گول اوغلان
قیزیل گول اویوم – اویوم
دریم سینه مه قویوم
یاغیش یاغار ، یئر دویماز
من سندن نئجه دویوم
ئوزو بیر گول ؛ سوزو بیر گول
ساچی سونبول ، گول اوغلان !
دور گل ؛ من سنه قوربان !
آی چال پاپاق ، بوز چوخا
چیت آرخالیق ، گول اوغلان
آتینی یان چک ؛ توپ قارا بیرچک
هامیدان گو یچک ؛ گول اوغلان
بوداغدا آشماق اولماز
نارینجی باشماق اولماز
بیرجوت ئوپوشدن ئوتور
یارلا ساواشماق اولماز
ائولری کوئندلن یار
بیزه گول گونده رن یار
گولون یارپیزا دونسون
مندن اوزدونده رن یار
آلما وئرسم آلمازسان
سن آلمادان قالمازسان
هانسی یاغین گولوسن
ایله دیکجه سولماز سان
ماهنی : داود محمد بیکف
No comments:
Post a Comment