سن دن دانیشیر

سن دن دانشیر

سؤز: فکرت قوجا
موزیک: رامیز میریشلی
اوخویور: شوکت علی اکبراوا
----------
گئجه کئچیر هله یانیر ایشقین
اودلانیرام، عاشیقینم، عاشیقین
اولدوزلاردا بو آخشام سن دن دانیشدی
آی دا پنجره دن یاندی آلیشدی
...
یوخون شیرین سئوگلیم، عشقین وار اولسون
سنین عشقین بختین دایم وار اولسون
اولدوزلاردا بو آخشام سن دن دانیشدی
آی دا پنجره دن یاندی، آلیشدی
...
گئجه کئجیر، اولدوز ئولور گوزله ریم
دان یئرینده دایانارام گوزله رم
خئییر اولسون ساباحین اویان سئوگیلیم
گونش کیمی افوق دان بویلان سئوگیلیم

منبع : هفته نین نغمه سی

خوشبخت اول

خوشبخت اول گولوم

بیر نغمه ایستیرم ، اورکلرده آد ائله سین
آچیلمایان کؤنول لری سئویندیریب شاد ائله سین
بیر دوسلوق ایستیرم ، ارادا پاک نیت اولسون
نه خیانت ، نه عداوت ، نسیل لره اؤرنک اولسون
بیر سئوگی ایستیرم اعتبارلی دیانت لی
من دونیادان کؤچنده ده ، او سئوگی یاشاسین من له
بیر ائولاد ایستیرم ، داغلار قدر اوجا اولسون
بیر ائوین یوخ ، عائله نین یوخ، بیر عمور ائولادی اولسون
بیر عمور ایستیرم دنیز کیمی دومان کیمی
بیر گون آدیم آنیلاندا ، قوی آنیلسین اینسان کیمی
آرزولار چوخ ، عمور یاری
یوخ دونیانین اعتباری
بیر آرزوما چاتیم باری
اولسم بئله غم یئمه رم
بیرده آرزوم وار دئمه رم
..

آرزولارا یئته بیلسم
ظولومو چکه – چکه ،
دردلری اکه – اکه
دؤزوب هر مشقته،
کاشکی هئچ سئومییه یدیم
..

آتش دی بو ، بوزدو بو
بهار دی بو ، گؤز دو بو
بیر دلی سوو قیزدی بو
کاشکی هئچ سئومیه یدیم
..

سئوگیم نفرته دؤنه ر
تئز توتوشار تئز سؤنه ر
مثال حسرته دؤنه ر
اوره گیمده گیزلی – گیزلی دؤیونه ر
کاشکی هئچ سئومه سه یدیم
..

هر ایشیم ترسه دوشسه
آییم ایلیم درده دوشسه
گومان یئری کیمه گلسه
گؤزلورم سن منه گل

..
اومیدینی ایتیرنده

گوللرین غم گتیرنده
حیات سنی بئزدیرنده

گؤزله ییرم سن منه گل

..
هله دئمه سون سؤزونو

بیرده سینا اؤز اؤزونو
آیریلیقین قوی توزونو

گؤزله ییرم سن منه گل
..

من دئمیشدیم دؤنمویه جک

کئچمیشینده کئفله نه جک
حیاتیمدان سیلینه جک

گئتمه میشدین نییه گلدین

..
باشدان باشا کین غضب سن
هم شیرین همی زهرسن
چکیلمه یه بیر گؤزل سن
گئتمه میشدین نییه گلدین

..
دؤنوشونده گؤزلیدیم
گئدیشینده اجلیدیم
سن سیزلیک له همدمیدیم
گئتمه میشدین نییه گلدین

..
بو حسرته اورگیمده دؤزوم یوخ
چوخدور سؤزوم طاقتیم یوخ ، گوجوم یوخ
منه قالان خاطرندی اؤزون یوخ
نئجه دؤزوم آیریلیغا آی الله

..
کلمه لریم دوداقلاردا بوز اولدو
گولر اوزوم سویوخلاندی بوز اولدو
سن سیز غمیم پارچالاندی یوز اولدو
نئجه دؤزوم آیریلیغا آی الله

..
اگر بیلسه م دؤنه جکسه ن
او چهره نله گوله جکسن
قالاجاقدیر آیریلیغا یامانلیق
من دؤزه رم بو حسرته آی الله

..
سن سیز اوره گیمه آجیلار دولدو
باغیمدا وعده سیز گوللریم سولدو
منه قالان بیرجوت آغلار گؤز اولدو
تکی سن خوشبخت اول خوشبخت اول گولوم

..
اعتبار گؤرمدیم یاردان یولداشدان
مرحمت اوممادیم هر قلبی داشدان
بختی کم اولموشام من ازل باشدان
تکی سن خوشبخت اول خوشبخت اول گولوم

..
بیتیب آرزولاریم ، سؤنوب حیاتیم
داها نه دانیشیم ، داها نه یازیم
ماتم ایچینده دیر سسیم آوازیم
تکی سن خوشبخت اول خوشبخت اول گولوم

..
اؤتدو گئنج لیک چاغیم هایاندا قالدی
آزدی یولونومو ، دوماندا قالدی
منیم خوشبختلیغیم گومانا قالدی
تکی سن خوشبخت اول خوشبخت اول گولوم

..
حالیمی سوراجاق بیرکس یوخ ایندی
سؤزومده شعریم ده کسر یوخ ایندی
گؤردوغون کؤنول دن اثر یوخ ایندی
تکی سن خوشبخت اول خوشبخت اول گولوم

..
عشقیمی آیاقلار آلتینا آتیب
تاپداماغین بس ندن اولدو
گیریب اوره کیمه ملک لر کیمی
سورادان آتماغا بس ندن اولدو

..
نه واخ کی دینه ردین کؤنلوم دینه ردی
گؤزوندن قلبیمه نور چیله نه ردی
قه قه هه ن دنیانی آلیب گئدردی
سؤیله دینمه زلیغین بس ندن اولدو

..
سنی طالعیمین گؤزو بیلیردیم
بیر اودلو سئوگینین کؤزو بیلیردیم
سنی محبتین اؤزو بیلیردیم
سن دویا بیلمدین بو محبتی

..
دیلیمده شعریمدیر نغمه مدیر منیم
هزین بایاتیم بسته مدیر منیم
دیلین زیارتیم مکه مدیر منیم
سن دویا بیلمه دین بو محبتی

..
هر آن هر دردیمه گله نیمیدین
سویومدون هاوامدین چؤرگیمیدین
من ائله بیلیردیم اوره گیمیدین
سن دویا بیلمه دین بو محبتی

..
ایندی گومانلاریم گومان سیزدی بیل
وئردیگیم قرار امان سیز دی بیل
داها محبتیم عنوان سیز دی بیل
چون دویا بیلمه دین بو محبتی

..
کوکرویه ن چاغلایان سولارا دؤنسه م
اسن کوکلرده گئرییه گلسه م
بیر یاز گئجه سئویله بیلسه م
داها بو سئوگینین هاراسی درد دی

..
بو ایل لر گئری یه گؤتورسون سنی
او کوسکون باخیشلار قینایار سنی
زامان بو سئوگیله سینایار سنی
بو سئوگی بئله جه صافدیر تمیزدیر
داها بو سئوگینین هاراسی درد دیر

..
یاشا بو سئوگینی سن عذاب چکمه
اوره کدی قیناما درینه گئتمه
ازلدن بئله یمیش سنین کی کوسمه
یاریمچیق کلمه دیر یاساق بیر عشق دیر
داها بو سئوگینین هاراسی درد دیر

..
گؤر بیر نئچه واخدیر حسرتینده یه م
قاییت اوره گیمه قاییت نه اولار
سون سؤزون قانلاردا تشنه لر ده یه م
قاییت اوره گیمه قاییت نه اولور

..
بو بویدا دونیادا غریبم تکم
گئجه نی گوندوزو سکسکه ده یم
سنلی گونلریمین حسرتینده یه م
قاییت اوره گیمه قاییت نه اولار

..
گئچدی آنی لاردان من سنین اوچون
دؤزدوم هر عذابا من سنین اوچون
بیرگه او گونلرین خاطیری اوچون
قاییت اوره گیمه قاییت نه اولار

..
داها بوزا دؤنوب اود نفسیمده
بیر عمور سکوت وار زیل قفسیمده
الله رضاسینا سون نفسیمده
قاییت اوره گیمه قاییت نه اولار

..
عاشق ائللر آیریسی
شانه تئللر آیریسی
بیر گونه دؤزمه زیدین
اولدون ایللر آیریسی

..
اوخویان : کؤنول خاسی اوا

کوسوب مندن

کوسوب من دن

سؤز: فکرت قوجا
موسیقی: رامیز میریشلی
*

آی شهرتیم، شانیم مینم

حالی پریشانیم، منیم

کوسوب من دن، اؤوزگه لردن

منی سوروشانیم منیم
سن دؤن سنده، من دؤنمه رم

گونش سؤنر من سؤنمه رم

عذابیندن دئیینمه رم

وار بویله نشانیم منیم
*
بیرآزجا صبر ائله ای یار مهربان گلیرم
سنین یولوندا فدادیر بو جسم و جان گلیرم
وفالی بلبلونم حسرت جمالینله
چمن چیچکلری تک باغریم اولدو قان گلیرم
منه تسلی وئرن بیر سنین خیالیندیر
او دیلبره حالیم ائدین بیان گلیرم
بهشت اولا غربت گئنه جهنم دیر
وطن محبتی وئرمیر منه مجال گلیرم
منیم بو حالیمی « واحد » نیگارا تئز یئتیرین
اونودماسین او یار هر زامان گلیرم
*
سن گیزله دیب گول اوزونو

گل قارالما گونوموزو

سؤز ائیله ییب هر سؤزومو

کوسوب، باریشانیم منیم
*

اوخویان : شوکت علی اکبر اوا
*

آمان آیریلیق

داد سنین الیندن آمان آیریلیق
مندن جان جوهریم اومان آیریلیق
قلبیمی ظولمونله رام ائله دیکجه
ایچیم ده ائیله دی کمان آیریلیق
آمان آیریلیق، یامان آیریلیق
منی جان ائویمدن ووران آیریلیق
گؤر من نه سایدیم ، فلک نه سایدی
بلکه بو باختیما یازیلان پایدی
سن منیم یارامی سیزلاتماسایدین
منی سیندیرمازدی زامان آیریلیق
آمان آیریلیق ، یامان آیریلیق
منی جان ائویندن ووران آیریلیق
او گئتدی دردیمین درمانی گئتدی
گلن خوش گونون ، فرمانی گئتدی
اولوم یوللارینین قوربانی گئتدی
دولدو گؤزلریمه دومان آیریلیق
آمان آیریلیق ، یامان آیریلیق
منی جان ائویمدن ووران آیریلیق
من سون نفس ده یه م سن جانا بسته
من قان آغلاییرام ، سن کاما بسته
قلبیم سکسکه ده ، قولاغیم سس ده
سورمه ای چرخ فلک دایان ایریلیق
آمان آیریلیق ، یامان آیریلیق
منی جان ائویندن ووران آیریلیق
اوخویانلار : خومار قدیم اوا – کباریه

بو اوخوماق یوتیوب دا بو رادا

دلی جئیران

ائل ماهنی سی – دلی جئیران

گؤزلیم عاشیقینی سالما نظردن
حسرتیندن اؤلورم گل بیزه هردن
سنه چوخدان وورولوب بو دلی کؤنلوم
نئیله ییم کی خبرین یوخدو خبردن
گل منه ناز ائله مه آی دلی جئیران
اوقارا گؤزلرینه اوموشام حئیران
بیر دؤنوب باخماقیله جانیمی آلدین
منی مجنون ائله ییب چؤل لره سالدین
من ایناندیم سنه اؤز کؤنلومو وئردیم
منی آتدین گئدیب اغیاریله قالدین
گل منه ناز ائله مه ای دلی جئیران
او قارا گؤزلرینه اولموشام حئیران
سن گزیرسن گؤزلیم غیر ایله من سیز
یوخو گلمز گؤزومهبیر گئجه سن سیز
اؤزون اینصاف ائله ای سؤیگولو دیلبر
هانسی بولبول یاشایار باغ و چمن سیز
گل منه ناز ائله مه ای دلی جئیران
او قارا گؤزلرینه اولموشام حئیران
منبع وبلاک دالغالار – پیمان وقاری

یاراما دوز سه پمه

آمان آللاه دوشدوم اودا
کؤنول وئردیم گئتدی بادا
بی وفادیر تاخدی یادا
یوخدور ایندی دیندیره نیم
یاراما دوز سه پمه منیم
...
آخیر منه داغلار چکدین
گول باغیندا قاندال اکدین
فریاد ائدیب ناله چکدین
سولدو باغیم گول چمنیم
یاراما دوز سه پمه منیم
...
اوره گیمه ووروب یارا
آتدی منی بوران قارا
یارام درین یوخدو چارا
نه طبیب وار نه مرحمیم
یاراما دوز سه پمه منیم
...
بولاق کیمی چاغلادیم من ، آی
یاریمادیم آغلادیم من ، آی
اؤز یارامی باغلادیم من ، آی
یوخدور یوکومو چکنیم
یاراما دوز سه پمه منیم
...
اوخویان : خومار قدیم اوا

بو گؤزل اوخوماقی بوردا ائشیدین

قوربان اولدوغوم

شاعر: میکائیل مشفق
اوخویان: زینب خانلار اوا

*

بیلمم نئیچون منی آتمیش اونودموش

عهد و پیمانینا قوربان اولدوغوم

یوخسا اؤزگه سینه اوزونو توتموش

یئنی سئوداسینا قوربان اولدوغوم

من دلبری سوردوم گلیب گئدن دن

دئدیلر کوسموشدور باریشماز سندن

من امتناع  ائتدیم او قاچدی من دن

قاچقین اداسینا قوربان اولدوغوم

او منیم سئوگیلیم او منیم سونام

اوندان آیری دوشمز آچیلماز آینام

بیلمه م هاردا قالدی او نازلی دورنام

او خوش صداسینا قوربان اولدوغوم

آیریلیق اودونا کؤنول دایانماز

عشق اودونا یانان بیرداها یانماز

چکدیغیم ناله دن نئیچون اویانماز

شیرین رویاسینا قوربان اولدوغوم

هیجرانی قلبیمی یاندیرار یاخار

گؤزلریم یوللارا باخار هی باخار

مشفق سنه یانار سن سیز اودلانار

ایتمیش خیالینا قوربان اولدوغوم
*

آراقچینین من ده دیر جئیران

سرمیشم چمن ده دیر جئیران

عالم گؤزله دؤنسه جئیران

منیم گؤزوم سن ده دیر جئیران

عاشیقین چوخدور سنین چوخدور

کیپریکین اوخدور سنین اوخدور

دردیندن من دلی یه م

هئچ خبرین یوخدور سنین یوخدور

اولدوز دؤنوب آی اولماز جئیران

یاز گئتمه سه یای اولماز جئیران

کؤنول سئون گؤزله جئیران

گؤزللیکده تای اولماز جئیران

عاشیقین چوخدور سنین چوخدور

کیپریکین اوخدور سنین اوخدور

دردیندن من دل یه م جئران

هئچ خبرین یوخدور سنین یوخدور

*