2009-02-23

آغارما ساچیم

جوانلیقین محبتینه عشقینه
اغارما آی ساچلاریم آی آماندیر
عهد و پیمان صداقتین عشقینه
آغارما آی ساچلاریم آی آماندیر
حاق عاشیقی یارالیدیر غم چکه
اوره گیمه سالار قارا خال لکه
سنی آند وئریرم صاف ویجدانا مسلکه
آغارما آی ساچلاریم آی اغارما
آغارتیرام آغ ساچلاریم بیر یانا
گئنج لیک گئتدی اولدوم دلی دیوانا
دئیه جکلر دؤزه نمدی زیندانا
آغارما آی ساچلاریم آی آغارما
اوخویان : نازپری دوستعلی اوا

2009-02-10

دینه بیلمه دیم


ایلک دفعه ساحیلده ، گؤردوم اونو من
بیر گیزلی اوشوتمه ، کئچدی قلبیمدن
اوزونو توتموشدو ماوی خزره
او دنیزه باخدی ، من او گؤزلره
دینمک ایسته دیم ، دینه بیلمه دیم
دینه بیلمه دیم ، نه ائدیم بیلمه دیم
دولاندی باهار یای ، دولاندی پاییز
فیکریمدن سیلینیب ، گئتمه دی او قیز
آرادیم من اونو باغدا باغچادا
حسنونو هر زامان سالارام یادا
گؤرمک ایسته دیم ، گؤره بیلمه دیم
گؤره بیلمه دیم ، نه ائدیم بیلمه دیم

من تویا چاغریلدیم ، بیر آخشام چاغی
بئزه نیب گولوردو قوناق اتاغی
گؤره نده قاییتدیم ، من او گؤزلی
آغ لباس گئیمیشدی ، او گؤزل پری
دینمک ایسته دیم ، دینه بیلمه دیم
دینه بیلمه دیم ، نه ائدیم بیلمه دیم
اوخویان : تیمور مصطفی اف

2009-02-07

آمان یاریم

آمان یاریم
اوجا داغلار اوجا داغلار باشیندا
بیر یار سئودیم ، تیرمه شال وار باشیندا
عیبی یوخدو کیپریکینده قاشیندا
آمان جانیم ای ، گؤزل یاریم ای ، گول یاریم
کوسدورموسن گل کؤنلومو ای آل یاریم
سینه مرمر ، حلقه زولفلر ، دیل خامه
سنی گؤرن عاشق اولوب آواره
کؤمور ساچلارینی آتیب هر یانه
آمان جانیم ، گؤزل یاریم ای ، گول یاریم
کوسدورموسن ، گل کؤنلومو آل یاریم
اوخویان - سکینه اسماعیل اوا

2009-02-04

جانیم قربان

جانیم قربان محبتلی اینسانا
گؤروب بو حالیمی منه یانانا
خبر وئرین او انصاف سیز یاریما
ساغالماز یارالار ووردو جانیما
دونیانین آخیری فانی اولاندی
اینسان عمرو گول تک آچیب سولاندی
انصاف سیز صبریمی الدن آلیبدی
هجرانی ساغالماز درده سالیبدی
حسرتی بولود تک اوستومو آلدی
گناهیم نه ایدی اودلارا سالدی
کؤنلومون گلشنی سولدو سارالدی
قلبیمین بلبلو قفس ده قالدی
عاشقین گؤزلری دائم قان آغلار
چونکو اوره گن عشقی اونو داغلار
محبتی جانیمین همدمیدی
بو هم سئوینجی همی ده غمیدی
اگر عاشق لیق ائتسئیدین
بیلردین بو نه عالمدی
دونیانین آخیری فانی اولاندی
اینسان عمرو گل تک آچیب سولاندی
انصاف سیز صبریمی الدن آلیبدی
هجرانی ساغالماز درده سالیبدی
اوخویان : بال اوغلان

2009-02-02

اوینا گولوم اوینا

اوینا گولوم اوینا
یار یارین درده سالماز
اوینا گولوم اوینا
سالسادا یادا سالماز
اوینا گولوم اوینا
وفالی یا جان قربان
اوینا گولوم اوینا
وفاسیز گئدر قالماز
اوینا گولوم اوینا
اوزونده خالین آی قیز
خوشدور جمالین آی قیز
اؤلدوردو نازین منی
نه دیر خیالین آی قیز
بو مئشه مئشه دئییل
اوینا گولوم اوینا
گولو بنووشه دئییل
اوینا گولوم اوینا
سئون سئویلمه ین
بو هئچ بیر پئشه دئییل
اوزونده خالین آی قیز
خوشدور جمالین آی قیز
اؤلدوردو نازین منی
نه دیر خیالین آی قیز

من عاشق گولون یانسین
اوینا گولوم اوینا
یایلیغین گولو یانسین
اوینا گولوم اوینا
سنی مندن ائدنین
اوینا گولوم اوینا
آغزیندا دیلی یانسین
اوینا گولوم اوینا
اوزونده خالین آی قیز
خوشدور جمالین آی قیز
اؤلدوردو نازین منی
نه دیر خیالین آی قیز
اوخویان : سیکنه اسماعیل اوا
<$BlogPageTitle$> - <$BlogDescription$>" /> < <$BlogMetaData$>