2007-07-27

من بیر گؤوه رچین اولسام

بیر ائل ماهنی سی
بو اوحوماغی چوخ قدیم زمانلار ائشیتمیشدیم . زهره خانم وفائینین ائل ماهنی لاریندا گؤردوم سیزین
اوچون یازدیم
من بیر گؤوه رچین اولسام
گؤیلره اوچسام نئینه رسن ؟
یا بیر قیزیل گول اولسام
سنی یاندیرسام نئینه رسن ؟

سن بیر قیزیل گول اولسان
منی یاندیراجاق اولسان
من بیر بالا جئیران اولسام
داغلارا قاچسام نئینه رسن ؟
سن بیر بالا جئیران اولسان
داغلارا قاچاجاق اولسان
من بیر ماهیر اووچو اولسام
سنی اوولاسام نئینه رسن

سن بیر ماهیر اووچو اولسان
منی اوولامالی اولسان
من بیر نار آغاجی اولسام
باغلاردا بیتسه م نئینه رسن ؟
سن بیر نار آغاجی اولسان
باغلاردا بیته جک اولسان
من بیردانا باغبان اولسام
ناریوی درسه م نئینه رسن ؟
سن بیر دانا باغبان اولسان
ناریمی دره جک اولسان
من بیر اووج داری اولسام
یئره سپیلسه م نئینه رسن
سن بیر اووج داری اولسان
یئره سپیله جه ک اولسان
من بیر دانا تویوق اولسام
سنی دنله سه م نئینه رسن ؟

سن بیر دانه تویوق اولسان
منی دنله یه جه ک اولسان
من بیر قیزیل آلما اولسام
صاندیغا گیرسه م نئینه ر سن ؟
سن بیر قیزیل آلما اولسان
صاندیغا گیره جه ک اولسان
من بیر دسته آچار اولسام
صاندیغی آچسام نئینه رسن ؟

سن بیر دسته آچار اولسان
صاندیغی آچاجاق اولسان
من بیر بالا گلین اولسام
صاندیقدان چیخسام نئینه رسن ؟
سن بیر بالا گلین اولسان
صاندیقدان چیخاجاق اولسان
من بیر بابیگ اوللام
یانیندا دوررام نئینه رسن ؟؟؟

No comments:

<$BlogPageTitle$> - <$BlogDescription$>" /> < <$BlogMetaData$>