تبریز حسرتی

جان تبریزیم گولسون اوزون ، گلمیشم
سورونموشم دیزین - دیزین گلمیشم
آنام باجیم ، جانیم گؤزوم ، گلمیشم
تبریز سنین قوناغینام بو آخشام
*
قوینونا آل لای لایی چال یاتیتدیر
سئوینجینی گیله - گیله دامیزدیر
گؤروم آخی بو شکردی یا دوزدور
تبریز سنین قوناغینام بو آخشام
*
گوللرینی دسته - دسته اوزوم من
شهریارین مزارینا دوزوم من
قوی اوخشاییم اؤپوم سنین گؤزوندن
تبریز سنین قوناغینام بو آخشام
*
ائل گؤلوندن چکنمیرم گؤزومو
نغمه دئیر لپه لرین دوزومو
گول اوزونه سؤیکه میشم اوزومو
تبریز سنین قوناغینام بو آخشام
*
آیریلیغین باغرینا اوت سالمیشام
آدین منه ایمان اولوب دین اولوب
سنی آنیب آغلادیغیم گون اولوب
شوکور آللاه آرزولاریم چیل اولوب
تبریز سنین قوناغینام بو آخشام
*
اوخویان : یعقوب ظروفچی

*

بیاض گئجه لر

بیاض گئجه لر
گؤروشدوم یاریملا بولاغ باشیندا
اولدوزلو گئجه ده آی ایشیقیندا
دانیشدیق اوره کدن دونیالار قدر
سیرداش اولدو بیزه بیاض گئجه لر
*
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیزداش اولدو بیزه بیاض گئجه لر
*
اؤپمه ک ایسته دیم من آل یاناقیندان
ثارا گؤزلریندن ، بال دوداغیندان
چکیلدی کنارا ، اوزوندن کرد
سیزدن اوتاندی او بیاض گئجه لر
*
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر
*

دوتدوم اللریندن آچدیم قلبیمی
آخیر بیان ائتدیم محبتیمی
یاشالدی گؤزلری بورولدو قه هر
شاهیددی سئوگیمه بیاض گئجه لر
*
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر
*

اوخویان : یعقوب ظروفچی - زینب خانلار اوا

سلام گتیرمیشم

سیزه سلام گتیرمیشه م

سرین سولو بولاقلاردان بولاقلاردان
یاشیل باشلی بوداقلاردان بوداقلاردان
لاله رنگی یاناقلاردان
گول سوزولن دوداقلاردان
سیزه سلام سیزه سلام گتیرمیشم
قطار قطار درنالاردان
یاشیل باشلی سونالاردان هی
آذربایجان دیاریندان
کوراوغلونون نیگاریندان
سیزه سلام سیزه سلام گتیرمیشم
قوچ نبی نین هجریندن هجریندن
ستارخانین هنریندن هنریندن
بهرنگینین شهریندن
دان اولدوزون سحریندن
سیزه سلام سیزه سلام گتیرمیشم
اوخویان : یعقوب ظروفچی

آی اوشاقلار ال اله

آی اوشاقلار ال اله
آي اوشاقلار ال اله

ال اله وئرين گئدك آرزو گيله

آرزو گيل بيز دن كوسوپلر ، بيليريك
بو زامان بيز ال اله وئر مه لييك

اونلاري قايتارماغا گئتمه لييك

قوجالار ديللنسه لر باش وئرمه يين
گئجه نين قفل لارين آچين گلين

بير گئجه آي چيخاندا بيز چيخاريق

سئل تكين بولكه لي داغدان آخاريق
دوشمانين ائو جييگينه اود ياخاريق
آي اوشاقلار ال اله

ال اله وئرین گئدک آرزو گیله
شاعر : عليرضا نابدل - اوختاي
اوخویان : یعقوب ظروفچی

یاغما یاغیش

ياغما ياغيش

بو گونلريم گؤروشه ته له سيرم

ياغما ياغيش ياغما ياغيش

منيم ياريم چوخدان گؤزله يير

ياغما ياغيش ياغما ياغيش

ياغيش ياغير اينانيرام ياريم گؤزله يير مني

منيم ياريم وفاليدير يقين گؤزله يير مني

ياخينلاشيب گؤروش يئرينه

اينانميرام گؤزلريمه

اوره ييم گؤروشه چيرپينير

ته له سير گؤروشلرينه

گوروب مني قاچير يانيما

دويونجا باخيرام ياريما

اللريني برك برك سيخيرام

ساچلاريني تومارلاييرام

منيم ياريم چوخدان گؤزله يير

ياغما ياغيش ياغما ياغيش

خواننده : يعقوب ظروفچي

تویلار مبارک

تویلار مبارک
تویو باشلیرام سازینان
شیرین شیرین آوازینان
گلین گلیری نازینان
تویلار مبارک مبارک بادا
ای گولو ریحان ، ریحان بیچه ره م من
عروس یولوندا جاندان گئچه ره م من
...
نه گؤزلدیر بیزیم داماد
همیشه اولا گؤنلو شاد
ائوی اولا دائم آباد
تویلار مبارک ، مبارک بادا
ای گولو ریحان ، ریحان بیچه ره م من
داماد یولوندا ، جاندان گئچه ره م من
...
چکیلین عروس یئریسین
شوقو ائیوانی بوروسون
دئیینه ن دیلین قوروسون
تویلار مبارک ، مبارک بادا
ای گولو ریحان ، ریحان بیچه ره م من
داماد یولوندا ، جاندان گئچه ره م من
...
عروس گولدور یاناقلارین
گولدن گؤزل دوداقلارین
خوش گلیبدیر فوناقلارین
تویلار مبارک ، مبارک بادا
ای گولو ریحان ، ریحان بیچه ره م من
عروس یولوندا ، جاندان گئچه ره م من
...
بازاردان آلدیم قازانی
او قازانی بو قازانی
ساغ اولسون اوغلان دوغانی
تویلار مبارک ، مبارک بادا
ای گولو ریحان ، ریحان بیچه ره م من
داماد یولوندا جاندان گئچه ره م من
...
بازاردان آلدیم سئینی
او سئینی ، بو سئینی
خوش گلیب آقا قئیینی
تویلار مبارک ، مبارک بادا
ای گولو ریحان ، ریحان بیچه ره م من
عروس یولوندا ، جاندان گئچه ره م من

اوخویان : یعقوب ظروفچی