2016-08-18

قارداش


نئیله ییم دردینه تاپمادیم علاج
یاناردیم گؤزومو وئره ردیم قارداش
بیلسه یدیم علاجین گؤزلریمیدی
چیخاریب گؤزومو وئره ردیم قارداش
*
اؤلدو آرزولاریم آخیتاریم نه یی
وار فانی دونیانین مین جور کله یی
من توتا بیلسه یدیم ظالیم فلکی
اونو اللریمله دیده ردیم قارداش
چیخاریب گؤزومو وئره ردیم قارداش
*
عزیزیم داشا دوشر
قار یاغار داشا دوشر
قارداشین مشکل ایشی
گئنه قارداشا دوشر
*
بیر قوش اوچور آغ داش دان
خبر وئریر قارداش دان
دؤنسه باجی باجی دان
دؤنمز قارداش قارداش دان
*
قارداش کیشمیش کیمی دیر
جیبه دوشموش کیمی دیر
قارداشی اولمویانلار
ائل دن کوسموش کیمی دیر
*
آد اوستونده آدیم وار
دام اوستونده دامیم وار
گل قاپیمی آچ قارداش
دئسینلر آدامیم وار
*
گؤز یاشلاری یولوندا قالاجاق
ناله چکیب ساچلارینی یولاجاق
آنام سنی اوردا گؤرسه یاناجاق
سیغماز یئره - گؤیه دردیم قارداش
*
ماتم توتوب آلیشام یانام
گؤزلریم قاناراوره ییم یانار
یاخشی کی بو گونو گؤرمه دی آنام
چکدیغی فریادلارگؤردیم قارداش
*
اوخویانلار : الناره عبدالعلی اوا - پونهان اسماعیلی

<$BlogPageTitle$> - <$BlogDescription$>" /> < <$BlogMetaData$>