نئیچون بس

اوخویان: کؤنول خاسی اوا

ایلک دفعه گؤرموشم، سنی من چای اوسته
اوتدوکجه نغمه نی، آهسته آهسته
نئیچون بس نئیچون بس گؤزلرین هئچ گؤلمز
یوخسا من دویمورام ائلیرسن بلکه ده
دیلبرا من سندن آیری تن ده جانی نئیله رم
مال و مولکو تخت و تاجی خان و مانی نئینه رم
ایسته رم وصل جمالین تا قیلام درده دوا
من سنین بیمارینم اؤزگه دوانی نئینه رم
ای مسلمانلار بیلین کی یاریله خوشدور جهان
من کی یاردان آیری دوشدوم بو جهانی نئینه رم
چوخ دعالار قیلمیشام من خالقین درگاهینه
چون مرادیم حاصیل اولماز من دعانی نئینه رم
دیلبر آیدیر  ای نسیمی صابر اول قیلما فغان
من بوگون صبر ائیله سم داد و فغانی نئینه رم
بیر بلبلم خوش نفسلی، همدمیم دیر باهار فصلی
خوشلامیرام دار قفسی، باغبان منی یارالاما
اؤز یوردومدان آرالاما، چمن لردن آرالاما
بیر چیچه یم آل قماشی، اوسته کی شئح اوزوک قاشی
سئومیرم من بوران قیشی، اووچو منی یارالاما  
بیر بولاغام سویوم سرین، داغ دؤشودور یوردوم یئریم
نغمه لرین سئل لری یم، اووچو منی یارالاما

منی تنها قویما

اوخویان: کؤنول خاسی اوا

منی تنها قویما یامان چاغیمدی
گؤز یاشیم کؤنلومه درد اورتاغیم دی
سارالان یارپاغیم، سینان تاغیم دی
قاییت سون اومودوم آلما الیمدن
*
تیترک دوداغیمدا اوزم ده سن سن
یوللارا دیکیلن گؤزوم ده سن سن
اؤزومو ایتیردیم، اؤزوم ده سن سن
قاییت سون اومودوم آلما الیمدن
*
منه سعادت یوخ غم گتیرمیسن
وصال چلنگینی چن گتیرمیسن
قویوموش گؤزومه نم گتیرمیسن
قاییت سون اومودوم آلما الیمدن
*

یارالاییرسان

اوخویان: کؤنول خاسی اوا

فلک سنله دوز دولانا بیلمرم
منی دؤنوب – دؤنوب یارالاییرسان
یوردومو بؤلدویون بس دئییردیمی؟
ایندی ده عشقیمی پارالاییرسان
*
گؤرمه دین کؤنلومون دردی سرینی
بیرده ورق لدین غم دفترینی
بیر گؤزو یاشلینی میل برینی
بختیمه چوخ گؤروب قارالاییرسان
*
قاش لار قارا، کیپریکلری اوخویدو
گئندن باخیب به به دئین چوخویدو
دنیا داریدیمی؟ یئریم یوخویدو؟
داغلاری سینم ده سیرالاییرسان
*
مستان او دیلبرین انتظاریدی
اودا هر قصدیمین اختیاری دی
گل کی کئچدیت باغلی، یوللار آیری دی
گؤرکیمی سن کیمدن آرالاییبسان
*

سن منن خبرسیز

اوخویان: کؤنول خاسی اوا

آیرلیدیق گؤرمدیک بیر بیریمیزی
توتدو هجران یاشی گؤزلریمیزی
سن من خبرسیز من ده کی سنن
هجران بیر دنیزدیر هره میز آدا
الیمیزیئتمه ییر دوشسک ده یادا
بیر حسرت کؤرپوسو سالدیق آرادا
تاتلی رویالاردا قووشوب هردن
تسلی تاپیریق خاطره لردن
کئچیرسن یوز دفعه کئچدییم یئردن
سن منن خبریز من ده کی سنن
گؤرونور بو گئنیش دنیا دار بیزه
هجران داغلار چکیب اوره ییمیزه
بس نئجه سون قویاق گلیئئمیزه
سن منن خبرسیز من ده کی سندن
یامان کؤوره لمیشم یامان دولموشام
داها اوره ییمین اودو قالمییب
بیل سن آیریلیقدان نئجه دویموشام
سن سیز حیاتیمین دادی قالمییب
قایید کی بو شهر سن سیز بوش قالیب
سکوتا غرق اولوب هر طرف هر یان
یوخسا کی تانری دان اجل دن ساری
اسیلی قالمیشام دویغولاریمدان
آدینی دیلیمده ازبر ائتمیشم
دیننده چاشیرام سؤزومو هردن
قاییت سان گؤره سن چیخیب گئتمیشم
سنه بویلانیرام خاطره لردن
*

آی بلبل لَر

اوخویان: سکینه اسماعیل اوا

بو داغی باغ ائیله رم، آی بلبل لَر
یانین چارداغ ائیله رم، آی بلبل لَر
ائشیتسم سن گلیرسن، آی بلبل لَر
یولو چیراغ ائیله رم، آی بلبل لَر
*
اوبا کؤچر اویماقدان، آی بلبل لَر
گئجه کئچر اویماق دان، آی بلبل لَر
یار یاردان نئجه دویسون، آی بلبل لَر
پنجره ندن باخماقدان، آی بلبل لَر
*
گئجه کئچیب یاری دان آی بلبل لَر
یار آیریلیب یاریدان، آی بلبل لَر
نئجه قرابن دئمیشم، آی بلبل لَر
خبر گلسین یاریمدان، آی بلبل لَر
*

لب و لب

اوخویان: بابا میرزه اف

بو گئجه، بو گئجه 
بو گئجه، آیا باخیب
یار سنی یاد ائیله میشم
لب و لب و لب لب و لب
دورموشام، دورموشام
اوتورموشام
ؤزگه خیال ائیله میشم
لب لب و لب و لب لب و لب
*
لب شیرین لب و لب
لب شکر لب و لب
ای لبی شیرین لب و لب
آی لبی شکر لب و لب
*
سوزمه گل قاش – گؤزونو
سن منه نالز ایئله مه
ای جانان آی جئیران
ای یاریم آی گواوم
*
سن منیم، سن منیم
سن منیم عشقیمی هر یئرده بیان ائیله میسن
بلبل تک، بلبل تک، بلبل تک
عطیرلی گلشن ده فغان ائیله میسن
لب لب و لب لب لب و لب
*
گل منه، گل منه، گل منه
ناز ائیله مه، بیر بو قدر ناطز ائیله مه
لب لب و لب لب لب و لب
*

یاراشیر انسانا گولمک

شاعر: میکائیل مشفق
اوخویان: گل اقا ممداف

قارشیمدا نازلانیب گئنه گولورسن
بیلسن گولوشلرین نیه بنزه ییر
من دئسم آرتیق دیر اؤزون بیلیرسن
لالا یارپاغیندا شئحه بنزه ییر
*
سنسن ولوشلرین بیر روزگار کیمی
اسرکن آرزومون گولو آچیلیر
گولسه دوداقلارین اولدوزلار کیمی
روحوما سرین بیر ایشیق ساچیلیر
*
سنین گولوشلرین یاز سحری تک
فیکریمه، حیسیمه سانکی رنگ آلیر
گول کی شعرلریم گولوشلریندن
قیریلماق بیلمه ییر بیر آهنگ آلیر
*
جهان کی سولمایان بیر باغچا باردیر
بوردا روامی دیر گولمه دن اؤلمک
یازیق او شخصه کی قاراقاباقدیر
نه قدیر یاراشیر انسانا گولمک
*

قلبیم سنین دیر

سؤز: علی پرمهر
اوخویان:علی پرمهر
آهنگ: انوشیروان روحانی

قلبیم سنین دیر اینان عؤمروم سنین دیر
دریا قدر بیل سنه عشقیم درین دیر
بیلسین بو دنیا بیلسین بیر عالم
آی قیز الیندن گیزلتدییم غم
سنی سئویرم، سنین اوچون اؤلورم
بو غملی دنیادا من سنین اوچوت گولورم
*
قلبیم سنین دیر اینان عؤمروم سنین دیر
دریا قدر بیل سنه عشقیم درین دیر
*
سئویرم سنی من، بونو بیلسین بیر عالم
بو دلی سئوگیده من شیرین دیر هر غم
نییه من دویمورام سنن، سنی یوز یول دا گؤرسم
منه جنت حیاتی دیر سنین عشقیندن اؤلسم
سئوه رم من سنی مین دفعه بو دنیایه گلسم
*
بیلسین بو دنیا بیلسین بیر عالم
آی قیز الیندن گیزلتدییم غم
سنی سئویرم، سنین اوچون اؤلورم
بو غملی دنیادا من سنین اوچوت گولورم
*
قلبیم سنین دیر اینان عؤمروم سنین دیر
دریا قدر بیل سنه عشقیم درین دیر
*

بیر سلاما دیمه دی

اوخویان : خومار قدیم اوا
شاعر: بختیار وهابزاده

*
او گون من سنی گؤردوم
سلام وئرمک ایسته دیم
اوزونو یانا توتدون
اوزونو یانا توتدون
*
سؤیله ایللردن بری
قلبیمیزین بیر ووروب
بیر دویدوغو ایللری
آخی، نه تئز اونوتدون؟
*
قوپ ای توفان، اس ای یئل
خزل اولوم تؤکولوم
نئچه واخت دیر ایلده، بسله دییم محبت
بیر سلاما دیمه دی
*
شیرین گولوشلریمیز، آجی فغانلاریمیز
بیر سلاما دیمه دی
گئتدین دالینجا باخدیم
جان آیریلدی جانیمدان
سن نئجه اعتناسیز
اؤته بیلدین یانیمدان؟
*
قوپ ای توفان، اس ای یئل
خزل اولوم تؤکولوم
نئچه واخت دیر ایلده، بسله دییم محبت
بیر سلاما دیمه دی
*
سن منه ظلم ائیله دین
منه ظولوم یاراشیر
بیر سلاما دیمه ین
عشقه اؤلوم یاراشیر
*

قادان آلیم

اوخویان: بال اوغلان اشرف اف

مندن اوزاغا گئتمه
آی قیزآی آی قیز آماندیر
باغریمی آل قان ائتمه قادان آلیم
سنی سئون منم من
آی قیز آی قیز آی قیز آماندیر
اؤزگه یه گومان ائتمه قادان آلیم

*
منه قئیقاجی باخما 
آی قیز آی قیز آی قیز آماندیر
منی یاندیریب یاخما قادان آلیم
سن سیز لیغه دؤزمه رم 
آی قیز آی قیز آی قیز آماندیر
منی یاندیریب یاخما قادان آلیم

*

آرازی آییردیلار  
آی قیز آی قیز آی قیز آماندیر
سوایله دولدوردولار قادان آلیم
من سن دن آیریلمازدیم
آی قیز آی قیز آی قیز آماندیر
ظولمونن اییردیلار قادان آلیم

*

بانا گل

اوخویان: عالیم قاسم اف
شاعر: زینال جبارزاده  

یوز قیزدان بیرین سئودیم
یولوندا جانیمی وئردیم
بانا – بانا گل قاچما گؤزل
نرده اولسان آتی چاپاریم یار
سنی تاپاریم یار
گل گؤزلیم گل یوبانما
*
داغلاردا مسکن سالا بیلیریم
قلبینی وئرسن آلابیلیریم
اؤل دئسن واللاه اؤله بیلیریم
قاچما بندن یاوروم
قاچما بندنیوسما
*
شیمشکیم داغلاردا چاپاریم
خاللاری اودونا یاخاریم
بانا – بانا گل گؤزل
نرده اولسان آتی چاپاریم
سنی تاپاریم یار
گل گؤزلیم، گل گؤزلیم، گل یوسما
*

اوجا داغلار باشیندا

اوخویان : شوکت علی اکبراوا

اوجا داغلار باشیندا سسله رم سنی
سسله رم سنی، بالا سسله رم سنی
ایکیگؤزوم اوسته بسله رم سنی
بسله رم سنی بالا بسله رم سنی
*
اوجا داغ باشیندا بیر سورو قوزو
بیر سورو قوزو بالا بیر سورو قوزو

خمار خمار سوزمک ده دیر
یاریمین گؤزو، بالا یاریمین گؤزو
*
یار گوله – گوله، یار بیله – بیله
من عاشق اولدوم بالا
بیر شیرین دیله بالا بیر شیرین دیله
*
اوجا داغلار باشیندا بیر سورو جئیران
بیر سورو جئیران بالا بیر سورو جئیران
یار آلا گؤزلرینه اولموشام حئیران
اولموشام حئیران بالا اولموشام حئیران
*

اوجا داغلار باشیندا

اوخویان : ربابه مراد اوا

اوجا داغلار باشیندا، جئیران بالالار، جئیران یارالار
جئیرانین بالاسینی ، اووچو یارالار، اووچو یارالار
من یاردان آیری دوشسم، اغیار کام آلار، اغیار کام آلار
آی گؤزل اوغلان، ائشیت بیر دایان
سئویرم سنی، عشقیمه اینان
*
یئری یئری من ده گلیم دالینجا
دسمال ائیله آپار منی یانینجا
*
وطنیم صفالی دیر باغ دی مئشه دی، باغ دی مئشه دی
سئوگیمین قلبی صاف دی سانکی شوشه دی، سان کی شوشه دی
یاردان آیری قالماق، چتین پئشه دی، چتین پئشه دی
*
آغاج اولایدیم، یولدا دورایدیم
سن گلن یوللارا، کؤلگه سالایدیم
*
یئری یئری من ده گلیم دالینجا
دسمال ائیله آپار منی یانینجا

نرگیز

اوخویان: عاشیق شاکیر  

بوردو گلدی باهار فصلی
آچیلیبدیر لالا نرگیز
آغیز سوددور، دوداق قایماق
دیلین باتیب بالا نرگیز
آی نرگیز، آی نرگیز
ای قیز، آی قیز، بالا نرگیز
*
الیمی وئرمیشم اله
جانیم قربان فتنه – فئله
شددا کیمی اینجه بئله
توت قولومدان دولا نرگیز
آی نرگیز، آی نرگیز
ای قیز، آی قیز، بالا نرگیز
*
کیپریکین گؤزه دالدادیر
قاشلارین آدام آلدادیر
زهره نین گؤزو یولدادیر
نئجه گلیم بئله نرگیز
آی نرگیز، آی نرگیز
ای قیز، آی قیز، بالا نرگیز
*
سن شاکیری کوسدورموسن
قول – قانادین سیندیرمیسان
گلیب یولون پوسدورموسان
قوی گئدیم یولا نرگیز
آی نرگیز، آی نرگیز
ای قیز، آی قیز، بالا نرگیز
*

ایلک محبّت

شاعر سلیمان رستم 
اوخویان نزاکت تیموراوا

سئوگی سیز بیر چیچک بیتمز ای کؤنول
انسان مرادینا یئتمز ای کؤنول
ندن دیر بیلمیرم گئتمز ای کؤنول
باشیمدان سئوداسی ایلک محبتین
*
بیر درده نئینه سین لقمانین الی؟
الیمه دیمه میش جانانین الی
دؤیدو قاپیمیزی هیجرانین الی
بودورمو وفاسی ایلک محبتین؟
*
من اونو سئومیشم بیر ایلک باهاردا
او منی ترک ائتدی بوران دا قاردا
هر یارا ساغالیر اونودولاردا
ساغالماز یاراسی ایلک محبتین
*

ای ساربان

 رحمت لی بؤیوک شاعر « سعدی شیرازی » نین ای ساربان شعری ترکی دیلینه چئوریلیب و تیمور مصفطی اف اوخویوب 
*
 ای ساریبان آهسته گئت، آرام جانیمدیر گئدن
یار کونلومو چکمیش منیم، روح و روانیمدیر گئدن
سعی ائیله دیم افسونیله، پونهان قیلام من دردیمی
پونهان ایشیم چیخدی اوزه، سئییلیه قانیمدیر گئدن
قالدیم بئله زار و ذلیل، بیچاره یم قلبیم علیل
دوشدوم او دیلداردان اوزاق، آسوده یاریمدیر گئدن
یوخ عهدینین بونیادی هی، بیتمز اونون بیدادی هئچ
چیخماز کونولدن یادی هئچ، ان خوش زمانیمدیر گئدن
بیر آن دایان ای ساریبان، قویما گئده بو کاروان
اول سروه اویموشدور کونول، سروی روانیمدیر گئدن
بیر دون گئری ای نازنین، گؤز مسکنین اولسون سنین
سن سیز بو سونسوز گویلره، آه و فغانیمدیر گئدن
جان ترک ائدنده جیسمینی، اینسان آچار اوز حیسسینی
یوخدی سوزون گورموش گوزوم، بو خسته جانیمدیر گئدن
سعدی سنه لایق دئییل، یاردان گیلئی ای بیوفا
چوخ گؤردوم اوندان من جفا، صبر و توانیم دیر گئدن

*

 

بیر آرزوم وار سئوگیلیم

اوخویان : نزاکت محمد اوا   
شاعر: حکیمه بلوری

بیر آرزوم وار سئوگیلیم
سئوگین اولایدیم سنین
یانلیز منه باخایدی
سنین قارا گؤزلرین
*
محبتین قورایدی
اوره ییمده آشیان
قلبیمی یارپاق کیمی
سولدورمایایدی هیجران
*
سئویدین بو دنیادا
سنی سئودییم قدر
مندن باشقا هئچ کسه
باخمایایدی او گؤزلر
*
آه بو گیزلی دردیمی
سؤیله دیم بولاقلارا
سؤیله دیم چمن لر
سؤیله دیم یاماج لارا
*

حامام

اوخویان: بابامیرزه یف

اؤلو گلر دیری گئدر حامامدا
بیر گلر بیری گئدر حامامدا
جانیمیزین کیری گئدر حامامدا
سویونموشام یوخ اوستومده خنجریم
خومارلانیم بیر دینجه لیم حامامدا
بئی اوغلویام تای دئییلم باققالا
آی کیسه چی گل بئلیمی اووخالا
وای وای وای
آخ بو نئجه گولونجدور؟
آخ بو نئجه قولونجدور؟
اؤلو گلر دیری گئدر حامامدا
بیر گلر بیری گئدر حامامدا
جانیمیزین کیری گئدر حامامدا
بس بو ندیر نه ایش دیر
*

وار گولوشونده

اوخویان: رامیز حاجی اف  

شاعر: بهرام نصیب اف
آل الوان گئییب چمن
گول آچیب تر یاسمن
سن دانیش قوی سسینی دینله ییم دویونجا من
*
یازین باهرین نفسی وار گولوشونده
سئویب سئویلمک هوسی وار گولوشونده
باخیشین جانلار آلیر، جانلار آلیر یار
عاشیقی درده سالیر، درده سالیر یار
گولوشون نغمه کیمی ، نغمه کیمی
گاه ائنیر، گاه اوجالیر، گاه اوجالیر یار
*
خلقیمین گؤزلی سن
عشقیمین ازلی سن
دویمارام سؤزلریندن
هر سؤزو مزه لی سن
*

تکجه منیم اولایدین

اوخویان: محبت کاظم اف  

شاعر: جئیلان خانیم
سن بیر دنیز اولایدین، من ساحیل ده بیر قایا
کوکره یه یدین قالایدین، سینه مه چیرپینایدین
*
نه اولایدی سئوگیلیم، باخ بئله جه قالایدین
اوزورمنی تنهالیق، تکجه منیم اولایدین
*
سن بیر چمن اولایدین، من بیر شئحلی بنووشه
سن گونشه باخایدین، من ده سنه همیشه
*