بیزیم ائلین نغمه لری

 ملان

عکسیوی وئر منه مدال ائیلییم
اوّل کی سئوگیمه جاواب ائیلییم
قالدیم ایکی یولدا آخی بس نئینییم
*
بیر دونوم وار چین – چینی
نئینیرم من سئوگینی
الیمده توتموشام
تبریز گؤورچینی
*
قره کت – شالوارین لکه سین آللام
او قارا گؤزلرین قاداسین آللام
سن گئتسن من نئجه تک یالقیز قاللام
*
دیب قاپینی دؤورلر
قارا قیزی سئوه رلر
اوغلان دوشمه دالیمجان
مزاحیمی دؤورلر
*
گولوستان باغینین گؤلونده سیم وار
ملان نان سوروشدوم ائویزده کیم وار
ائوی خلوت ائیله سنه سؤزوم وار
*
قارا باشیوی هؤروم
گلیم قاپیوی گودوم
هامی سئویر یارینی
من ده ملانی سؤووم
*
داغلاردا مئشه لرده
می قالدی شیشه لرده
هامینین یاری گلدی
منیم کی کوچه لرده
*
دیب قاپی دربندده دی
قیزیل گول پیوندده دی
ملانا سؤز دئمیون
سئوگی سی غربت ده دی
*
ساماوار آلمیشام شیری اؤزوندن
سنی چوخ ایسته رم ایکی گؤزومدن
کوسمه گلناز گؤزل یاریم سؤزومدن
*
میز اوسته نار قویموشام
آغلامیشام دویموشام
سیز آللاه قینامیون
ملان نان آیریلمیشام
*
دستبندیم قیزیل دی مدالیم الماس
فامیل فامیل اولسا قیز ائوده قالماز
گئدر او گؤزل لیک سنه ده قالماز
*
میز اوسته ایپک خالچا
کیم قاتییا کیم اچا
قوربانام او سئوگیه
گولدوره گؤیلوم آچا
*
اوخویان: اعظم جمالی
*

گلمدی

 گلمدی

بو داغدا جئیران گزه ر
آیاقین داشلار ازه ر
من یارا نئینه میشم
یار مند ن کنار گزه ر
*
جئیرانین ، ترلانیم
هاردا قالدی گلمدی
واخ قارالدی گلمدی
*
قیزیل گول اویوم اویوم
دریم قوینووا قویوم
هاوا یاغلار یئر دویماز
من سندان نئجه دویوم
*
جئیرانیم ، ترلانیم
هاردا قالدی گلمدی
قاش قارالدی گلمدی
*
قیزیل گولم در منی
مخمر اوسته سر منی
بی وفا یار الیندن
دوندوم اولدوم ارمنی
*
جئیرانیم ، ترلانیم
هاردا قالدی گلمدی
قاش قارالدی گلمدی
*
قیزیل گول اولمویایدی
سارالیب سولمویایدی
بیر آیریلیق بیر اؤلوم
دونیادا اولمویایدی
*
جئیرانیم ، ترلانیم
هاردا قالدی گلمدی
قاش قارلادی گلمدی
*
قیزیل گولو ده ره رلر
مخمر اوسته سرهر لر
خئیری اولسون او قیز کی
سئودیگینه وئره ر لر
*
جئیرانیم ، ترلانیم
هاردا قالدی گلمدی
قاش قارالدی گلمدی
*
اوخویان: رشید بهبوداف
*

کوچه لریه سو سپمیشم

 کوچه لره سو سه پمیشم

کوچه لره سو سه پمیشم

یار گلنده توز اولماسین

ائله گلسین ائله گئتسین

آرامیزدا سؤز اولماسن

*

ساماوارا اوت سالمیشام

ایستیکانا قند سالمیشام

یاریم گئدیب تک قالمیشام

نه عزیزدیر یارین جانی

نه شیریندیر یارین جانی

*

ساماواری آلیشدیرین

ماشا گه تدیم قاریشدیرین

کوسولویوخ بارشدیرین

نه عزیزدیر یارین جانی

نه شیریندیر یارین جانی

*

پیاله لر ایره فده دیر

هر بیری بیر طرفده دیر

گؤرمه میشم بیر هفته دیر

نه گؤزلدیر یارین جانی

نه شیرین دیر یارین جانی

*
اوخویان: رشید بهبوداف
*

باغیمدا اوزوم قالدی

باغیمدا اوزوم قالدی

باغیمدا اوزوم قالدی  
یئمه دیم گؤزوم قالدی  
ایکی عمی قیزی دان
بیرینده گؤزوم قالدی
*
آیاغیندا مسی وار مسی وار
قیزیلدان دویمه سی وار  
قویمور گئدم یانینا
بیر ظالیم ننه سی وار
*
عزیزیم گولون یانسین
بوتادا گولون یانسین
منی یاردان ائدنی
آغزیندا دیلین یانسین
*
بو دره دن غاز گئده
قاققیلداشار تئز گئده
تانریا روامی دیر؟
دول کیشییه قیز گئده
*
عزیزیم تزه قاری
داغلارین تزه قاری
آروادی دئیینگن کیشینین
سققلی تئز آغاری
*
عزیزیم بو داغا
ائل کؤچوبدور بو داغا
ائله کی من دؤزورم
هئچ کیم دؤزمز بو داغا
*
اوخویان: رشید بهبود اف
*

سئوگیلیم

 سئوگیلیم

گئنه بو سن سیز گئجه لر
نه حالدیام کیم نه بیلیر
گؤزوم دولو حالیم یاماندی
هایانداسان سئویگیم
هایانداسان، گؤز به به ییم
گل منی تک قویما آماندی
گئنه اسیر پاییز یئلی
آز قالیرام اولام دلی
اوشویورم قوجاخلا منی
کیمسه منی سالمیر یادا
دونیا منی اونوتسادا
سن بو گئجه سراغلا منی
سئوگیلیم
آدینی سسلیرم، اینان یانیر دیلیم
گؤزلرینی نئجه خیالیمدان سیلیم
سئوگیلیم
نئجه تامارزیدی اللرینه الیم
باری دئی هارداسان اؤزوم دوروم گلیم
سئوگیلیم
قالیب دوداغیمدا سؤزوم
قالیب اینتیظاردا گؤزوم
بیر آز ایشیق گتیر منی
آل گئجه دن دان اولدوزوم
آغیر – آغیر کئچر زامان
نفس منه یئتیر آمان
هر گئجه سن سیز اؤلورم
اینان سئودیگیمه اینان
*
اوخویان: علی پُرمهر
*

بالاجا مرضیم

شعر: رافیق اقدمی
اوخویان: تقی صالح اوغلو

آتانین بیردنه سی
آنانین گؤزگیله سی
سن ننه مین نوه سی
منیم بالاجا مرضیم
منیم بالاجا مرضیم
*
وئردیم سنه آدیمی
جانیمی حیاتیمی
سنله تاپدیم دادیمی
منیم بالاجا مرضیم
منیم بالاجا مرضیم
*
گئجه مین سن آیی سان
قلبیمین سسرایی سان
تانریمین گول پایی سان
منیم بالاجا مرضیم
منیم بالاجا مرضیم
*
داغیم، دوزوم، چمنیم
سمنیم، یاسمنیم
یئملیم سن، یئملیم
منیم بالاجا مرضیم
منیم بالاجا مرضیم
*
سنه حئیران اولارام
بؤیو قربان اولارام
تویونا دک قالارام
منیم بالاجا مرضیم
منیم بالاجا مرضیم
*
گوللو باهاریم منیم
باغیمدا باریم منیم
دولتیم واریم منیم
منیم بالاجا مرضیم
منیم بالاجا مرضیم
*
آرزومون سن آرزوسو
حیاتیمین روزوسو
سن ننه مین قوزوسو
منیم بالاجا مرضیم
منیم بالاجا مرضیم
*