ایلک دفعه ساحیلده ، گؤردوم اونو من
بیر گیزلی اوشوتمه ، کئچدی قلبیمدن
اوزونو توتموشدو ماوی خزره
او دنیزه باخدی ، من او گؤزلره
دینمک ایسته دیم ، دینه بیلمه دیم
دینه بیلمه دیم ، نه ائدیم بیلمه دیم
دولاندی باهار یای ، دولاندی پاییز
فیکریمدن سیلینیب ، گئتمه دی او قیز
آرادیم من اونو باغدا باغچادا
حسنونو هر زامان سالارام یادا
گؤرمک ایسته دیم ، گؤره بیلمه دیم
گؤره بیلمه دیم ، نه ائدیم بیلمه دیم
من تویا چاغریلدیم ، بیر آخشام چاغی
بئزه نیب گولوردو قوناق اتاغی
گؤره نده قاییتدیم ، من او گؤزلی
آغ لباس گئیمیشدی ، او گؤزل پری
دینمک ایسته دیم ، دینه بیلمه دیم
دینه بیلمه دیم ، نه ائدیم بیلمه دیم
اوخویان : تیمور مصطفی اف
1 comment:
سلام. لطفا خود آهنگ رو برای من بفرستید.🙏
Post a Comment