من ده وارام دنیادا - اوخویور بال اوغلان اشرف اف
آدیم دوشدو دیللره
اوبالارا ائللره
شکر ائدیرم مین کره
من ده وارام دنیادا
*
هر زامان گولدو اوزوم
دردلره درمان سؤزوم
نغمه لریم بیر دوزوم
من ده وارام دنیادا
*
سینادیم دوستو یادی
حیات منی سینادی
آللاه منه قییمادی
من ده وارام دنیادا
*
ائل اوبانی دولاندیم
هامینی دوغما ساندیم
طالعیمه ایناندیم
من ده وارام دنیادا
*
هئچ یئره تله سمیرم
اومودومو کسمیرم
بیر کیمسه دن کوسمورم
من ده وارام دنیادا
No comments:
Post a Comment