2008-12-26

خومار اولدوم

من گلمیشم سنه قوناخ
آی یار منه باخ باخ
منه پیشیر بیر قایقاناخ
آی یار منه باخ باخ
جیران منه باخ باخ
خومار اولدوم خومار اولدوم
خومار اولدوم خومار
کتان کوینک نازیک بدن
گؤردوم بی حال اولدوم
بی حال اولدوم بی حال
کتان کوینک بندی گوموش
گؤردوم بی حال اولدوم
بی حال اولدوم بی حال

گئتدیم گؤردوم بولاخدادی
آی یار منه باخ باخ
جیران منه باخ باخ
ال اوزونو یوماخدادی
آی یار منه باخ باخ
جیران منه باخ باخ
خومار اولدم خومار اولدوم
خوماراولدوم خومار
کتان کوینک نازیک بدن
گوردوم بی حال اولدوم
بی حال اولوم بی حال

گئتدیم گؤردوم باغدا یاتیب
آی یار منه باخ باخ
جیران منه باخ باخ
قارا تئللر گوله باتیب
آی یار منه باخ باخ
جیران منه باخ باخ
خومار اولدم خومار اولدوم
خوماراولدوم خومار
کتان کوینک نازیک بدن
گوردوم بی حال اولدوم
بی حال اولوم بی حال
اوخویان : صداقت توران قیزی
*

2008-12-18

میوه لردن اوچ میوه وار

میوه لردن اوچ میوه وار
اوچوده بالام یئملی
بیر آلما ، بیری هئیوا ، بیری نار
آلما سنین ، هئیوادا سنین
نار منیم بالا ، نار منیم بالا ، نار منیم
ایندی دئییم یئملی سن یئملی
یوللاردان اوچ یول واردی
یوللاردان اوچ یول وارد
اوچوده بالام گزمه لی
بیری یئنیش ، بیری یوخوش ، بیر دوز
یئنیش سنین ، یوخوش دا سنین
دوز منیم بالا ، دوز منیم بالا ، دوز منیم

داغ باشیندان اوچو گلیر
داغ باشیندان اوچو گلیر
بیری گلین ، بیری خانیم ، بیری قیز
گلین سنین ، خانیم دا سنین
قیز منیم بالا ، قیز منیم بالا ، قیز منیم
ایندی دئییم سئومه لی سن ، سئومه لی
اوخویان : رشید بهبود اف

2008-12-02

باغبان قیزی

آی خمار باخیشلی باغبان قیزی
چادراسی ترمه دی گولو قیرمیزی
گؤزون خمارلاندیریر گؤی ده اولدوزو
جانیم باغبان قیزی گؤزوم باغبان قیزی
یاناقلاری قیرمیزی جانیم باغبان قیزی
دوداقلاری قیرمیزی جانیم باغبان قیزی

خوش بئجه ردیب باغبان گوللردن سنی
یاخشی ائشیتمیشم دیللردن سنی
سئومیشم آلارام ائللردن سنی
جانیم باغبان قیزی گؤزوم باغبان قیزی
یاناقلاری قیرمیزی جانیم باغبان قیزی
دوداقلاری قیرمیزی جانیم باغبان قیزی

بازاردا ساتدیغیم آلدی قوماشدی
گؤردوم باغبان قیزین دیلیم دولاشدی
باخدیم گؤزلرینه گؤزوم قاماشدی
جانیم باغبان قیزی گؤزوم باغبان قیزی
یاناقلاری قیرمیزی جانیم باغبان قیزی

دوداقلاری قیرمیزی جانیم باغبان قیزی

*

اوخویان: بلال علی اف

*

2008-11-22

گلین اوجاغا گلر


بلبل لر باغا گلر
سسه سراغا گلر
ائشیت اوغلان آناسی
گلین اوجاغا گلر
*
چراغلاری یاندیرین
یاتانی اویاندیرین
گلین گئدن قیزلاری
اوجاغا دولاندیرین
*
بلبل لر باغا گلر
سسه سراغا گلر
ائشیت اوغلان آناسی
گلین اوجاغا گلر
*
چوخ گونو وار یاناسی
خاطیرلاییب آناسی
ائشیتسین قایناناسی
گلین اوجاغا گلر
*
بلبل لر باغا گلر
سسه سراغا گلر
ائشیت اوغلان آناسی
گلین اوجاغا گلر
*
هر ایشده الی اولسون
شکردن دیلی اولسون
گلسن ، گلین اولونجا
ائو گرک گلین اولسون
*
بلبل لر باغا گلر
سسه سراغا گلر
ائشیت اوغلان آناسی
گلین اوجاغا گلر
*
 

2008-11-07

جاوان اولمامیسان می

جاوان اولمامیسان می

پلیس توتوب منی باسیبدیر داما
آی آتا گل خبر توتماسین آنا
اولمویه چوخدا اوزومو دانلاما
آتا سن اؤزون جاوان اولمامیسان می
اؤزون گوناهکارسان بئله گؤرموشم
ارکؤیون اولموشام سویوب سویموشم
کئفلی اولوب بیر آلچاغی دؤیموشم
هئچ عمرونده زیان اولمامیسان می
آتا سن اؤزون جاوان اولمامیسان می

دونن نریم ماشینیمی آلدی قائی
گلدی قورتاردی منی یوسوف دائی
باشیم داردادی ایلین اون ایکی آیی
سن من دن ده یامان اولمامیسان می
آتا سن اؤزون جاوان اولمامیسان می
آرتیق ایگیرمی دن کئچیب دیر یاشیم
وار ماشینیم پولوم گؤزل اوست باشیم
یت اوشاغام یوخدو باجیم قارداشیم
سن ده آمان جاوان اولمامیسان می
آتا سن اؤزون جاوان اولمامیسان می

چوخلو باشیما آچیبسان اویون
چوخ دئییبسن قارا یئره گیرسین بویون
اینجیمیرم منه دئییرسن قویون
سن اؤزون چوبان دا اولمامیسان می
آتا سن اؤزون جاوان اولمامیسان می
نه وار منی قوز قابیغینا سوخموسان
ایمتحاندان کسیلمیشم بوغموسان
اؤزون جمعی آلتی صینیف اوخوموسان
بو حسابا باکان اولمامیسان می
آتا سن اؤزون جاوان اولمامیسان می
آخشام اولور ییغیشیریق دیسکو بارا
قیزلارینان فیرلانیریق آشکارا
بوندان اؤتور گونومو ائتمیسن قارا
سن کهنه پارتیزان اولمامیسان می
آتا سن اؤزون جاوان اولمامیسان می
یادیندادیر دانیشاردیق هر دفعه
سحره یاخین هر گون گلردین ائوه
جاوان واختینی صرف ائتمیسن کئفه
بوندان دا پشیمان اولمامیسان می
آتا سن اؤزون جاوان اولمامیسان می
سن ایندی ایستیقامیتیوی سئچمیسن
من کئچه ن یولو سن او واخ کئچمیسن
قیرخ یاشاجاق سن ده یئییب ایچمیسن
ایندی اهل ایمان اولمامیسان می
آتا سن اؤزون جاوان اولمامیسان می
سن قویماسسان اوغلونو یقین باتا
ائولندیر منی قویما بختیم یاتا
من ده سنه اوخشامیشام آی آتا
سن بئله قهرمان اولمامیسان می
آتا سن اؤزون جاوان اولمامیسام می
اوخویان : ووقار

2008-11-06

قارا گؤزلریوه سنین


قارا گؤزلریوه سنین

باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
اوقدر گؤزل سن کی سن نئجه عاشق اولمویوم
وار گؤزللیگین آیا تای نئجه عاشق اولمویوم
من نه جور وورولمویوم ، من نئجه عاشق اولمویوم
حسد آپاریرسا جئیران ، قاراگؤزلرینه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
محبتین ساراییندابیر شاهام باشدا تاجیم
هر شئییم واردی منیم تک سنه دیر احتیاجیم
طبیبه سویله دیم کی خسته یم ندیر علاجیم
اشاره ائیله دی لقمان ، قارا گؤزلریوه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
سنه بیگانه لرین حالین یامان ایسته ییرم
قدر عمور ای گؤزلیم منه جانان ایسته ییرم
من اؤلرکن عزرائیلدن ده امان ایسته ییرم
کی باخیم سون دفعه بیر آن قاراگؤزلرینه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
قویما اغیار الی چکسین گئنه قارا زولفونو
یاخشی محتاج ائیله میسن منی قارا زولفونو
من چکیم اوزون دن کناره او قارا زولفونو
بوتون عالم قالیب حیران قارا گؤزلرینه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین

سنی گؤدوکجه هر سفر یئنی دن باغلانیرام
منی اینجیتمه چوخ اونسوزدا یانیب اودلانیرام
گؤزگویه باخارکن سنی اؤزووه قیزقانیرام
بیلیرم عکسیوی دوشمان قارا گؤزلرینه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
سن دورورسان یاشییرسان اما دونیا قوجالیر
عاشقین گؤزونده یار گؤزلرین اوجالیر
بو سندن آسلی دئییلکی باخیشین جانلار آلیر
دئی نئجه تاب ائیله سین جان قارا گؤزلریوه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین

موسانین باغینا گؤز یاشیملا بولاغ چکرم
سن گلن یوللار اولا ظلمت چیراغ چکرم
اؤزوم اؤز اللریمله گؤزلرینه قان چکرم
بیر نفر باخسا اگر یان قارا گؤزلرینه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
بو قارا گؤزلریوین قدرسیزدی حیرانی
بو تکبرلو باخیشلار آپاریر اینسانی
فخر ائیله مه ، دئمه یوخ گؤزلریوین نقصانی
یوخدور بیردانه نقصان ، او قارا گؤزلریوه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین

نه سیل ائیله دین سئوگیمی غم دریاسیندا
سنین تویونیدی من سه عشق یاسیندا
سنی تبریک ائله دیم گلین لیک لباسیندا
باخارام گؤزلری گریان قارا گؤزلریوه سنین
باغلییام سئوگیلی جانان ، قارا گؤزلریوه سنین
وئره ره م جانیمی دا قربان ، قارا گؤزلریوه سنین
اوخویانلار : آقشین فاتح – ائلشن خزر

2008-11-04

دئدیم شیرین اول دیلیم

دئدیم شیرین اول دیلیم
بیر گئجه سئوگیلیم او نازلی جیران
آخیر اؤز عشقینی ائیله دی اعلان
اماکی قوی هله یالواریم دئیه
دئدیم نیشانلی یام هله اؤزگه یه
گئتدی قاییتمادی کسیلدی چارام
سینم ده قور ائتدی گیزلینجه یارام
گئتدیم ائولرینه اونا یالوارام
دئدی سئوگیلیمی یالوارتمارام من

دئدیم هلیم اول دیلیم
بیر آز شیرین اول دیلیم
سن کی اینجیتدین یاری
دیلیم دیلیم اول دیلیم
اوخویان : تیمور مصطفی اف

2008-10-26

عجایب حیوانلار بنزییرسن


میخانا - عجایب حیوانلارا بنزییرسن
اوخویانلار : ائلشن خزر - آقشین فاتح
بوردا قولاق آسین
اینجیسن ده سؤزون دوزون دییه جه یم
اینجیسن ده سؤزون دوزون دییه جه یم
من سنین بو عمللرینه نئجه دؤزوم
من نه دئییم داها سنه یوخدور سؤزوم
سور سوفتیندن سو ایچمییر گؤزوم
جین لره شیطانلارا بنزییرسن
عجایب حیوانلارا بنزییرسن
*
آدینی عافیتده آچیب گلمیسن
گؤزلرین گئنه اود ساچیب گلمیسن
سانکی جهنم دن قاچیب گلمیسن
دیولره خورتدانلارا بنزییرسن
عجایب حیوانلارا بنزییرسن
*
سنین باشین بدنده ایشکنجه دیر
قیراخدان باخانلارا ائیله نجه دیر
بوینون بؤیوکسه بدنین اینجه دیر
آرمودو ایسکانلارا بنزییرسن
عجایب حیوانلارا بنزییرسن
*
سنین ده دوشوب ماراغینا تولکو
قورئی دونل ده آیاغیندا ، تولکو
بو نه دی وورموسان قولاغینا ، تولکو
ناخیشلی فینجانلارا بنزییرسن
عجایب حیوانلارا بنزییرسن
*
نه وار گئنه قاش قاباغی تؤکموسن
پنجه یین جیریلیب زیان چکمیسن
پارچا تاخماییب کولونگه تیکمیسن
زاهلتی شیروانلارا بنزییرسن
عجایب حیوانلارا بنزییرسن
*
شیرواندان وئره رم سنه پای ائلشن
گئنه نییه احوالین اولوپ زای ائلشن
قاش قاباغین یئرله گزیر آی ائلشن
پانکیروت تاخانلارا بنزییرسن
عجایب حیوانلارا بنزییرسن
*
قولونا عبس داش باق آلیب تاخمیسان
اوز گؤزون پودرا فیلان یاخمیسان
گئجه یاری یا یئتیریب ایشینه باخمیسان
اورداکی جانانلارا بنزییرسن
عجایب حیوانلارا بنزییرسن
*
سؤز دئییرم الیوی اوزووه توتورسان
کیم اولدوغونو سن هردن اونودورسان
یول گئده نده قیز کیمی بورجودورسان
بارداکی جیرانلارا بنزییرسن
عجایب حیوانلارا بنزییرسن
*
ناحاق سؤزلر ائیلیرسن آدیما
بخما منیم اوست باشیما زادیما
سنی گؤردوم عسگرلیک دوشدو یادیما
اورداکی چوربانلارا بنزییرسن
عجاییب حیوانلارا بنزییرسن
*
عسگرلیکده یوخسا سن چوخ آجیدین؟
گئجه لرین دیماغینی اویادیدین
دؤووه ردیم سنی ضعیف اوشاغیدین
ایندی پهلوانلارا بنزییرسن
عجایب حیوانلارا بنزییرسن
*
گونده بیر حوققا بیر ایش تؤره دیرسن
هر گون ایشلیرسن آلخاشلیق ائدیرسن
گئجه ده ائوه سورونه سورونه گلیرسن
قاره سوغولجانلارا بنزییرسن
عجایب حیوانلارا بنزییرسن
*
ائلشن ایچدی سنین ائوین ییخیلدی
بو جانی دا کاسیبچی لیق سیخیبدی
جاوان یاشدا اوزونه قیریش چیخیبدی
سولموش بادیمجانلارا بنزییرسن
عجایب حیوانلارا بنزییرسن
*
یاسلارا موللا سایخ گئدیرسن
احسانا هامی دان قاباق گئدیرسن
ارکن ائودن چیخاراق گئدیرسن
اوزده مسلمانلارا بنزییرسن
عجایب حیوانلارا بنزییرسن
*
سنین ده باطیل دی اوروج نامازین
قیشقیریسان توتولمویور بوغازین
میکروفونسوز دا زور چیخیر آوازین
لاپ خیار ساتانلارا بنزییرسن
عجایب حیوانلارا بنزییرسن
*
هامی خولورچون بویوروبدور سنی
خلورمو ایی لاپ اویدوروبدور سنی
خلورمو ایی یامان ووروبدور سنی
مست ائلییبدیر اویودوبدور سنی
سن جان آرخامانلارا بنزییرسن
عجاییب حیوانلارا بنزییرسن
*
ائلشن خزر نه اثرین نه یازین وار
سؤزون یوخدو تکجه خوش آوازین وار
نه ایش گوجون نه ده کی قازین وار
گیدیرمه شامپانرلارا بنزییرسن
عجایب حیوانلارا بنزییرسن
*
آی ائلشن شاعیرنه ن بیرله شیب
داها دا ایشین بیر موضویا ائل له شیب
بویون اوزانیب بئلین ده قوزمئللشیب
باخ نئجه قارتاللارا بنزییرسن
عجایب حیوانلارا بنزییرسن
*
سنی گؤرموشم گویا پیریاتمیدی
آلابولادی اوزونده شاه ماتلی دی
بیر اؤزووه باخ باشین یووارلاقمیدی
بیر اؤزووه باخ باشین یووارلاقمی دی
اللی بیر اکرانلارا بنزییرسن
عحایب حیوانلارا بنزییرسن
*
باش آچماق اولمور سنین غلطیندن
من ده دئییم سنین پیس جهتیندن
بورون بیر متیر چیخیب صوفتیندن
لاپ سولو قلیانلارا بنزییرسن
عجایب حیوانلارا بنزییرسن
*
یوز کیلویا قدر یاخینلاشمیسان
قارتی میسان لاپ یارامازلاشیبسان
توک قالمییب باشیندا دازلاشیبسان
قاپاقسیز قازانلارا بنزییرسن
عجایب حیوانلارا بنزییرسن
*
آی آکشین ازیلیرسن بوزولورسن
سن کی لاپ آیاق اوسته سؤکولورسن
اؤزون مندن بئش بئتر توکولورسن
رئزین سیز تومانلارا بنزییرسن
عجایب حیوانلارا بنزییرسن
*
جاوانلیقدا سنین اولمویوب تایین
کهنه لمیسن آی ائلشن چیخیب زایین
گئدیب های هایین قالیبدی وای وایین
قورشونسوز لیوانلارا بنزییرسن
عجایب حیوانلارا بنزییرسن
*
سنین ده آکشین اولمویور بنزه رین
اما بوگون باغلاناجاق دفترین
سنین ده دابانیندان گئدیر ترین
ایسلانمیش یورقانلارا بنزییرسن
عجایب حیوانلارا بنزییرسن
*
کوفته یئییب شیشیرمیسن قارنینی
کوفته یئییب شیشیرمیسن قارنینی
موفته یئییب شیشیرمیسن قارنینی
آرتیرما حیوانلارا بنزییرسن
عجایب حیوانلارا بنزییرسن
*
نه وار سن اوستومه میریلدییرسان
سانکی پاس آتمیسان جیریلدییرسان
سه سین ده چیخمییر میریلدییرسان
داشسیز الیشقانلارا بنزییرسن
عجایب حیوانلارا بنزییرسن
*
یئمه یینی بارماغینلا سییریرسان
گؤزوون اوسته چولقازار قاییرسان
ائله کی ساچینی اورتادان آیریرسان
ایندیسکی اوغلانلارا بنزییرسن
عجایب حیوانلارا بنزییرسن
*
ائشیتمیرسن قولاغین پیراتئزدی
اوسته لیک بیر آیاقین پوراتئزدی
همی ده دیشین داماغین پوراتئزدی
ییغیلما کاردانلارا بنزییرسن
عجایب حیوانلارا بنزییرسن

2008-10-25

یالاندی

یالاندی دنیا
منیم طالعیم یوخ یازی نئینه سین
اوغور مندن قاچیب ظفر نئینه سین
منی اؤلدورمه یه زهر نئینه سین
ایچیمده بوشلوقدو تالاندی دنیا
یالان یالان یالان یالاندی دنیا
فریادیم گؤیلره چالاندی دنیا

طوفاندا قیریلدی قولوم قانادیم
زامان یامان ووردو عمروم قالمادیم
منی دویابیله ن بیر عشق آرادیم
یالان یالان یالان یالاندی دنیا
فریادیم گؤیلره چالاندی دنیا
ایچیمده بوشلوقدور تالاندی دنیا
یالان یالان یالان یالاندی دنیا
فریادیم گؤیلره چالاندی دنیا
هر شئیینه آلاتدین منی دنیا
کوسدون بوغدون ازدین
اؤلدوردون دنیا
ریاکارسان دنیا یالانچی دنیا
یالانسان دنیا یالانسان دنیا
اوخویان : نیسا قاسم اوا

2008-10-23

ارک قالاسی

گئنه دوشدون یادیما سن
سو چیله دین اودوما سن
اؤزون سؤندور اودومو سن
ارک قالاسی ، ارک قالاسی
سن تبریزین بالاسی سان
سن ظفرلر چاراسی سان
سن ابدی قالاسی سان
ارک قالاسی ارک قالاسی

گولله لردن گؤز گؤز اولدون
بیر دوداقدا مین سؤز اولدون
من سن سیز ، سن من سیز اولدون
ارک قالاسی ، ارک قالاسی
سن تبریزین بالاسی سان
سن ظفرلر چاراسی سان
سن ابدی قالاسی سان
ارک قالاسی ارک قالاسی
اوخویان : عارف

2008-10-22

تبریزیم

گئنه دوشدون یادیما سن
سن ای تبریزیم ، تبریزیم
باخ توسکوسوز اودوما سن
سن ای تبریزیم ، تبریزیم
یوللار اوزون داغلار اوجا
گؤروشه ریک سؤیله هاچان ؟
سئوینمه دین بیر آن دا جان
سن ای تبریزیم ، تبریزیم
فیکریم اولوبدور دربدر
وطن دئییب آی ایل گئده ر
صبیرلی سن داغلار قدر
سن ای تبریزیم ، تبریزیم
یوخولاریم هراساندیر
گئنه گؤیلرین دوماندیر
سه سیمه سس وئر آماندیر
سن ای تبریزیم تبریزیم

بابامین سنگری اولدون
دیلیمین ازبری اولدون
ایللرجه شن یئریم اولدون
سن آی تبریزیم تبریزیم
اوخویان : عارف

2008-10-18

نازلی یاریم


نازلی یاریم
یاریم گل سن ناز ائیله مه
ناز ائیله مه ، ناز ائیله مه
گول اوزلو یاریم بیر باخ منه
بیر باخ منه ، بیر باخ منه
سن منیم اوچون بیردانه سن ، بیر دانه سن
ائویمیزه ایسته ردیم گلین گلسه ن یار
نازلی نازلی یاریم ای گول اوزلو یاریم
شیرین شیرین خیالین آلدی اختیاریم

سن سیز نه گوندوزوم وار نه گئجه م
اینان منه سنی سئوه جه یم
نازائیله مه یاریم بیر منه باخاسان
آرزوم بودور آناما گلین اولاسان یار
نازلی نازلی یاریم ای گول اوزلو یاریم
شیرین شیرین خیالین آلدی اختیاریم
اوخویان : صمد صمد اوف

2008-10-16

بیر گؤزل دئییشمه

تئللی – آلتای
 یئریشی دوروشو غمزه لی گؤزل
هانسی بخته وره پای یارانیبسان؟
یئرده برابرین وار ، دییه نمرم
گؤیده ملک لره تای یارانیبسان
منی بند ائیله دی عشقینین تورو
گؤزلرین جان آلیر، چشمه دن دورو
سپه لیر اوستومه گونشین نورو
اولدوز یارانیبسان آی یارانیبسان
قورچاغین آیناسین چالاندا بیلدیم
عاغلیمی باشیمدان آلاندا بیلدیم
آلتایی بو حالدا اولاندابیلدیم
عاشق داشان جوشغون چای یارانیبسان
**
آی منی درده سالان اوغلان
سن گئت اوغلان من سنین ام
سحرین دان اولدوزویام
عاشقلر صحبت سازی یام
ماحمود پاشانین قیزی یام
سن گئت اوغلان من سنین ام
گلزارام اوللام دلی
دادیمیزا یئتیشسین علی
اؤزگه سینه دئمه م ولی آلتای
سن گئت اوغلان ممن سنین ام
**
بو بیر ملک دی می گؤیلردن گلیب
گؤزلری چشمه دن دورو گؤزلدی
یئریشی جیراندی باخیشی مارال
گونش چئوره سینه نورو گؤزلدی
نئجه سیغال چکیب تئله بخته ور
ائیله بیل بال قاتیب دیله بخته ور
هر کیمه یار دئییب ائله بخته ور
سالسا کمندینه تورو گؤزلدی
سینه سی بیاض دی داغلار قاریندان
الهی بئزه ییب ناخیشلارینان
بیر پارچا اود قوپوب باخیشلارینان
یاندیرسا آلتایی ، قورو گؤزلدی
**
آلتای به ی
بیر دئی گؤروم نه دیر قصدین غرضین
حسرت قویماقدادی بو خالین منیم
آی نه چکمیسن چیله سینه کمانین
دئمیرسن سوزوب بوخاولا منی
یاخشی توخویورساندر منی سن سن
بیر دادلی میوه یم در منی سن سن
سویوق دیمه سین کی در منی سن سن
نازیک اللرین له بوخاللا منی
ذاکر دیه رکمک اولسون یارادان
تیز قورتاررام بو ساغالماز یارادان
منیم سؤزوم نییه گلیر یارادان ؟
اوولدن ائیله دین بوحالا منی
**
داغ دؤشونده بیر چیچک سن
اجازه وئر دریم سنی
عطرینی دویماق اوچون
سینه م اوسته سریم سنی
تئلیمه دون داراغیمدا
گونشه دؤن ساچلاریمدا
دور گؤزومون قاباغیندا
گونده مین یول گؤروم سنی
آلتایا باخ گئتمه دایان
حسرتیندن اوزولدو جان
اونوتمارام هئچ بیر زامان
قاراگؤزلو تریم سنی
**
ائله سنی سئوه گه یم سنین آجیغینا
یالنیز سنین اولاجایام
اوزویونده قاش اولاجایام
گؤزلرینده یاش اولاجایام
یولون اوسته داش اولاجایام
آئله سنین آجیغینا
من اؤزوم ائلچین اولاجایام
آتا آناندان آلاجایام
عشقین سلطانی اولاجایام
ائله سنین آجیغینا
دم دسگاهلی توی اولاجاق
عاشقلر میدان الاجاق
آلتای معلم به ی اولاجاق
ائله سنین آجیغینا

2008-10-10

دونیا


بوداغیمدان یارپاق تک
طالع قوپارتدی سنی
منه گتیرن یوللار
هارا آپاردی سنی؟
سنی الیمدن آلیب
کیمه یار ائتدی دنیا
غنچه آرزولاریمی
تارومار ائتدی دنیا

نه دوستوم نه سیرداشیم
نه همدمیم اولمادی
بوتون آرزولاریم تک
سن ده منیم اولمادین


اوخویان : شفا خانیم

*
دنیا
همانند برگی از شاخه ام
تو را کن ، طالعم
راهی که تو را به من رسانده بود
کجایت برد؟
تو را از من گرفته
یار چه کرد دنیا
آرزوهای جوانم را
تار و مار کرد دنیا
نه دوست و نه محرم راز
نه همدمی دارم
همانند آرزوهایم
تو هم نشدی یارم

*

2008-10-07

کؤرپه بالام


کؤرپه بالام
سن سیز نئجه یاشییارام
سحرلردن گونش دوغماز
قارانلیقلار قوجاق آچار
قارانلیقلار منی بوغار
آللاهیما هر گون دعا ائیله میشم
سنی اوندان بیرداها ایسته میشم
ایستیرم بیرداها کؤرپه اولاسان
قوجاغیمدان بیرگه آن دا
آییرمارام ، آییرمارام ، آییرمارام

قولاغینا یاواش یاواش
دئییم لای لای
کؤرپه بالام
سن سیز نئجه یاشییارام
لای لای لای لای
اوخویان : خومار قدیم اوا

2008-09-29

آمان گول گز

سوسن سنبل بیتیرمیشم
من یاراما یئتیرمیشم
عمرو باشا یئتیرمیشم
آمان گول گز، یاریم گول گز
او مه جمالین ، آلیندا خالین
یاندیردی منی ، نه دیر خیالین
یار الیندن باده ایچدیم
مطلبیمه من یئتیردیم
کجاوه سین ، بئزه میشدیم
آمان گول گز ، یاریم گول گز
او مه جمالین ، آلیندا خالین
یاندیردی منی ، نه دیر خیالین
اوخویان : آقاخان

2008-09-23

آنام

آنام
عزیز آنام گؤزل آنام
عمور بویو منه یانان
اورگیم سندن دؤیونور
منه گلسین قادان آنام
گئجه لر اویاق قالان
بئشییمی ییرقالان
آغلایاندا جان دئییب
عزیز دئییب اوخشایان

آنام آنام آنام
آی حالیما یانان
منه لای لای دئیه ن
آناما قربانام
گئجه گوندوز آغلاییرام
ال آچیرام یالواریرام
آی ایللر اولدو دئییرم
قوجالماسین منیم آنام
آنام آنام آنام
آی حالیما یانان
منه لای لای چالان
آناما قربانام
اوخویان : الهام گروسی

2008-09-17

گلین باجی

گلین باجی
گلین باجی سن اولماسان
نه گون چیخار نه آی باتار
سن بو ائوین چیراغی سان
اینان قلبیم سن سیز یاتار
آنامین یادگاری سان
گؤزوم یولدادی گله سن
قورخورام بیر گون اولا کی
گلیب منی گؤرمویه سن
گل گل گل منیم جیران باجیم
گل گل گل منیم عزیز باجیم

گلین باجیم سن گئده ندن
دئییب گولمه ک مینیم دوداغیمدا اؤلوب
باغچامیزدا گوللر وئریب
هر گون سارالیب سولوب
قویما قفسده کی قناریم
سنه خاطر اؤلسون
قویما محیت لی اینسانلار
بو دونیادان دویسون
گل گل گل منیم جیران باجیم
گل گل گل منیم عزیز باجیم

آرزوم بودور اؤزوم سنی
بخت ائوینه گؤنده رم
قربان کسه م من یولوندا
اوندان سورا اؤلمه رم
قربان اولوم بویووا
گل گل گل منیم جیران باجیم
گل گل گل منیم عزیز باجیم
اوخویان : جمشید نجفی

2008-09-12

یالوارا - یالوارا

یالوارا – یالوارا
یار – یارین گرک قئیدینه
قالا یالوارا – یالوارا
هردن اینجیمیش کؤنلونو
آلا یالوارا – یالوارا

 یارا یالوارا – یالوارا
قالدیم یالوارا – یالوارا

آز قالمیشدی تویوموزا
یار ساخلادی گئنه یازا
من ده قالدیم اینصاف سیزا
گئنه یالوارا – یالوارا
 
یارا یالوارا – یالوارا
قالدیم یالوارا – یالوارا

عاشیق دییه ر آی نورسته
وفا گرک سئون کس ده
قالدیم بیرگه سؤزوم اوسته
یارا یالوارا – یالوارا
 
یارا یالوارا – یالوارا
قالدیم یالوارا – یالوارا
اوخویان : عاشیق زولفیه
..

2008-09-08

گونوم یوخ

آتلاندیم کئچدیم داشدان
یاشماغیم دوشدو باشدان
محبت یوخمو سنده
گؤزلریم دولدو یاشدان
آتشیم وار کولوم یوخ
بلبل اولدوم گولوم یوخ
من بو عشقه دوشه لی
آغلاماقدان گونوم یوخ

عزیزیم صفا گلدین
خوش گلدین صفا گلدین
نه من اؤلوب دیریلدیم
نه سن انصافا گلدین
آتشیم وار کولوم یوخ
بلبل اولدوم گولوم یوخ
من بو عشقه دوشه لی
آغلاماقدان گونوم یوخ

سئوگیلیم عشق اولماسا ، وارلیق بوتون افسانه دیر
عشقدن محروم اولان ، انسانلیغا بیگانه دیر
عشق بیر یالقیز محبت دیر ، حیاتین جوهری
بیر کؤنول کی عشق دردین دویماسا غمخانه دیر
قوی وطن دائم ایشیقلانشین گؤزل بیر شمع تک
کؤنلوم او شمعین ضیاسین سیر ائدن پروانه دیر
گؤر وطن بیزده نه لر وار باشقا بیر عالمده ییک
هر چیچک بی نازنین ، هر غنچه بیر جانانه دیر
گؤندوز رعنا گؤزللر دیر باخیرسان هر یانا
اؤلکه میز بس ایندی بیر جنت دئییل آیا نه دیر
واحدم من سئوگیلیم مندن خیانت گررمه سن
شاهیدیم شعریم ده اؤز قلبیم کیمی مردانه دیر
اوخویان : آقاخان
...

2008-09-06

دورنا

دیلبر تئلین داراما
یوخدور سندن اراما
سن کی طبیب دئیلدین
نئیچون باخدین یاراما؟
سن هارالی سان دورنام
من بورالاردا دورمام
گل سینه م اوسته دورنام
یارالی دورنام

قارپیز کسدیم یئیه ن یوخ
آللاه دردیم بیلن یوخ
یاریم مندن باریشیب
گؤزون آیدین دئیه ن یوخ
سن هارالی سان دورنام
من بورالاردا دورمام
گل سینه م اوسته دورنام
یارالی دورنام

قارپیز کسدیم بال کیمی
دیلیم له دیم نار کیمی
گؤردوم یارین اللرین
گجه باتمیش قار کیمی
سن هارالی سان دورنام
من بورالاردا دورمام
گل سینه م اوسته دورنام
یارالی دورنام
اوخویان : آقاخان

2008-08-20

بیری سن سن بیری ده من

بیری سن سن بیری ده من
طالع سالیب بیزی اودا
چوخ اینجیدیر بیزی اودا
پروانه تک یانار اودا
بیری سن سن بیری ده من
..
بو دنیادا ایکی عاشیق
بیری سن سن بیری ده من
ایکی سی ده دلی عاشیق
بیری سن سن بیری ده من
..
سنه اولان سئوگیم درین
قلبیم ده واردی اؤز یئرین
مجنون کیمی سئون لرین
بیری سن سن بیری ده من
..
هله گلمییب اینصافا
گؤره خوش گون گؤره رضا
عشقیمیز اوچون چکن جفا
بیری سن سن بیری ده من
..
اوخویان : اراده ابراهیم اوا

2008-08-15

آناجان

آناجان
غریب آنام
غملی آنام ، جان آنام
گؤیچک آنام
باشی بلالی آنام
..
گئجه لر صبحه کیمی
منه لای لای چالمیسان
آی آنا قوربان اولوم
نه یامان قوجالمیسان
..
قلم بئله یازیر آنانین آدین
بالدا وئره بیلمز آنانین دادین
سن دنیادان دویدون مندن دویمادین
یوخوسوز گئجه نه قوربانام آنا
..
سن سیز اولوب گونوم قارا
سینیخ سازیم گلمیر شورا
سن دن آیری دوشدوم آنا
آغارمیش ساچلاریوا
قوربانام آنا
سنی اوره ییمده گزدیریرم آنا
اورگیم آی آناجان
گؤرمه سین نولار هجران
..
آی آنا سنه نغمه لر یازاجاغام
شیرین لای لای چالاجاغام
آی آنا جان آنا
ائللره آدینی یازاجاغام
بیر گول کیمی سولاجاغام
اولماسان آی آنا
..
چکدین آهی فغانی
چالدین منه لای لایی
سنه قوربان اولارام
..
آی آنا سنه نغمه لر یازاجاغام
شیرین لای لای چالاجاغام
آی آنا جان آنا
ائللره آدینی یازاجاغام
بیر گول کیمی سولاجاغام
اولماسان آی آنا
..
هر بیر ائولاد اوچون
ان بؤیوک انسان آنادیر
آتا گوهر اولا گر
لعل بدخشان آنادیر
..
عزیزیم آنام آغلار
حالیما یانان آغلار
من اؤلم کیملر آغلار
آغلاسا آنام آغلار
یاد قیز یاد اوغلو
آغلاسا یالان آغلار
..
عزیزییه م اولماسین
گل غنچه سی سولماسین
آللاهدان بیرجه دیله گیم وار
هئچ ائولاد آتاسیز آناسیز اولماسین
..
آی آنا سنه نغمه لر یازاجاغام
شیرین لای لای چالاجاغام
آی آنا جان آنا
ائللره آدینی یازاجاغام
بیر گول کیمی سولاجاغام
اولماسان آی آنا
اوخویان : رحیم شهریاری

2008-08-08

گئتمه قال

گئتمه قال عزیزیم
من بیر آللاه بنده سی سئوگی محتاجی
سن منده ، من سنده ، تاپمیشیق علاج
ایکی قلبین ایسته یی بیر قدر اولسون
بیر هیجرانین سونلوغو قوی میثالا دؤنسون
قال قال عزیزیم ، وار گئجه گونوزوم
سنین اوچون یاشیرام من گئتمه قال عزیزیم

هر گلیشین گؤیلره آپاریر منی
من اؤزومدن ده آرتیق سئومیشم سنی
ای بختیمین ائلچی سی گلیب چیخمیسان
عاشیقلرین بلاسی هاردا قالمیسان
قال قال عزیزیم ، وار گئجه گونوزوم
سنین اوچون یاشیرام من گئتمه قال عزیزیم
اوخویان : رحیم شهریاری

2008-08-06

قاچما مندن

قاچما مندن

نه گؤزل یاراتمیش یارادان سنی
ائله بیل غونچه سن گول آراسیندا
محتاجی اولدوغوم خوش سؤزلرینی
ساخلاما دوداخنان دیل آراسیندا
قاچما مندن آی سئوگیلیم
سئوگی بو دونیانین دی
قاچما مندن آی اینصاف سیز
بیر قیز بیر اوغلانین دی

نه غوصصه بیله ردی اوره گیم نه غم
سن سیز لیک کؤنلومو گؤینه دیر هر دم
گؤرورسن دردیمی دییه بیلمیره م
قالیب سؤز صحبتیم دیل آراسیندا
قاچما مندن آی سئوگیلیم
سئوگی بو دونیانین دی
قاچما مندن آی اینصاف سیز
بیر قیز بیر اوغلانین دی

گؤزل لر ایچینده سئچیلیر بویون
گؤزومه کؤنلومه تیکیلیب بویون
دوسلار سوروشورلار نه واخدی تویون
قالمیشام نه دئییم ائل آراسیندا
قاچما مندن آی سئوگیلیم
سئوگی بو دونیانین دی
قاچما مندن آی اینصاف سیز
بیر قیز بیر اوغلانین دی
اوخویان : رحیم شهریاری - بال اوغلان

2008-07-30

قولئیلی

( قولئیلی ( مولئیلی
آراز گلیر لیل ایله ، مولئیلی
دسته دسته گول ایله ، مولئیلی
یاریم منی دیندیریر ، مولئیلی
شیرین شیرین دیل ایله ، مولئیلی
آی مولئیلی مولئیلی مولئیلی
گئتمه بیزدن گیلئیلی گیلئیلی
چایمیزین آدی وار ، مولئیلی
بالدان شیرین دادی وار ، مولئیلی
بیزیم آذربایجانین ، مولئیلی
قهرمان ائولادی وار ، مولئیلی
آی مولئیلی مولئیلی مولئیلی
گئتمه بیزدن گیلئیلی گیلئیلی

پنجره نین میللری ، مولئیلی
آچیب قیزیل گوللری ، مولئیلی
اوغلانی یولدان ائیله ر ، مولئیلی
قیزین شیرین دیللری ، مولئیلی
آی مولئیلی مولئیلی مولئیلی
گئتمه بیزدن گیلئیلی گیلئیلی

اوخویان : حبیب اکبر پور
بو بیر گؤزل داش ماکی یاللی سی دیر. بیزلر مولئیلی یئرینه قولئیلی دییه ریک

2008-07-26

سنین قوجاغیندا

سنین قوجاغیندا
بو دونیانی اونودارام
گولوم سنین قوجاغیندا
نه اولارکی ایجازه وئر
اؤلموم سنین قوجاغیندا
بو دونیانی اونودارام
گولوم سنین قوجاغیندا
لال اولایدی دینمه یه یدی
دیلیم سنین قوجاغیندا

یا وعده نی بو یازا وئر
یا رحیمی گودازا وئر
یادا ایجازه وئر
اؤلوم سنین قوجاغیندا
بو دونیانی اونودارام
گولوم سنین قوجاغیندا
لال اولایدی دینمه یه یدی
دیلیم سنین قوجاغیندا

توتسا بیزی قضوو قدر
عمروم گونوم گئچه ر هدر
خوشدور منه تک سن اگر
گولوم سنین قوجاغیندا
یا وعده نی بو یازا وئر
یا رحیمی گودازا وئر
هئچ اولماسا ایجازه وئر
اؤلوم سنین قوجاغیندا
اوخویان : رحیم شهریاری
بو گؤزل اوخوماغی بورادا ائشیدین

2008-07-25

یاخان دویمه له

یاخان دویمه له
ساللانیبان گلن دیلبر
یاخان دویمه له دویمه له
منی درده سالان دیلبر
یاخان دویمه له دویمه له
دردین آلیم دردین آلیم

کؤینه یینین گولو یاشیل
سوسن سونبوله دولاشیر
نه گئیسه ن سنه یاراشیر
یاخان دویمه له دویمه له
دردین آلیم دردین آلیم
منی درده سالان دیلبر
یاخان دویمه له دویمه له
اوخویان : حبیب اکبرپور
بو گؤزل اوخوماغی بوردا ائشیدین

2008-07-20

شعره غزله


شعره غزله

سنین عشقین منی دوشورتدو دیله
نئجه عاشیق اولور بولبوللر گوله
حسرت چکدیم کؤنول وئردیم
سنی سئودیم من
بئیله بیر گؤزله
عشقیمی ته زه له
شعره غزله ، کؤنول وئردیم
شعره غزله
اگر مندن آیری گزیب دولانسان
منیم بو عشقیمه بیگانه قالسان
آلیشارام اود توتارام
هم یانارام من
اونودابیلمه ره م
سن سیز گولمه ره م
کؤنلومو وئرمه ره م هئچ کسه من
کؤنلومو وئرمه ره م
احمد کایا
به درخواست بهنام

2008-07-08

آزادلیق حسرتی

شاعر: خلیل رضا  

سن دئمه آزادلیق آیمیش گونش میش
او آیا او گونشه حسرت قالمیشام
حیات سس لی کویلو ، بیر کشمکش میش
دوغما سسه کویه حسرت قالمیشام
نیم او یئرلرده آیاق ایزیم وار
صداقت آیناسی بئش دئنیزیم وار
وفا دفینه سی فرنگیزیم وار
اونون آق اوزونه حسرت قالمیشام
روحوم مئیدانلارا سیغمایان آلای
اوچ رنگلی بایراغیم قالخ اوجال هارای
اؤپسون تئللرینی خلیل ، گونش ، آی
من سنین اوزونه حسرت قالمیشام
اوزاق دیاردایام داش قفس ده یم
بیر وطن لهینه تشنه خسته یم
منه گؤروش وئرین سفر اوسته یم
بالامین گؤزونه حسرت قالمیشام
چاتدیرین او گوله گولزارا منی 
ایتیرسم او یئرده گز آرا منی
غربت ده قویمایین مزارا منی
وطن گوندوزونه حسرت قالمیشام
خلیل سن قایاسان درده دؤزه رسن
سن کور سن خان آراز ، گؤی گؤل خز سن
یئنه او یئرلری بیرگون گزرسن
دئمه سن بو گونه حسرت قالمیشام 

در حسرت آزادی
تو نگو آزادی ماه است و خورشید
در حسرت آن ماه و خورشید مانده ام
زندگی کشمکشی پر هیاهوست 
ئدر حسرت آن هیاهو و کشمکش مانده ام
در آن سرزمین رد پایم هست
آئینه ی صداقت و پنچ دریا دارم
خزانه ی وفا و فرنگیس دارم
در حسرت روی سفیدش مانده ام
روحم در میدانها نمی گنجد
پرچم سه رنگم برخیز و فریاد کن
کاکلت را خلیل ، خورشید ، ماه ببوسد
در حسرت رویت مانده ام
در دیاری دور و داخل قفسی سنگی هستم
تشنه و در حسرت وطنم هستم
دیدار را میسر کنید که در سفرم
در حسرت دیدن چشمان فرزندم مانده ام 
مرا به آن گل و گلزار برسانید
اگر گم شوم بگرد و پیدایم کن
در غربت به مزارم نگذارید
در حسرت چشمان وطن مانده ام
خلیل ، تو همانند صخره تمحل هر دردی را داری
تو رود کور و خان آراز و خزر آبی رنگی
دوباره در آن سرزمین می گردی

نگو که در حسرت این روز مانده ام  
*
اوخویان: خومار قدیم اوا

2008-06-28

قوجالیرام


هر ایل گلیر یاش اوسته یاش قوجالیرام
حیس ائلیرم یاواش یاواش قوجالیرام

اینی منه جاوانلیغیم خیالدی
او واخدان منه چوخ خاطیره قالدی
او آنلاری فلک الیمدن آلدی
اونلا اولموشام باشا باش قوجالیرام
 
هر ایل گلیر یاش اوسته یاش قوجالیرام
حیس ائلیرم یاواش یاواش قوجالیرام

آدام وارکی عمرو اولمویوب بللی
حیات دا ایز قویمویوب هئچ عمللی
آما منه بودور وئرن تسلی
قویدوقجا من داش اوسته داش قوجالیرام

 هر ایل گلیر یاش اوسته یاش قوجالیرام
حیس ائلیرم یاواش یاواش قوجالیرام

اینسان اودور سئویب سئویلسین گرک
من ده سئویب بیرینه وئرمیشم اوره ک
جاوانلیغیمی الیمدن الان ملک
بیرجه بونو بیلئیدی کاش قوجالیرام
 
هر ایل گلیر یاش اوسته یاش قوجالیرام
حیس ائلیرم یاواش یاواش قوجالیرام

هر یاشین اؤز گؤزللیگی وار هر آن
قوجالسامدا گؤزلدیر منه دئوران
یاش اؤتدوکجه مملوک اولور هر اینسان
منده ده هئچ یوخدو تلاش قوجالیرام

 هر ایل گلیر یاش اوسته یاش قوجالیرام
حیس ائلیرم یاواش یاواش قوجالیرام

گئنج لیغیمه وار منیم شیکایتیم
چونکو قالمییبدی گوجوم طاقتیم
اؤتدوکجه ایللر اییلیر قامتیم
ائله اییلیب دئورانا باش ، قوجالیرام
 
هر ایل گلیر یاش اوسته یاش قوجالیرام
حیس ائلیرم یاواش یاواش قوجالیرام
نامیق قاراچوخورلو

2008-05-20

بو آیریلیق اوزدو منی

بو آیریلیق اوزدو منی
بو هیجرانین یولو نه اوزونویموش
آلیب گئتدی منی منیم اوزومدن
گؤزومده کی گؤز یاشلاریم سنین دی
اینجیمه بو صحبتیمدن سؤزومدن
قوربان سنه دئییم یئنه
بئله درد غمین اوزدو منی
آ سئوگیلیم دلین منم
بئله بو آیریلیق اوزدو منی

نه مدتدیر یولونا گؤز تیکمیشه م
بنفشه تکین بوینومو بوکموشم
آی گؤزلیم غم یئمه سؤیله منه
بیر آللاه بیلیر کی من نه چکمیشم
قوریان سنه ، دئییم یئنه
بئله بو آیریلیق اوزدو منی
آ سئوگیلیم ، دلین منم
بئله بو آیریلیق اوزدو منی
اوخویان : بال اوغلان

2008-05-19

تئللی

تئللی
چکمه زولفلرینی گؤرندن بری
دردیم ارتیق دؤنوب دیوانه تئللی
آی کیمی شوق سالیب آلما یاناغین
ائییله ییب چوخلارین دیوانه تئللی
تئللی تئللی تئللی تئللی تئللی
سنه قوربان اولوم آ تئللی

گؤروم ماییل اولور ار وصالینا
نئچه پروانه لر یانیر شامینا
یاراشیر لباسین گول اندامینا
من دئییرم مرد مردانه تئللی
تئللی تئللی تئللی تئللی
سنه قوربان اولوم آ تئللی

علی عسکرم شاد اولمادیم دونیادا
سنی گؤردوم دردیم اولدو زیادا
اوزون بری دؤنده ر آی ملک زادا
سنی آند وئریره م پئیمانه تئللی
تئللی تئللی تئللی تئللی تئللی
سنه قوربان اولوم آ تئللی
اوخویان : تیمور مصطفی اوف

هانی یولداش هانی قارداش

هانی یولداش
دردیمی یازمیشام دیوارا داشا
سؤزلریمی دییه نمیرم یولداشا
گئدیرم من تاپام دردریمه چاره
نییه اولدوم بو دونیادا آواره
هانی یولداش هانی قارداش دونیادا
بالیقلارین شاهی اؤلوب دریاد
ا
*
من شاعیرم منیم قلبیم کیتابدی
نییه اللاه زمانه میز خرابدی
جوانلارین آرزولاری سرابدی
اینسانلیغین عاقیبتی عذابدی
هانی یولداش هانی قارداش دونیادا
بالیقلارین شاهی اؤلوب دریادا
*
بیر ذره آزادلیق من هاردا تاپارام
طاقتیم یوخ زیندانا من آغلارام آغلارام
غمیم بیر دریادی قارانلیق دونیادی
بالیقلارین شاهی اؤلدو اؤلوسو هاردادی
هانی یولداش هانی قارداش دونیادا
بالیقلارین شاهی اؤلوب دریادا
*
اوخویان : پیمان تبریزی

صبر ائیله ای قلبیم

صبر ائیله ای قلبیم
صبر ائیله ای قلبیم ، دونیا بوجور قالماز
عاشیق اؤز عشقینی ، غربتلره سالماز
وفا نییه آزدی ، یازینی کیم یازدی
منیم هر بیر سؤزوم ، منه نییه آزدی
قلبیمین آزاد قوشو ، اسیر صیاد اولدو
جوان عشقیم سینه مده ، گول کیمی نه تئز سولدو
آرزولاریمی ، خاطیراتیمی ، یادیگاریمی
من نئجه یادیمنان آتیم
منتظیر گؤزو باخیر بو یوللارا
گؤز یاشیمی قاتمیشام من سولارا
گئدیرم دردیم اوستونه سولار آچام
سولار آپارا
کاغاذا یازدیم سؤزلریمی آتدیم سولارا
آپاردی هارا
ای وای زمانه ، منی قوجاتدین
آرزولاریمی ، چؤللره آتدین
آغاردی باشیم گؤرمه دی گؤزوم
بو آیریلیغا ،من نئجه دؤزوم
اوخویان : پیمان تبریزی

2008-05-15

هارداسان


گوللری دره ره م من
یولونا سه په رم من
او گلن یولون توپراغینی
ایلیب اؤپه رم من
*
بیر سس گلیر اوزاقدان
یارپاق دوشور بوداقدان
خبر وئریر جوان عاشیقه
منتظیردی ناواخدان
*
عاشیق گؤزلریم یوللارا باخیر
ارییر جانیم ایکی گؤزومدن آخیر
*
یادیما دوشنده وای
او شیرین سؤزلریمیز
یاندیریر سن سیز منی ای یار
او گئچن گونلریمیز
*
اریدی داغدا قارلار
گلدی عاشیق دورنالار
بلبل لر گلدی سن گلمدین
سن سیز اوره گیم آغلار
*
گؤزلریم یولدا
هارداسان هاردا
منی یوردومنان
گل غربته سالما
*
اوخویان : پیمان تبریزی
*
 

پروانه


پشیمان اولسان گه ل بیزه پروانه
گلمه سن اولارام عشقیندن دیوانه
یاندیم آی آللاه ، صبریم قوتاردی
پروانه می کیم آپاردی
*
من دوشدوم بیر درده هئچ کیم دردیمی بیلمه ز
گؤزلریم گولنده اوره گیم گولمه ز
آللاه دان سورا هئچ کیم سؤزومو بیلمه ز
*
عاشیق ناچار آغلاما
اوچ گون گوچر آغلاما
فلک باغلی قاپیسین
بیر گون اچار آغلاما
*
گول کیمی پرپر اولدوم
یاندیم قورویوب خزل اولدوم
عشقین اودونا
یاندی پروانه
بیلمه دیم نییه یاریم اولدو بیگانه
*
پشیمان اولسان گل بیزه پروانه
گلمه سن آوللانم عشقیندن دیوانه
یاندیم آی آللاه ، صبریم قوتاردی
پروانه می کیم آپاردی
*
اوخویان : پیمان تبریزی

2008-05-07

آغلییا - آغلییا

منی آغلادان گؤزل قالاسان آغلییا – آغلییا
چیغیریب عالمه سس سالاسان آغلییا – آغلییا

بایرامدا وئره ردیم هدییه نین ان قشنگینی
بلکی ده اونودموسان سن نئچه نین رنگینی
ائویوه هر گئجه گؤنده ردیغیم گول چلنگینی
گئده سن پول وئره سن آلاسان آغلییا – آغلییا
 
منی آغلادان گؤزل ، قالاسان آغلییا – آغلییا
چیغیریب عالمه سس سالاسان آغلییا – آغلییا

چوخ بؤیوک سهو ائله دینقالسا اگر دوزگونونه
منی سالدین سن عشقینده بلا سورگونونه
شوبهه سیزسنده دوشه رسن من یازیغین گونونه
دردلرین اوستونه درد قالاسان اغلییا – آغلییا
 
منی آغلادان گؤزل قالاسان آغلییا – آغلییا
چیغیریب عالمه سس سالاسان آغلییا – آغلییا

من ایندی اینتیقامیم باخ بئله ساده جه اولاجاق
سنی آهیم توتاجاق گوندوزون ده گئجه اولاجاق
بیر اؤزون دوشون گونه ن عاقیبتین نئجه اولاجاق
گونلری بیری بیرینه چالاسان آغلییا – آغلییا
 
منی آغلادان گؤزل قالاسان آغلییا – آغلییا
چیغیریب عالمه سس سالاسان آغلییا – آغلییا

ایتیرمیشم سنین تک سیرداشیمی همخانامی
هانسی گون نه ن داغیدیم درد ائویمی غمخانامی
دوشه سن ائله حالا کی دینله یه سن مئیخانامی
اوتوروب دلی کیمی ال چالاسان آغلییا – آغلییا
 
منی آغلادان گؤزل قالاسان آغلیا – آغلییا
چیغیریب عالمه سس شالاسان آغلییا – آغلییا

آیاغیم ده یه ن یئری زیارته به نزه ده سن
ایلک گؤروش مکانیمیزا هردفه تنها گئده سن
حسرتیله دولانیب سن اورانی سئیر ائده سن
دوشونوب خیاللارا قالاسان آغلییا – آغلییا
 
منی آغلادان گؤزل قالاسان آغلییا – اغلییا
چیغیریب عالمه سس سالاسان آغلییا – آغلییا

اوره گین چوخدا کی داشدیر اونودغ غم بورویه ر
سنی بیر گون عملین اؤز ارخاسیجان سورویه ر
آغلا کی داش اوره کلر آغلاماغینان ارییه ر
وار گومان بلکی ده یوموشاناسان آغلییا –آغلییا
 
منی آغلادان گؤزل قالاسان آغلییا – آغلییا
چیغیریب عالمه سس سالاسان آغلییا – آغلییا

ائله سانما بو حیات آخیردا بیلمه ز باشیوی
ائله بیر درد تاپارسان قایتارا اؤز یادداشیوی
ساخلییا بیلمه یه سن بی ایختیار گرز یاشیوی
هامینین یانیندا آل چالاسان آغلییا – آغلییا
 
منی آغلادان گؤزل قالاسان آغلییا – آغلییا
چیغیریب عالمه سس سالاسان آغلییا – آغلییا
اوخویان : نامیق قاراچوخورلو

2008-05-03

بو نه بلا

بو نه بلا
بیر گؤزل آفتین خیلی زماندیر
آلیشیب عشقینه یانار اولموشام
قایا تک محکم دیر چینار تک اوجا
ایندی من اییله ن سینان اولموشام
اینصافی موروتی او سالماز یادا
اینانماز بو دوشدویوم یانار اودا
آخیر گؤر نه گؤنه قالدیم دونیادا
ظالیم نان مرحمت اومان اولموشام
..
عمرومون جاوان چاغیندا
بیر گؤزله وورولدوم
عشقین او صاف سولاریندا
لپه لندیم قورولدوم
دیلیمی آشدیم ، دیلیم دولاشدی
قئیقاجی باخدی ، سؤزومو چاشدیم
قوربان اولوم تانری سینا
دوشدوم عشقین بلاسینا
من سؤزومو نئجه دئییم
بو ظالیمین بالاسینا
بو نه بلا ، دوشدوم نه حالا
بلکی بونو بیر زارافات سانیردی
هر باخیشی قلبیمه اود سالیردی
گؤزللیکده تک دی او قیز
سانکی ملکدی او قیز
نه هه دئدی نه یوخ دئدی
اوره گیمی چکدی او قیز
بو نه بلا دوشدوم نه حالا
داها هئچ نه دانیشمادیم
طالعیمنه ن باریشدیم
من بو عشقین آلووونا
اؤز ایچیمده آلیشدیم
گؤزوم گؤرمه یه یدی
بئله سئومه یه یدی
دیلیم لال اولایدی
گرک دینمه یه یدی
بو نه بلا دوشدوم نه حالا

اوخویان : بال اوغلان اشرف اوف

داغدا چیچک

داغدا چیچک
کؤنلوم سنه وورولدو
تکجه سنه یار اولدو
منیم عشقیم آی گولوم
گؤزلریمده دورولدو
..


داغدا چیچک سنمی سن
زولفه دوشن دن می سن
بلکه ملک کیمی سن
گؤی دن یئره انمیسه ن
..


گل نور چیله روحوما
گول دن اینجه دویغوما
نه اولار بیرده گیسه ن
بالدان شیرین یوخوما


اوخویان : شفا

2008-04-29

آمان گلین

آمان گلین
آلا گؤزون آلیب جانیم
سنه گلیر تک گومانیم
عشق اودونا قویما یانیم
سن سیز حالیم یامان منیم
*
آمان گلین ، ظالیم گلین
آمان گلین ، آمان گلین
آی قاشلاری کامان گلین
*
آغارسادا بیر آز ساچیم
مشهدی عباددان آزدی یاشیم
عشقه دوشوب یازیق جانیم
تئللرینین قاداسی منیم
*
آمان گلین ، ظالیم گلین
آمان گلین آمان گلین
آی قاشلاری کامان گلین
*
بلبل منده گول منده دیر
عاشق اؤتن دیل منده دیر
سنین دئدیگین پول منده دیر
من واریکن جاوان ندیر
*
آمان گلین ، ظالیم گلین
آمان گلین ، آمان گلین
آی قاشلاری کامان گلین
*
آغری آغرین قوی من چکیم
سنه قوربان تیمور عمین
باغچانیزدا گوللر اکیم
بال دیلینه دیسین دیلیم
*
آمان گلین ، ظالیم گلین
آمان گلین ، آمان گلین
آی قاشلاری کامان گلین
*
اوخویان : تیمور مصطفی اوف 
*

2008-04-26

تنها کیمی

تنها کیمی
منه عمی دئیه ن گؤزل
قارا ساچدا دن گؤزلدی
ایسته ک بنده اوره گینده
داغ باشیندا چن گؤزلدی
..
باخما اوزه باخما باشا
باخما ایله باخما یاشا
سن ده ن گؤزل وارمی حاشا
اوره ک سئوه ن ان گؤزلدی
..
ایللر کئچر خالا سؤزو
قلبینده سؤندوره ر کؤزو
گؤز یاشلارین به زه ر اوزو
بیله رسن کی غم گؤزلدی
..
تنها دئیه ر نه گؤزلدی
..
گونلرین بیرینده غمین اوزونه
گولنده گؤره رسن گول آغا کیمدی
اینامین اوستونن گومان توزونو
سیله نده گؤره رسن گول آغا کیمدی
..
وئجینه آلماز او بورانلی قاری
آخی یول آلیبدیر وطنه ساری
کؤکسونه سیغمایان داغلی قارلاری
گزه نده گؤره رسن گول آغا کیمدی
..
سوروشسان دئیه رلر او تنها کیمدی
..
یئریندن اوینایار یئرین رهبری
آچیلار گئجه نین نورو سحری
قلبینی داغلایان دردی کدری
گؤرنده ، گؤره رسن گول آغا کیمدی
اوخویان : تیمور مصطفی اوف

2008-04-23

بویلانا -بویلانا

پنجره دن گونش کیمی
باخیر بویلانا – بویلانا
بو جانیمی عشق اودونا
یاخیر بویلانا – بویلانا
..
سالیر منی حالدان حالا
هاردان بئله دئییم اونا
به زه نیب دوزه نیر یولا
چیخیر بویلانا – بویلانا
..
هردن یاد ائدیر بیزلری
بالدان شیرین دی سؤزلری
منی گؤره نده گؤزلری
آخیر بویلانا – بویلانا
..
سئوگیلیم لب لرین یاقوتا به نزه ر
سراسر دیشلرین دردانه به نزه ر
صدف دهانیندان چیخان سؤزلرین
هر بیری بیر خزانیه به نزه ر
..
خومار – خومار باخماق گؤز قایداسی دیر
لاله تک قیزارماق اوز قایداسی دیر
پریشانلیق زولفون اؤز قایداسی دیر
نه باد صبادا نه شانه ده دیر
..
موشتاق دیر اوزونه ، اوزو واقفین
یولوندا پای انداز اؤزو واقفین
سن سن فیکری ذیکری سؤزو واقفین
غیر سؤز یانیندا افسانه دن دیر
..
اهلی ایمان گؤرمه یه یدیم کاش
گؤرنده قالیرام شاش باش
آتام ائوین یاواش – یاواش
ییخیر بویلانا – بویلانا
اوخویان : اراده غملی

2008-04-18

گؤزل دی

گؤزل دی
اولدوزلار کهکشاندا
چای کولکه ییب داشاندا
قارتال جیلوه باشیندا
داغدا دومان گؤزل دی
گؤزلدی ، گؤزلدی
داغدا دومان گؤزلدی

ساز عاشقین الینده
قاناشاندا الینده
قورآن دیندار دیلینده
غریب ده ایمان گؤزلدی
گؤزلدی ، گؤزلدی
غریب ده ایمان گؤزلدی

سئوینجی وار غم کیمی
یاشادیلی بم کیمی
عشقینده کرم کیمی
اوددا یانان گؤزلدی
گؤزلدی ، گؤزلدی
اوددا یانان گؤزلدی

اوخویان : تیمور مصطفی اوف

2008-04-13

آنا

آنا
آناملا عمرومون گونشی گئتدی
آنالی دونیانین حسرتینده یه م
قلبین اودو گئتدی ، آتشی گئتدی
او شیرین رؤیانین حسرتینده یه م
..
اللریم الینه یئتمدی آنا
سن سیز بیر چیچکده بیتمه دی آنا
سوسدو بلبل لریم اؤتمه دی آنا
او ناغیل دونیانین حسرتینده یه م
..
الین دیه ن یئرده گوللر آچاردی
آق ساچین یولوما ایشیق ساچاردی
کدر مندن اوزاق گزه ر قاچاردی
او ملک آنامین حسرتینده یه م
..
آق ساچلاری بیر اوبایا یاراشیق
وئره ردی قلبیمه نورلو بیر ایشیق
من بوردا سن اوردا ، یالقیز قالمیشیق
هاردان چاتسین سنه سوراغیم آنا
..
گؤتوره بیلمیرم من بو گوناهی
آناسیز دونیامدا چکیرم آهی
آچیقدیر همیشه حاققین درگاهی
سن سن حاقدان یانان چیراغیم آنا
..
اورگیم دؤزمویور حاقدان آغلییر
گاه گئجه آغلییر گاه دان آغلییر
سنین حسرتینله باخ قان آغلییر
قلمیم کاغاذیم واراغیم آنا
..
آنالی دونیامی تاپابیلمیرم
نییه یاشییرام نییه اؤلمورم
آغلییر ناواختدی گؤزوم گولمورم
ائله بیل سؤنوبدو اوجاغیم آنا
..
عزیزیم آتماز آنام
دردلی لر یاتماز آنام
اوغلون غریب ائللرده
پایینا چاتماز آنام
..
بولبول گولون اوسته دیر
آوازی آهسته دیر
آنام اوغلون حسرتلی
گله بیلمیر خسته دیر
..
باشیمین تاجی آنام
درمانی تاجی آنام
درده همدم اولماغا
چاتمادی باجی آنام
..
من عاشیق ائله گلله م
آرازدان بئله گلله م
ایللر آیلار حسرتی
دولانیب گئنه گلله م
..
اوخویان : کؤنول خاسی اوا

2008-04-05

باهار گلیب

آی قیز سنی من سئویرم باخ منه
اوزاقدا دورما گؤرو ره م باخ منه
دئدیم آنام ساباح گله جک سیزه
ائلچی گلیر ایستیه سنی بیزه
باهار گلیب گوللر آچیب گل بیزه
..
گلمیه سن اؤزوم گلیرم سیزه
بیزیم کوچه نین گولوسن آی قیز
منی گؤرنده گولوسن آی قیز
سن بیلیرسن چوخدان سنه عاشقم
ناز ائلیرسن یوخ دئییرسن آی قیز
..
باهار گلیر گوللر آچیر گل بیزه
گالمیه سن اؤزوم گلیرم سیزه
اوخویان : بیلمیرم کیم اوخویوب . آنجاق بو اوخوماقی اوتوز بئش ایل بوندان قاباق ائشیتمیشه م

گئری دؤن

گئری دؤن ، ائله بو ساعات بو آن
اومودوم سولمادان
نه اولور گئج اولمادان
گئری دؤن
*

گئری دؤن ، دؤن بو حسرتی بیتیر
تئز اول اؤزونو یئتیر
عمرومه ماراق گتیر
گئری دؤن
*

هم سندن هم مندن
طالعین اوزو دؤنسه
نه اولاجاق حالیمیز
بو عئشقین اودو سؤنسه
سنده منیم کیمی
هله ده سئویرسن سه
گئری دؤن
*

گئری دؤن ، دؤن بو حسرتی بیتیر
عمرومه ماراق گتیر
گئری دؤن
*
گئری دؤن
دؤن کی سن سیز لیک
بیر قارا قورخو ایمیش
حساب ائت کی اولانلار
هامیسی یوخو ایمیش
گئری دؤن
اوخویان : شفا

برگرد
برگرد ، همین ساعت ، همین لحظه
قبل از پژمرده شدن امیدهایم
چه می شود ، قبل از اینکه دیر شود
برگرد
*
برگرد ، به این حسرت پایان بده
زود باش ، خودت را برسان
بر عمرم هیجان بیاور
برگرد
*
هم از تو ، هم از من
اگر طالع روی برگرداند
حالمان چه می شود
اگر آتش این عشق خاموش شود
اگر تو هم مثل من
هنوز هم عاشقی
برگرد
*
برگرد ، بر این عمرم هیجان بیاور
برگرد
*
برگرد
برگرد که این بی تو بودن
کابوسی تاریک است
حساب کن که آنچه پیش آمده
همه اش خواب بوده
برگرد

*

2008-03-24

تویوق توتان

منیم تویوغوم چیل چیلیدی
تویوق دئییلدی بلبلودو
آدام کیمی دیل بیلیدی
سنی یاناسان تویوق توتان
اولدالاناسان تویوق توتان
..
منیم تویوغوم آغیدی
دریسی دولو یاغیدی
دونه ن بوزامان ساغیدی
یاندیم یاناسان تویوق توتان
اودلاناسان تویوق توتان
..
مشه جاواد چیخدی داما
باخدی سولا باخدی ساغا
تویوغو چالیب آخدی داما
سنی یاناسان تویوق دوتان
اودلاناسان تویوق توتان
..
منیم تویوغوم تاوادا
اییسی گلیر هاوادا
گئدین دئیین مش جاوادا
آخ یاناسان تویوق توتان
اودلاناسان تویوق توتان
نئجه کی من یانیرام
سنی یاناسان تویوق توتان
اودلاناسان تویوق توتان
ائل ماهنی سی

2008-03-09

تئللی جئیران

تئللی جئیران

چارشنبه گونونده چئشمه باشیندا
گؤزوم بیر آلا گؤز خانیما دوشدو
تئللی جئیرانیم
آتدی موژگان اوخون گئچدی سینه مه
ناز و غمزه لری جانیما دوشدو
تئللی جئیرانیم
ایشارت ائیله دیم دردیمی بیلدی
گؤردوم هم گؤزل دی هم اهل دیل دی
تئللی جئیرانیم
آ بئله باشینی توولاییب گؤزوینه ن گولدو
گولنده قاداسی جانیما دوشدو
تئللی جئیرانیم
علی عسگرم گؤزل
سن هارا مارالی سان
دئدی نیشانلی یام ، اؤزگه مالی یام
سیندی قول قانادیم یانیما دوشدو
تئللی جئیران
آی یئری ، آی یئری ، یئری
آی بیزیم ائل لی
اؤزوم سنه قوربان ، جانیم سنه قوربان
آی شیرین دیللی
اوخویان: بلبل محمداف

هارا گئدیم

هارا گئدیم
نه لر آچمیسان منیم باشیما
باخمیرسان منیم بو گؤز یاشیما
هارا گئدیم کی چیخما قارشیما
سنین الیندن من هارا گئدیم
..
هارا گئدیم هارا گئدیم هارا گئدیم یار
سنین الیندن من هارا گئدیم
باش گرتوروب هارا گئدیم
یار الیندن هارا گئدیم
آجی دیلیندن من هارا گئدیم
..
گؤز وئریب ایشیق وئرمیرسن منه
بیلمیرم نئینه میشم من سنه
اخیر سؤزونو سؤیله سن منه
سنین الیندن من هارا گئدیم
..
هارا گئدیم هارا گئدیم هارا گئدیم یار
من سنین الیندن هارا گئدیم
یارین الیندن من هارا گئدیم
آجی دیلیندن من هارا گئدیم
اوخویان : بال اوغلان

2008-02-29

اوش گوندن بیر

سحر گه زک گؤی چیمنی
آختاراندا گؤزوم سنی
قیناماسین ناردا منی
اوش گوندن بیر بئش گوندن بیر
..
آسسالار کس سه لر هوشنگی داردان
هوشنگ آیریلماز سن کیمی یاردان
..
نده عاشیق بیهوش اولار
اوره گینده بیر قوش اولار
پنجره یه قونموش اولار
اوش گوندن بیر بئش گوندن بیر
..
آسسالار کس سه لر هوشنگی داردان
هوشنگ آیریلماز سن کیمی یاردان
..
قایا دیبی سرین اولار
دیل یاراسی درین اولار
یار بوسه سی شیرین اولار
اوش گوندن بیر بئش گوندن بیر
..
اوخویان : هوشنگ آذراوغلو

آخشام ماهنی سی

قاش قارالیر ، قولاق توتور
یاواش یاواش گئجه نی
کؤنلوم سس ده گؤزوم یولدا
گؤزله ییرم من سنی
صبرین گئتدی هاردا قالدین
قاش قارالدی گلمه دین
بلکی منیم کؤنلومده کی دؤیونتونو بیلمه دین
آه دؤیونتونو بیلمه دین
..
آیدین گؤیلر، اوجا داغلار
گؤی مئشه لر، لال سولار
سیزی گؤردوم ، اوره گیمده
آشدی داشدی آرزولار
..
صبریم گئتدی ، هاردا قالدین
بلکی منیم کؤنلومده کی
دؤیونتونو بیلمه دین
..
اوخویان : شوکت علی اکبر اوا

2008-02-26

بلبل لر اوخور

بلبل لر اوخور، چه چه وورور باغدا گول اوسته
آی اوغلان بویو بسته
گل ایلش سینه م اوسته
سن مندن جانیم ایسته
من دئییم گؤزوم اوسته
..
آلتیندا بوز آت ، چیینینده توفنگ
الینده تاتاری
آی اوغلان سنی تاری
دولان گل بیزه ساری
گئدیرسن یولا ساللام
قالارسان قادان آللام
..
به به نه گؤزل جاندیر
مگر سرو روان دیر
آی قیز اؤلدوم آماندیر
منی باشا دولاندیر
اوزون قوی اوزوم اوسته
اوره گیم دولو قاندیر
..
اوخویان : شوکت علی اکبراوا

قاییداجاغام

ساچلاریمدا اللرینین ایز یئری
دوداغیمدا دوداغینین کؤز یئری
اوره ییمده بیر گؤزلین سؤز یئری
دئییر گؤزله منی قاییداجاغام
..
کدرده ن غصه دن چاتیلان قاشلار
گؤزلریندن یاغان
آرخامجا تیکیلن نم لی باخیشلار
دئییر گؤزله منی قاییداجاغام
..
حسرتیندن قاوریلان اوره ییم
ویصالا چاتمایان آرزو دیله ییم
بوینو بوکوک قالمیش چاشقین ملکیم
دئییر گؤزله منی قاییداجاغام
..
بیرگه گزدییمیز بوزلو بولاقلار
حسرت دن سارالمیش اوتلار یارپاقلار
آغلایا آغلایا دوزلو دوداقلار
دئییر گؤزله منی قاییداجاغام
..
اوخویان : بریلیانت داداش اوا

2008-02-17

شکریه

شکریه
بیر گول سن درمیشم گئنج لیک باغیندان
بیر گولو چیچه یی درمه رم سن سیز
کامال دیر عمرومون اوغلان چاغیندا
بیر باغا باغچایا گیرمه رم سن سیز
..
شکریه طالعیم شوکور خدایا
گؤردویوم دوغرومو یوخسا بیر رویا
دولوب اوره ییمه بو دادلی رویا
یاشایا بیلمیرم بیر کره سن سیز
..
سنین له گزه رم ائل دن ائله من
باتارام چیهارام سئل دن سئله من
دوشه رم آغیزدا دیلدن دیله من
یاشایا بیلمه رم بیلمه رم سن سیز
اوخویان : آذر زینال اوف

2008-02-05

ایلن - ایلن

سوزوب قارا گؤزلرین
بئله نازیله گئتمه
سنی سئون عاشیقین
گل کؤنلونو اینجیتمه
..
ای یازیم باهاریم
ای سئویملی یاریم
دور گئتمه آماندیر
ایلن وفاداریم
..
ایلن ایلن
گل کرنلومو شاد ائیله
سؤیله سؤیله
سنی سئویرم سؤیله
..
ائیله سئوه رم سنی
اؤزون چاشیب قالارسان
اونا بونا آلدانما
آخیر منیم اولارسان
..


اوخویان : شفا

2008-01-29

گله جه یم

گله جه یم
فیکریم گئنه تامام سنین یانیندا
اوچا اوچا گله جه یم گل دئسه ن
سندن آیری بیر حسرت وار جانیمدا
یوخوما گیر اؤله جه یه م اؤل دئسه ن
گله جه یم گله جه یم گل دئسه ن
یوخوما گیر اؤله جه یم اؤل دئسه ن

سن گئدلی یار تامام جاق گؤینه ییم
روح دان غئیری قالماییبدی هئچ نه ییم
گؤرسم سنی چوخ اینجیدیر اؤلمه ییم
اؤلنده ده گوله جه یم گول دئسه ن
گله جه یم گله جه یم گل دئسه ن
اوچا اوچا گله جه یم گل دئسه ن

دوندن بئله گؤروشوموز بیر گومان
بیزی اوزوب یئتیره جک برک آمان
منیم کیمی سن ده اوردا آغلاما
گؤز یاشینی سیله جه یم سیل دئسه ن
گله جه یم گله جه یم گل دئسه ن
اوچا اوچا گله جه یم گل دئسه ن
اوخویان : رحیم شهریاری - خومار قدیم اوا

2008-01-28

سن سیز له میشم


سن سیزله میشم
باخ گولوم گلدی باهار ، آشدی بوتاقلار گؤزونو
یاریمین آغلاری گؤز یاشلاری باغلار گؤزومو
قورخورام سن سیز اؤلم آغلایاسان آرخامجا
آخ دییه سن ملکیم ، کیم سؤیر آغلار گؤزومو
نه قده ر گؤینه میشم ، نه قده ر سیزلامیشام
نئجه یالقیزلامیشام ، یار نئجه یالقیزلامیشام

بو کؤنول دفترینه درد و کدر یازدی فلک
بو غریب طالعیمه گؤر کی نه لر یازدی فلک
نئینییم من آخی سن سیزلییه اؤرگه شمه میشم
منه غربت ده کئچن غملی قدر یازدی بلک
نه قده ر گؤینه میشم ، گؤز یاشیم گیزله میشم
نئجه یالقیزلامیشام ، یار نئجه یالقیزلامیشام
اوخویان : رحیم شهریاری

2008-01-27

آی جانی یانمیش

اولدوزسان آیسان ، آی جانی یانمیش
چیچکلی یای سان ، آی جانی یانمیش
بیزی یارادان ، اولو تانری دان
سن منه پای سان ، آی جانی یانمیش
سن بو باشیما بلاسان ، بلا ، بلا
سنی گؤرنده دوشدوم نه حالا ، حالا

گول کیمی ترسن ، آی جانی یانمیش
نه بخده ورسن ، آی جانی یانمیش
یاناغی غونچه ، آغزی پوسته سن
یئریشی جئیران ، بویو بسته سن
وارمی دئولتیم ، قوی سنین اولسون
بیر جانیم قالیب ، اونو ایسته سن
سن بو باشیما بلاسان ، بلا ، بلا
سنی گؤرنده دوشدوم نه حالا ، حالا

جانلار آلاندی ، بو قاشین گؤزون
قلبیمه محرم ، هر شئیین سؤزون
سانکی دونیادان ، اوزولور الیم
بیر یول اوزومه گولنده اوزون
سن بو باشیما بلاسان ، بلا ، بلا
سنی گؤرنده دوشدوم نه حالا ، حالا
اوخویان : مناف آقایوف

2008-01-13

باخ باخ

باخ باخ

گئجه لری رویامداسان
گؤروره م کی یانیمداسان
هانسی دوزدو هانسی یالان
اؤلورم سنین اوچون
یانیرام سنین اوچون
..
بیر دفعه منه باخ
اوره گیم یاندی آخ
بو نه بلایدی نه سئودایدی
دوشدوم آی الله
..
باخ باخ بیر منه باخ
اؤلورم سنین اوچون
یاندی بو دیل یاندی دوداخ
اؤلورم سنین اوچون
یانیرام سنین اوچون
..
سحر یئلی اسدی گولوم
گؤزلرینده قالیب گؤزوم
بیر منه باخ جانیم گؤزوم
اولورم سنین اوچون
یانیرام سنین اوچون
..
باخ باخ بیر منه باخ
اؤلورم سنین اوچون
یانیرام سنین اوچون
یاندی بو دیل یاندی دوداخ
اؤلورم سنین اوچون
یانیرام سنین اوچون
اوخویان : رحیم شهریاری

سرخوش


گئجه نین اینینده گئجه کؤینه یی
یاخامین آلتیندا سینه کؤینه یی
اچین آینالاری آچین قاپینی
یولسون بلکی ده یولسون ساچینی
بو گئجه بیرآزجا بیر آز حاللی یام
بیر آزجا حاللی یام قال ما قاللی یام
گلین گئجه یه دک بیر باده سوزه ک
گئجه سرخوش اولوب آخسین سحره
دوزک سوفره میزه نه وارسا دوزه ک
گلین گئجه یه دک بیر باده سوزک
گئجه سرخوش اولوب آخسین سحره
دوزه ک سوفره میزه نه وارسا دوزه ک
گلین گئجه یه دک بیر باده سوزه ک
آچین آینالاری آچین قاپینی
یولسون بلکی ده یولسون ساچینی
سوزون باده لره گؤی گؤرو سوزون
سحره کیمین اولاجاق گئنه
گئجه یه یاتماغی قویمویاق بو گون
فلک ده یئرینده قالاجاق گئنه
بو گئجه بیرآزجا بیرآز حاللی یام
بیرآزجا حاللی یام قال ماقاللی یام
اوخویان : خومار قدیم اوا

2008-01-05

ساری شینیم

اوره گیمین یاریسی سان
گؤزلریمین قاراسی سان
وارلیغیمین یاری سی سان
ساری شینیم – ساری شینیم
..
یورولمادان باخاجاغام
هر سرحدی ییخاجاغام
اوره گینه یاتاجاغام
ساری شینیم – ساری شینیم
..
سن سیز عمرو نئجه ساییم
سن گونشیم سن ، سن آییم
قیسمتیمده تانریم آییم
ساری شینیم – ساری شینیم
اوخویان : نازپری دوستعلی اوا

آغلاما گؤزلریم

آغلاما گؤزلریم


یوواسیز قوشلار تک دربدر اولدو
یازان بئله یازدی طالعیمیزی
سنه چوخ یالواردیم آییرما دئیه
آییردین آللاهیم ، آییردین بیزی
..
گئنه آیریلیق یئل لری اسدی
فلک یامان یئرده یوللاری کسدی
گؤز یاشی هئچ نه یی قایتارماز گئری
آغلاما گؤزلریم آغلاما بسدی
..
او گئتدی گئرییه دؤنمه ز بیرداها
گئتدی ایریلیغا یامان تلسدی
آیریلیق هر شئین سونو دئییل کی
آغلاما گؤزلریم آغلاما بسدی
اوخویان : شفا

2008-01-04

کولک


کولک
گئنه پائیز گلدی قوناقلار کیمی
سولدو محبتیم یارپاقلار کیمی
اورک پیچیلدییر ، دوداقلار کیمی
کولک نییه بئله اسیرسن کولک
نییه اومیدیمی کسیرسن کولک
سئوگیلیم گؤروشه چاغیرمیش منی
من نئجه اونودوم اولوب کئچه نی
او دئییر آستاجا ، سئویرم سنی
سن نییه سؤزومو کسیرسن کولک
کولک نییه بئله اسیرسن کولک

او اوره ک آغریتدی ، اوره ک اینجیتدی
بیر عمرون سئوینجی معناسی بیتدی
سانکی او گونلریم خیال دی گئتدی
کولک نییه بئله اسیرسن کولک
نییه اومودیمی اوزورسن کولک
اوخویان : کؤنول خاسی اوا

قارا گؤز

باغچالاردا باریم وار
بیر هئیوا بیر ناریم وار
قلم قاش قارا گؤزلو
خوش باخیشلی یاریم وار
گل گل قارا گؤز
اوره گیمده یارا گؤز
دردیمه سن چارا گؤز
بری گل قارا گؤز

یاندیردی گونش منی
گون او گونده داش منی
منی گؤزلری یاخدی
یاندیرماز آغ داش منی
گل گل قاراگؤز
اوره گیمده یارا گؤز
دردیمه سن چارا گؤز
بری گل قاراگؤز

گؤزون کسمه گؤزومدن
سؤزون کسمه سؤزومدن
یار یادینان اویناشیر
عاغلیم گئتدی اؤزومدن
گل گل قاراگؤز
اوره گیمده یارا گؤز
دردیمه سن چارا گؤز
بری گل قاراگؤز

ائل ماهنیسی

2008-01-01

من سنی سئویرم

من سنی سئویرم سندن خبرسیز
داغلارین باشینا دوشن قاردیر
دوماندان خبرسیز چن دن خبرسیز
سینه می گؤیندن اینتیظار دومانی
قلبیمدن خبرسیز ، مندن خبرسیز
قیردیم اؤز عهدیمی من بیله بیله
حقین وار یانیمدان کئچ گوله گوله
اریییم اودونا قوی گیله گیله
من سنی سئویرم سندن خبرسیز
گؤر منیم قسمتیم منه نه وئرمیش
اوزاق ساحیلی ده یاخین گلرمیش
سن دئمه قارلارا قار اله نمیش
دوماندان خبرسیز چن دن خبرسیز
قیردیم اؤز عهدیمی من بیله بیله
حقین وار یانیمدان کئچ گوله گوله
اریییم اودونا قوی گیله گیله
من سنی سئویرم سندن خبرسیز
اوخویان : فلورا کریم اوا
<$BlogPageTitle$> - <$BlogDescription$>" /> < <$BlogMetaData$>