2017-07-04

سون زنگ – آقشین فاتح



ایندی حسرت له باخیب دییرم او ایل لره
سنین له قاییدایدیم او اؤتن فصیل لره
بس من نه جور باخاجام او کوهنه شکیل لره
آیرلیق دردی یامان سون زنگ
هله سوس چالما دایان سون زنگ
سئوگیمه وداع دییر سون زنگ
چالاراق صدا دییر سون زنگ
قویاراق ندا دییر سون زنگ
بیزه الوداع دییر سون زنگ
ایندی سون زنگ چالاجاق
قلبیمی غم آلاجاق
بیر یادگارقالاجاق سون زنگ
گؤزله سس سالما هله
بو آنی آلما هله 
نه اولار چالاما هله سون زنگ
هرگون چیین چیینه ، سر ساخلادیم عشقیمی
سون زنگ گونو آخیری ، ییغدیم جسارتیمی
ایسته دیم یاخینلاشیب اونا آچیم سئوگیمی
منه وئرمه دی آمان سون زنگ
و چالیندی همین آن سون زنگ
چوخ غملی ایدی او گون مکتبین دیوارلاری
هامی بیربیری اوچون یازیردی شعارلاری
کؤینک لرین اوستونه چکدی یادگارلاری
منیم سه باغریما قان سون زنگ
آیریلیق درد دی یاما سون زنگ
بیر ایکی آی اؤتدو بئله ، داها صبریم بیتدی
یازیدیم عشقیمله دولو یاره مکتوب ، یئتدی
یوخوسوز گئجه لریمین بیرینده زنگ ائتدی
بیلدیم اولماز بو زامان سون زنگ
مکتب ده قالدی چالان سون زنگ
ایندی یار زنگ چالاجاق
تلفونوم سس سالاجاق
من گئجیکسم قالاجاق سون زنگ
کیم کیمه زنگ ائله سه
اؤز سئوگیسین دیله سه
اولماسین بو هئچ کسه سون زنگ

2017-06-04

2017-01-09

آنا


آی مهربان گؤزل اینسان
سن سن آنام سن سن آنام
اوره ییمین سررینی بیل
بیر سن آنام بیر من آنام
آنا آنا گلدیم جانا
قلبیم دؤزمور بو هیجرانا
بیر گونوم سن سیز اولماسین
گل قالمیشام یانا – یانا
آیلار ایللر کئچدی یامان
آیریلمادیم سنن اینان
گل قوللاریوی سال بوینوما
سن سن بیر تک منه یانان
آنا آنا گلدیم جانا
قلبیم دؤزمور بو هیجرانا
بیر گونوم سن سیز اولماسین
گل قالمیشام یانا – یانا
آی صفالی گلشن آنا
گوللر گولسون گول سن آنا
دؤزنمه رم بیر آن سن سیز
گؤز یاشیمی سیل سن آنا
آنا آنا گلدیم جانا
قلبیم دؤزمور بو هیجرانا
بیر گونوم سن سیز اولماسین
گل قالمیشام یانا – یانا
*
اوخویان : ودود مؤذن زاده

*

آلما دره نده گللم



آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم

بیر قیز گلیر قارشیدان
عاغلیمی آلدی باشدان
منی اؤلدورسه لرده
ایریلمام قلم قاشدان
آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم
آلمانی آلدا یاریم
آل یئره سالما یاریم
ائللرده چوخ سؤز اولار
اوره یینه آلما یاریم
بیر قیز گلیر قارشیدان
عاغلیمی آلدی باشدان
منی اؤلدورسه لرده
ایریلمام قلم قاشدان

آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم
بو قیز آلمایا بنزه ر
گونشه آیا بنزه ر
گؤزلری جان آلاندی
قاشلاری یایا بنزه ر

بیر قیز گلیر قارشیدان
عاغلیمی آلدی باشدان
منی اؤلدورسه لرده
ایریلمام قلم قاشدان
آلما دره نده گللم
یئره دوشنده گللم
قیوریم – قیوریم ساچلارین
اوزونه دوشنده گللم

*
اوخویان : تقی صالح اوغلو

*

2016-12-27

یاتیبدی



نام شاعر : آیریلماز
بیر گون یولوم دوشدو مزارستانا
ائله حس ائیله دیم دوران یاتیبدی
گؤردوم انسان لاری سس سیز سمیرسیز
بیلدیم درد قورتاریب درمان یاتیبدی
سؤیکه دیم بیر داشا ناتوان دیزی
زیارت ائیله دیم آخیر اؤومیزی
گؤردوم دار قبیرده ظالیم چنگیزی 
ائیلییب دونیانی ویران یاتیبدی
ایسته دیم قاییدام ایاق دایاندی
باخدیم بیر قبیره اوره ییم یاندی
دونیانی ترک ائدیب بیر آز زماندی
یار وصلین گؤرمه میش جاوان یاتیبدی
هیرس دن دیشلریم بیر بیرین یئدی
گؤزوم گاه آغلادی گاه گولومسه دی
داشین اوستونده کی یازیلار دئدی
شاعر آستا یئری انسان یاتیبدی
ال قانا بویادی دیشیم دوداغی
هر نه دن چتین دی اولاد فراغی
گؤردوم بیر قبیرده خیردا اوشاغی
آناسیننان اوزاق گریان یاتیبدی
اویما بو دونیانین پیس مرامینا
دونیا سلیمانلار دچکمیش کامینا
یولچو طعنه وورور شاه مقامینا
آقادان یوخاری چوبان یاتیبدی
اوردا هیتلر دوروب جنایت ائتمز
یولداش یولداشینا خیانت ائتمز
یوخسوللوق بیر کسی خجالت ائتمز
توپراق ایچره هامی یکسان یاتیبدی
توپراق لار آلتیندا ارییب بدن
گلمه ییم ندن دیر گئتمه ییم ندن
بیریسی تاپمییب اوش قاریش کفن
قارانلیق مکاندا عریان یاتیبدی
اوردا نه جلاد وار نه دار آغاجی
قارداشین تانیماز اوردا خان باجی
دؤنوب یار یارینا باخماز قئیقاجی
اداسیز عشوه سیز جئیران یاتیبدی
اوردا درک ائتمه دیم پاییزی یازی
بیر یئرده قویلانیب اوغروینان قاضی
توپراغ آلتدا گؤردوم من آیریلمازی
گلیب گئتمه یینه حئیران یاتیب دی
*
اوخویان : عاشیق ممد فرزانه
*
<$BlogPageTitle$> - <$BlogDescription$>" /> < <$BlogMetaData$>