2009-09-30

یارالی یام

گؤزلیم سن سن
قلبیمین تاجی
گؤزومون نورو
دردین علاجی
اوجا داغ باشیندا
جئیران یول ائیلر
اؤره گین باشیندا
تیکان کول ائیلر
یارالی یام دیمه دیمه دیمه دیمه
کرنلومون بوداقین
ایمه ایمه ایمه
اوره گین یاری
گل منه ساری
تیکانی یوخ ائیله
یارامی ساری
گؤزلیم سن سن
قلبیمین تاجی
گؤزومون نوری
دردین علاجی
یارالی یام دیمه دیمه دیمه دیمه
کرنلومون بوتاقین
ایمه ایمه ایمه
اوخویان : رشید بهبود اف

2009-09-27

دوسلاریم

او خوشبخت گونلریم خوشبخت آنلاریم

بیلمه دیم نه زامان گلیب کئچدیلر

کئچدیلر وفاسیز نان کور اینسانلار

آرزومو قلبیمده سیلیب کئچدیلر

*

بس هانی قدریمی بیلن دوسلایم

دار گونده دادیما گلن دوسلاریم

بیر واخ سئوینجیمی بولن دوسلاریم

ایندی قدریمه گولوب کئچدیلر

*

نه بیر یول ، نه احوال نه بیر اومید وار

تنهالیق قوخویور گئنه نوبهار

گؤی دن غریب غریب اؤتن دورنالار

نه لری یادیما سالیب کئچدیلر


*


اوخویان : شفا خانیم

2009-09-19

ایسته ییرم گؤرم سنی


عمرون پاییزیندا سئودیم سئویلدیم
ائله بیلیرم کی ایلک باهارام من
آرخانجا سورونن کؤلگه نم سنین
هاردا قرار توتسان اوردا وارام من
سئوگییه حد قویماق دوزو گوناهدی
جاهیلین هر ایشی سؤزو گوناهدی
عشقی گوناه سایماق اؤزو گوناهدی
کیم دئییر عشقینده گوناهکارام من
اؤزون بیر عالم سن عشقین بیر عالم
سن اولان کؤنولده نه کدر نه غم
سن سیز بو دونیانین ان بدبختییم
سنین له هر زامان بختیارام من
باهار گلیر گؤی چمنه یار
ایسته ییرم گؤرم سنی
عطیر ساچیر یاسمنه یار
ایسته ییرم گؤرم سنی
اینان اویماز کؤنلوم یادا
عشقین سالیب منی اودا
گئجه یاتیب یوخومدادا
ایسته ییرم گؤرم سنی
ایسته ییرم گؤرم سنی
گؤرم سنی
عشقین وئریب قاناد منه
سن سیز یوخدور حیات منه
گؤرنده یوز یول گؤرسم گئنه
ایسته ییرم گؤرم سنی
ایسته ییرم گؤرم سنی
گؤرم سنی
صاف عشقینده جوشورام من یار
ایسته ییرم گؤرم سنی
خیالیندا اوچورام من یار
ایسته ییرم گررم سن
اینان اویماز کؤنلوم یادا
عشقین سالیب منی اودا
گئجه یاتیب یوخومدا دا
ایسته ییرم گؤرم سنی
ایسته ییرم گؤرم سنی
گؤرم سنی
*
اوخویان : زینب خانلار اوا
*

2009-09-06

دوشمویه جم یادینا
چیخ گئت یالواریرام هارایا چیخ گئت
یوخسا یوک اولارام آدینا سنین
اؤزومه درد اولار بو ایسته دیغیم
من چاتا بیلمه رم دادینا سنین
بو حسرت قلبیمی سیخاناجاق دیر
بیر ساباح ائویمی ییخاناجاق دیر
چتینی قاپیدان چیخاناجاق دیر
سونرا دوشمویه جم یادینا سنین
دردلریم چوخالار یاشیمین اوسته
هر گون یازاجام یادینا سنین
اوستون دومان اولا باشیمین اوسته
من گئنه یاناجام اودونا سنین
من سنی سئودیغیم اوچون
بوتون جنایتلری اوزریمه گؤتوردوم
اما منیم ان بؤیوک جنایتیم
سنی سئومه ییدی
اوخویان : علی کرم بایرام اف
*

2009-09-02

صداقتیم وار

صداقتیم وار
من سئودیم سن سئومه دین ، قوی بئله اولسون
سنه سؤز دئمه یه ، نه جراتیم وار
اوره ک اؤزووین دی ، اؤزون بیلیرسن
منیم سه عهدیمه ، صداقتیم وار
من تک سئون هانی ، سنی دونیادا
باشیمدان چیخماییر منیم بو سئودا
اؤلسم ده آچمارام سرریمی یادا
منیم چوخ دؤزوملو محبتیم وار
یاخشی تانیمیرسان ، منی هله سن
یار سالدین عاشیقی ، بیردن دیله سن
نئینه ییم من بئله ، سن ده ائیله سن
منیم سه عهدیمه صداقتیم وار
من تک سئون هانی ، سنی دونیادا
باشیمدان چیخماییر منیم بو سئودا
اؤلسم ده آچمارام سرریمی یادا
منیم چوخ دؤزوملو محبتیم وار
ایلک باهاردا گؤیدن ، دولو تؤکمه سین
سون باهاردا آچسا ، چیچک چتین دیر
تنها قاییت یان آلمامیش ساحیله
قوپسا طوفان قالخسا کولک چتین دیر
شیمشک گئجه ایشیقلادار دنیزی
یولچو سئچر اؤز یئرینی یولونو
قایا قوپسا قایا توتار یئرینی
سینسا شیشه ، دونسا اوره ک چتین دیر
یاراتماق دان نه آغیرلاش نه اوسان
ای حسین کیم یازار سن یازماسان
یوزدن واللاه یوزو آشماق دا آسان
بیر قانمازا بلی دئمک چتین دیر
من تک سئون هانی ، سنی دونیادا
باشیمدان چیخماییر منیم بو سئودا
اؤلسم ده آچمارام سرریمی یادا
منیم چوخ دؤزوملو محبتیم وار
اوخویان : تیمور مصطفی اوف
<$BlogPageTitle$> - <$BlogDescription$>" /> < <$BlogMetaData$>