اکی شیرازی

اوخویان : فیروز حسین زاده

آغلارام دالینجان اورک دولونجان
یانارام اودونا منیم اولونجان
کسرم یولونون اوستونو هر گون
سو سپه رم هر گون یولا بویونجان
*
اکی اکی اکی اکی قند شیرازی
اکی اکی اکی اکی آز ائله نازی
*
گؤزلری گؤیچک، لب لری چیچک
هامی منه دئییر، گل بوندان ال چک
ال چکه بیلمیرم، اخلاقی گؤیچک
*
اکی اکی اکی اکی قند شیرازی
اکی اکی اکی اکی آز ائله نازی
*
اکی عاشق اولدوم سنی گؤرندن
آللام خبرین، گؤروب بیلندن
سندن آیریلالی گول تک سولموشام
قیز عطرینی آللام گول و چمن دن
*
اکی اکی اکی اکی قند شیرازی
اکی اکی اکی اکی آز ائله نازی
*
انتظار اولوب یولوندا دوررام
گلسن باشیوا دوروب دولاننان
عشقینده آی قیز گول کیمی سوللام
*
اکی اکی اکی اکی قند شیرازی
اکی اکی اکی اکی آز ائله نازی
*

بیزیم ائلین نغمه لری

 ملان

عکسیوی وئر منه مدال ائیلییم
اوّل کی سئوگیمه جاواب ائیلییم
قالدیم ایکی یولدا آخی بس نئینییم
*
بیر دونوم وار چین – چینی
نئینیرم من سئوگینی
الیمده توتموشام
تبریز گؤورچینی
*
قره کت – شالوارین لکه سین آللام
او قارا گؤزلرین قاداسین آللام
سن گئتسن من نئجه تک یالقیز قاللام
*
دیب قاپینی دؤورلر
قارا قیزی سئوه رلر
اوغلان دوشمه دالیمجان
مزاحیمی دؤورلر
*
گولوستان باغینین گؤلونده سیم وار
ملان نان سوروشدوم ائویزده کیم وار
ائوی خلوت ائیله سنه سؤزوم وار
*
قارا باشیوی هؤروم
گلیم قاپیوی گودوم
هامی سئویر یارینی
من ده ملانی سؤووم
*
داغلاردا مئشه لرده
می قالدی شیشه لرده
هامینین یاری گلدی
منیم کی کوچه لرده
*
دیب قاپی دربندده دی
قیزیل گول پیوندده دی
ملانا سؤز دئمیون
سئوگی سی غربت ده دی
*
ساماوار آلمیشام شیری اؤزوندن
سنی چوخ ایسته رم ایکی گؤزومدن
کوسمه گلناز گؤزل یاریم سؤزومدن
*
میز اوسته نار قویموشام
آغلامیشام دویموشام
سیز آللاه قینامیون
ملان نان آیریلمیشام
*
دستبندیم قیزیل دی مدالیم الماس
فامیل فامیل اولسا قیز ائوده قالماز
گئدر او گؤزل لیک سنه ده قالماز
*
میز اوسته ایپک خالچا
کیم قاتییا کیم اچا
قوربانام او سئوگیه
گولدوره گؤیلوم آچا
*
اوخویان: اعظم جمالی
*

احد ماهنی سی

احد منه آلیب گوموشدن الجک
هامی دئییر آی قیز احددن ال چک
یوخدو بو دنیادا، احددن گؤیچک
*
احد آغلاما بسدی
کمر بئلیمی کسدی
ائشیتدیم ائوله نمیسن
احد بو غصه منه بسدی
*
قاپی قاپیه باخار
قنوولاردان سو آخار
او قاش گؤز کی سنده وار
هامی دالینجان باخار
*
احدین الینده بیر گول اولئیدیم
الینده سارالیب، الینده سولئیدیم
او جیران گؤزلری بیرده گؤرئیدیم
احد گلن یوللارا قربان اولئیدیم
*
دربند باشین کسرم
سندن اؤتور اسه رم
دوسه لراحد گلیر
اونا قربان کسه رم
*
پنجره ده پرده من
دوشدوم یامان درده من
سالمیسان عشق اودونا
یاتانمیرام بیرده من
*
احدین ماشینی چمنی رنگدی
اؤزو قارا قاش گؤز، انلی کورک دی
منی آتیب گئدیب نه داش اوره کدی
*
احد گل گئداخ بیزه
بئله بیزیم ائومیزه
گونوم او گون اولئیدی
گلین گلئیدیم سیزه
*
ایاغیوی قوی کرپیجه
دوواردان آش گل بیزه
گونوم او گون اولئیدی
من ده گلئیدیم سیزه
*
الینده گولومو قویدوم گلدانا
الیم یئتیشمیری قویام ائیوانا
احدین عشقینن گلمیشم جانا
*
الین ویردی الیمه، احد اللره قربان
یاناکی گئدن، تئللره قربان
*
قاپی قاپیه باخار
قنوولاردان سو آخار
او قاش گؤز کی سنده وار
هامی دالینجان باخار
*

اوخویان: رضا رضوی
 

 

قاراگیله

گلمیشم اتاقینا اویادام سنی

قاراگیله، اویادام سنی

نه گؤزل خلق ائیله میش یارالدان سنی

قاراگیله، یارادان سنی

گؤتوروب من قاچارام آرادان سنی

قاراگیله، آرادان سنی

قیزیل گول اسدی، صبریمی کسدی

سیل گؤزون یاشین قاراگیله،آغلاما بسدی

*

تبریزین کوچه لرین دولان با دولان

قاراگیله، دولان با دولان

اگر منی سئومیرسن، گئد آیری دولان

قاراگیله، گئد آیری دولان

نه منه قیز قحط دی نه سنه اوغلان

قاراگیله، نه سنه اوغلان

آغاج اولایدیم، یولدا دورایدیم

سن گلن یولا، قاراگیله کؤلگه سالایدیم

*

ائویمیزین قاباغی سو گلن آرخدی

قاراگیله، سو گلن آرخدی

دوروم چیخیم کوچویه، یارگلن واخدی

قاراگیله، یار گلن واخدی

یاریم گلیب چیخماییب اوقاتیم تلخدی

قارا گیله، اوقاتیم تلخ دی

دربند آرالی، کؤنلوم یارالی

بیر یار سئومیشم، قاراگیله، تبریز مارالی

بیر یار سئومیشم قاراگیله، تبریز مارالی

*

او قدر من آغلارام دریالار دولا

قاراگیله، دریالار دولا

گوموش پیاله لر مئی ایله دولا

قاراگیله، مئی ایله دولا

او قدر صبر ائیله رم، یار منیم اولا

قاراگیله، یار منیم اولا

الینده لاله گئتمه خیاله

گل بیز یالواراق قاراگیله،  پروردگاره

*

گلمیشم اتاغینا یئرینی سالام

قاراگیله، یئرینی سالام

یئر سالماق بهانه دی یانیندا قالام

قاراگیله، یانیندا قالام

اگر قیسمتیم اولسا من سنی آلام

قاراگیله، من سنی آلام

دریا درین دی سویو سرین دی

غصه ائیله مه قاراگیله ، آللاه کریم دی

*

سئوگیلیم دوروبدو میار میار دا

قاراگیله، میار میاردا

الینده نه سنه سی فکر و خیال دا

قاراگیله، فکر و خیال دا

آللاه منی اؤلدورمه او به ی دوراندا

قاراگیله، او به ی اولاندا

داغلار مارالی گزمه آرالی

سنی سئویرم قارا گیله، تبریز مارالی

*

میار میار : نام محله ای در تبریز

تویوق توتان

منیم تویوغوم چیل چیلیدی
تویوق دئییلدی بلبلودو
آدام کیمی دیل بیلیدی
سنی یاناسان تویوق توتان
اولدالاناسان تویوق توتان
..
منیم تویوغوم آغیدی
دریسی دولو یاغیدی
دونه ن بوزامان ساغیدی
یاندیم یاناسان تویوق توتان
اودلاناسان تویوق توتان
..
مشه جاواد چیخدی داما
باخدی سولا باخدی ساغا
تویوغو چالیب آخدی داما
سنی یاناسان تویوق دوتان
اودلاناسان تویوق توتان
..
منیم تویوغوم تاوادا
اییسی گلیر هاوادا
گئدین دئیین مش جاوادا
آخ یاناسان تویوق توتان
اودلاناسان تویوق توتان
نئجه کی من یانیرام
سنی یاناسان تویوق توتان
اودلاناسان تویوق توتان
ائل ماهنی سی

من بیر گؤوه رچین اولسام

من بیر گؤوه رچین اولسام
گؤیلره اوچسام نئینه رسن ؟
یا بیر قیزیل گول اولسام
سنی یاندیرسام نئینه رسن ؟
*
سن بیر قیزیل گول اولسان
منی یاندیراجاق اولسان
من بیر بالا جئیران اولسام
داغلارا قاچسام نئینه رسن ؟
*
سن بیر بالا جئیران اولسان
داغلارا قاچاجاق اولسان
من بیر ماهیر اووچو اولسام
سنی اوولاسام نئینه رسن
*
سن بیر ماهیر اووچو اولسان
منی اوولامالی اولسان
من بیر نار آغاجی اولسام
باغلاردا بیتسه م نئینه رسن ؟
*
سن بیر نار آغاجی اولسان
باغلاردا بیته جک اولسان
من بیردانا باغبان اولسام
ناریوی درسه م نئینه رسن ؟
*
سن بیر دانا باغبان اولسان
ناریمی دره جک اولسان
من بیر اووج داری اولسام
یئره سپیلسه م نئینه رسن
*
سن بیر اووج داری اولسان
یئره سپیله جه ک اولسان
من بیر دانا تویوق اولسام
سنی دنله سه م نئینه رسن ؟
*
سن بیر دانه تویوق اولسان
منی دنله یه جه ک اولسان
من بیر قیزیل آلما اولسام
صاندیغا گیرسه م نئینه ر سن ؟
*
سن بیر قیزیل آلما اولسان
صاندیغا گیره جه ک اولسان
من بیر دسته آچار اولسام
صاندیغی آچسام نئینه رسن ؟
*
سن بیر دسته آچار اولسان
صاندیغی آچاجاق اولسان
من بیر بالا گلین اولسام
صاندیقدان چیخسام نئینه رسن ؟
*
سن بیر بالا گلین اولسان
صاندیقدان چیخاجاق اولسان
من بیر بابیگ اوللام
یانیندا دوررام نئینه رسن ؟؟؟
*

قارا گیله

قاراگیله

گلمیشم اوتاغینا اویادام سنی قارا گیله ؛ اویادام سنی
نه گوزل خلق ائیله میش یارادان سنی قارا گیله ؛ یارادان سنی
گوتوروب من قاچارام آرادان سنی قارا گیله ، آرادان سنی
قیزیل گوله اسدی صبریمی کسدی
سیل گوزون یاشین ، قارا گیله آغلاما بسدی
*
تبریزین کوچه لری دولان با دولان قارا گیله دولان با دولان
اگر منی سئومیرسن ، گئت آیری دولان قارا گیله گئت آیری دولان
نه منه قیزی قحط دیر ؛ نه سنه اوغلان قارا گیله ، نه سنه اوغلان
آغاج اولایدیم یولدا دورایدیم
سن گلن یئره قارا گیله کولگه سالایدیم
*
ائویمیزین قاباغی سو گلن آرخدی قارا گیله ، سو گلن آرخدی
دوروم چیخیم ایوانا ، یار گلن واختدی قارا گیله ؛ یارگلن واختدی
یاریم گلیب چیخماییر ، اوقاتیم تلخدی قارا گیله اوقاتیم تلخدی
در بند آرالی کونلوم یارالی بیر یار سومیشم ، قارا گیله ائللر مارالی
*
ماهنی : داود محمد بیکف

قاین آنا

قئین آنا 
مینه رم آق گئچییه
گئده رهم بازارچییه
آلارام قارا بدیمجان
سالارام یئتیمچییه
*
یئتیمچه پیققیلدیری
قئینانام زیققیلدیری
باشی گورا تیتیریر
ارلمور یاخام قورتولا
*
گئدیرم آش گؤی آلام
گتیرم آش پیشیرم
قئینانام ناخوشلویوب
اونا بیر درد پیشیرم
*
قئینانام چوخ چای ایچیر
قورخورام قند قورتولا
باشی گورا تیتیریر
اؤلمور یاخام قورتولا
*
قاینانام هلله نیری
نه ده هدیکلنیری
منی آج ساخلییری
اؤزو شام دردلنیری
*
کردیده مرزه قئینانا
دانیشما هرزه قئینانا
اوغلون ووروب باشیم سینیب
دور گئداغ ارزه قئینانا
*

بو قئینانا بایاتیلارینی دا پیمان وقاری - دالغالار وبلاکیندان یازمیشام

قئینانام چؤرک یاپیر

اوزو قاپییا باخیر

قوزخورام بیر سؤز ائیه م

ایت کیمی منی قاپیر

*

قئینانامین آدین قویدوم سکینه

ناخوشلادی آپاردیلار حکیمه

قارقیشلادیم بیرداها قاییتمییا

حکیم دئدی سال قویونون تکینه

*

بو بایاتینی دا ماوی یوللامیشدی

مینرم آغ ماشینا

چیخارام داغ باشینا

توتارام قئینانامی

داشی ساللام باشینا