داغدان بیر قیز گیریب باغا
گزیر بویلانا – بویلانا
آلا گؤزون سولا – ساغا
سوزور بویلانا – بویلانا
ایچیب عشقین بولاغیندان
گزیر مجنون سراغیندان
هر غنچه نین بوداغیندان
اوزور بویلانا – بویلانا
آلیب کتابی الینه
باخیر هر بیر سطیرینه
آتیلیب عشقین گؤلونه
سوزور بویلانا – بویلانا
قربان قاشین قاراسینا
باخ سینه مین یاراسینا
دوشوب عشقین بلاسینا
دؤزور بویلانا – بویلانا

پنجره دن گونش کیمی
باخیر بویلانا – بویلانا
کؤنلوم ائوین یاواش – یاواش
ییخیر بویلانا – بویلانا
هردن یاد ائیلیر بیر منی
بالدان شیرین دی سؤزلری
منی گؤرنده گؤزلری
آخیر بویلانا – بویلانا
عهدینه گلمه یویدیم کاش
اودور کی قالمیشام شاش باش
کؤنلوم ائوین یاواش – یاواش
ییخیر بویلانا – بویلانا

اوخویان : عاشق سمیرا

فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
بیلمییرسن سنه هر یولدا ایشیق قیرمیزی دی
وورولوب بیر قیزا ساندیم اونو بیر اولدوزودی
سنه وئرمزله اونو چونکی او تاجیر قیزی دی
اولارین نه یینه گلیب دی فقرا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
آتاسی وئرمینجک آلینسا دا صحبتینیز
بئله حالدا قوشولوب قاچماق اولار نیتینیز
آلاجاق بیر ائوینیز واردی بؤیوک کولفتینیز
او سنینله قوشولوب قاچسین هارا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
بوغ دا ساققال دئییل کی هر دفعه چیخسین اوزووه
بئله گئتسه بیر ایله آچکی تاخارسان گؤزووه
سنه لر سوبای سان باخابیلمیرسن اؤزووه
ائولنیب جانیوی سالارسان عذابا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
گویا ائولنه نلرین ایشلری چوخ یاخجی گئدیر
ایش ده امر ائلییر ائوده شکایت ائشیدیر
بیر آیین واجبی بیر هفته لیک ارزاق ائلییر
هنرین وارسا اگر چیخ بازارا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
سن اؤزون تک کاسبی دوشمه باشقا سئودایا
سورا مجنون کیمی اوز توتمویاسان صحرایا
آپارا بیلمییب هئچ کیم اوبیرسی دونیایا
الیوین چیرکی دی بوش شئی دی پارا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
گیرنده عالی مکتبه کیمین واریدی پولو

کاسیبین بالاسی ایسه اونا باخیردی آغزی سولو
ییغدین اؤز صنعتلریوی چیخان کیمی چیخدی سویو
طلبه اولماق ایسته دین بیر آرا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
گیرنده اینوستودا چوخ کاسیب آرزوسونا چاتیر
قوتاریر اینوستودو بازاردا میوه ساتیر
آلدیغی دیپلمی دا ائوده توز ایچینده یاتیر
اوخویور اذیت چکیر بیچارا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
وار آدام چؤلده یاتیر قلیان آتش ایش سیزدیر
یوخ اونون هئچ کیمی تنها و نوازش سیز دیر
بیرجه فحله گؤتومورلر اونو ایش سیز دیر
اونا باخ شکر ائله پروردگارا فحله بابا
گئنه نولوب سنه آی بختی قارا فحله بابا
ساچی آغ بوینو بوکوک قلبی یارا فحله بابا
اوخویان : نامیق قاراچوخورلو

سنه دونیا دئسه م ، دونیا اینجییه ر
اؤزون دونیا بویو ، دونیاسان آنا
سن سیز یئتیم قالار تورپاقدا داش دا
بوتون کائناتا آناسان آنا
هردن دوشونجه لی عالم اولورسان
ناخلف ائولادا ظالیم اولورسان
هردن چشمه سن ، معناسان آنا
ایسته رم کی سندن قاباق اؤلوم من
قوی چکیم سنین یولوندا جفانی من
اؤزون چال بالا نا لای - لایی آنا
بئله تئز قوجالما آنا آماندی
آغارمیش ساچلارین نه پریشاندی
عشقین طراوتلی ، قلبین جاواندی
ساچینا یاخاسان حنانی آنا
گل ای بئیله منیم جانیمی ایسته
کمکه گلرم لاپ سون نفس ده
سن ده عکس اولونا یاخجی دا پیس ده
لکه گؤتورمه ین آیناسان آنا
آنا آنا جان آنا ، هارداسان وفاداریم
آنا آنا جان آنا گل منیم وفاداریم
نئجه مهربان دی نئجه عزیز دی
نئجه رحیم لی دی آنا اوره یی
سیندیرسان سن اونی بیل کی نادان سان
سیزلایان کاغاذدی آنا اوره یی
بؤیودور بالاسین چتین قاطاردا
هم یازین همی ده بوراندا قارداپ
آنا آنا جان آنا هارداسان وفاداریم
آنا آناجان آنا گل منیم وفاداریم
بوردا قولاغ آسین

جیران
عاراقچینین منده دی جیران
سرمیشم چمنده دی جیران
عالم گؤزله دؤنسه جیران
منیم گؤزوم سنده دی حیران
عاشقین چوخدور سنین چوخدور
کیپریین اوخدور سنین اوخدور
دردیندن من دلی یم
هئچ خبرین یوخدو سنین
گولوشوندن گولوندن
باهار اولار یاز اولار
من سنه گول دئمه نم
گولون عمرو آز اولار
گل سنه بلبل دئییم
بلبل خوش آواز اولار
عاشقین چوخدور سنین چوخدور
کیپریین اوخدور سنین اوخدور
دردیندن من دلی یم
هئچ خبرین یوخدو سنین

مارال قاچار داغ اوسته
بلبل اوچار باغ اوسته
نییه مندن کوسورسن
داغ چکیرسن داغ اوسته
گئتمه گئتمه مارالیم
نه کی دردین وار آلیم
گؤزلرینه باخماسام
گؤزلریمدن سارالیم
سئو کی سئوه ن مرد اولار
سئومیین نامرد اولار
بلبل ده گول باغیندا
بیرجه گوله بند اولار
سئوگیلینی قیناما
اینانیرسان سیناما
دولانارام باشینا
اؤزگه سینه اینانما
سنه کؤنول باغلادیم
چایلار کیمی چاغلادیم
من سنی بیر دویغو تک
اوره ییمده ساخلادیم
قوشا خالین زیل قارا
کیپلیکین ده میل قارا
اینانماسان عشقیمه
آند ایچرم ایلقارا
سئو کی سئوه ن مرد اولار
سئومیین نامرد اولار
بلبل ده گول باغیندا
بیرجه گوله بند اولار
اوخویان : ملک خانیم ایوب اوا