هئچ کیم بو دنیادا دوستاق اولماسین

 هئچ کیم بو دنیادا دوستاق اولماسین
اوخویور: بال اوغلان اشرف اف

سنلی گونلریمی یادیما سالیب
فکری اوزاقلارا چکیلن منم
گلمیرسن اومودوم یامان آزالیب
گؤزلری یولونا تیکیلن منم
*
قلبینه هامی دان یاخین دا من ایدیم
گؤزلریندن قاچان یوخوندا من ایدیم
اوندا یولونا چیخاندا من ایدیم
ایندی یوللاریندا چکیلن منم
*
اینسان بو دنیایا گلیب سئویلسین
گلمییب دردینه اورتاق اولماسین
درد اودور خسته نین دردی بیلینسین
اما درمانیندا سراغ اولماسین
*
او هانسی آنادیر باخیب یوللارا
گؤزوندن قانلی یاش آخیب یوللارا
هانی آتام دئیه چیخیب یوللارا
قاپی دا هیچقیران اوشاق اولماسین
*
قوی قالان گونلریم کئچمه سین آه سیز
قوی منیم سئوینجیم اولماسین ساباح سیز
دئییرم گناهلی یادا گناهسیز
هئچ کیم بو دنیادا دوستاق اولماسین
*

من ده وارام دنیادا

 من ده وارام دنیادا - اوخویور بال اوغلان اشرف اف

آدیم دوشدو دیللره
اوبالارا ائللره
شکر ائدیرم مین کره
من ده وارام دنیادا
*
هر زامان گولدو اوزوم
دردلره درمان سؤزوم
نغمه لریم بیر دوزوم
من ده وارام دنیادا
*
سینادیم دوستو یادی
حیات منی سینادی
آللاه منه قییمادی
من ده وارام دنیادا
*
ائل اوبانی دولاندیم
هامینی دوغما ساندیم
طالعیمه ایناندیم
من ده وارام دنیادا
*
هئچ یئره تله سمیرم
اومودومو کسمیرم
بیر کیمسه دن کوسمورم
من ده وارام دنیادا

نه لر گؤردوم

نه لر گؤردوم - اوخویور بال اوغلان اشرف اف  

اویاندیم ساباحیله
گؤز یاشیم سیله – سیله
اجل سازینی چالدی
دؤندوم سارالمیش گوله
گونوم دؤندو فریادا
نلر گؤردوم دنیادا
*
اریدیم گیله – گیله
گتیردیم غمی دیله
اولدوم حالی پریشان
عؤمرومو وئردیم یئله
دوشدوم بیر یانار اودا
نه لر گؤردوم دنیادا
*
فلک ائیله دی ظولوم
غملی اؤتدو بلبلوم
شوکور اولسون خدایا
منه قییمادی اؤلوم
باشیمدان گئتدی قادا
نه لر گؤردوم دنیادا

من گلنده

اوخویور: رضا رضوی
*

من گلنده پاییزایدی یازیدی
گؤللر بوتون اردک ایدی غازیدی
ایسته دیم کی نامه یازام ائللره
باخدیم گؤردوم مرکبیم آزیدی
*
من گلنده گیلانارلار گولویدو
جوان عؤمروم یار یولوندا چورودو
قلم آلدیم کاغاذ یازام دوسلارا
غم غصه لر اوره ییمی بورودو
*
من گلنده یار قایادان چیخاردی
قارا گؤزلر خمار- خمار باخاردی
خاطیریمنن چیخمیر او گونلر منیم
او باخیشلار اود ووراندی یاخاندی
*