یوخوما گل

یوخوما گل
سحیرسن افسون سان ، تانری سان نه سن ؟
وارمی سلن ، یوخموسان اینانماق اولمور
عئشقینین اودونا یانماق نه خوشدور
آمما هیجرانینا دایانماق اولمور
باغیندا گزدیره ر سئون سئونی
گؤزومون ایچینه قویموشام سنی
ائله مست ائدیرسن آی گؤزل منی
مست لیق یوخوسوندان اویانماق اولمور
من سنی یوخودا گؤرورم هر گون
ان شیرین آرزولار دیلک لر کیمی
هردن قاناد آچیب پرواز ائدیرسن
باشیمین اوستونده ملک لر کیمی
گل یوخوما گل چیچک لر کیمی
گل یوخوما گل ملک لر کیمی
دئمیرم یانیم ایلک باهاردا گل
چیچکلر طوفانلی ، روزگاردا گل
آمما یوخودا یوخ آشکاردا گل
گل سؤزو نغمه لی اوره ک لر کیمی
گل یانیما گل چیچک لر کیمی
گل یانیما گل ملک لر کیمی
اوخویان بال اوغلان