولوشونده

اوخویان: رامیز حاجی اف  

شاعر: بهرام نصیب اف
آل الوان گئییب چمن
گول آچیب تر یاسمن
سن دانیش قوی سسینی دینله ییم دویونجا من
*
یازین باهرین نفسی وار گولوشونده
سئویب سئویلمک هوسی وار گولوشونده
باخیشین جانلار آلیر، جانلار آلیر یار
عاشیقی درده سالیر، درده سالیر یار
گولوشون نغمه کیمی ، نغمه کیمی
گاه ائنیر، گاه اوجالیر، گاه اوجالیر یار
*
خلقیمین گؤزلی سن
عشقیمین ازلی سن
دویمارام سؤزلریندن
هر سؤزو مزه لی سن
*

تکجه منیم اولایدین

اوخویان: محبت کاظم اف  

شاعر: جئیلان خانیم
سن بیر دنیز اولایدین، من ساحیل ده بیر قایا
کوکره یه یدین قالایدین، سینه مه چیرپینایدین
*
نه اولایدی سئوگیلیم، باخ بئله جه قالایدین
اوزورمنی تنهالیق، تکجه منیم اولایدین
*
سن بیر چمن اولایدین، من بیر شئحلی بنووشه
سن گونشه باخایدین، من ده سنه همیشه
*

آللاه کریم دی

اوخویان: ایمان زمان

سنی ساخلادیم هرکس دن اوزاق
بو اوزاقلیقا ایندی نجور دوزاق
باغلانیب یوللاریم سنه چاتماغا
تازادان بو کؤرپونو نجور دوزاق
نئجه اللریمده قالمادی الین
اوره ییم سینیق آرزولاریم درین
سن جان ایسته جانیم دا سنین
سن خوش اول منه ده آللاه دی کریم
سنی منن آلا بیلمزلر هئچ کس
یئریوی دولدورابیلمزلر بیر کس
سن اولانماز منه گل وئرسس
داریخارام آخی سن سیز
سن خیالیمداسان، هر آنیمداسان
اوره ییمین حکیمی سن سن
سن داماریمداسان، دایاغیمداسان
ییخیلارام ال چکرسن
من قراریمدایام، گؤزلورم بوردایام
بلکه بیرگون گلسن سن
من سؤزومده وارام، دوزنن اینان
چوخلاریندا ازل سن
*

یولون آچیق

اوخویان: ایمان زمان

بیر زمان درمانیمیدین
ایندی دردیم اولوبسان
نئجه سئوگیمی دئسن
دادمامیش دان دویوبسان
عشق ده یوخ قازانماق
هر حال دا اودوزوبسان
چاتسان دا چاتماسن دا
بیر آغریلا یاشیرسان
عشقیده یوخ قازانماق
بیر آغریلا یاشیرسان
داش دا اولسا چاتدارانصاف سیز
داها بسدیر عذاب وئرمه
من چکن درده گولوم
داغ صبری ایستر، هی گلیب گئتمه
آینالار مننن قاچیر
من آینالارلا گؤز – گؤز اولماقدان
گئت یولون آچیق نه گلسه یار
منیم باشیما درد ائتمه
سیلسم ده سنی دیلدن
آغلیمنان نئجه سیلیم
اونودسامدا سنی من
اونودماز سنی قلبیم
غمین له یاشاماقدان
من چتین یولوسئشدیم
عشقین چوح چوخا باخدی
خیرینن داها گئشدیم
*

جان قادان آلیم

اوخویان: سارا قدیم اوا

سؤوگیلیم کؤنلومون ایلک باهاریسان
عشوه لی غمزه لی نازلی یاریسان
سن منیم عؤمرومون لاله زاری سان
ائللرده یوخ سنه تای قادان آلیم
*
حیرانام من سنین گل جمالینا
او قارا تئلینه خسته خالینا
چاتایدیم نه اولور یار وصالینا
ائیله مه آرزومو زای قادان آلیم
*
قهرمان قیزی سان بیزیم سن ائلین
گونونو آق ائدن امک دیر سنین
گؤروم کی گل آچسین گولون چمنین
هم باهار هم پاییز یای قادان آلیم
*

اونودا بیلمزسن آرتیق

اوخویان: الهامه قلی اوا  
شاعر: خانیم – اسماعیل قیزی

حسرتیمنن اوره یینه کؤز دوشر
یا دنیا سنه دئدیم سؤز دوشر
یئنه ده یولونا همین ایز دوشر
سن منی اونودا بیلمزسن آرتیق
*
خاطرین سنین یادیمدا قالاجاق
او سئوگی هرآن منیم له اولاجاق
بیلیرم کی گؤزلریم ده دولاجاق
سن منی اونودا بیلمزسن آرتیق
*
بو شهردن چیخیب گئده بیلرسن
ایللری ایللره قاتا بیلرسن
بیر وخت سئودیینی دانا بیلرسن
سن منی اونودا بیلمزسن آرتیق
*
سنین طالعینده ایزیم قالیبدیر
سنین خیالیندا سؤزوم قالیبدیر
بیلیرم کی منده گؤزون قالیبدیر
سن منی اونودا بیلمزسن آرتیق
*
بو سوئگی سنین کؤلگه نه دؤنه جک
یئرده اولسان او گؤیلردن لئنه جک
یوخودا آدین دیلمه تئز- تئز گله جک
سن منی اونودا بیلمزسن آرتیق
*

عزیزیم مهربان

اوخویان: محبت کاظم اف

مهربان سئوگینین وفالی دوستون
گیریب آراسینی قاتانا لعنت
آلدانیب شهرته واره دوولته
یاخشی نی یامان ساتانه لعنت
آلدانما دونیادا سن ده ای آقا
گؤردونمو داهی لر گئتدی تورپاغا
آلچاقا کوفورلو هم دا یالتاغا
نامردین کؤلگه سینده یاتانا لعنت
اؤلوم اولسون دوزوه ترسه یازانا
قورد کیمی قودوروب یولون آزانا
ناحاقدان اؤزگه یه قویوقازانا
ناموسو ویجدانی ساتانا لعنت
غضبین موکائیل بو قدر یئتر
آتالار دئییبدیر اکدیین بیتر
یزید دن شوموردن شئیطاندان بئتر
دوستا خائین چیخان اصحابا لعنت 

*

سن دن منه بیر عؤمورلوک خاطره

 اوخویان: محبت کاظم اف

سن دن منه بیر عؤمورلوک خاطره
من دن سنه نه قالاجاق بیلمیرم
چتین بیرده داش اوسته داش تیکیله
نییه اوشدو بو قالاجا بیلمیرم
گونلر منه گون یازماغی اونوتدو
گولوم گولوم گوللریمی قوروتدو
بو سئوگی ده کیم اودوزدو کیم اوددو
پشیمانی کیم اولاجاق بیلمیرم
من آرازام سه سیم توتقون آرازدی
ها چاغیردیم ها یویوردوم ها یازیم
ایندی داها قاینار سه سیم آیازدی
ایندی منی اونوداجاق بیلمیرم
*

اؤلدوره جک او قیز منی

اوخویان: محبّت کاظم اف

قاشی کامان دیلی نی میش
آمان آللاه بیز قیز ئیمیش
سنی سئومک باشقا شئی میش
اؤلدورجک او قیز منی
او شاهزاده من سه سائل
باخدیم اولدوم هائیل - هائیل
نه آللاه دی نه عزرائیل
اؤلدورجک بو قیز منی
غفیل اؤلمک ایسته میردیم
سه فیل اؤلمک ایسته میردیم
اؤلدوره جک او قیز منی
دؤندو گولوم بوتا سینا
سالیب عشقین خطاسینا
خبر وئرین آتاسینلا
اؤلدوره جک او قیز منی
*

گؤزلرین آلادیر یار

اوخویان: بلبل محمّد اف

گؤزلرین آلادیر یار
بیر جوت پیالادیر یار
دردلریمین درمانی
باشیما بلادیر یار
*
آلا گؤزلو یار
شیرین سؤزلو یار
گولر اوزلو یار
*
گؤزلرینی سوزمه یار
اوره ییمی اوزمه یار
قلبیمی اینجیتمه یار
من دن تئز – تئز کوسمه یار
*
آلا گؤزلو یار
شیرین سؤزلو یار
گولر اوزلو یار
*
تزه باهار گولوم سن
سئویملی بلبلوم سن
دوداقلارین غنچه دیر
قوی آچیلسین گولومسن
*
آلا گؤزلو یار
شیرین سؤزلو یار
گولر اوزلو یار
*
گل قوشا دووران سورک
دوورون دوورانین سورک
کؤنلونو وئر کؤنلومه
قوی بیر گول اولسون اورک
*
آلا گؤزلو یار
شیرین سؤزلو یار
گولر اوزلو یار
*

تئز گل

شاعر: زینال جبارزاده
اوخویان: شوکت علی اکبر اوا

گئنه گؤی اوزونو بولود آلدی یار
آه نیه گلمدی، هاردا قالدی
گؤزومو یولدا قویوب بیر یوبانان یار، نه ائدیم
گؤزومو یولدا قویوب بیر یوبانان یار
*
آه، باخیرام یاغیشا، گئدیرم اوباشا، گلیرم بو باشا
آه، باخیرسان یاغیشا، بلکه ده باشینی، آتیرسان بالیشا
گولوم هاردا قالدی، قاش قارالدی
گؤزومو یولدا قویوب بیر یوبانان یار، نه ائدیم
گؤزومو یولدا قویوب بیر یوبانان یار
*
یار گلیر گؤروشه، گؤزوم آیدین یار
سوروشه – سوروشه، گؤزوم آیدین
ایسلانیب اوستو – باشی یاز یاغیشندان یاریمین
تؤکولور بیر جان آلان ناز باخیشیندان
*
آه قربانام نازینا، یوردومون قیزینا 
قیشینا یازینا  ، بال کیمی سؤزونه
قاپ – قارا گؤزونه، آی کیمی اوزونه
*
گولوم خوش گلمیسن، منیمکی سن
آی اؤتور، ایل دولانیر، اؤز گؤزلیمسن گؤزلیم
*

گؤنول داغی

اوخویان: الناره عبدالعلی اوا

گؤنول داغی یاغمور یاغمور بوران اولونجا
آخار جان اوزومدن، سئل گیزلی – گیزلی
بیر تنهادا جان، جانانی بولونجا
سینه می یارالار، یار اوی، یار اوی، یار اوی، یار
دیل گیزلی – گیزلی
دیل گیزلی – گیزلی
*
دوست الیندن گل اولمازسا واریلماز
رضاسیز باخچانین گولو دریلمز
قلب دن قلبه بیر یول واردیر گؤرولمز
گؤنولدن گؤنوله گئدر
یار اوی، یار اوی، یار اوی، یار اوی، یار
یول گیزلی- گیزلی
یول گیزلی – گیزلی
*
سحر واختی غریب – غریب بلبل اؤترکن
کیپریک لرین اوخ – اوخ جانا باتارکن
جمله عالم یوخوسوندا یاتارکن
کیمسه لر گؤمه دن
یار اوی، یار اوی، یار اوی، یار اوی، یار
گل گیزلی – گیزلی
گل گیزلی – گیزلی
*

آیریلیق

اوخویان: الناره عبدالعلی اوا

سنینم اؤز خیالیمدا
هر شئییم سن بو دونیادا
اوره ییم سن له دؤیونور
گؤزلریم تک سنی گؤرور
*
سنین له آیریلدیق بیر زامان
عادی حیات دا قووشمادان
بیر – بیریمیزی تانیمادان
آیریلدیق او آن
*
سنینم اؤز خیالیمدا
هر شئییم سن بو دونیادا
اوره ییم سن له دؤیونور
گؤزلریم تک سنی گؤرور
*
سنین له آیریلدیق بیر زامان
عادی حیات دا قووشمادان
بیر – بیریمیزی تانیمادان
آیریلدیق او آن
*