2013-12-14

سن گلن یوللار



عؤمروم بویو بو عشق اوچون
گیزلی – گیزلی یاناجاغام
سن گلن یوللارینا
حسرتیله باخاجاغام
هئچ بیلمیرم سن سیز نئجه
بو عؤمرمو یاشییاجام
بو هیجرانین یوکون نئجه
اوره ییمده داشییاجام
دردیم اولماز یاخین اولسام سنین له
سئوینر اوره ییم گولم سنین له
گؤزلریم سئوینجدن یانار آلیشار
گلیشین دنیانی منه باغیشلار
یانیندا اولماسام بئله
هر آن سنی آرارام من
اینان عؤمرم گئتسه بئله
سنی یالقیز سانارم من
هئچ بیلمیرم سن سیز نئجه
بو عؤمرمو یاشییاجام
بو هیجرانین یوکون نئجه 
*
اوخویان : الهام گروسی
*

2013-12-13

آنا

گؤزومون نورو ، عزیز آنا
بؤیوتدون سن منی ، یانا- یانا
اودلوسان گون کیمی
بیر قاینار حیات کیمی
بورجلویام من سنه
سنه بیر ائولاد کیمی
عزیز آنانم منیم
نه کی آرزو کامین وار
قلبیم ده دوتموش قرار
آند اولسون سنه جان آنا
...
قدرینی ائل بیلیر
عطرینی گول بیلیر
ساچینین آغینا
قاراسینا قوربانام
گؤنلونون او حزین
لایلاسینا قوربانام
عزیز آنام منیم
...
بئشیگیم اوسته
لایلا چالدین
گئجه ده ن صبحه ده ک
قادامی آلدین
ایستی نفسینی
همیشه یاز بیلمیشه م
اولوب کی من سنین
قدرینی آز بیلمیشه م
عزیز آنام منیم
...
نیتین خوشدور
صافدیر سودون
قولاغیمدا قالیب
هر اؤیودون
اوغلونا قیزینا
آی اعتیبارلی آنا
نفسی گول کیمی
قلبی باهارلی آنا
عزیز آنام منیم
*
اوخویان : رشید بهبود اف
*
مادر
نور چشمانم ، جانم مادر
تو مرا بزرگ کردی ، با خون جگر
مثل خورشید سوزانی
مثل زندگی جوشانی
من بدهکارم
به تو مانند یک فرزند
مادر عزیزم
هر آرزوئی که داشتی
در دلم آرام گرفته
به تو قسم مادر
مادر جان
...
قدرتو را ایل می داند
عطرتو را گل می داند
قربان گیسوی سفید و سیاهت هستم
قربان لالائی حزین دلت هستم
مادر عزیزم
...
کنار گهواره ام
لالائی خواندی
شب تا صبح
قربان صدقه ام رفتی
نفس گرمت را
همیشه بهار دیده ام
ممکن است که من
قدر زحماتت را ندانستم
مادر عزیزم
...
نیت تو خوش است
شیرت صاف و تمیز است
در گوشم مانده
همه پندهایت
ای اعتبار و عزت پسر و دخترت مادر
نفست مانند گل
قلبت بهار مادر
مادر عزیزم

2013-11-12

دور گئدک




آی تانریمنان بخشش اولان قیسمتیم

یاری گئرچک یاری یالان قیسمتیم

وارلیغیمدا مسکن سالان قیسمتیم

واخ یئتیشدی وصال یئتدی دور گئده ک

گول چیچه یه بورونوبدو گؤی چمن

چکیلیبدی یولوموزدان گول صنم

بو دونیادا خوشبخت لری سن و من

وصال گلدی بیزه یئتدی دور گئده ک

قلبیمیزده ایلک سئوگی نین ناخیشی وار

ایستی سی وار سویوغو وار یاغیشی وار

عؤمروموزون هم ائنیشی یوخوشو وار

سئون کس لر نئجه گئتدی دور گئده ک

گوندوز هر گون گئجه سینه قاریشیر

سانیرسان کی دایانمادان یاریشیر  

بو حیات دا فرصت بیزه یاراشیر

آرامیزدان هجران ایتدی دور گئده ک

عؤمور آزدی یاماننان اوزابلق

یاخشی سیلا زیروه لره اوجالاق

آرزوم بودور سئوه – سئوه قوجالاق

قوشا دئیک عؤمور گئتدی دور گئده ک

قلبیمیزده ایلک سئوگی نین ناخیشی وار

ایستی سی وار سویوغو وار یاغیشی وار

عؤمروموزون هم ائنیشی یوخوشو وار
سئون کس لر نئجه گئتدی دور گئده ک 
 اوخویان : نازپری دوستعلی اوا
*

2013-11-09

آغارما ساچیم



آرزو سون سوز ، عؤمور یاری
آرتدی آلین قیریشلاری
سن ده انصاف اولسون باری
آغارما ساچیم آغارما
عؤمور کئچیر یامان کئچیر
قلبیمدن قارا قان کئچیر
داها گؤزل لر یان کئچیر
آغارما ساچیم آغارما  
داش دیر قلبین داش دیر جانین
یوخدور دویقون یوخدور قانین
هله گئنجم سن ویجدانین
آغارما ساچیم آغارما
نه ارکن سن الدن دوشدون
نییه دوشدون نه دن دوشدون
نئینیم جلوه دن دوشدون
آغارما ساچیم آغارما
منی غمگین گؤرسه اگر
دشمن گولر دوست غم یئیه ر 
قیزلار باخیب دایی دئیه ر
آغارما ساچیم آغارما
هله سه سیم اوجالماییب
ائل گوجوندن گوج آلماییب
هله اوره ک قوجالماییب
آغارما ساچیم آغارما
*
اوخویان : محبت کاظم اوف
*

2013-11-06

ساری گلین



ساچین اوجون هؤرمزلر
گولو غنچه درمزلر
بو سئودا نه سئودادی 
سنی منه وئرمزلر  
نئینیم آمان آمان
آس ساری گلین
بو دره نین اوزونو
چوبان قایتار قوزونو
نه اولا بیر گون گؤرم
نازلی یاریمین اوزونو
نئینیم آمان آمان
ساری گلین
*
اوخویان : پریسا ارسلانی
*

گول آچدی



گول آچدی باهار اولدو
یار مندن کنار اولدو
من یاردان آیریلالی
اوره ییم غبار اولدو
گولوم نازیله نازیله باخما
منی یاندیریب یاخما
گول آچدی خندان اولدو
درمه دیم دن دن اولدو
من سندن آیریلمازدیم
آیریلیق سنن اولدو
نازیله نازیله باخما 
منی یاندیریب یاخما 
*
اوخویان : پریسا ارسلانی
*
<$BlogPageTitle$> - <$BlogDescription$>" /> < <$BlogMetaData$>