قدرینی بیلمه دیم

عؤمرومه ایشیق تک یاندین سؤنمه دین

یوز یول عزاب وئردیم بیر یول دینمه دین

داها چیحیب گئدین گئری دؤنمه دین

قدرینی بیلمه دیم بیلمه دیم سنین

بختیمه گؤیلردن ائنن ملک دین

سئوگی باغیمیزدا نئچه گول اکدین

بیلمزدیم عؤمرومه بئله گرک دین

قدرینی بیلمه دیم بیلمه دیم سنین

سن چیخیب گئدلی قلبیم سینیقدی

کیمه نه قییمادین بختینه چیخدیم

من سنی سن منی سئون او واختی 

قدرینی بیلمه دیم بیلمه دیم سنین

تنهالیق قاپیمی دؤین ده بیلدیم

آیریلیق قدیمی ایه نده بیلدیم

باشیم داشدان داشا دیه نده بیلدیم

قدرینی بیلمه دیم بیلمه دیم سنین

ماهنی مین کدری سطری سن اولدون

سئوگیمین قوخوسو عطری سن اولدون

هر شئیین قیمتی قدری سن اولدون

گؤیده قارا بولودلار

پارا-  پارا بولودلار

منیم عرض حالیمی

آپار یارا بولودلار
*
اوخویان : بال اوغلان اشرف اف
*

گؤر نه زامان دیر

آی آقالار زمان گؤر نه زامان دیر

دولتدی یانیندا قول دولاندیریر

آزالیب صداقت محو اولوب حرمت

ایندی زمانه نی پول دولاندیریر

کؤچ ائیله ییب بو دونیادان کوشموین

آخریتن شربتین نن ایشمییه ن

ائوده آروادینا سؤزو گئشمییه ن

ایندی کدخدا اولوب ائل دولاندیریر

ابوذرم اولدو حالیم پریشان

آغ اوزونده قوشا خالی بو نیشان

بی غیرت فامیل دن آنلییان دوشمان

گلسه قبرینم اوسته گول دولاندیریر 
* 
اوخویان : میانالی عاشیق ممد فرزانه 
*

قارداش

دونیانین دولوسو طبیب اولسادا

یارانین آغریسین جان چکه جک دیر

قارداش قارداشینان یوز دؤیوشسه ده

یامان گونده دؤزمز قان چکه جک دیر

*

من عاشقم آغ داش دان

چشمه چیخار آغ داش دان

باجی دؤنسه باجی دان

قارداش دؤنمز قارداش دان

*

داغ لاردان گونش آچا

عالمه ایشیق ساچا

جانیمی قربان وئررم

قاپیمی قارداش آچا

*

اوخویان : میانالی عاشیق ممد فرزانه

*

چایلاردادیر

بیزیم یئرین چایلاری درین اولور

ایچمه یه ده سولاری سریان اولور

دؤرد طرفی گؤزل قیز گلین اولور

گؤزل لرین مسکنی بو چایدادیر

ایچمیشم باده بیلمیرم سئودام هاردادیر

چای بویونجا گزه ر نازلی گؤزل لر

جئیران کیمی اولکر – اولکر گزه رلر

جانیمیزی عشق اودونا اوزه رلر

گؤزل لرین مسکنی بو چایدادیر

ایچمیشم باده بیلمیرم سئودام هاردادیر

نه ییم واردیر بیل کی گئدیب سنین له

واریم دا یوخوم دا گئدیب سنین له

آی گئدر گلمزیم نه گلمز اولدون

گئجه لر یوخوم دا گئدیب سنین له

آی گونوم گوندوزوم نه گلمز اولدون

بو نئجه سئوگی دیر بو نئجه طیلسیم

ایسته رم اوستونده یارپاق دا گلسین

سنی سسله مک دن توتولوب سسیم

قارالیب نفسیم نه گلمز اولدون

گؤزوم گؤزله مک دن کور اولدو سن سیز

عشقیمیز دیل لرده جار اولدو سن سیز

بو دنیا باشیما دار اولدو سن سیز

گؤی لردن ائنمه دین نه گلمز اولدون

بیر غریب یول یولچوسویام یولومو آزمیشام من

گئچدییم هر بیر یوللاردا آدینی یازمیشام من

خیلی واخدیر آختاریرام یاریم

اونون شیرین خیالیلا پرواز آلمیشام من 

اؤز عهدینه صادق اولان بیر دیانتم من

هر عذابا سینه گرن یورولمازامتم من 

تکجه اوره ییم اؤزومون دئییل دی

اؤزگه سینین گؤزله دیغی بیر امانتم من

نه واخاق آچیلاجاق ساباحیم

اوره کلری یاندیراجاق آهیم

تانری بیلیر یوخدو منیم گوناهیم

اؤز بختیمی طالعیمه چوخدان یازمیشام من
اوخویان : بال اوغلان اشرف اف
*

گئجه لر

دایانیب آرادا آیریلیق داغی

یول چکن گؤزومه چکر گؤز داغی

او سئوگی شرابی ، او ویصال چاغی

گؤنلومو یاندیرار یاخار گئجه لر

سن گئتدین نفسیم گئتدی گلمه دی

یاشاما هوسیم گئتدی گلمه دی

دردیندن اؤله سیم گئتدی گلمه دی

گلدی بیر – بیریندن آغیر گئجه لر

گئجه لر گئجه لر گئجه لر 

گئجه لر سن سیز آغیر گئجه لر  

هانی او نغمه لر منه یازدیغین

اوره ک سس لریمه قولاق آسدیغین

سن سیز غریب سه ین ایپ لر یازدیغین

منی سینه سینه  سیخار گئجه لر

سن گئتدین نفسیم گئتدی گلمه دی

یاشاما هوسیم گئتدی گلمه دی

دردیندن اؤله سیم گئتدی گلمه دی

گلدی بیر – بیریندن آغیر گئجه لر

گئجه لر گئجه لر گئجه لر 

سن سیز آغیر گئچیر آغیر گئجه لر  

*

اوخویان : خومار قدیم اوا

*

آللاهیم من نئیچون شاعر دوغولدوم

من آرتیق نه یازیم یوردوما دایر

دشمن زهر ساچیر دوسلار گیزله نیر

بیلمه م اؤز یوردونو سئون بیر شاعر

نئیچون  بیر جانی کیمی گیزله نیر

هئچ بیر یول کسمه دیم قاچاق اولمادیم

ساکیت بیر حیاتی پوزمادیم من کی

هئچ کیمه قانلی بیر پیچاق اولمادیم

هئچ بیر قتله فرمان یازمادیم من کی

بس نئیچون غریبم دوغما بو ائل ده

محبس دیر دؤرت یانیم من کی بوغولدوم

معلوم  بیر زاماندا محکوم بیر ایل ده

آللاهیم من نئیچون شاعر دوغولدوم

*

اوخویان : خومار قدیم اوا
*

کاکتوس عید پاک